شباب ابغى متصفح جديد

[Nintendo]

اوكي الاكسبللور بطئ والفاير فوكس مشاكله لاتعد ولاتحصى ( ماصرت اقدر افتح نص صفحات الانترنت ) ..

شباب ابغى نصيحتكم بمتصفح سريع ويقدم مزايا حلوه مثل الفاير فوكس ..

 

[Tomb raider]

يمدحون الاوبرا
وفي متصفح اسمه Flock موجود عالماك، ما ادري اذا في نسخه للوندوز ، خلني اشوفه لك !
برب

 

[Tomb raider]

اوكي عمر ادخل هني
http://www.flock.com/
اموجوده نسخه للوندوز شوفه عاليمين فوق

 

[Zero]

والله العظيم ما في أحلى وأسرع وأجمل من الأوبرا من تجربتي كما أنه الأكثر تنظيما وتحسه أنيق .. إذا استخدم الفايرفوكس أحسه اوفرريتد بقوة لدرجة أني صرت أكرهه

اوبرا > الكل ولما تجربه اعطينا خبر ..

 

[Lunar Poet]

الـAvant جيد للي متعودين عالاكسبلورر و الفايرفوكس

.

 

[Tomb raider]

عمر ادخل عالFlock وشوف فيه خصائص جميله ، بتحصل عاليسار خيارات مثل الblog anything و Photos & videos !

 

[Nintendo]

نزلت الFlock .

اممم اشوفه تقريبا نفس الفاير فوكس بكل شئ .. يعطيم العافيه عبدالعزيز الحمدلله كل المواقع صارت تفتح معاي فيه ..

 

[Tomb raider]

الله يعافيك 🙂
واذا ماعجبك جرب آراء الشباب 🙂

 

[hussien-11]

Avant
...........
​

 

[Colorization]

كثير شباب أعرفهم ينصحون بOpera.

Flock مبني على الcoding حق فاير فوكس مع إضافات تخليه "متصفح إجتماعي" (الblogging وخاصية فليكر وهالأشياء). Avant نسخة مطورة من إنترنت إكسبلورر، ما أنصح فيه أبداً. أفضل الإختيارات هي فلوك أو أوبيرا.

 

[hussien-11]

الأفانت أنصح فيه أساسا لأنه مبني على كود الإكسبلورر ، لكنه بنفس الوقت يتجنب مشاكله ، أسرع ، اكثر امانا ، فيه مزايا الفايرفوكس المشهورة مثل التابنج ، فهو ممتاز

الأوبرا ممتاز كمان بس فيه مشاكل واجهتني معاه على ما أذكر و مسحته .. بس صراحة كان خرافي

بالنسبة لي الفايرفوكس + الأفانت = أفضل تصفح للشبكة
​

 

[Nintendo]

نزلت الاوبرا ومادري ولكن مارتحتله كثير .. معقد وغير عملي مثل باقي المتصفحات ..

يعطيكم العافيه شباب شكلي باستخدم الفلوك لمده ( لعل وعسى موزيلا تسوي ابديت مستقبلي للفاير فوكس ) ..

 

[Zero]

معقد وغير عملي مثل باقي المتصفحات ..

معقد ؟! بالعكس واجهته واضحة وسهلة الاستخدام .. معقد من أي ناحية ؟ :slant:

 

[Khalid-S]

الي اعرفه ان Avant هو اصلا مو متصفح .. يفتح الصفحات من IE لكن يعطي خيارات اكثر من ال Tab وغيره من هذي الامور ... يعني يفتح الصفحات من IE .. مو متصفح.

 

[Ginko]

مشكلة الفايرفوكس انه ياكل الميموري، مدري عن باقي المتصفحين لكن لاحظت هالشيء فيه، بس يظل هو الافضل.

جرب تستخدم التابز بدل ما تفتح ويندو جديد، يستهلك اقل ميموري مما بيسمحلك بفتح زيادة مواقع وبسرعه افضل.

 

[Nintendo]

معقد ؟! بالعكس واجهته واضحة وسهلة الاستخدام .. معقد من أي ناحية ؟ :slant:

مثلا يوم تحط المواقع تحت المكان اللي تحت فيه عنوان الصفحات .. اذا ودك ترتب المواقع بشكل معين ماتقدر تشيل اسم الموقع وتحطه لا لازم تفتح صفحته وتحفظه فوق ..

يعني فيه نقاط المفروض تكون بسيطه جدا بالاستخدام بعد ماتتعود على الفاير فوكس ..

عبدالله الفاير فوكس عندي خرف .. صار مايفتح صفحات بكبرها ( جيمنج ايج و ign ) وغيرهم .. مجرد ادخل الصفحه يطلعلي بروبلم ريبورت .. مسحت البرنامج ونزلته من جديد ونفس الحاله مع انه بالاكسيبللور كل شئ شغال عادي ..

 

[king zell]

عمر في أكثر من واحد قال لك Avant بس انت جحدتهم



استخدمه.. راح يعجبك لأنه بسيط و ما فيه تعقيد (هذا اللي تبيه انت)

 

[q8 spy]

Avant

لا يطوووفك

 

[itachi]

Opera حيخلصوه ...🙂
أنصحك تجرب أي متصفح وتقعد عليه أسبوع حق تتعرف عليه
لكن هم أنصحك بالأوبيرا ...ميرة Speed Dail بتغنيك عن إنك تحط مواقعك في الشريط فوق ..حط لك أفضل ٩ مواقع في البدايه على طول والمواقع الثانيه خليها في المفضله

 

[pacino]

اي والله زهقت من الفاير فوكس..كله مشاكل ونص اكواد الصفحات ما تطلع ..حتى ملفات الفلاش بعض المرات ما تطلع!! والاكسبلورر بطيء حده..

 

[G7Ga7]

ليه أنا الوحيد الي مرتاح مع الإكسبلورر ؟

ياخي برنامج رائع , وما ادري ليه تقولوا عنه بطيء ؟؟

 

[pacino]

ياخي برنامج رائع , وما ادري ليه تقولوا عنه بطيء ؟؟

لو تجرب الفاير فوكس تحس بالبطئ XD

 

[Tomb raider]

أكسبلورر مب سيء بالعكس اشوفه جيد ، المسأله مسألة تعود ...الفاير فوكس ايضا ممتاز ....السفاري اليديد "بيتا" جيد بس فيه مشاكل بصراحه !