استديو اسوبي اصدر ديمو في 2020 ومن ثم لعبة في 2024 ونحمدالله انو اللعبة نجحت نجاح باهر " فنقدر نقول الانطلاقة كانت مع هذا اللعبة اللي هي افضل لعبة لسوني في الجيل هذا مع الاخذ بالاعتبار هذا الاستديو كان مجرد مساعد ومهمش يطور العاب vr لانو مو جاي على هوا سوني والسينمائية😊👍 " .
سبايدرمان جزء 2019 ومن ثم 2023 واحسب المدة بينهم مع انه اللعبة في نفس العالم تقريبا طبعا مع خريطة اكبر بكثير "مع وجود الكثير من المهمات اليوبوسوفتيه " ولا ننسى برضو بينهم مايلز الاضافة اللي صدرت مع البس5، انسومنياك يعتبر اسرع استديو عند سوني من ناحية اصدار الالعاب وبفارق عن بقية الفرق طبعا . استديو ريتيرنال عنده لعبة العام القادم بعد غياب من 2021 . يعني 5 سنوات غياب مع العلم انو للان ماندري حجم لعبة ساروس القادمة وفي الغالب بتكون مثل ريترنال AA.
خلينا نشوف تخبطات استديوهات سوني الكبيرة وليش "السلبية" موجودة إذا.. وترا مو كل شيء يستحق التطبيل ي محبين سوني ، ترا نتكلم على نين والاكس بوكس بنفس الطريقة واللي يغلط عادي نقول عنه غلطان لانو الشركات ليست املاك خاصة لنا...
سوني عندها رؤوس كبيرة جدا واللي المفروض هي اللي تشيل الشركة مثل نوتي دوق من 2020 غيااااب تاام واعتقد يستمر ل 2027 مع مشروع للان مو واضح الملامح والاجندة تلوح بالافق ، سانتا مونيكا مشروعين لديهم ومن 2022 "مع تضارب الاراء حول راقناروك مع انها عجبتني شخصيا" غياب تااام ولا حتى كشف او معلومة للمشاريع الموجودة اعتقد الغياب بيستمر ل 2027. وجوست اوف يوتا صدرت بعد 5 سنوات من بعد تسوشيما " مع العلم انو اللعبة بالنسبة لي قالب يوبوسوفتي مع احترام للمحبين طبعا" وفي رأيي بعد العرض تبع امس فاللعبة شبيهه جدا بالجزء الماضي واتمنى الاستديو يرجع ل انوفميس ويتبنوا افكار افضل. جوريلا جيمز اصدروا هورايزون 2 وكان احد أسوأ الحصريات هذا الجيل في رأيي لعبة مملة. وهذا كان بعد 5 سنوات من اصدار الجزء الاول ، والله اعلم الان متى بيظهروا للسطح او وش بيكون مشروعهم القادم. ناهيك عن بقية الاستديوهات اللي شغالة على العاب خدماتيه وتم الغاءها .
بدون الطرف الثالث هذا الجيل كنا بناكل هوا، فتخبط سوني لا يمكن نكرانه.
