شبكة TG في إستضافة قناة اليوم من شبكة أوربت الفضائية (الفيديو في رد #169)

[King Wario]

بالانتظار ... بعد ساعتين وربع

 

[ABUALI]

10 وربع؟ خسارة ما بقدر اشوفها مباشر

 

[Mr.3B]

...

والي زي حالتي وش يسوي ؟! :roll:

 

[ABUALI]

وش فيه اللي زي حالتك

 

[Mr.3B]

وش فيه اللي زي حالتك

كيف أقدر أشوفها بأسرع وقت ؟!

 

[ABUALI]

انتظرها من خالد هذا املك الوحيد..

 

[BioMario]

كيف أقدر أشوفها بأسرع وقت ؟!

ننتظر لين باجر والأخوة ما بيقصرون بيرفعونها لنا على النت ان شاء الله ..

 

[Torpedo]

ما في احد من الشرقية وده يعزمني نشاهدها سوى >.> :'(

 

[The Doctor]

ما في احد من الشرقية وده يعزمني نشاهدها سوى >.> :'(

لول انا في القطيف... و الله كان قلت لك تعال انت و ديدمان لو ما الرسيفر طلع لي روحي ما رضى يشغل محطة وحدة... مستفيد جداً جداً من هالاشتراك الزفت

إن شاء الله بس الشباب يسجلوها و يرفعوها... المهم الكوالتي ممتاز 🙂

 

[Leon]

شباب أحد يعرف إيميل البرنامج ؟؟ ودي أرسلهم حاجة حلوة .. ^^

 

[Nintendo]

مافي شئ بالموقع الرسمي !! المفروض الشباب حطوه هنا من بدري !

 

[Leon]

اممم أنا صراحة تفاجأت برد محمد الأخير إنه نقدر نرسل إيميلات للبرنامج , فقلت أضعف شي إننا نرسل إيميل لكن للأسف لا يوجد عنوان .!!

الحلقة بدأت , الله يكون في عون الشباب ..

 

[King Wario]

خلصت الحلقة ... تكلموا عن اهم النقاط في فقرة قصيرة ... يعطيكم العافية

+ حليوة المفاجأة ..

 

[Leon]

هات هات بسرعة , كيف كانت الحلقة ؟؟

 

[Naif]

يالله وين الشباب اللي سجلوها !! نريد نشوفها 🙁

 

[Nintendo]

لول شباب انا بالغلط بدل ماقول محمد ويوسف قلت محمد ونايف . نايف طلعت بالبرنامج 😉

 

[Leon]

لول شباب انا بالغلط بدل ماقول محمد ويوسف قلت محمد ونايف . نايف طلعت بالبرنامج 😉

ههههههه أبسط ياعم .. نيتك صافية وصرت مشهور لول :laugh:

 

[Nintendo]

بالنسبة للحلقة مادري اذا احد من الشباب سجلها ولا لا .. المشكلة محمد راح يعطوه نسخة VHS منها والDVD بتاخذ كم يوم ..

اذا واحد من الشباب حطها بيكون تمام . غير كذا لازم ننتظر الين توصل نسخة الDVD لمحمد 🙂

 

[Ash Storm]

طيب ممكن احد يعطينا مشكوراً اهم النقاط الي حصلت في الفقرة الي في الحلقة @_@ ؟

 

[NSider]

It was great, although the site looked bad in the huge resolion, and Hazem took his sweet time in his call, lol. I'd like to thank the talented Naif Abosaida for his hospitality on and off the set.

 

[Nintendo]

ولو اني ماحضرت الجزء الاول من الحلقه .. اللي حضرته كان نقاش جميل جدا عن سوق الالعاب بالمنطقه عندنا وتجاهل الاهل للفئة العمريه للالعاب ..

ايضا كان فيه كلام حول مستقبل الموقع والوي ماشاء الله اخذ حيز اعلامي قوي بالحلقة ( الننتنداوية مشكلة ) وعرضوا كيف انه الجهاز فعلا قدر يساعد الناس على تخفيض الوزن .. كان فيه تقارير فيديو ( لول المشكلة انا سمعت الحلقة ولاشفتها ) ولكن واضح انها كانت عن التقدم في اسلوب اللعب وانك الحين تلعب وانت تتحرك ( الوي ) واعتقد جابوا محمد ويوسف يلعبون بالجهاز ..

ايضا كان فيه التوب 5 لهذا الاسبوع وفيه مفاجة الحلقة واللي هي الاعلان عن ( لعبة الاسبوع من ترو جيمنج ) من خلال البرنامج في الحلقات القادمه وافتتاح الصفحه الخاصه بها بالموقع عندنا 🙂

الجزء الاول من الحلقة للاسف ماحضرته .. عموما ننتظر فيديو لها بالقريب العاجل ان شاء الله ..

edit : نسيت .. كان فيه حديث عن مميزات الموقع ( المجله و البودكاست ) ايضا .

 

[Nintendo]

http://www.true-gaming.net/gotw/

ان شاء الله اسبوعيا نختار افضل لعبه عشان حلقات البرنامج القادمه ...

احب اوجه تحيه للاخ نايف ابو صيده .. ماقصرت و اتمنى تستمر معنا كلما سنحت الفرصه 🙂

تحيه ايضا للمسؤلين بشبكة اوربت على اتاحة الفرصة لصوت ( مهضوم حقه ) . شكر لطاقم عمل البرنامج وان شاء الله من افضل الى افضل بالمستقبل ..

 

[The Last Fantasy]

والله شكل الحلقة مليانة حاجات حلوة .. .. تحمسنا !!

منتظرين الشباب يرفعونها ،، تورنت أو غيره .. لا تطولون علينا ..

تحرير / مفاجأة الحلقة قوية قوية .. شي حلو جدا ..

 

[Leon]

ألف مبروك على الظهور المشرف ( المتوقع ) , خخخخخ زي ماتوقعت الوي أخذ وقته , أما المفاجئة فعلا طلعت قد المستوى الراقي , يعني كل أسبوع TG بينتخب أفضل لعبة للأسبوع والبرنامج بيستند على معلومات الموقع ويعرضه ضمن فقراته.. روعة فعلا وحاجة نفخر فيها..

 

[Khalid-S]

شباب اسعفونا بالفيديو الله يخليكم ... لو كنت بالسعودية كان سجلتها باعلى كوالتي واونلاين على طوول .. ليش كذا 🙁.

 

[ASWD]

والله شكلها حماس..متى تجهز وصلة التحميل🙁

كل الشكر للأخ نايف والعاملين في شبكة اوربت..ولمزيد من التقدم ان شاء الله

 

[itachi]

وين الحلقة ياشباب ...أكيد فيه أحد بيرفعها

 

[Leon]

لأ... أكثر من كدة كثير , شباب حرام عليكم .. فين الشباب اللي وعدونا بالتحميل ؟؟؟ 🙁

 

[Kratos]

شباب اسعفونا بالفيديو الله يخليكم ... لو كنت بالسعودية كان سجلتها باعلى كوالتي واونلاين على طوول .. ليش كذا 🙁.

أنت فريد من نوعك :: << لا تصدق بس 😛
--------------------------------------------
بالنسبة للعبة الاسبوع أتمنى إن مضمونها يكون أفضل من الي موجود الآن ..
لأني يوم قريتها تحسها شغل على السريع و راح تعكس صورة سيئة للموقع إذا تم عرضها عبر البرنامج بالصورة الحالية ..
و بما إن التركيز الآن منصب حول الفئات العمرية للألعاب المفروض ذكرتوا تصنيفها في بداية الصفحة مع نوع و إسلوب اللعبة

 

[Nintendo]

هاذي المره فعلا كان الشغل سريع شوي والوصله بمحتواها تم تصميمها اليوم بالعصر 🙂

اعتقد تصنيف اللعبه موجود بالغلاف ومع ذلك اقول الاستعجال بالصفحه سبب شوية ربكه . ان شاء الله من الاسبوع القادم يكون فيه اهتمام اكبر ..