E3 سوني: نتمنى أن يساهم الPS4 Neo بعدم انتقال المستهلكين إلى الحاسب الشخصي

[BL00D]

تصحيح بعض معلومات مغلوطة
ps4 و xbox1 هاردوير pc قديم عشان كذا في ps4. xbox1 جديد اقوى مو بسبب (التقنية تتقدم بسرعة)

( الجهاز راح ينافس الpc ) بدري على الكونسول اللي ينافس الpc هو الpc فقظ

 

[XORO]

اذا في هذه الحالة ليش زعلانين من النسخ المطورة مدام ان الشركات ما بتصدر العاب حصرية لها عشان ثقة المستهلك؟

 

[The Praiseworthy]

اللي فاهمه للآن هو إن النيو راح يوقف أمام الإكس ون السليم، أما السكوربيو فننتظر رد سوني

شلون فهمت هالشي محمد؟

النيو و السكوربيون اثنينهم نسخ مطورة لأجهزتهم.

شلون فهمت أن النيو الجهاز المطور بمواصفاته عن البلاي ستيشن ٤ راح يوقف مقابل السليم الي عبارة عن نفس الجهاز و لكن بحجم أصغر و دعم 4k للأفلام 😕

 

[Daud]

انا كنت مع الاجهزة الجديدة ومتحمس لها.. لحين مؤخرا شريت انشارتد 4..
جاتني الصدمة من قوة الجرافكس.. الاضاءة التكتشرز ال depth of field وال ambient occlusion شي خرافي ولا يصدق.. بصراحة ايش نبغى اكثر من هالجرافكس؟ و30 فريم ثابتة جدا.. فعلا الامر بشكل كبير يرجع للمطور...
تغيرت نظرتي كليا والاجهزة المطورة فعلا مالها داعي ابدا..

 

[mamiqdadi]

شلون فهمت هالشي محمد؟

النيو و السكوربيون اثنينهم نسخ مطورة لأجهزتهم.

شلون فهمت أن النيو الجهاز المطور بمواصفاته عن البلاي ستيشن ٤ راح يوقف مقابل السليم الي عبارة عن نفس الجهاز و لكن بحجم أصغر و دعم 4k للأفلام 😕

يعني الإشاعات إنه سوني ماعندها إجابة على قوة السكوربيو صحيحة يامحمود؟
أنا مستغرب، سوني تقرأ السوق بشكل ممتاز عادة و مجدة في معاقبة الخصم على أخطاءه، هذا يعني إنهم إما شايفين خطوة مايكرو غير صحيحة، أو إنه مايكرو أخذت الأسبقية فبالتالي هم ما تكلموا عن النيو
على كل حال هم راح يكشفوا عن النيو قريباً خصوصاً لو هم ناويين عليه خلال هذه السنة المالية

 

[titanfall]

يعني الإشاعات إنه سوني ماعندها إجابة على قوة السكوربيو صحيحة يامحمود؟
أنا مستغرب، سوني تقرأ السوق بشكل ممتاز عادة و مجدة في معاقبة الخصم على أخطاءه، هذا يعني إنهم إما شايفين خطوة مايكرو غير صحيحة، أو إنه مايكرو أخذت الأسبقية فبالتالي هم ما تكلموا عن النيو
على كل حال هم راح يكشفوا عن النيو قريباً خصوصاً لو هم ناويين عليه خلال هذه السنة المالية

سوني و تصدر جهاز أضعف من جهاز المنافس بالرغم من أنها تعرف مواصفاته ؟ مستحيل في رأيي

 

[The Praiseworthy]

يعني الإشاعات إنه سوني ماعندها إجابة على قوة السكوربيو صحيحة يامحمود؟
أنا مستغرب، سوني تقرأ السوق بشكل ممتاز عادة و مجدة في معاقبة الخصم على أخطاءه، هذا يعني إنهم إما شايفين خطوة مايكرو غير صحيحة، أو إنه مايكرو أخذت الأسبقية فبالتالي هم ما تكلموا عن النيو
على كل حال هم راح يكشفوا عن النيو قريباً خصوصاً لو هم ناويين عليه خلال هذه السنة المالية

سوني للحين ما تكلمت عن مواصفات النيو 😉

 

[Fatal Error]

طيب يمكن بعد سنتين نشوف العاب حصرية للنسخ المعدلة كل شي جايز

صحيح، بس لما يصير الكلام ذا راح ذاك الوقت راح يبدأ الجيل الجديد، الي اتوقع راح يصير بعد ثلاثة/اربعة سنين راح ينزل جهاز جديد وتصير الالعاب تشتغل فقط على الNeo والجديد، والPS4 العادي راح يكون له ٦/٧ سنين،
وهكذا، دورة الاجهزة راح تصير كل ٣/٤ سنين، والاجهزة تكون Backward و Forward Compatible.

 

[guitaro]

رغم تخوفي من هالقفزه اللي بتصير بس مااخفيكم اني متحمس جدا لمستقبل الفيديو جيمز
بالذات مكتبة الألعاب اللي انت قاعد تبنيها لنفسك الآن ماراح تضيع!
ماتحتاج في المستقبل محاكي او تضطر تشتري جهاز مستخدم مثلا فقط لتجربة لعبة فاتتك
واحس ان هذا التوجه السليم، صحيح كل شي في البداية يكون تقبله صعب بس راح نتعود على دورة حياة الاجهزة بتكون 4 إلى 3 وممكن اكثر على حسب التقنيه المتوفره اذا كانت لازمه لاصدار جهاز مطور، مستقبلا ممكن مع ألعاب ال 8K😛 بنشوف قفزه اخرى
بخصوص السكوربيو اكدوا اكثر من مره انه جهاز لابد انه ينزل كحال النيو ولا راح يكون في اصدار سنوي للاجهزه مثل ما البعض متخوف من هالشي، هي فقط حاله خاصه على مااعتقد للالتحاق بقوة الPC وتقنية الVR

قدامنا ان شاءالله مستقبل ممتاز للالعاب لاتخافون

 

[ibrahimJ]

يعني اصدار نسخة محسنة من الجيل الحالي للكونسول هدفه هو مواجهة pc gaming , اكثر شئ غبي سمعته في حياتي كله نفس وضع ستيم عندما طلعوا اجهزة غبية علشان يجذبوا اصحاب الكونسول .

 

[VEX]

اذا في هذه الحالة ليش زعلانين من النسخ المطورة مدام ان الشركات ما بتصدر العاب حصرية لها عشان ثقة المستهلك؟

أحم أحم New 3DS و Xenoblade يسلمو عليك

 

[bXNmbQ==]

يعني الإشاعات إنه سوني ماعندها إجابة على قوة السكوربيو صحيحة يامحمود؟
أنا مستغرب، سوني تقرأ السوق بشكل ممتاز عادة و مجدة في معاقبة الخصم على أخطاءه، هذا يعني إنهم إما شايفين خطوة مايكرو غير صحيحة، أو إنه مايكرو أخذت الأسبقية فبالتالي هم ما تكلموا عن النيو
على كل حال هم راح يكشفوا عن النيو قريباً خصوصاً لو هم ناويين عليه خلال هذه السنة المالية

جميع الاجهزه اجلت للسنه القادمة والسبب واضح
موفر المواصفات المطلوبة واحد "amd" ولا يقدرون يوفرونها هذي السنه على كلام ميكروسوفت ... فهمت ليش ماتكلموا عن النيو وnx ؟

 

[The Praiseworthy]

صحيح، بس لما يصير الكلام ذا راح ذاك الوقت راح يبدأ الجيل الجديد، الي اتوقع راح يصير بعد ثلاثة/اربعة سنين راح ينزل جهاز جديد وتصير الالعاب تشتغل فقط على الNeo والجديد، والPS4 العادي راح يكون له ٦/٧ سنين،
وهكذا، دورة الاجهزة راح تصير كل ٣/٤ سنين، والاجهزة تكون Backward و Forward Compatible.

الي راح يصير أن الجيل الثامن مثلا الحالي مدته ٨ سنوات.... بدايته صدر PS4 و بعد ٤ سنوات يعني منتصف الجيل يصدر النيو بمعنى النسخة المطوره PS4.5.

هالجهازين راح يتشاركون في الألعاب و الاكسسوارات و الدعم و كل شي... باختصار وجهان لعملة واحده.

الجيل التاسع راح يكون جديد تماما... PS4.5 ماراح يشغل ألعاب الجهاز المرقم الأساسي التالي PS5... الا بألعاب الي أساسا تكون مصممة كروس جن.

يعني كل جيل راح يكون لحاله ماراح يكون فيه تداخل أجيال لأن هالشي راح يلخبط كل شي ( أنا عندي PS4.5 ليش أشتري جهاز الجيل الجديد اذا أقدر أشغل ألعاب PS5 ).

الشركات تبي تفيد نفسها مش تضر نفسها 🙂

يعني خلاص كل جيل راح يكون طويل ٨ سنوات و لكن راح يكون فيه نسخة موديل محسنه بمنتص الجيل...... خلصت ٨ سنوات يبدأ وراها جيل آخر جديد تماما منذ البداية ماله شغل بالجيل الي سبقه.

الخ الخ الخ

 

[Cizer Shnider]

الكلام على الورق حلو لكن الخوف من التطبيق
انا شخصيا لسة راجع للجيمز وشاري البلاي 4 مؤخرا وبهذا الكلام قدامي سنة واحدة العب الالعاب اللي فاتتني واللي بيصدر السنة المتبقية فقط وبكذا بتموت مكتبة الالعاب للجهاز.
لاتقنعني انه مابيكون العاب حصرية للاجهزة خصوصا ان الاجهزة نقلة كبيرة وهي جيل يعتبر جديد خصوصا لو سوني غيرت في المواصفات علشان تواكب قفزة مايكروشوت زي ماهو متوقع لانها مستحيل تتركلهم هذه الخطوة المتقدمة فلا يمكن ان يتركوا اجهزتهم بدون حصريات ولن يكلفوا شركات التطوير عبئ عمل العاب على جميع المنصات وتهيئة كل لعبة ان تستغل قدرات كل منصة على حدة .
مش مطمئن بصراحة والخطوة دي حتقتل مكتبة الالعاب لكل جهاز وبتكلف اللاعبين عبئ اضافي .
تخيل زي ماهو متوقع تشوف الفرق بين العاب جهازك والقادم زي الفرق بين زيلدا الوي يو وزيلدا ال nx (هذا لو حصل اصلا باصدار الالعاب كروس جين) شئ بيكون محبط جدا لي كلاعب اني لسه في وسط الجيل وشايف الالعاب افضل على جهاز ثاني نفس جهازي بنسخة معدلة. وبكذا مستقبلا مش حشتري كونسول في بداية الجيل وحنتظر اصدار جهاز معدل بوسط الجيل واعتقد زيي كثيرين وهذا بياثر على مبيعات الشركات المصنعة.

 

[The Praiseworthy]

لاتقنعني انه مابيكون العاب حصرية للاجهزة خصوصا ان الاجهزة نقلة كبيرة

صرحو و أكدو أكثر من مرة.... ماراح يكون فيه حصريات... الألعاب و الدعم و كل شي راح يكون واحد للجهازين لأنهم من جيل واحد.

هم قالو هالشي و صرحو فيه لأنهم يدرون أن فيه عشرات الملايين من اللاعبين ما يحبون يحسون مثلك أنهم Left Behind فلا تخاف من هالنقطة.

الأجهزة المطورة راح يكونون موجهين للاعبين الي يبون مواصفات High End لألعابهم مثل الـ PC... يعني الفرق بين ألعاب جهازك الحالي و المطور راح يكون مثل تقريبا بين جهازك الحالي و الـ PC.

لا داعي للقلق... استمتع بجهازك لأنه راح يظل معاك لسنوات طويلة قادمة لحتى الجيل القادم البلاي ستيشن 5 🙂

 

[hussien-11]

الشركات تبي تفيد نفسها مش تضر نفسها 🙂

يعني خلاص كل جيل راح يكون طويل ٨ سنوات و لكن راح يكون فيه نسخة موديل محسنه بمنتص الجيل...... خلصت ٨ سنوات يبدأ وراها جيل آخر جديد تماما منذ البداية ماله شغل بالجيل الي سبقه.

الخ الخ الخ

بس مش هذا توجه مايكروسوفت، السكوربيو فعلياً أشبه بجهاز جديد بالكامل، وفيل سبينسر قال أن المطورين يقدروا يسووا أي شي فيه

هالمرة أحس فيه اختلاف بين توجه سوني وتوجه مايكروسوفت.

 

[Anaxiroshe’lir]

صرحو و أكدو أكثر من مرة.... ماراح يكون فيه حصريات... الألعاب و الدعم و كل شي راح يكون واحد للجهازين لأنهم من جيل واحد.

هم قالو هالشي و صرحو فيه لأنهم يدرون أن فيه عشرات الملايين من اللاعبين ما يحبون يحسون مثلك أنهم Left Behind فلا تخاف من هالنقطة.

الأجهزة المطورة راح يكونون موجهين للاعبين الي يبون مواصفات High End لألعابهم مثل الـ PC... يعني الفرق بين ألعاب جهازك الحالي و المطور راح يكون مثل تقريبا بين جهازك الحالي و الـ PC.

لا داعي للقلق... استمتع بجهازك لأنه راح يظل معاك لسنوات طويلة قادمة لحتى الجيل القادم البلاي ستيشن 5 🙂

العاب ال VR راح تكون حصرية للنيو والسكوربيو.. غير أنه ممكن عناوين كبيرة تستغل ال VR وبدونه التجربة مستحيلة.

 

[Veeto]

بس مش هذا توجه مايكروسوفت، السكوربيو فعلياً أشبه بجهاز جديد بالكامل، وفيل سبينسر قال أن المطورين يقدروا يسووا أي شي فيه

هالمرة أحس فيه اختلاف بين توجه سوني وتوجه مايكروسوفت.

ترى مايكروسوفت نفوا هالشي ..واصلا للحين ما نعرف استراتيجتهم الحقيقية.. هم في حالة تشتت... كل تصريح يعاكس الثاني مثل بداية الكشف عن الاكس ون

اعتقد مايكروسوفت اعتقدوا سوني بيكشفوا عن النيو فحبوا يكونوا بنفس الوضع فكشفوا عن سكوربيو... واعتقد سوني عملوها فيهم وما كشفوه

واعتقد بالمعرض القادم بيكشفوا عنه وبيكون كمواصفات اقوئ من السكوربيو

 

[The Praiseworthy]

وفيل سبينسر قال أن المطورين يقدروا يسووا أي شي فيه

طلع وراه بتصريح ثاني على طول و نفاه.

العاب ال VR راح تكون حصرية للنيو والسكوربيو

من وين طلعت هالكلام؟

ما سمعته من مصدر رسمي؟

 

[hussien-11]

واعتقد بالمعرض القادم بيكشفوا عنه وبيكون كمواصفات اقوئ من السكوربيو

ما أعتقد! لو صار هذا الشيء فالنيو بيكون أشبه بجيل جديد هو الثاني ومش مجرد موديل مطور، وكلام أندرو هاوس يعطيني فكرة أن توجه سوني هو الحفاظ على فكرة الأجيال بس مع أبجريد رسومي في وسط الجيل بدال الانتظار لنهايته

وبالعكس أشوف سياسة مايكروسوفت واضحة، فيل سبينسر كان واضح بخصوصها لما أطلق وصف beyond generations، واضح أن مايكروسوفت رح تجس النبض وتحاول إلغاء سالفة كونسول واحد كل جيل.

طلع وراه بتصريح ثاني على طول و نفاه.

سالفة النفي لا تعدو كونها ردة فعل على غضب الإعلام، مايكروسوفت رح تسمح بمشاريع حصرية على السكوربيو والفرق الكبير بالقدرات يسمح بهالشي.

 

[The Praiseworthy]

سالفة النفي لا تعدو كونها ردة فعل على غضب الإعلام، مايكروسوفت رح تسمح بمشاريع حصرية على السكوربيو والفرق الكبير بالقدرات يسمح بهالشي.

اذا تبي تخسر سمعتها و تجرح صورتها و تثير غضب المستهلك و تفقد ثقة الزبون نفس الي عملته في E3 2013 و الي تأثيره عالمدى البعيد عانت منه كثير.... ايه ليش لأ.

 

[hussien-11]

اذا تبي تخسر سمعتها و تجرح صورتها و تثير غضب المستهلك و تفقد ثقة الزبون نفس الي عملته في E3 2013 و الي تأثيره عالمدى البعيد عانت منه كثير.... ايه ليش لأ.

تدري محمود... أنا رح أشرح وجهة نظري في سالفة الأجهزة المطورة هذي

بالنسبة لي هالخطوة ... شيء يصعب التكهن بنتائجه، لذلك ولا مرة أعلق وأقول انها "بتضر الصناعة" أو "بتفيد الصناعة"

باختصار منذ العائلة وحتى يومنا هذا، هذا أول جيل نشوف فيه جهاز بقدرات مطورة في نص الجيل، شيء عمره ما صار من قبل وما عندي أي وسيلة "قياس" للمقارنة تخليني أتوقع ايش ممكن يصير

الفكرة بحد ذاتها نجحت في أسواق أخرى... نجحت في سوق الموبايل والأجهزة الذكية، نجحت مع محمول ننتندو، فنظرياً على الأقل، ما في شيء يمنع انها تنجح مع أجهزة الكونسول أيضاً

الشيء الثاني؟

مايكروسوفت وسوني شركات عندها نفوذ هائل وعدد هائل من المستهلكين
احنا دائماً ننظر للخطوة كمستهلكين، لكن من عين الشركة: مش منطقي نهائياً يظلوا يصرفوا فلوس R&D بمئات الملايين لسنوات عديدة متتالية وبعديييييييين ينزل المنتج في الأسواق
لذلك إذا كان فيه فرصة بأكثر من جهاز أو بإصدار كونسول جديد كل 3-4 سنين بدال كل 7-8 سنين، ما رح يترددوا أكيد، هذا في نظري شيء بديهي

السؤال هو: هل المستهلك بيتقبل؟ أنا بصراحة أشوف أن سوني ومايكروسوفت (بالأخص سوني، حالياً) شركات عندها القدرة تغير (العادات الشرائية) للمستهلك، ولو هالشركات عودت المستهلك يشتري جهاز كل 3-4 سنوات بدال لا ينتظر نهاية الجيل، فالمستهلك رح يسوي هالشي ومع الوقت رح يصير (طبيعي) بالنسبة له.

الشركات دايماً لما تسوي تغيير كبير، تنفذه حبة حبة وعلى مراحل حتى تمتص غضب الناس: الجهاز المعدل موجود، لكن ما بيكونله حصريات! ولا بيفرق معكم أي شي يا أصحاب الأجهزة القديمة! وحبة حبة... يسمحوا بحصريات (عالاقل من جهة مايكروسوفت)، وتصير كل خططهم مبنية أن الجهاز ما يقعد في السوق أكثر من 3 سنوات، قبل ما ينزلوا الي وراه. شوف المستهلك زمان كيف كان ينادي "بمقاطعة" الألعاب الي تدعم المايكروترانزاكشنز، الآن مؤخراً صاروا اللاعبين يدافعوا عنها! تخيل الانقلاب الهائل في الموقف وعادات الشراء

سوني ومايكروسوفت لو أرادوا، يقدروا يغيروا السوق ونموذج طرح الأجهزة في السوق.

 

[The Praiseworthy]

حسين أنت نسيت شي؟

منو كل شوي ( 3 - 4 سنوات ) يطور حصريات لأجهزة مطورة جديدة و يترك القاعده الجماهيرية الكبيرة الي شكلتها الأجهزة الأساسية؟

أصلا الألعاب الحين تاخذ فترة تطوير 3 - 4 سنوات و حتى أكثر.... متى راح يمديهم يصدرونها؟

الاكس بوكس ون لنهاية العام القادم راح يكون مجموع قاعدته تقريبا 40 - 35 مليون... منو راح يترك هالقاعدة الكبيرة من المستهلكين و يطورون بشكل حصري لجهاز جديد قاعد يشكل قاعدته من البداية؟

اذا مع سرعة مبيعات الأجهزة الحالية مقارنة بالجيل الماضي البلاي ستيشن 4 و الاكس بوكس ون و ألعاب AAA لا تزال تصدر بشكل كروس جين.... هالمرة تتكلم عن تطوير حصري للأجهزة المطورة؟

شي ماراح يصير.... لأن الخلاصة الأجهزة المطورة راح تكون موجودة من أجل شي واحد فقط و هو اتاحة خيار جهاز كونسل بمنتصف الجيل يوازي قوة PC محترم, فبدل ما هالنوعية من اللاعبين الي تهمهم اللعب بأعلى المواصفات في منتصف الجيل يعملون هجرات للـ PC يسوون أبجريد و خلاص يظلون عالكونسل.

الي اشترى الجهاز الأساسي و مرتاح معاه يظل معاه لنهاية الجيل و يظل يحصل على نفس الألعاب.... الي يبي شي أقوى فراح يعمل أبجريد للنسخ المطورة.

فكرة الحصريات للأجهزة المطورة انساها لأنها راح تضرهم كثير و بالذات مايكروسفت و لا جان ما شفتهم على طول سحبو تصريحهم لأن يعرفون لو عملو هالشي فخلاص صورتهم راح تتدمر أكثر مما تدمرت بـ E3 2013 بأضعاف مضاعفه و هالشي راح يجرهم للقاع و مافيه شركة تحب تنجر للقاع.

 

[V Project]

اهم شيء نينتيندو بجهازها القادم ما تخليه يقل قوة عن النسخ المطورة من اجهزة سوني ومايكرو لأن الوضع يحتاج قوة هاردوير..

 

[V Project]

اهم شيء نينتيندو بجهازها القادم ما تخليه يقل قوة عن النسخ المطورة من اجهزة سوني ومايكرو لأن الوضع يحتاج قوة هاردوير..

الظاهر نينتيندو عنيدة..

 

[hussien-11]

حسين أنت نسيت شي؟

منو كل شوي ( 3 - 4 سنوات ) يطور حصريات لأجهزة مطورة جديدة و يترك القاعده الجماهيرية الكبيرة الي شكلتها الأجهزة الأساسية؟

أصلا الألعاب الحين تاخذ فترة تطوير 3 - 4 سنوات و حتى أكثر.... متى راح يمديهم يصدرونها؟

ما كنت أقصد المشاريع الضخمة، خذ عندك مثلاً ألعاب الإندي والمشاريع الصغيرة
بشكل عام فيل سبينسر فتح الباب أمام الألعاب الحصرية للسكوربيو، متأكد أن هالشيء صار من وراء وسائل الإعلام بغض النظر عن مسألة النفي، الفكرة - حسب ما أشوف - أن السكوربيو فعلياً هو جهاز جديد مش مجرد إكس بوكس 1.5
بصراحة خطوة غريبة على السوق وما أدري كيف بتكون نتائجها في المستقبل.

 

[Fatal Error]

الي راح يصير أن الجيل الثامن مثلا الحالي مدته ٨ سنوات.... بدايته صدر PS4 و بعد ٤ سنوات يعني منتصف الجيل يصدر النيو بمعنى النسخة المطوره PS4.5.

هالجهازين راح يتشاركون في الألعاب و الاكسسوارات و الدعم و كل شي... باختصار وجهان لعملة واحده.

الجيل التاسع راح يكون جديد تماما... PS4.5 ماراح يشغل ألعاب الجهاز المرقم الأساسي التالي PS5... الا بألعاب الي أساسا تكون مصممة كروس جن.

يعني كل جيل راح يكون لحاله ماراح يكون فيه تداخل أجيال لأن هالشي راح يلخبط كل شي ( أنا عندي PS4.5 ليش أشتري جهاز الجيل الجديد اذا أقدر أشغل ألعاب PS5 ).

الشركات تبي تفيد نفسها مش تضر نفسها 🙂

يعني خلاص كل جيل راح يكون طويل ٨ سنوات و لكن راح يكون فيه نسخة موديل محسنه بمنتص الجيل...... خلصت ٨ سنوات يبدأ وراها جيل آخر جديد تماما منذ البداية ماله شغل بالجيل الي سبقه.

الخ الخ الخ

متفقين ان كل ٤ سنوات راح يكون في جهاز جديد بغض النظر عن اتباعه لاي جيل، صحيح،

بالنسبة لي اختلف معاك ان الجهاز الي بعده راح يكون جيل منفصل لسبب ان الشركات تبغى تحافظ على المستخدمين الي عندها مو تفرط فيه، مشكلة النموذج الحالي انك تضطر ان تبني كل من جديد كل جيل وتخسر عمل سنين في لحظة، مثل مايكروسوفت مع الاكس بوكس ون والبلاي ستيشن ٣ مع سوني، والوي يو مع ننتندو.

فهنا بعد ٤ سنين مثلاً راح يكون عند سوني ٨٠-٩٠ مليون مستخدم، وفي حالة ان الجيل الجديد يكون حاجة جديدة عدد المستخدمين راح يكون صفر، ويضطروا يبنوا من الصفر، بعكس لما مثلاً تقول للمطورين ان الPS4 Neo راح يدعم الالعاب الجديدة لانه قوي بما فيه الكفاية، هنا راح يكون عندك ٣٠-٤٠ مليون مستخدم جاهز، النقطة الثانية، راح تشتريه لنفس السبب الي خلاك تشتري الNeo، قوة اكبر، بالاضافة الى ان القاعدة الاولى من المستخدمين الى ماطور جهازه هو الي راح يشتريه، مثل مايصير مع سوق الجوالات وكروت الشاشة، مو كل سنة تشتري جهاز جديد.

 

[The Praiseworthy]

متفقين ان كل ٤ سنوات راح يكون في جهاز جديد بغض النظر عن اتباعه لاي جيل، صحيح،

بالنسبة لي اختلف معاك ان الجهاز الي بعده راح يكون جيل منفصل لسبب ان الشركات تبغى تحافظ على المستخدمين الي عندها مو تفرط فيه، مشكلة النموذج الحالي انك تضطر ان تبني كل من جديد كل جيل وتخسر عمل سنين في لحظة، مثل مايكروسوفت مع الاكس بوكس ون والبلاي ستيشن ٣ مع سوني، والوي يو مع ننتندو.

فهنا بعد ٤ سنين مثلاً راح يكون عند سوني ٨٠-٩٠ مليون مستخدم، وفي حالة ان الجيل الجديد يكون حاجة جديدة عدد المستخدمين راح يكون صفر، ويضطروا يبنوا من الصفر، بعكس لما مثلاً تقول للمطورين ان الPS4 Neo راح يدعم الالعاب الجديدة لانه قوي بما فيه الكفاية، هنا راح يكون عندك ٣٠-٤٠ مليون مستخدم جاهز، النقطة الثانية، راح تشتريه لنفس السبب الي خلاك تشتري الNeo، قوة اكبر، بالاضافة الى ان القاعدة الاولى من المستخدمين الى ماطور جهازه هو الي راح يشتريه، مثل مايصير مع سوق الجوالات وكروت الشاشة، مو كل سنة تشتري جهاز جديد.

الشركة لازم تقطع الدعم عن جهاز معين في تسلسل أجهزتها بسبب القفزة التقنية الكبيرة و بسبب أنها تدفع جمهورها للاتجاه للجهاز الجديد.

الكسر لازم يصير يصير بنقطة معينه.

يعني مثلا PS4.5 يشغل ألعاب PS5 و PS5.5 يصدر هني لازم يقطعون الدعم عن PS4.5.

فشنو المنطقي؟

أن التسلسل يكون PS4 + PS4.5 نفس الجيل و نفس الألعاب الموحده .... و من ثيم نفس الشي يتكرر مع PS5 + PS5.5؟

و لا التسلسل يكون PS4.4 + PS5 و من ثم PS5.5 + PS6 مثلا؟

وضحت لك النقطة بالي راح يصير 🙂

هالشي أصلا راح يكون أريح للمطور في توحيد الألعاب لنفس الجيل + للشركة في توحيد الاكسسوارات و الملحقات لنفس الجيل.

اذا الخطوة التالية اذا حصلت فهو جيل 8 سنوات لجهاز مرقم ( أو مسمى موحد مثل الون ) و يكون في منتصف الجيل بعد 4 سنوات جهاز مرقي... نفس الألعاب و نفس الدعم و نفس الاكسسوارات و الملحقات.

الفرق فقط أن منتصف الجيل بدل لا فئة اللاعبين الي يهمهم بشكل كبير الحفرة الي تكبر في التكنلوجيا بين الكونسل و البي سي مع مرور الجيل بأن يهاجرو للبي سي بكل بساطة يرقون أجهزتهم للنسخة المطورة و هكذا يظلون تحت مظلة الكونسلز و ما يبتعدون عنها.

ما كنت أقصد المشاريع الضخمة، خذ عندك مثلاً ألعاب الإندي والمشاريع الصغيرة

أصلا المشاريع الصغير و الانداي بالذات تحتاج أكثر من أي فرق تطوير كبيرة أخرى قاعدة مستخدين شاسعه و هو الجهاز الأساسي و المطور لحتى يوصلون للجمهور الموحد الكبير.

ألعاب حصرية للجهاز المطور شي ماراح يحصل لأن كلا من سوني و مايكروسفت يعرفون أنه مش لصالحهم و لا لصالح شركائهم فرق تطوير الألعاب الكبيرة أو الصغيره على حد سواء.

 

[ASWD]

مافيه شي اسمه*مايصير*.الطرف الثالث اذا اراد تطوير نسخ حصرية او متقدمة كثييير تقنيا من العابهم على الأجهزة المطورة لا سوني ولا مايكرو بيقدرون يسوون شي.اقل شي يقدرون يسوونه هو جعل نسخ الأجهزة الحالية مضروبة او رجعية مقارنة مع نسخ الأجهزة المطورة وبهالطريقة تجبر المستهلك للانتقال للموديل الاحدث بدون اي ضغط يذكر والعذر الاجهزة الحالية هذ مستواها وما باليد حيله!!!!.الشي الاهم ان عدة التطوير الحديثة والداعمة للاجهزة المطورة*مفترض*وصلت للمطورين ويقدرو ساعتها يبنون العابهم على قدرات هالاجهزة المطورة ونسخ الاجهزة الحالية تحصيل حاصل

نقول*فرضا* ان سوني ومايكرو ماراح يعملو هالخطوة مع ألعاب الطرف الاول وجعل فوارق ضخمة بين نسخ الجهازين.اما الطرف الثالث وهو الامر والناهي ماحد يقدر يلزمه بهذ الشي ابدا.واخبار الدر سكرول٦ اعتقد ماهي اللا اول التلميحات يوم تود ربط تطويرها بالجانب التقني اللي ترغب فيه الشركة في عملية تطوير الجزء السادس

بالمختصر لا حد يستغرب لما يشوف العاب شبه حصرية*الفرق الكبير بين النسختين* على اقل تقدير

 

[gears of war]

- الخطوة هذي غريبة ومثل ما ذكر حسين جديدة بعالم الجيمز و مو جديدة بعالم التقنية كل الشركات الان عندهم نسخ مطورة من السمارت فون حقهم بنص جيله وجيله سنة فقط! وناجحة بالسوق، الشركات عندها أدوات يجسوا فيها نبض السوق وهل يتقبل او لا، حتى لو عارضه كل المحررين والنقاد ما فرق المهم السوق

- الأسباب بنظري للموديلات المطورة أو الجيل الجديد بسرعة عدة مو شيء واحد، إطلاق ننتندو لجهاز جديد + إمكانيات الجيل الحالي الغير مناسبة + وممكن أيظا مثل ما يذكرون بعضهم من انسحاب البعض لل pc مؤخرا

- رأيي ان الحركة هذي لا هي جيل جديد ولاهي جيل مطور بل هي الإثنين بالضبط مثل ماهو حاصل مع pc ماعنده اجيل بنفس نمط الكانسول المعروف، تطور تقني متواصل و الالعاب كروس و انت تتخير بقد مخباك ومبتغاك. وهذي مو شينة لو طبقتها الشركات صح بدون مراوغات تجارية خبيثة تجبر الاعبين يشترون الجديد


- الناس هنا إلي كانت تقول البلي 4 جهاز قوي وجبار ونقلة تكنولوجية وينهم و للا وضعية الميت