شوتايم - أوربت - ايه ار تي ؟

[BioMario]

السلام عليكم ورحمة الله وبركاتة ..

شباب انا ان شاء الله تاريخ 5/6/2007
بتخرج من الثنوية بأذن الله ..

وناوي اركب لي دش يديد فمحتار بين شوتايم - أوربت - ايه ار تي
طبعاً رح اشتري تلفزيون HDTV بعدها بكم يوم بشترك في واحدة من هذه الشركات ان شاء الله ...
فقلت لو اكتب الموضوع في المنتدى افضل لأن في اولاد كثير مشتركين و مجربين ..

فعندي اسألة ياليت إلي يعرف يجاوب عليها و جزاكم الله خير :-

- هل يوم اشتري رسيفر ابو الكروت اقدر اركب علية عربسات و نايلسان و شوتايم مثلاً في رسيفر واحد ؟

- هل القنوات بتكون HD في شوتايم مثلاً ..؟
- ماهو افضل رسيفر ؟
- الأشتراك السنوي بكم سعرة تقريباً ؟ في الموقع موب مكتوب فيه شي عن الأسعار في السنه
- انا إلي خلاني ابي اشترك هو اني اريد اشوف المسلسلات على التلفزيون و اخر الأفلام و قنوات ديسكفري اهم شي عندي
- هل استطيع ان احط كل قنوات شوتايم او اشتراكي الكامل بمعنى اصح في شوتايم في بطاقة واحدة ؟
- الشغله كلها كم رح تكلف تقريباً ؟
- هل استطيع ان اشتري الرسيفر المخصص للكروت و الصحن ( القرص الدائري الحديدي ) من اي محل و اشتري بطاقه معهم و اقول للمحل حط لي اشتراك شوتايم على هذي البطاقة وخلاص ؟
ولا لازم كل شي مخصص ..؟

وجزاكم الله خير
وانتظر ردودكم
لأني صراحة اول مرة اشترك وما اعرف شو بخصوص الكروت و الأشتراكات وهذي السوالف ..

 

[Khalid-S]

انا شخصياَ افضل اوربت عن البقيه من زمااااااان ... لكن يمكن اسبابي غير مقنعه ..
لكن حسب علمي ان افلام اوربت الي باشتراك مثل Tv Max والاشياء هذي تجيب اوربت افلام اجدد من شوتايم ..

لكن شوتايم فيه قنوات كثييييره للمسلسلات مثل كوميدي تشانل وتي في لاند ووالخ .. ونفس الشي اوربت لكن ما اعرف مستواها كيف ..

بالنسبة لديسكفري .. اخر معلومات اعرفها ان القناة حصرية لاوربت

 

[the obscure]

أنا أبجاوبك عن بعض الأسئلة
بما أنك تبي الأفلام والمسلسلات فالشوتايم أفضل لك
أما أسعارها
باقة البريمير720 دولار
باقة البلاتينيوم960 دولار
باقة الأفلام576 دولار

 

[Khalid-S]

توني دخلت موقع اوربت وحصلت ان

The Tonight Show with Jay Leno و Late Night with Conan O’Brien انتقلوا لاوربت حصرياَ !! ضربة موجعة

 

[Zeyad]

بخصوص اوربت مشترك بجميع القنوات وما اتابعها الا عشان ثلاث امور ..

ساينفلد على سوبر كوميدي و قنوات ديسكفري و الرياض اليوم فقط..

بس ملاحظ ان شوتايم تمتاز بالترفية الغربي إذا تحب الافلام والمسلسلات الغربية انصحك بشوتايم..

هل القنوات بتكون HD في شوتايم مثلاً ..

عن قريب اوربت راح تدشن رسيفر جديد يدعم الـHD ..

 

[King Wario]

ART ببساطة للرياضة او كرة القدم بالتحديد ( ما اظنك من اللي يحبون الرياضة )

شوتايم الافضل للمسلسلات والافلام ... 5 قنوات للافلام ، و 2 للمسلسلات ... افلامهم تقريبا مرت عليها سنة ، وعندهم افلام اقدم بس كلها حلوة .. ( من اللي شفته آخر فترة flightplan و Narnia و cinderella man ... وطبعا يعرضون heroes و lost S3 و prison break S2 ... وغيرها وايد )

اوربت ما عندهم شي يجذبني ..

 

[Naif]

The Tonight Show with Jay Leno و Late Night with Conan O’Brien انتقلوا لاوربت حصرياَ !! ضربة موجعة

^ اكيد؟؟ آوووتش ..

انا افضل الشوتايم صراحة .. (ما جربت اوربت ) لكن يعجبني تنوع القنوات في الشوتايم ..

ديسكفري موجودة في الشوتايم ( ديسكفري و ديسكفري سيفلايزيشن ) .. ما اعرف اذا صار شي عليهم الحين لاني من فترة ما شغلت التلفزيون ..

اعتقد لازم كل اشتراك بطاقة و رسيفر مختلف اذا تريد تنفذ خطتك .. اسال المحلات افضل ..

ايه ار تي على حسب خبرتي المتواضعة فيها .. لا تشترك فيها الا اذا كنت تريد تتابع المباريات الحصرية على ايه ار تي الرياضية

 

[Ash]

ART بالأفلام فاشلة , بالمسلسلات عجيبه , بالرياضه توب .

شوتايم الأفضل عموما .

ما جربت أوربت .

 

[BioMario]

أنا أبجاوبك عن بعض الأسئلة
بما أنك تبي الأفلام والمسلسلات فالشوتايم أفضل لك
أما أسعارها
باقة البريمير720 دولار
باقة البلاتينيوم960 دولار
باقة الأفلام576 دولار

اوف معقولة ..؟
احسة مرتفع كثير

الرياضة ما احبها غير كأس العالم و الأولومبياد لوول ..

-----------------------------------------

شباب ما جاوبتوني على باقي الأسألة ياليت ول تقدرون تجاوبون على اكثر عدد ممكن بليز ^^

اخوي King Wario بما انك من الإمارات رح تفيدني لوول ..
انت مشترك في شوتايم وبكم الأشتراك سواء كان سنوي او 6 اشهر لو تعرف ..؟

وشكراً لكم شباب ..

 

[BioMario]

^ اكيد؟؟ آوووتش ..

انا افضل الشوتايم صراحة .. (ما جربت اوربت ) لكن يعجبني تنوع القنوات في الشوتايم ..

ديسكفري موجودة في الشوتايم ( ديسكفري و ديسكفري سيفلايزيشن ) .. ما اعرف اذا صار شي عليهم الحين لاني من فترة ما شغلت التلفزيون ..

اعتقد لازم كل اشتراك بطاقة و رسيفر مختلف اذا تريد تنفذ خطتك .. اسال المحلات افضل ..

ايه ار تي على حسب خبرتي المتواضعة فيها .. لا تشترك فيها الا اذا كنت تريد تتابع المباريات الحصرية على ايه ار تي الرياضية

ياليت لو تقولي الأسعار نايف ..

بعدين شباب مثلاً إذا انا اشتركت مثلاً و بعد اشتراكي يـ 4 اشهر تقريباً نزلت قناة جديدة هل لازم ادفع رسوم للقناة الجديدة او خلاص هي تطلع لي وما ادفع رسومة إلى الرسوم السنوية ..؟

 

[Naif]

ما عندي خبرة بالاسعار صراحة ..

بالنسبة لسؤالك .. اذا كنت مشترك بالشوتايم مثلا بالباقة مالت الافلام و ضافوا قناة افلام جديدة .. في الغالب بحطون لك اياها في اشتراكك .. عادة القنوات الجديدة يوم تطلع تقول الشبكة للمستخدمين شو هي الباقة اللي بتطلع فيها هذي القناة و اذا كانت الباقة مالتك وحدة منها بتطلعلك .. اما اذا ما كانت وحدة منها و انته تريد هذي القناة لازم تحول لباقة ثانية فيها هذي القناة ..

من فترة طويلة في الشوتايم كنت اذا اريد قناة ديزني في اشتراكي لازم ادفع لها مبلغ كل شهر بالاضافة الى مبلغ اشتراكي .. هذا الشي صار بس لقناة ديزني لفترة طويلة .. لكن الحين عادي قناة ديزني صارت ضمن باقات شوتايم ..


في شي ثاني بعد يعجبني في الشوتايم نسيت اذكره .. خدمة المستهلك عندهم مفيدين وااايد .. و مفتوحين طوال اليوم و طوال الاسبوع .. و بيساعدونك بسرعة

 

[BioMario]

http://www.showtimearabia.com/on/packages/default_ar_ae.aspx
هذي الباقات لكن الأسعار سنوية ولا شهرية ولا كيف ..
الصراحة قنوات رهيبة و الباقات جداً رهيبة ..

في قناة اسمها ترافل شكلها للسياحة احي قنوات جي ^^ ..
اتمنى لو اعرف السعر السنوي عندنا او في 6 اشهر ..

 

[Xeno]

أكيد ART لا... خلاص الدوري الانجليزي راح منهم, ومابقى لهم إلا التشامبينز ليج وبيروح قريب انشالله.
وطبعا ماعندهم شي في القنوات الثانية.

أنا اقول شوتايم, عندها بوتنشل أكبر.

 

[Dark Man]

انا شخصياً مريح نفسي , ركبت Dreambox و عندي شو تايم و اروبت و اي ار تي 🙂 , طبعاً Show Cinema
شغالة عندي كل الأفلام من فترة الى أخرى حسب المصدر الي شريتة منه ,,​

 

[Final Fantasy]

جربت أوربت .. و الحين مركب شوتايم .. صراحة أنصحك بالثانية بقوووووووووة 😉

 

[Monster]

شو تاااااايم وانت مغمض

 

[ASWD]

دريم بوكس يجمع لك الكل لول

 

[BioMario]

Dreambox اعتقد بطريقة غير شرعية ..
بس يفيد لوول ..

 

[squall leonhart]

السلام عليكم ورحمة الله وبركاتة ..

شباب انا ان شاء الله تاريخ 5/6/2007
بتخرج من الثنوية بأذن الله ..

وناوي اركب لي دش يديد فمحتار بين شوتايم - أوربت - ايه ار تي
طبعاً رح اشتري تلفزيون HDTV بعدها بكم يوم بشترك في واحدة من هذه الشركات ان شاء الله ...
فقلت لو اكتب الموضوع في المنتدى افضل لأن في اولاد كثير مشتركين و مجربين ..

فعندي اسألة ياليت إلي يعرف يجاوب عليها و جزاكم الله خير :-

- هل يوم اشتري رسيفر ابو الكروت اقدر اركب علية عربسات و نايلسان و شوتايم مثلاً في رسيفر واحد ؟

نعم تقدر
- هل القنوات بتكون HD في شوتايم مثلاً ..؟

الى الان لأ لكن ممكن الشي هذا يصير قريب بالمستقبل
- ماهو افضل رسيفر ؟

شو بوكس من شوتايم .. ريسيفر خيالي و يسجل لك الا حد 40 ساعة من البرامج و المسلسلات و تقدر تشغله في غرفتين منفصلتين لكل واحده ريموت خاص بها

- الأشتراك السنوي بكم سعرة تقريباً ؟ في الموقع موب مكتوب فيه شي عن الأسعار في السنه

الشهري بالبلاتينوم الي توفر لك اشتراكين+ جميع القنوات + و الشو بوكس مجانا 300 ريال شهريا
- انا إلي خلاني ابي اشترك هو اني اريد اشوف المسلسلات على التلفزيون و اخر الأفلام و قنوات ديسكفري اهم شي عندي

- هل استطيع ان احط كل قنوات شوتايم او اشتراكي الكامل بمعنى اصح في شوتايم في بطاقة واحدة ؟

تقدر
- الشغله كلها كم رح تكلف تقريباً ؟

حسب نوع الاشتراك

- هل استطيع ان اشتري الرسيفر المخصص للكروت و الصحن ( القرص الدائري الحديدي ) من اي محل و اشتري بطاقه معهم و اقول للمحل حط لي اشتراك شوتايم على هذي البطاقة وخلاص ؟
ولا لازم كل شي مخصص ..؟

تقدر

وجزاكم الله خير
وانتظر ردودكم
لأني صراحة اول مرة اشترك وما اعرف شو بخصوص الكروت و الأشتراكات وهذي السوالف ..

بما اني خبره بالشوتام ( عندنا 3 اشتراكات بالبيت ) باساعدك انشاء الله .. اول شي انا جربت الجميع اوربت و الشو ..( ال art فقط بتعجبك اذا تتابع التشامبيون ليق ) و الافضل في جميع المجلات الشوتايام و بمراحل عن الاوربت .. يكفي ان 90% من المسلسلات الي ترشحت في الجرامي اورد معاهم .. صراحه قائمة مسلسلات جباره و مزلزله و تعرض بعد انتهاء السيزون في امريكا على طول ( بعض المسلسلات زي بريزن بريكى الموسم الاول انعرض بنفس وقت عرضه بامريكا تقريبا لكن متأخر 3 اسابيع فقط )

و الاجابة على اسألتك بتكون فوق


اذا عندك اي استفسار اضيفيني بالماسنجر