شباب الإمارات : وين يبيعون أفلام Blu-Ray .. والله تعبت

[BioMario]

السلام عليكم ورحمة الله وبركاتة


شباب ياليت لو اي واحد يعرف وين يبيعون أفلام الـ Blu-Ray الجديدة في الإمارات يقولي
ولو يعرف معلومة صغيرة بعد ياليت يقول وإذا يكون المكان في أبوظبي يكون أفضل ..

صارلي شهر تقريباً وانا ادور موب محصل ولا مكان يبيعون أفلام بلوراي أمريكية او ريجون فري
حصلت لكن الأفلام كلها قديمة يعني من اول ما نزل يعني افلام عادية جداً جداً

رحت كل مكان ولين ليوم موب محصل .. أعرف اني صعب جداً اني احصل لأن اصلاً
الصيغة ما انتشرت وايد في الشرق الأوسط و يبيلها شوية وقت
لكن الحين الصراحة طفح الكيل و اريد افلام HD اشغلها على الـ PS3
والمشكلة إذا حصلت فلم حلو يكون مكتوب عليه ريجون 2 او 3 و الأمريكي يكون ريجون 1

عموماً اتمنى واحد لو يعرف وين الأماكن إلي احصل فيها الـ Blu-Ray
( آخ بس لو اعرف كيف اشتري من النت :slant: )

 

[Naif]

فيرجن ميغا ستور - الامارات مول دبي..
كارفور
او من هنا: https://www.souq.com/modules/stores/store.php?id=131 البايع شكله ممتاز (115 تقييم ايجابي) (استخدم طريقة الشيبينج COD و ارامكس بيوصلولك مشترياتك لين بيتك، ادفع لهم كاش و خذ الاشياء اللي طلبتها (شحن مجاني لاقل من 5 كغ)

 

[Tomb raider]

لول نايف جاوبك !

نايف جربت تشتري شي من سوق؟ وشو المتطلبات؟

 

[Naif]

نايف جربت تشتري شي من سوق؟ وشو المتطلبات؟

ما اشتريت شي منه صراحة.. لكن بعت فيه كم شي..

مافي متطلبات.. بس سجل في الموقع و اشتري او بيع.. (الكريديت كارد ما تستخدمها الا اذا اشتريت او بعت شي.. اذا اشتريت تقدر تدفع عن طريقها اذا كان البايع مفعل خيار الكريديت كارد.. و تستخدمها يوم تبيع شي على شان تدفع لسوق مبلغ رمزي بسيط عن الشي اللي بعته).. بعد ما تشتري شي بيرسلولك على الايميل معلومات البايع.. اتصل فيه بالموبايل او الايميل و تفاهم معاه.. اقرا شرحهم في الموقع.

 

[hamad 11]

مثل ما قال لك اخ Naif
موجودة في كارفور دبي

 

[BioMario]

نايف جربت تشتري ببطاقة كاشيو ..؟
كيف أوكي ..؟ إذا ممتازة بشتري لي وحدة من جرير دام ان السالفة سهله حي

 

[Naif]

اذا تريد تستخدمها على شان تشتري من SOUQ.COM ما انصحك فيها.. استخدم طريقة الدفع كاش اسهل لك..(اول ما يوصلك الغرض اللي طلبته ادفع لعامل ارامكس اللي بيوصلك اياه و خلاص)

اذا بتستخدمها على شان تشتري من مواقع الانترنت الباقية..في بدائل افضل.. انصحك ببطاقة iPay (من بنك الامارات) او اي بطاقة شبيهه فيها (اعتقد في وايد بنوك تقدم هذي الخدمات.. و مش لازم يكون عندك حساب معاهم.. روح لهم و عطهم فلوس و هم يحولولك اياها لبطاقتك و تقدر تستخدمها نفس اي بطاقة كرديت كارد ثانية)

 

[SALAH]

والله بصراحة انا زي BioMario نفسي اشتري من الانترنت لكن المشكلة للحين مافتحت حساب بأي بنك , فيه أي حل ثاني عشان اقدر اشتري من مواقع كبيرة غير سوق ( امازون و ايباي مثلا ؟ )

 

[Naif]

والله بصراحة انا زي BioMario نفسي اشتري من الانترنت لكن المشكلة للحين مافتحت حساب بأي بنك , فيه أي حل ثاني عشان اقدر اشتري من مواقع كبيرة غير سوق ( امازون و ايباي مثلا ؟ )

اذا بتستخدمها على شان تشتري من مواقع الانترنت الباقية..في بدائل افضل.. انصحك ببطاقة iPay (من بنك الامارات) او اي بطاقة شبيهه فيها (اعتقد في وايد بنوك تقدم هذي الخدمات.. و مش لازم يكون عندك حساب معاهم.. روح لهم و عطهم فلوس و هم يحولولك اياها لبطاقتك و تقدر تستخدمها نفس اي بطاقة كرديت كارد ثانية)

..................

 

[SALAH]

لوول نايف , معلش الساعة 3 ونص الصبح توي صاحي من الرقاد , ما انتبهت لكامل ردك
بس والله الفكرة فنانة ..بنك الامارات جنب بيتي , بروح عندهم بكرا وبستفسر عن هالبطاقة ..ماقصرت ^^

بس ماعليك أمر استيضاح ثاني :

و من هنا: https://www.souq.com/modules/stores/store.php?id=131 البايع شكله ممتاز (115 تقييم ايجابي) (استخدم طريقة الشيبينج COD و ارامكس بيوصلولك مشترياتك لين بيتك، ادفع لهم كاش و خذ الاشياء اللي طلبتها (شحن مجاني لاقل من 5 كغ

يعني لو كنا من داخل الامارات بيرسلوها لنا شحن مجاني ؟ و بيمشي الحال ببطاقة الـipay ؟
( معلش انا جاهل جدا بأمور الشحن والشراء من الانترنت )

 

[Naif]

نو بروبلم 🙂

يعني لو كنا من داخل الامارات بيرسلوها لنا شحن مجاني ؟ و بيمشي الحال ببطاقة الـipay ؟
( معلش انا جاهل جدا بأمور الشحن والشراء من الانترنت )

Souq.com (النسخة الاماراتية) ما يشحن الا داخل دولة الامارات.. لو اشتريت شي من عندهم و اخترت طريقة الدفع كاش عند الاستلام، البايع بيعطي الاغراض ارامكس.. ارامكس بتاخذ الاغراض و بتوزنها (اذا وزنها اقل من 5 كغ الشحن بيكون مجاني.. يعني ما بتدفع الا سعر الاغراض اللي طلبتها) و بتشحنها لك.. بيوصلك الغرض اللي طلبته.. ادفع لعامل ارامكس اللي بيوصلك الغرض كاش.. البايع بيحصل الفلوس في حسابه في الموقع بعد ما تخلي له تقييم و هو يحط لك تقييم.

تقدر بعد باستخدام هذي الطريقة انك تدفع للبايع اونلاين عن طريق الكريديت كارد.. بس طبعا الكاش افضل و اكثر امان

معظم البياعين في موقع سوق يستخدمون هذي الطريقة (اسمها COD = Cash on Delivary) او طريقة Buyer come and pick up item اللي لازم المشتري يروح شخصياً عند البايع و ياخذ الاغراض و يدفع له كاش..

ipay يوم بتاخذها ما يعطونك بطاقة حقيقية physical. لكن بيعطونك رقم لبطاقة ماستر كارد.. تقدر تسخدمه في اي موقع يقبل الماستر كارد.

 

[SALAH]

تسلم والله يا Naif ماقصرت ..قدمت لي خدمة كبيرة والله , اليوم الصبح بسير البنك باذن الله 🙂

 

[BioMario]

اهاااااااااااااااا الحين فهمتك نايف ..
وااااو حركة الدفع كاش وايد وايد حلوة وموب معقدة ابداً ..
شكلي رح اجرب ولأول مرة ^^ ..
-------------------------------
ipay شكلي بستفسر عنها اكثر ..
اسف نايف بس أخر سؤال : الـ iPay يعني بطاقة عادية اقدر اروح بنك الإمارات مرة ثانية اعبيها فلوس و ادخل النت اشتري وهاكذا صح ..؟ ( طبعاً لازم صندوق بريد في أمريكا )

 

[SALAH]

علي انسى ipay -__-
توي متصل على بنك الامارات , قالوا لي انهم كنسلوا الخدمة هذه بسبب قلة الطلب عليها ( الحق عليهم ليش ماعملوا دعاية ؟! اصلا ماسمعتها الا من نايف )

والحين بدي اتصل على البنوك الثانية اسأل لو عندهم هالخدمة , لأن الموظفة قالت انه - على حد علمها - مافي بنك عنده هالخدمة الا الامارات ..

 

[iCon]

فيه بطاقة من بنك أبوظبي الوطني اسمها @Surfer ممتازة حق التعاملات و الشراء عن طريق الانترنت .. رسومها 50 درهم في السنة و مب ضروري يكون عندك حساب في البنك .. انا اتعامل فيها في Souq.com و المواقع الاجنبية و الحلو بعد انهم ما ياخذون عليك شي لما قمت بعملية شراء منها .. اول مرة اظني يطلبون منك 500 درهم تعبيها و طبعا بعدها لك الحق تشتري بالمبلغ كله .. هي عبارة عن ورقة حتى مب بطاقة ههه علشان ما تستخدمها الا عن طريق الانترنت

 

[Tomb raider]

غريبه الi Pay تكنسلت ! :/ ليش عاد ؟ انا بطاقتي بتنتهي بعد سنه وعقبها اظن ما بقدر اجددها :/
لازم ادور حل !

 

[SALAH]

فيه بطاقة من بنك أبوظبي الوطني اسمها @Surfer ممتازة حق التعاملات و الشراء عن طريق الانترنت .. رسومها 50 درهم في السنة و مب ضروري يكون عندك حساب في البنك .. انا اتعامل فيها في Souq.com و المواقع الاجنبية و الحلو بعد انهم ما ياخذون عليك شي لما قمت بعملية شراء منها .. اول مرة اظني يطلبون منك 500 درهم تعبيها و طبعا بعدها لك الحق تشتري بالمبلغ كله .. هي عبارة عن ورقة حتى مب بطاقة ههه علشان ما تستخدمها الا عن طريق الانترنت

خساااارة شفت ردك متأخر ..الحين البنك اغلق وراحت جمعة وسبت -_-
الحمدلله انه الخدمة مازالت موجودة على الأقل ..بتصل عليهم يوم الاحد وبستفسر 🙂

هي عبارة عن ورقة حتى مب بطاقة ههه

هههه ذكرتني بالاتصالات القح ! أول شي كانوا يعطوا بطاقات واصل بلاستيكية ومحترمة وعليها Art فنان , الحين للتوفير صار شكلها زي الفاتورة مش بطاقة خخ

 

[BioMario]

صلاح الله يخليك رد لي خبر لأني بالفعل محتاج لهذا الشي من زمان و طفح الكيل لازم اعرف كيف ..
وشكراً مقدماً ..

حميد ان قلت لي عنا انزين كل مرة تروح تحط فلوس علشان تقدر تشتري من النت يعني تعبيها فلوس موب
مرتبطة ابداً بالحساب البنكي صح ؟