hits counter

شراء سيارة

Kain

Kain

Vae Victus
السلام عليكم

عندي نية لشراء سيارة جديد السنة القادمه بأذن الله

حسب الميزانية و يعني بعد ما اخذت لفة على السوق في بالي هالانواع

كيا سبورتاج
كيا سورينتو
هيونداي توسان
هيونداي سانتافي

و على الخفيف تويوتا راڤ4 لكن صراحة نسيت سعرها مضى وقت من رحت لوكيل تويوتا فما فاكر سعرها

في بالي سانتافي محرك 3.3L V6 لكن سعرها اغلى من البقية بفارق و ما اعرف اي عيوب مترتبه على هذا الخيار مع المحرك

الي يهمني في السياره

تكون SUV او سياره عاليه بشكل يعني مع سوء الشوارع الي عندنا تتحمل
و موضوع التبريد جدا مهم يكون ممتاز و تبريد قوي

الي عنده فكره او تجربة مع انواع هذه السيارات يعطينا رأيه
 
الهيونداي افضل من الكيا برأيي.
 
  • أعجبني
التفاعلات: Kain
تاكد من وكيل التويوتا عن سياراتهم الهجينة
تكلفة الوقود بتنخفض للثلث .. اعتقد الراف 4 وعندهم موديل جديد اسمه كروس هجين بميزانيتك
 
Veeto قال:
تاكد من وكيل التويوتا عن سياراتهم الهجينة
تكلفة الوقود بتنخفض للثلث .. اعتقد الراف 4 وعندهم موديل جديد اسمه كروس هجين بميزانيتك
أنقر للتوسيع...
افكر بخيار تقليدي . سعر البنزين عندنا مو مشكلة و انا شخص مشاويره قليله فقط الدوام و السوق
 
  • أعجبني
التفاعلات: Veeto
Kain's قال:
افكر بخيار تقليدي . سعر البنزين عندنا مو مشكلة و انا شخص مشاويره قليله فقط الدوام و السوق
أنقر للتوسيع...

بعد فكر فيهم شوف اسعارهم يمكن تغير رايك
 
  • أعجبني
التفاعلات: Kain
Veeto قال:
بعد فكر فيهم شوف اسعارهم يمكن تغير رايك
أنقر للتوسيع...
بسوي جوله عن سياراتهم . لاحظت بشكل عام السيارات الكوريه تصدي و الياباني زي تويوتا لا
 
كيا الافضل من ضمن الخيارات كاعتمادية ومواصفات ورخص قطع غيار ومكيف بارد دينسو ياباني مقارنة بمكيف هيونداي اللي ما يجمل بالحر ويخرب مع الزمن (عن تجربة مع الاكسنت)

طبعاً تويوتا غنية عن التعريف بالكرف لكنها مملة كقيادة وتصميم داخلية مع شح مواصفات ولازم تدفع اكثر لو تبي تزيدها

ولو مصر تاخذ ياباني عندك نيسان اكستريل بديل ممتاز للراف فور
 
اذا تبي سيارة تعيش خذ من تويوتا وانت مغمض
 
بما انه يهمك موضوع التكييف، يفترض تويوتا تكون خيارك الاول.
 
@Kain's شيك على Kia Sportage Hybrid يمكن تعجبك، بس ال Sportage أصغر وأجمل، اللون الأبيض روعة، ولو تقدر تاخذ الRav4 أخذها.
 
AzureFlame قال:
@Kain's شيك على Kia Sportage Hybrid يمكن تعجبك، بس ال Sportage أصغر وأجمل، اللون الأبيض روعة، ولو تقدر تاخذ الRav4 أخذها.
أنقر للتوسيع...
كنت احب تصميم سيورتيج زمان لكن خربوها صارت اكبر
 
AzureFlame قال:
@Kain's شيك على Kia Sportage Hybrid يمكن تعجبك، بس ال Sportage أصغر وأجمل، اللون الأبيض روعة، ولو تقدر تاخذ الRav4 أخذها.
أنقر للتوسيع...

نسيت أقول Rav4 اللي عندنا يقولون مواصفات ناقصة فتأكد قبلها.
 
  • أعجبني
التفاعلات: Kain
مازدا خيار جيد و بديل ارخص من تويوتا
 
اشتري الي قطع غيارها ارخص شي في بلدك (&)
 
  • أعجبني
التفاعلات: Kain
نصيحه إبتعد عن الكوري جودة التكييف فيه لا تقارن أبداً بالياباني وراح تتعب معها بعد كم سنه استخدام.
 
  • أعجبني
التفاعلات: Kain
BlueSky قال:
مازدا خيار جيد و بديل ارخص من تويوتا
أنقر للتوسيع...

من تجربة .. ما انصح فيهم
ابتعد عنهم .. وكخيارات SUV ما شفتهم ارخص من التويوتا
مازدا cx9 عندنا قريبة من سعر اللاند كروزر !

و ال cx5 صغيرة
 
  • أعجبني
التفاعلات: Kain
رحت للوكيل و قريبا يتوفر حجز سيارة هيونداي KONA 2024 . تقريبا اشوف حجمها مناسب لي

sx2-kona-ice-driving-model-pc.jpg





منو عنده تجربة معاها او موديلات مشابهة
 
Kain's قال:
رحت للوكيل و قريبا يتوفر حجز سيارة هيونداي KONA 2024 . تقريبا اشوف حجمها مناسب لي

sx2-kona-ice-driving-model-pc.jpg





منو عنده تجربة معاها او موديلات مشابهة
أنقر للتوسيع...

حسب ما فهمت، انه هونداي هو القسم الكشخه من كيا ... و الجنسس هي الألتمت كشخه ...

فا اذا اخذ هيونداي، فا توقع شي اكثر رفاهية من كيا ..

بالنسبة هذي الفئة من السيارات ... شي دفع امامي اقتصادي ، و يناسب الشوارع التعبانه ... و بنفس الوقت يأدي الغرض بخصوص المساحه و خاصة لشخص يبي شي يناسب البر حق كشتات و مو شي heavy-duty ...

عن نفسي، بحكم اني بأوروبا، فا اغلب السيارات هنا اما ما تناسب جوكم او غير عندكم ... بس انصح و بقوه، اذا تبي فئة مقاربه للي انت تبيه و شي المستقبل متجه له .. فا انصحك ب hybird.. زي Rav 4 GR ... لاني ناوي عليه بمجرد ما تستقر اموري المادية
 
  • هاها
التفاعلات: Hugo
السلام عليكم ورحمه الله وبركاته

هيونداي ابعد عن الفل كامل والكهرباء حقتهم من تجربة سوناتا 2009 والان سنتافي 2019، شركة تحب تسترخص في الاكسسوارات خصوصا الإلكترونيات لكن ميكانيكيا جيدين واذا انت في الغربية انصحك بكيا هم نفس سيارات هيونداي بسبب وكيل هيونداي السيء في الغربية واذا حسيت ان لازم تاخذ من هيونداي انصحك تاخذ استاندر وتبعد عن البانوراما واي تقنيات حديثة مثل الهايبرد.

اهم العيوب للسنتافي
1- صوت احتكاك في الدركسون
2- وجود ثقل وقت الدوران في جهه اليسار في الفئات العليا من السيارة ( 3.5)
3-اصوات البانوراما المزعجة
4- العزل سيء
5- اصوات الديكورات
6-النور الامامي لك عليه ضعيف شوي.

بالتوفيق.
 
s3rorh قال:
حسب ما فهمت، انه هونداي هو القسم الكشخه من كيا ... و الجنسس هي الألتمت كشخه ...

فا اذا اخذ هيونداي، فا توقع شي اكثر رفاهية من كيا ..

بالنسبة هذي الفئة من السيارات ... شي دفع امامي اقتصادي ، و يناسب الشوارع التعبانه ... و بنفس الوقت يأدي الغرض بخصوص المساحه و خاصة لشخص يبي شي يناسب البر حق كشتات و مو شي heavy-duty ...

عن نفسي، بحكم اني بأوروبا، فا اغلب السيارات هنا اما ما تناسب جوكم او غير عندكم ... بس انصح و بقوه، اذا تبي فئة مقاربه للي انت تبيه و شي المستقبل متجه له .. فا انصحك ب hybird.. زي Rav 4 GR ... لاني ناوي عليه بمجرد ما تستقر اموري المادية
أنقر للتوسيع...

هيونداي هي الشركة الأم لكيا وجنسس والاخيرة الفئة الفخمة لهيونداي نفس اللكزس لتويوتا وانفينيتي لنيسان.
 
s3rorh قال:
بالنسبة هذي الفئة من السيارات ... شي دفع امامي اقتصادي ، و يناسب الشوارع التعبانه ... و بنفس الوقت يأدي الغرض بخصوص المساحه و خاصة لشخص يبي شي يناسب البر حق كشتات و مو شي heavy-duty ...
أنقر للتوسيع...

نسيت اذكر هنا بإني استخدمت كيا Sportage 2020 لمدة ٢٠ يوم بشوارع الكويت و البر ... و انطباعي عنها كان جيد
 
التعديل الأخير:
إذا ميزانيتك بحدود ١٠٠ ألف

الصيني خيار ممتاز.. شنقان CS85 أو جيلي توقيلا.. مواصفات وضمان واحد الاصدقاء عنده جيلي توقيلا صار له ٣ سنوات يسافر فيها اسبوعياً ٦٠٠ كيلو دون أي مشاكل

ولو تبغى شيء ببراند محترم ليطمئن قلبك عليك بالفورد تيرتوري أو حتى التورس لو السيدان مناسب لك
 
cult قال:
ولو تبغى شيء ببراند محترم ليطمئن قلبك عليك بالفورد تيرتوري أو حتى التورس لو السيدان مناسب لك
أنقر للتوسيع...
هالسيارات صارت مليانة شوارع الرياض ويستحقون مقابل السعر، لكن يعتمد على الوكالة فلو كانت فورد ممتازة خدمتهم بالعراق فالتيرتوري افضل بمراحل من الكونا
 
معايير شراء السيارات. فيديو مهم.


 
  • أعجبني
التفاعلات: Kain
يجب تسجيل الدخول أو التسجيل كي تتمكن من الرد هنا.
عودة
أعلى