الا العكس يوسف... يعني شايف ال ٤٠ مليون مشتري للبلاي ٤؟ يمكن فقط ٥ ملايين منه و أقل الي يهمهم هالشي الباقين ترى مو من النوع المهووس و لا جان ما شفنا تأخر كبيييير للانتقال للجيل الجديد بسبب اكتفائهم بنسخة البورت للجيل السابق من ألعابهم.
ترى النسبة الضئيلة هي الي منغمسه في متابعة الأخبار بشكل عميق و متعمقة في النقاشات التقنية.
فالعكس في كلامك.... الأقلية الي راح تهتم و تنهوس بالنسخ المطورة مو العكس
محمود بالمنطق لو اخذنا كلامك على انه فيه صحة.انا كشركة وش اللي بيجبرني أني انزل جهاز مطور بتكلفة إضافية اذا كان مردودي ورا هالخطوة ٤او٥ مليون من ٤٠ مليون؟.اظل على الموديل الحالي او انزل سليم واجني ربح بدل ما افتح لي باب لخساير إضافية خصوصا لما الجهاز يبيع بخسارة اول ماينزل قبل ما يبدا الربح.كلام الشركتين حول هالخطوة ماهو استهداف جم مليون من قاعدة اجهزتها وتخوف اندرو من الانتقال للبي سي ماهو بسبب ٥ مليون.
وبل العكس الناس اللي ما تتابع الاخبار هي لمصيبة لانها بتهتم باللي يقال من حولها وبتتاثر.عكس المتابع اللي عارف وش اللي يدور حواليه.ومثل ما ذكرت في ردي السابق انت قاعد تتكلم عن جانب هو الشغل الشاغل حاليا لغالبية اللاعبين وهو technical side اول شي ينقاس به في اللعبة هو لجرافيكس وفريم الخ وبعدها تشوفهم يتكلمون عن الامور الثانية هذ ان تكلمو
كلامهم كان واضح على الجميع طرف أول و ثالث بعدين شلون مالهم سلطة عليه و هم أصحاب الأجهزة الي راح ينشرون ألعابهم عليه؟ ايه بكيفهم يتشرطون عليهم أنهم ما يطورون الا الألعاب الموحده للجهازين علشان لا يستثار غضب المستهلك و يحس أنه left behind و تم التخلي عنه و بالتالي الشركة ت
لا ماكان معمم للجميع بل لهم.يكفيك تخبط تصاريح سبينسر اول شي قال المطور له كامل الحرية بعمل اللي يريد على الاكسون المطور بعدها طلع ونفى ومرة اخرى طلع وأكد على مسالة الحرية للمطور وعمل اللي يبغاه
وسوني ومايكرو مالهم سلطة محمود على اي شركة طرف ثالث ولا يقدرو يتشرطون هم اصحاب الاجهزة وياخذون نسبة من مبيعات الالعاب على اجهزتهم فقط لا غير اما اتشرط ابغى جذي وما ابغى جذي هذي انساها.هذ عرف سائد ومسلم به ان الطرف الثالث ماحد له سلطة عليه من الطرف الاول اللا في حالة المشاركة في تمويل المشروع اكان في عملية التطوير او التكفل بالاعلانات او الاثنين معا.انا كطرف ثالث مو ملزوم بدعم ٤ اجهزة وتطوير كل نسخة على حدى او تطوير لعبتي على الموديل الاضعف عشان يتلائم مع قدراته ومن ثم اعاني مع نسخة الموديل المطور وخذ لك باتشات وغيره عشان اضبط عنواني مع قدرات الجهاز.تراها مصاريف اضافية وتكلفة زايدة هل مايكرو وسوني مستعدة انها تتكفل بهذي المصاريف الزايدة؟.الشركات بتختصر على نفسها وبتخلي الاجهزة الاساسية في عملية تطوير عناوينها هي الموديلات المطورة شي بديهي.مثل ما حصل مع العاب لكروس جين بداية هالجيل والكل يعرف النتيجة في اغلب المرات وش هي
أصلا الي يسمعك أن المطورين راح يصيرلهم تنويم مغناطيسي أول ما يشوفون جهاز مطور و لازم يستغلون عليه بشكل حصري فقط.... لو كلامك صحيح جان ما شفناهم لحتى الآن و مدة مش بعيدة يطورون ألعابهم التريبل A كروس جين، مش نسخة مطورة و نسخة حالية بل جيلين مختلفين تماما لأن مافي مطور غبي راح يمسك قاعده جماهيرية أقل و يطور عليه بشكل حصري لحاله لما الشركة الأم صاحبة الجهاز هي بنفسها الي قايلة لهم استخدمو الجهازين مع بعض و توجهو للقاعده الجماهيرية الموحده الأكبر.
انا مدري ليش تحاول تعيش في حالة انكار مع خيار خسف نسخ الاجهزة الحالية مقارنة مع المطورة.هذ ماهو نوع من الحصرية بنظرك؟.للعلم هذ اخس والعن من جعل العنوان حصري يشكل كامل
العاب لكروس جين اللي صدرت بداية الجيل*كلها* بلا استثناء كانت مبنية من الاساس على اجهزة الجيل السابع من فانتوم بين وايڤل وذن وكود الخ فا طبيعي تنزل بالتزامن.تقدر تقول لي متى نزلت اخر عنوان كروس جين فعلي ومو مجرد اصدار لتكملة عدد مثل العاب فيفا اللي مطرين ينزلونها على كل الاجهزة بسبب الحقوق؟
على قولتك الأيام جاية ونشوف.اهم شي ما تنصدم اذا حصل اللي قاعدين نقوله.لهذ الأفضل تستعد لكل الاحتمالات
