ما هذا الهراء؟
طيب بطبق نفس كلامك على سلسلة ثانية و خلنا نسئل برضو الي ما يعرف عنها شيء :
يلا يا معشر ستيم يا محبين التخفيضات يا المتأخرين عن الحفلة.. قولوا لي وين الجزء الأول وين الريبوت وين سيكول الريبوت وين السبين اوف وين سيكول السبين اوف وين سيكول الأوريجنال وين خاتمة التروليجي وين سبين اوف التروليجي بس من خلال الصور فوق؟
اوه.. فيه مشكلة؟ يبدو واحد من الشباب بسانتا مونيكا غصب يسوي Universe لالعابه مفكر نفسه مارفل ولا شيء...
ولا أيش رأيك
@YazeedVx ؟
كلهم واضحين، في صورتين مختلفين كثير عن الباقين ومنها تعرف انه ذا شيء مختلف وجديد -ولو اني حشيت من يومين قد ايش غلاف 2018 وغلاف راجناروك شبه بعض بالمناسبة-
ومدري يعني انت تفتكر لو حطيت اللوغوز والاسامي حق الالعاب ذي بتكون حليتها؟ ايش بيعرّف المستهلك الفرق بين كرايسيس كور وايفر كرايسيس وريبيرث، كلهم فيه شعار فف7 وكلهم اغلفتهم متشابهة ونفس الشخصيات، بالعكس غلاف ريبيرث يمكن ارخصهم فيفتكره هو السبين اوف جد &
الأهم انه الموقف ذا جد حصل معاي، وقبله ايام اصدار كرايسيس كور ريميك مدري ريماستر، ترا كثيييير افتكره ريبيرث ، برضو بمجتمع الجيمرز، شفت هالشيء قدامي
اصلا حتى حصلت تأكيد ثاني هنا بنفس الموضوع لنففففس الموقف:
للحين ماافرق بين اصدارات كرايسيس كور ووش الفرق بينهم
ثاني شيء لو نرجع للمقارنة حق تخفيضات ستيم، مهو برضو في مصيبة ثانية: التخفيض يقوللك على كلللل العاب سكوير اينكس، وحاطط فف7 و فف7 و فف7 و فف7 ، طيب ليش؟ هو سكوير ما عندها غير فف7؟ مافي العاب ثانية قوية؟ مافي اجزاء فف ثانية طيب؟ هل مقام لعبة الجوال ايفر كرايسيس اهم منهم؟
لما سوني مرات تسوي تخفيضات على العابها بستيم، اللي نشوفه مش جاو و جاو و جاو و جاو، بل بتشوف هورايزون وسبايدرمان وانشارتد و...جاو، سوني قد تحلب عناوينها لكن مش عنوان واحد تحلبه لدرجة مافي غيره - اوكي هذي كذبة، ريماسترات لاست اوف اس اكثر من عدد العابها الرئيسية-
وأهم نقطة انذكرت الريدي واللي كان اساس كلامي: التشبع في فف7، التشبع متى يصير؟ لما تنزل العاب بفترات متباعدة ولا متقاربة؟ متقاربة طبعا، لأني لاحظ ما جبت سيرة الكومبايليشن حق فف7، لأنهم قدام ومر عليهم دهر وما راح احسبهم بالوضع الحالي
لكن آخر اربع سنين، من 2020 لحد 2024، في كم فف7 نزلت؟ في خمسة، وأصلا ستة لو بنحسب لعبة الباتل رويال حقت الجوالات بس ما علينا منها، نقول انها ما تحتسب، يظل في 5 اصدارات في 4 سنوات
طيب في آخر اربع سنوات ذي وبنفس الفترة، كم لعبة جاو صدرت؟ وحدة.
مو مشكلة خلنا نرجع لآخر خمس اصدارات من جاو، نرجع بشكل عكسي من آخر شيء ، راجناروك في 2022، جاو في 2018، أسينشن في 2013، 3 في 2010 ، جوست اوف سبارتا برضو في 2010، كذا وصلنا خمس اصدارات
احنا رجعنا كم سنة ورا؟ 14 سنة! خمس اصدارات في 14 سنة ما راح تشكل أي لخبطة لأي أحد
بس 5 اصدارات في 4 سنين؟ بأغلفة متشابهة؟ هنا الفرق وهذا المقصد من الاساس.
.....هذا وانا ما اتكلمت انه كل الاصدارات ذي تعتبر ريميك اصلا، ريميك هو ريميك الاصل، كرايسيس كور هو ريميك لعبة PSP، ايفر كرايسيس ايش طيب؟ هو برضو ريميك! لا وكمان ريميك كلللل فف7! وريبيرث هو ريميك فف7 برضو، بس تكملة لريميك 2020، المستهلك مش بس يلخبط من كثرة فف7 نفسها، لكن لأنه فعليا كل الاصدارات ذي هي "ريميكات" ، فيحتار ايش هو الريميك الصحيح اللي يبغاه
