شباب .. HELP .. النجده .. SOS .. همبورجر

[Nintendo]

شباب لي الحين اسبوع وانا عايش بعذاب انترنتي 🙁

مادري وش حصل لجهازي بس كل شوي تفتح لي صفحة اعلانات وبكثره الين كرهت الانترنت و اللي سواه ..

قلت اول شئ خلني احل المشكلة ببرنامج سباي وير دكتور وبعد عناء وسكان والخ الخ المشكلة مازالت قائمه .. فقلت ياولدي نزل اخر نسخه من برنامج الاد اوير واكيد بيحلها .. هلال والله ..

نزلت البرنامج وبعد السكان ..... بوووووووووم المشكلة مانحلت والكارثه انه البرنامج الغبي حذف الساوند ديفايس من الجهاز وصار جهازي اخرس لمدة يومين الين حليت المشكلة ...

شباب وش الحل مع الاعلانات ذي .. قسم بالله زهقت خلالالالالالالالالاص .. ياريت اذا احد عنده برنامج مجرب .. طريقة دراماتيكيه .. اي بطيخ المهم اتخلص منها بدون فورمات لاني ماقدر افرمت الجهاز حاليا ...

ملاحظه : همام مشكور مقدما ولكن بدون نصايح 😉

 

[Futrus]

مافي حل إلا الفورمات دائماً إذا تصير لي هالحاله أودي الكمبيوتر ويقولون لي مافي حل غير الفورمات ... وإنتبه تدخل أي موقع وبس 🙂

 

[squall leonhart]

لووووووووول يا عمر الل يعينك لكن السباي وير و الاد وير صعب التخلص منها لعدم وجود برامج جيده .. امم جرب تمحي كل الكوكيز من الجهاز ممكن تقلل من المشكله شوي

 

[Nintendo]

لاشباب الله يرحم والديكم احد يعطينا حل ..

الفورمات حاليا مش ممكن ابدا 🙁 قاعد انزل اشياء بالتورنت احجامها كبيره وقربت تخلص ..

 

[Ginko]

اوكي هالصفحات كيف تفتح معك؟ يعني كل ما تفتح موقع ولا بشكل عشوائي؟

واي متصفح تستخدم؟

 

[Nintendo]

هنا الشئ الغريب عبدالله ..

مجرد ما اشبك بالنت تبدا الصفحات تفتح بشكل عشوائي ( انترنت اكسبللور ) .. وانا استخدم الفاير فوكس واول ماشغله تفتح صفحات فاير فوكس اعلانات ..

ياعيني زحمه اعلانات الحين ..

 

[Ginko]

همممم هذي مو سباي وير، هذي pop ups اتوقع لو تنزل اي برنامج يسوي لها block راح ينفع.

جرب هذا شكله زين:

http://www.download.com/All-in-One-Secretmaker/3000-8022_4-10511080.html?tag=lst-0-1

 

[Futrus]

ليش تعقد المسأله؟ ... إذا عندك سيدي رايتر حط الملفات المهمه فيها ماأدري إذا ينفع للتورنت ولا لا أو إذا هارديسك اللي عندك مقسم حط الملفات المهمه في قسم والثاني سوله فورمات :\

 

[Nintendo]

للاسف الهارديسك مش مقسم .. بالنسبة للتورنت الملفات لسه قاعده تنزل ومش مخلصه يعني ماقدر انقلها لاي مكان ..

عموما الحين بجرب برنامج عبدالله .. اذا مانفع ملفات التورنت ان شاء الله اليوم بتخلص كلها .. بعدها على طول بفرمت الجهاز وامري لله ..

 

[Ginko]

انصح توديه لمحل مضمون قبل لا تفرمته، شخصيا ما احب افرمت، بس ان شاء الله يصلح البرنامج.

 

[NSider]

من وصفك للمشكلة .. البرنامج اللي يفتح الاعلانات برنامج منفصل .. مو سالفة popups. نزل Kaspersky وسو له update .. وجرب. ما خانني أبداً 🙂.
وتأكد من الـSecurity Settings في الفايرفوكس والاكسبلورر .. ونزل adblock للفايرفوكس.

 

[Koshiro]

غمر كان عندي تقريبا نفس المشكلة انحلت بعد سكان واحد من برنامج Ad-Aware SE Personal
يمكن يكون ماله علاقة لكن انا هذا الي حصل معي!!

 

[Humam]

عمر هذا جزاة المعروف إني زبطت لك مشكلة الصوت 😛

على العموم, انت جرب الي قالوا عليه الشباب, لو مافي امل, دخل CD الوندوز وسوي Repair يمكن بعض ملفات النظام انشالت مع السباي وير المضروب, لو مافي أمل انتا جيبه لي وانا ازبط هو لك يا باشا.. احنا بنفهم في ايها حاقة 😉

 

[Mukuro]

أنصحك تستخدم برنامج Panda Platinum 2006 Internet Security. برنامج ابن كلب في منع ال ad-ware و ال Spayware من الدخول إلى جهازك. ميزة البرنامج إنه له فاير وول أقوى من حق الويندوز نفسه والبرنامج يحدث نفسه يوميا باخر أنواع الفيروسات. أنا حاليا أستخدمه والحمد لله مروق وما عندي مشاكل. حتى من كثرة حبي للبرنامج, شريت رخصة الاستخدام تبعه لمدة سنه.

 

[Ginko]

أنصحك تستخدم برنامج Panda Platinum 2006 Internet Security. برنامج ابن كلب في منع ال ad-ware و ال Spayware من الدخول إلى جهازك. ميزة البرنامج إنه له فاير وول أقوى من حق الويندوز نفسه والبرنامج يحدث نفسه يوميا باخر أنواع الفيروسات. أنا حاليا أستخدمه والحمد لله مروق وما عندي مشاكل. حتى من كثرة حبي للبرنامج, شريت رخصة الاستخدام تبعه لمدة سنه.

ياخي افاتاراتك دائم خطيره، ما ودي اطلع عن الموضوع لكن لازم اقولها 😛

 

[Nintendo]

ماقصرتوا شباب كالعاده 🙂

قاعد انزل الحين كل البرامج اللي قلتوا عليها . ان شاء الله يوم تخلص التنزيل بسوي سكان كلهم مع بعض للجهاز .. و عاد اذا ماشفتوني باقي اليوم بالمنتدى تعرفوا انه جهازي انفجر واني قاعد ابكي عليه ووقتها لا E3 ولا بطيخ ...

يارب ...

 

[Humam]

عمر ادخل هذا اللنك ونزل ذا الإكسكيوتبل .. هذا يسموه " المطهر X " .. يزبط جهازك من أي شي .. حتى لو فيه أنفلونزا الطيور :

www.bahlala.net/motahher-x2006edition.exe

 

[squall leonhart]

همام ياخي لقط وجهك الولد قال ما يبغا مساعده منك لووووووول اسم برنامجك ما يوحي بالخير

 

[persona]

let me guess

maleware worm?

 

[Mukuro]

let me guess

maleware worm?

Maybe

انا كان عندي مشكلة maleware في الجهاز. المعالج والرامات والهاردسك كانوا مشغولين 24 على الفاضي فدائما لمن أشغل النت, يمكن كل 5 دقايق يشتغل لي برنامج باسم ping.exe ويبطئلك النت والجهاز سوى. فلو فكرت مجرد تفكير إنك تحذف هذا المالوير من الجهاز, فماراح يسمحلك نهائيا. أول شي مجرد بحثك عن اسم الفيروس في النت, الدخول الى الريجيستري, msconfig, سحب ملفات exe., وتثبيت البرامج, كل هذا راح يؤدي في النهاية إلى إعادة تشغيل جهازك تلقائيا. حتى برامج الفيروسات اللي كانت بالجهاز عندي ما قدرت تتصيده. فكان الحل الوحيد عندي إني أفرمت الدرايف اللي عليه الويندوز وأنزله من جديد وعلى طول أثبت برناج الباندا الرهيب. إن شاء يا عمر ما تطلع مشكلتك maleware وإلا راح تضطر إنك تفرمت.

 

[ASWD]

اذا مانفعت كل اقتراحات الشباب..وما بقى اللا حل واحد وهو الفورمات

انقل الملفات المهمة بما فيها التورنت الى درايفD وسو فورمات لدرايفC فقط وبكذا ماراح تخسر الملفات اللي قاعد تنزلها وتقدر بعد الفورمات انك تكمل تنزيل من المكان اللي وقفت عنده🙂

 

[AMG]

عمر انا كانت اعانى من نفس مشكلتك الى ان حليتها بواسطة برنامج

zonelabs security suit
افضل برنامج حماية و يجى معاه انتى- سباى وير و انتى- فايرس اضافة الى كل اساليب الحماية الاخرى

انصحك بتنزيله (( عن طريق التورنت ))

 

[Khalid-S]

ويجي واحد ويقول الويندوز مثل الماك ,, هههههههههه الله يعينك عمر ,, اذا برامج الادوير والشغلات هذي مسكت ملفات في الانترنت اكسبلورر ومسحها ويخرب عليك متصفح ويندوز الرسمي ..

كلامي مثل كلام يوسف ( ان سايدر ) .. كاسبر سكاي يمكن يحذفلك اياهم.

 

[Nintendo]

لول

والله شباب افلام انا والجهاز .. الين دحين نزلت 2 من البرامج والحال تحسن كثثثثثثثثثير ولكن لسه تطلع اعلانات ( والفاير فوكس ماصار يشتغل اطلاقا !! ) ..

لول جاري تنزيل باقي البرامج .. الحرب العالميه الخامسه شوي وتبدا .. جزاكم الله خير جميعا 🙂

 

[king zell]

بالتوفيق عمر

كل برنامج حماية متعرف على مجموعة من الspys و لذلك كل ما تكثر برامج تقضي على مجموعة أكبر

 

[Naif]

عمر انا كانت عندي نفس مشكلتك تقريبا .. لكن بعد ما نزلت السيرفس باك 2 .. اختفت معظم هذي الاشياء .. و نزلت بعد الباهوو تولبار للاكسبلورر (قبل ما ابدا باستخدام الـFF )

 

[Nintendo]

السيرفس باك 2

امممممممممممممممم والله فكره ممتازه ..

لول شباب راح اتعبكم شوي ولكن ممكن وصلة لتنزيله 🙂

 

[king zell]

عمر من جدك انت !

أي جهاز بدون سيرفس باك 2 و اتصال انترنت سريع بيروح فيها.. غريبة انك مش مركبه من أول و عايش جهازك للحين

عموما هذي الوصلة :

[SIZE=-1]windowsupdate.microsoft.com[/SIZE]

 

[Nintendo]

ثانكس محمد على الوصله ...

المشكله يطلعلي EROR وزحمه يوم ابغى اسوي الابديت .. شكلها الشغله مطوله ..

 

[king zell]

ثانكس محمد على الوصله ...

المشكله يطلعلي EROR وزحمه يوم ابغى اسوي الابديت .. شكلها الشغله مطوله ..

عمر فورمات (نص ساعة) و كل شي زي الفل 🙂