شيء محيرني في الـ Wii مع الـ HD TV الويد سكرين

[BioMario]

السلام عليكم روحمة الله وبركاتة


شباب الكل يعرف ان الوي ما يدعم الوضوح العالي
الشيء إلي محيرني هو .. ان شغت في بعض العروض زمان ما اذكر وين شفت العاب على الوي
على شاشة عريضة ( وايد سكرين ) و الصور فيها عريضة يعني كأن الصورة ممدودة يعني مسحوبة من الجوانب ..

ولو بنلاحظة في E3 مثل ماريو جلاكسي و زلدا و رد ستيل مافي اي مشاكل مع الشاشات العريضة

المهم سؤال هو : هل عندما اشتري الـ Wii و اركبة على تلفزيون وايد سكريت هل تطلع الصور ممدودة ؟
او تطلع طبيعية مثل الـ E3 بدون اي مشاكل ؟

لأني اشوف افلام مركبة على الشاشات العريضة اشوف الشخصياتكأنها منفوخة و عرضية ..
ان شاء الله فهمتو قصدي 🙄

 

[AMOR]

سؤالك ببساطة زي مافهمته : هل يدعم الوي الوايد سكرين ؟

في E3 ذكروا انه يدعم لجميع الالعاب حتى زيلدا على الوي بتكون وايد سكرين

 

[squall leonhart]

اخوي ماتركس الوايدسكرين ماله اي علاقه بدعم ال hd ابدا و كثير من التلفزوينات تدعم الوايد سكرين دون HD .. و الوايد سكرين قديييييييييييييييييييييييم جدا و منتشر بالعالم من زمان ... حتى انه كثير من العاب الجيل الحال تدعم الوايد سكرين

 

[Nintendo]

الجهاز يدعم الوايد سكرين ويدعم الHD 480 فقط ..

اغلب الناس مايعتبروا ال 480 نوع من الHD ويعتبروه بروجرسف عادي .. ولكن اذا اشتريت وايد سكرين ماراح تواجه اي مشاكل وبتشوف الالعاب بعرض الشاشه وبكل اناقه 😉

 

[BioMario]

شكراً شباب جزاكم الله خير ^_^ ..
نعم اخوي ANOR هذا إلى قصدي ( لول ما عرفت كيف افهمكم الحمد لله فهمتو )
شكراً مرة ثانية

 

[BioMario]

انزين شباب حتى لو شغلت على التلفزيون رسيفر ابي اشوف الترلفزيون يعني ..
هل تطلع الصور عريضة و لا مضبوطة ..؟ ولا احتاج إلى رسيفر خاص للوايد سكرين

 

[king zell]

انزين شباب حتى لو شغلت على التلفزيون رسيفر ابي اشوف الترلفزيون يعني ..
هل تطلع الصور عريضة و لا مضبوطة ..؟ ولا احتاج إلى رسيفر خاص للوايد سكرين

تحتاج سيرفر خاص يستقبل اشارة الwidescreen و تكون ضمن خياراته

 

[BioMario]

كيف سيرفر ..؟
شكلك مافهمتني ^^.. اقصد اشغل تلفزيون مع الرسيفر لكن اريد القنوات مضبوطة موب عريضة ..
اقصد هل في رسيفر خاص للوايد سكرين وياليت صورة واحدة لهذا الرسيفر ..

وجزاكم الله خير

 

[Khalid-S]

كيف سيرفر ..؟
شكلك مافهمتني ^^.. اقصد اشغل تلفزيون مع الرسيفر لكن اريد القنوات مضبوطة موب عريضة ..
اقصد هل في رسيفر خاص للوايد سكرين وياليت صورة واحدة لهذا الرسيفر ..

وجزاكم الله خير

ميتريكس ,, محمد قصده " ريسيفر " بس الكيبورد كتب " سيرفر " خخخخ تعرف اليد تحب الكتابات الي تكتبها اكثر.

في ريسيفرات HD ,, متوفره في امريكا لكن لسه القنوات الي تدعمها قليله ... في اوروبا قنوات تنعد على الاصابع ,, عندنا فقط قنوات WC art وبعد كاس العالم بتروح .. فما في فايده تشتري ريسيفر HD

اما الـWide screen .. بعض الريسيفرات ( مثل حقي ) تدخل الـOptions ويطلع لك خيار تحط الشاشه 19:6

 

[Conqueror]

بسم الله الرحمن الرحيم

اخوي ماتركس الوايدسكرين ماله اي علاقه بدعم ال hd ابدا و كثير من التلفزوينات تدعم الوايد سكرين دون HD

مثل تلفزيوني... و الألعاب بشغلها عليه وايد سكرين و شاشة عادية ما أتذكر أني واجهت مشكلة مع أي لعبة على الوايد سكرين (الكلام من أيام الدريم كاست)

 

[Naif]

في العاب يكون فيها خيار الوايدسكرين .. بس يوم اختاره تبقى الشاشة نفس ما هي (الرسومات تصبح اطول + مع الحواف السوادء على الجوانب .. ) في حل لهذي المشكلة؟

 

[BioMario]

اما الـWide screen .. بعض الريسيفرات ( مثل حقي ) تدخل الـOptions ويطلع لك خيار تحط الشاشه 19:6

ياليت اسم وموديل الرسيفر ..
وبعدين ما يطلع اي تشوه للصورة ؟
يعني ما تطلع عريضة ولا اي مشكلة ؟

 

[Nintendo]

في العاب يكون فيها خيار الوايدسكرين .. بس يوم اختاره تبقى الشاشة نفس ما هي (الرسومات تصبح اطول + مع الحواف السوادء على الجوانب .. ) في حل لهذي المشكلة؟

تلفزيونك وايد سكرين نايف !! هذا الشئ مايصير غير مع التلفزيونات 3:4 🙂

احلى شئ العاب الكوبي على البلايستيشن2 اللي تدعم البروقراسف سكان يوم تشغله تحصل اللعبه صارت بمربع صغغغير وسط الشاشه او باحدى الاركان .. نادرا ماحصل لعبة كوبي تشغل البروقراسف سكان بشكل جيد ..

 

[Naif]

تلفزيونك وايد سكرين نايف !! هذا الشئ مايصير غير مع التلفزيونات 3:4

هيه يدعم الوايد سكرين : http://www.samsung.com/au/products/tv/lcdtv/la26r51b.asp

شوف كيف يطلعلي:
اذا شغلت دي في دي(بواسطة البلاي ستيشن 2 ) تطلع الشاشة كاملة:

اي لعبة ما تطلع الشاشة كاملة ( في الصورة GOW محول الخيارات للوايد سكرين + بروجراسيف سكان .. و اللعبة اصلية) :

(اسف على وضوح الصور .. من الموبايل على السريع .. )

 

[Humam]

نايف الله أعلم لكن احتمال تغير شي في إعدادات التلفزيون.. كنت أقرا زي كذة مشاكل في ال GAF.. على ال 360 خصوصا.

 

[Nintendo]

اعتقد اذا كنت تملك كومبونت البروقراسف سكان وايد سكرين للبلايستيشن2 فالمروض تكون اللعبه على الشاشه كاملة ..

مادري والله لانه المشكلة ماعندي شاشة وايد سكرين ..

 

[Xeno]

لول إذا أنا مب فاهم الموضوع غلط فهذي المشكلة صادفتني فبداياتي مع الوايد سكرين!

أول شيء الحين أنت حطيت setting اللعبة على نظام الوايد سكرين؟ أوكي... حطيت التلفزيون؟ p:

لأن حتى لو كان التلفزيون وايد سكرين, فهو يدعم 3:4 وأشكال ثانية.

 

[Naif]

في خيار في الريموت مكتوب عليه p.size هذا اقدر اغير فيه حجم الشاشة .. لكن مهما غيرت تبقى الاشرطة السوداء حول الشاشة .. (الخيارات : 4:3 - عريض - بانورامي - تكبير ) .. و هذي المشكلة بس في الالعاب .. قنوات التلفزيون و الدي في ديز تطلع full .. لكن الالعاب يكون في هذي الهوامش ..

ما فيني اقعد اقرا كتاب المستخدم P:

بحاول باجر اتعبث شوي و بقولكم شو يصير .. شكرا للجميع ^^