[صوت بمحفظتك] ما اشتريت ولا لعبة ب70 دولار!

[FANTASTIC DREAM]

اما تبغاني اسوي تأجيل لشرائي ل لعبة ناوتي دوج الجاية عشانها ب٧٠ دولار او ٨٠ دولار؟ فهذا وين انا و انت نختلف مع صوت بمحفظتك، الهدف عندي من اللعب اني العب شيء احب العبه و انت تقولي ان لما جا شيء احب العبه اللي هو الهدف ليش العب لازم اسوي للهدف تأجيل عشان هدف ان الالعاب تصير ارخص كصناعة هو يمكن من اكثر الاراء قمامية رأيتها في عصري بالمنتدى. الالعاب قاعدة تقدم جودة اكبر و عمر اكبر، حلالهم العشر دولار الزيادة و حلال حرامي السيارات تطلب عشر زيادة عليهم بالقيمة الكبيرة اللي تعطيها لهم. و حلالي انا استمتع بالوقت القليل اللي عندي بالحياة الان و ليس لاحقا.

 

[شيطون]

مبسوط اني كتبت هذا الموضوع، احيانا المكاشفة لو كانت قاسية تكون علاجية الحين تقدر تفكر مرتين عن تطبيع الممارسات الجشعة وليش موجودة بل تخيل صار عادي تدافع عنها وتكون مقبولة! جل الموضوع اني ما بدفع 70 دولار على لعبة لكن بشكل ما صارت كانها تمسك انت شخصيا بالذات! كل الإسبوعين الماضيين كان فيه نغمة عادي ادفع 100 دولار وبل لغة استفزازية وتشجيع عليها. الحين اقدر استخدم الموضوع كحجة مضادة وليش هذه الشركات تتعامل كذا مع اللاعبين.

من تويتر فيه ناس صار ودها أن البلاي ستيشن يدعم تابي وتمارا

يقولك الكثير

 

[Veeto]

علشان يرجع الموضوع لاساسه .. انا شخصيا دفعت 70$
واحسها ثقيلة واجد .. مو لسبب مادي .. انا اصلا سابقا غالب العابي المهتم ليهم اشتري نسخ المجمعين

لكن هالايام ما احس الالعاب تسوى 70$ .. واحسها مغامرة كبيرة وكانها مكافاة ليهم على منتجات ما تسوى

يعني اخر العابي ابو 70 بغرابة ديث ستراندنج الوحيدة يمكن اللي تستحقها .. منتج كامل فاخر .. قضيت فيه ساعات طويلة من المتعه

اما مثلا فاينل 16 .. كان سطار وكف وبوكس قاسي خلاني اعيد التفكير بمنتجات هالفريق كلها .. مستحيل اشتري ليهم لعبه باليوم الاول مرة ثانية

اثر الـ 70$ بعد .. اني صرت ما اشتري العاب
عديد العاب هالجيل .. مستحيل كنت اخليهم يمروا بدون ما اشتريهم وبعضهم حتى اليوم الاول لكن السبعين صعبه

اتفهم اللي يقول ان الصناعه والتضخم .. بس التضخم عليي انا بعد .. انا رب اسرة وكل شي حواليني جالس يتضخم

فلو اللعبه ما بتقدم ليي شي يسوى للسبعين .. بنتظرها ترخص

GTA بكون موجود باليوم الاول هذي استثناء الاستثناءات
مو بس الدوام حتى الاهل ضبطتهم علشانها !