شنو مميزات متصفح سافاري؟

[Colorization]

من مدة بسيطة عرفت إنه أبل أصدرت Safari للويندوز، حملته والحين قاعد أستخدمه (مجرد test run). ودي لو اعرف من الشباب اللي يستخدمون الماك شنو مميزاته بالضبط؟ شخصياً عجبني الـGUI لأنه بسيط وخفيف على العين -أكثر من فايرفوكس. حتى الـfind اللي فيه أرقى من المتصفحات الأخرى. لكن ودي لو أعرف ميزاته اللي ممكن تخليه يتفوق على باقي المتصفحات (حسب ما يزعم موقع أبل).

اللي ما حبيته حتى الآن هو الخط الفتراضي للمتصفح.

تحرير: واو لول، لما أضغط "لا" تطلع لي "ل". لما أضغط "Shift + لا" بدل ما تطلع لي "لآ" يطل لي "ل" فقط. نفس الشي مع إختصارات shift اللي تعطيني حرف الام مع حرف الألف (لأ، لإ، لآ). -_-

تحرير#2: زر الإتجاه "^" بالكيبورد يوديني لفوق، لكن لما اضغط زر تحت ما يصير شي. زر يمين ويسار معكوسين وأحياناً ما يشتغلون. يا حبيبي. من جد نسخة "بيتا" لول.

 

[king zell]

محمد أنا أستخدم سفاري الأصلي من مدة عالماك.. ما له بنظري و بتجربتي العملية أي ميزة مهمة

أبل تزعم إنه أسرع من المتصفحات الثانية.. و يمكن هذا صحيح و بفارق ثواني معينة



لكن حاليا عالماك ما استخدم الا فاير فوكس 3 اللي بمراحل أفضل المتصفحات على النت

 

[Khalid-S]

اذا انت تستخدم فايرفوكس .. مافي داعي انك تغير لسفاري .. السرعه الي فيه ما تفرق "كثير" وتخليك تنقل له ..

انا كمستخدم ماك .. كل ما احول لفايرفوكس .. ارجع لسفاري .. السبب هو بطئ فايرفوكس .. واحسه too much بالنسبه لي .. والخطوط العربية مو متوافقه مره .. يعني لو حطيت مثلا Tahoma .. احصل الانجليزي مو مرضي .. سالفه طويله.

الي يميز سفاري تقريباَ هو الخط الافتراضي .. مره Sharp ويخلي المواقع بشكل جميل ... يعني زي ما انت قلت شغله GUI

يستحق التجربه عموما ... لو انت مستخدم IE اقولك حول وبسرعه له .. اما اذا انت مستخدم فايرفوكس فهو الافضل طبعا "بسبب" ال Add-ons

بالنسبة ل "لا" .. خخ هم مسوينه زي الماك .. الماك مافيه زر "لا" ... لان مافي حرف في تاريخ اللغة العربية اسمه "لا" .. في حرف ال "ل" وانت تشبك عليه الي تبي ... سواء "ل + آ" ... او "ل + إ" او غيره.

فهم مصممينه كذا اعتقد ..

 

[Colorization]

المتصفح بشكل عام عجبني (ولا متصفح عجبني غير فايرفوكس)، لو ما كنت استخدم الفايرفوكس كنت إتجهت له على طول. المشكلة إنه في اشياء "صغيرة" بالفايرفوكس تعودت عليها، عدم وجودها بسافاري كان محبط شوية بالنسبة لي.

- لما أضغط دبل كليك على مساحة فاضية من الـbar اللي بالأعلى ما يفتح لي تاب جديد. لازم أضغط رايت كليك > new tab (أو إختصار الكيبورد).

- لما أضغط على الـscroll wheel بالماوس داخل الفايرفوكس، يفتح لي scrolling indicator ويخليني أتصفح الموقع عن طريق تحريك الماوس. الخاصية مو موجودة بالسفاري (اعتقد لأنه ماوس أبل مافيه scroll wheel)

- الـsearch bar بالأعلى ما يتوفر فيه غير جووجل. بالفايرفوكس عندي جووجل وWiki وأمازون وجيم فاكس وكم موقع موجودين by default


هذا غير إني ما عرفت كيف أنقل listـة اليوزر نيم والباسووردز (مستحيل أحطها manually)، ومن هذي الأشياء. لو انا مو متعود عالفايرفوكس كان ممكن إني أتأقلم بسرعة مع السافاري، لكن بوجود الفايرفوكس ومع الـadd-ons الكثيرة اللي أستعملها صعب جداً أتركه وأروح لمتصفح ثاني. أكيد Apple بالنسخة النهائية من المتصفح بتعدل كل الأخطاء اللي بين الويندوز والماك طبعاً.

 

[Snake-87]

مالك غير ولد الموزيلا X3

 

[Hardcore Gamer]

ببساطه ، اسرع متصفح

 

[Tomb raider]

السفاري استخدمه في بعض الاحيان ، اللي عاجبني فيه البساطه عى قولتك خفيف عالعين" فعلا وهذا اللي عاجبني" ، بس سفاري البيتا خايس اشوفه :/ ، متى بينزل سفاري 3 الرسمي ؟
بس فاير فوكس 3 هو الافضل !

 

[Khalid-S]

كولو المشاكل الي تقولها .. بعضها من البيتا وبعضها اححلك اياها .. مسئله اضافات لكن مو متاكد اذا متوفره للويندوز.

عزوز .. الثالث النهائي متوفر للماك ... لو انت تستخدم OSX Tiger وسويت اخر تحديث (نزل من شهر ونصف) بتحصل ان النسخة النهائية هي المتوفره عندك.

 

[Tomb raider]

كولو المشاكل الي تقولها .. بعضها من البيتا وبعضها اححلك اياها .. مسئله اضافات لكن مو متاكد اذا متوفره للويندوز.

عزوز .. الثالث النهائي متوفر للماك ... لو انت تستخدم OSX Tiger وسويت اخر تحديث (نزل من شهر ونصف) بتحصل ان النسخة النهائية هي المتوفره عندك.

لووول توني اكتشفت اني منزل الابديت لول ، كنت اظن انه ابديت بيتا فقط خخخخ علشان جذي ما كنت استعمله !
بس كيف النهائي ؟ شو عدلوا فيه ؟ وشو مشاكله ؟ *