شركات شحن في السعودية غير ارامكس؟

[Ze Truth]

هاي جايز

مشكلتي مع ارامكس انهم يدورون اي فرصة بانهم يغدرون بالعميل. حتى لو كان اختلاف توقيت وصول الشحنات لبريدي بضع دقايق, يحسبون كل شحنة على حده ويصكونك بسعر محترم (حصلت معي ومع صاحبي). غير كذا الشركة غير ثابتة الاداء والتوقيت. احيانا يرمون شحنتي في الفرع الفلاني و الثاني في العلاني واكثر من مرة توصل شحنتي بدون ما خبروني.


هل في احد يعرف بشركات شحن اخرى؟

 

[Unknown]

عندك ورلد شيب ws1.com ميزته تجميع الاغراض

 

[m5050]

شركات الشحن المعروفه للشحن الدولي عندنا ثلاث
فيدكس
اراميكس
dhl

فيدكس دايما غالي
احسن شي تجرب dhl من خلال شركات تجميع الشحنات مثل myus او ws1` او فيه شركه رخيصه جديده توها فاتحه boxhop
او انك اذا تطلب من امازون او اي موقع جرب تطلب شحن مباشر دولي من عندهم كثير مواقع توفر شحن للسعوديه حاليا
لمزيد من المعلومات لف على منتدى البوابه قسم التجاره الالكترونية

 

[EPIC FAHAD]

والله انا استخدم وورد شيب وخدمتهم رائعه والشحن توصل لبيتي ويجمع الشحن حتى لو تقعد لشهر ببلاش

 

[CODE-X]

دام الموضوع انفتح، احد مجرب myus؟
كيف اقدر اعرف اسعار الشحن عندهم؟

 

[FAROOS]

إذا عندك بطاقة فيزا سجل بـ myus بالرابط هذا , وراح تجيك المزايا التاليه :

+ تسقط عليك 20 دولار التأسيس .
+ راح تحصل على سنتين بريميم مجانا (قيمتها الأساسيه 120 دولار) .
+ تخفيض طول العمر 20% .

وهذا غير خدمة التجميع لـ myus .

 

[Blue Blood]

^
قبل لاحد يسجل باي شركة شحن.... خشوا البوابة الرقمية، بتحصلون روابط خاصة بالأعضاء من خلالها تحصل على عروص البريميم و التخفيضات في اسعار الشحن.

قبل كمن يوم سجلت في ثلاث شركات شحن بالمجان، رغم ان التسجيل فيها باسعار رمزية.

 

[FAROOS]

^
تسجيل myus في البوابه راح يعطيك تخفيض وتأسيس مجاني لكن البريميوم راح يكون محسوب عليك , على عكس التسجيل عن طريق الفيزا .

 

[Ze Truth]

إذا عندك بطاقة فيزا سجل بـ myus بالرابط هذا , وراح تجيك المزايا التاليه :

+ تسقط عليك 20 دولار التأسيس .
+ راح تحصل على سنتين بريميم مجانا (قيمتها الأساسيه 120 دولار) .
+ تخفيض طول العمر 20% .

وهذا غير خدمة التجميع لـ myus .

كيف طريقتهم؟ يشحنون بعدين للسعودية؟

 

[Ze Truth]

السباب اللي يطلبون من امازون مباشرة على السعودية, كيف اسعار الشحن؟

 

[Blue Blood]

^
على كثر طلباتي من امازون لكن ماعمري شفت خيار الشحن اامباشر للسعودية

 

[ASWD]

مشكلة ماي يوس ان نظامها مثل نظام دي اتش ال تحسب الوزن والابعاد ناهيك عن اسعارها المرتفعة نسبيا

 

[Saadawii]

أول ما قريت العنوان قلت في نفسي: أتفهم شعورك.
الحين صرت مستحيل أخليهم يوصلون لي بأي مكان لما أطلب من المواقع المحلية اللي ما تتعامل إلا معهم. أقول حطوها بالفرع الرئيسي وأنا أجي آخذها. يسببون لك أزمه إذا بغوا يجيبون أغراضك لك، عمال التوصيل مستحيل يدلون مكانك ويبونك أصلاً تطلع لهم. وحتى بالفروع يجيك أحياناً موظفين تعاملهم زي قلته. تشتكي ما تشتكي ما يفرق شي.
صايرين شر لا بد منه في بعض الأحوال. لكن إذا على الطلبات من أمريكا، أنا أقترح ورلد شيب اللي قالوه بعض الشباب. ما تعاملت مع غيره صراحة، لكنه مريح بالتجميع، وتقدر تختار الشركة اللي تحب توصل لك ما بين اراميكس والعياذ بالله، دي إتش إل إذا غلبت الروم، والا فيديكس أحلاهما مر. فيديكس غالية طبعاً، لكن أحياناً يكون الشعر التقريبي متقارب، وهم بصراحة نادراً ما يتأخرون بالتوصيل وفروعهم بدأت تنتشر بشكل جيد.

 

[m5050]

السباب اللي يطلبون من امازون مباشرة على السعودية, كيف اسعار الشحن؟

في الادرسنج بوك اضف عنوان جديد لك سعودي ثم اي غرض تضيفه لسله الشراء اعمل له تشيك اوت ثم اختار عنوان الشحن السعودي وقبل ما توافق على العمليه تشوف سعر الشحن للسعوديه
طبعا بعض الاوقات يعطيك ايرور يقول ما نقدر نشحن وبعض الاوقات يوافق ، غالبا الاغراض الصغيره واللي عليها طلب كثير تقبل الشحن

 

[FAROOS]

كيف طريقتهم؟ يشحنون بعدين للسعودية؟

طلباتك إذا جيت تشتريها من أمازون مثلا تعطيهم عنوانك في myus وإذا وصلت عند myus يخيرونك بشحنها لحالها أو تجمعها مع طلبات ثانيه ثم هم يشحنونها إلى عنوانك بالسعوديه .

 

[Storm is here]

^
على كثر طلباتي من امازون لكن ماعمري شفت خيار الشحن اامباشر للسعودية

موجود بكثرة في امازون

فيه فلتر في امازون يطلعلك المنتجات اللي تعدم الشحن الدولي