تسوكيهيمي لعبة قديمة، الشي متفهم، لذلك... كان كويس تحصل ريميك.
القصة بسيطة، الاحداث بسيطة، الساوندتراكات حقيرة، يب الاوستات سيئة جدا ويا اني اكرها كلها ولا وحدة حلوة، وكانت من اسباب اني اخذت وقت طويل بالمسار ذا مع انه قصير، اصلا كل مسارات اللعبة قصيرة، ويمكن حق اركويد هو الاطول بينهم.
القصة نفسها مافيها شي ضخم، اميرة مصاصي الدماء توصل المدينة وتصيد مصاصي الدماء اللي مو كويسين وتأدبهم، يوما ما يكون البطل ماشي في الشارع ويشوفها، وطبعا يخق... لكن بشكل مو كويس ولانه عنده القدرة على قطع اي شي حي بسبب عينه يقوم يشرحها لقطع...
المفاجأة انها ما تطلع ميتة وتعجب بقدرته وتقرر انه عشان يكفر عن خطاه بقتلها لازم يساعدها باصطياد مصاص الدماء اللي يهدد سلام المدينة..
القصة لها تفرعات زيادة، زي مين اركويد، مين مصاصي الدماء ذولي اللي فعلا هم مو مصاصي دماء فعليين انما كائنات اسمها Dead Apostle.
مسار اركويد مسار تعليمي بنظري، يعلمك عن العالم، قوانينه، قدرات شيكي ايش هي وما هي حدودها، مع دراما اركويد الممتازة.
الكتابة كويسة، كويسة كثير بكثير من الاحيان، اركويد شخصية ممتازة جدا، والحقيقة هي من المفضلين عندي في تايب مون، ارت تاكيوشي القديم ساعد انه يضيف لها نوع من العبط على وجهها وذا خلاني احبها اكثر.
كيف تحاول تتعلم عن البشر، كيف تعلقت بعالمهم، كيف تعلقت بشيكي، كيف تبغى تستمتع بالحياة وتكتشف حاجات جديدة.
اركويد كانت افضل حاجة بالمسار ذا بالراحة، واقدر اشوف ليه هي ايقونية فعلا.
القصة تسقط عند شيكي نفسه، ناسو لما كتب شيكي كان يفكر بكل حاجة معفنة بالحياة، باعتقاده انه الحاجات ذي ممكن تخلي الشخص كول.
شيكي شخصية عفنة جدا، والمشكلة انه منخرط في لعبة ايروغي، اللعبة فيها مشاهد اباحية للعلم، وبدون مقدمات، شيكي عنده استعداد انه يغت*ب الشخصيات اللي عنده بدون تردد، بالفعل اغت*ب اركويد بالمسار والشي كان مقزز فعلا، ومحزن كيف القصة تعاملت وتجاهلت الموضوع بعدين ولا كانه حصل.
وهدد سيل انه يغت*بها بعد.
غير هذي النقطة، الشخصية نفسها ما عندها نقاط قوة تخليها مميزة عكس شيرو، الشخصية عندها مرض بسبب عينها اللي تسمح له انه يشوف الموت بالاشياء ويقتلها، نفس قدرة ريوغي شيكي من كارا نو كيوكاي لكن شيكي قدرته محدودة، عقله وجسدته ما يستطيعوا انهم يستخدموها بشكل كامل عكس ريوغي.
ماضيه هو اللي مثير للاهتمام وما تطرقوا له بشكل كافي في المسار.
وطوال القصة هو متردد بين اذا كان طبيعي يحب اركويد (عشانها مصاصة دماء مو انسانة فعلا) او هل الشي ذا غلط، لين وصل لنتيجة انه لا بأس.
القصة ضعيفة بنقاط القوى والقدرات، اركويد تقدر تستخدم قدرة خاصة لها تعتبر واقع رخامي زي وهم ارتشر، بحكم انه عالم تايب مون مرتبط، فالشي نفسه نوعا ما.
الشي ما تشوفه بالمسار حقها فعلا، اصلا ما تعرف كيف شكله، العبة مافيها مشاهد CG الا نادرا، حتى بالقتال الاخير ما اذكر انه كان فيه مشهد CG للمعركة.
قدرات الشخصيات هنا ما تم التعمق فيها الا عند نيرو اللي كانوا يتكلموا عن الطين اللي عنده وانه مرتبط مع تيامات(ذي نقطة فعلا فاجأتني، تفاجأت كيف ناسو من ذاك الوقت كان عنده خطة لتيامات وغيرها).
روا عدو مثير للاهتمام حقيقة، اصلا حبيت كل الشخصيات هنا ما عدى شيكي... ويمكن صاحبه اللي طلع اول اللعبة
ناسو وتاكيوشي عندهم قدرة عجيبة بتقديم شخصيات تعلق بذاكرتك، سواء من ناحية شخصية او من ناحية تصميم حتى لو تكررت تصاميم شخصياتهم.
)
لا تعطيني امل، عاجبني اني كارهه وانه حقير.
