تراه مُنتج ترفيهي، مُقتنع انت أنه منتج ترفيهي زي الألعاب المفروض ما يتعدى سعر معين عندك وفخور أنك ما دفعت أعلى، جود فور يو.
لكن تحاسب وتحكم على فلوس الناس وتتابع فين يصرفوا تسليتهم وتشوفهم هطف لأنهم دفعوا أكثر من سعرك على "ترفيه وتفاهة" هذا مرض الصراحة.
لا تتحجج بصوت بمحفظتك والصناعة بتخرب وبترتفع الأسعار وغيره هذا سويها مع الأساسيات في الحياة.
ملاهي ديزني أسعار تذاكره مو زي باقي الملاهي.
براندات الملابس نفس التصميم ونفس القطن لكن أسعارها مختلفة.
المقاهي والجلسات مختلفين في الأسعار.
أسعار تذاكر الحفلات تختلف حسب المغني.
كلهم ترفيه وكلهم مو نفس السعر وكلهم مو واجب تشتريهم وكلهم مو واجب تحاسب الناس أنهم اشتروا قطعة قماش عليه براند أغلى.
عندك قناعة في أسعار ستاندر ما ترتفع عنها لفوق بكيفك لكن ما عملت شيء بعدم شراءك له ولا شيء يُفتخر فيه مجرد بتضر نفسك وتعبت نفسك في ايش الناس قاعد تدفع في ترفيهها (تتباع ايش الناس بيصرفوا وتحكم عليهم وتوهم نفسك أنك أحسن منهم في حاجة ما تستاهل الافتخار ويخليك غثيث كل ما تراقب وتفتح الموضوع)
واذا جتا خربت صناعة الألعاب هو صناعة الألعاب خربانة خربانة وكل شيء بيغلى هي ما عملت شيء جديد. موضوع بوسيف حق الجزر بيخليك تتحرر من الأسعار والتركيز على توافه الأمور زي سعر لعبة جتا.
برضه التفاهة عندك عند غيرك متعة. وقيمة الشيء تختلف من شخص لآخر. بيجيك يوم واحد حقين الكرف في الحياة ويكره الألعاب ويشوفك إنسان تافه أنك حتى تدفع عليه حتى ١٠ ريال مو ١٠٠ دولار مو بس خسرت ودفعت بفلوسك حتى خسرت ودفعت بوقتك.
أو حتى ممكن يشوف شيء كويس زي اطعام القطط وتريية القطط تفاهة نشتري لهم أكل وتراب وتضيع فلوسك ووقتك. فلا تحاسب الناس في ايش يصرفوا متعتهم.
واذا بتربط سعر اللعبة بتقييمها وأن اذا الناس دفعوا أنه إذا طلع قليل أنهم انخدعوا وإذا طلع عالي حللوا فلوسهم برضه غلطان. انت لما تروح لمطعم فخم تقاييمه عالية وتتوقع بيعجبك ١٠٠% وبتحلل اللي دفعته كامل وعندك ضمان مراجعات الزباين بجوجل قبل ما يعني أنك بتحلل فلوسك كلها في أطباق بتناسبك وفي أطباق ما بتعجبك. حتى تذكرة السفر الترفيهية ما بتحللها كلها في أيام بتضيع وقتك وتصير مشكلة جات على لعبة؟ ممكن واحد يدفع ١٠٠ دولار ومتعته يلفلف بالسيارة في جتا بس وما همه القصة والشخصيات ولا تقاييم اللعبة ومن حقه يدفع ويستمتع بشيء يحبه.
وإذا متحمس لديث ستراندج ٢ ترى عادي تدفع السعر وتستمتع في وقته ترى انت تدفع على "فرصة" مو بس اللعبة إذا الظروف سمحت لك تلعبها الآن ومُتحمس وعندك وقت ومال تتوقع مستقبلاً بيجي نفس الظروف والحماس والوقت؟
الألعاب منتجات استهلاكية في النهاية زي الأكل إذا جعت وفي شيء نفسك فيه اشتريه لا تحرم نفسك إذا بمقدورك تدفع.
عموماً كتبت الرد لما كنت في النادي الأكسجين ما بيوصل عقلي ونعسان. فتجاهلوا الأغلاط.
