Veeto
True Gamer
ما بيصير .. وما داموا مستمرين بنموذجهم وفوقها بيكونوا متفردين لحالهم .. ليش تتوقع يفشلوا ؟
سوني : سوف نبعد تركيزنا من الهاردوير إلى عدد المستخدمين !
- بادئ الموضوع Dark_N11
- تاريخ البدء
ما بيصير .. وما داموا مستمرين بنموذجهم وفوقها بيكونوا متفردين لحالهم .. ليش تتوقع يفشلوا ؟
Good Hunter
True Gamer
اول شي ودي أوضح نقطة مهمة؛ نموذج المنصات مو بالضرورة يكون " كلاود"، يعني هذا احنا شفنا ألعاب البلايستيشن تصدر Native على ال PC/اكس بوكس والعكس صحيح مع الاكس بوكس، يعني مستقبلا ممكن نشوف متجر البلايستيشن في اي مكان ثاني..
أن أتكلم عن المستقبل البعيد البعيد، انا ما رح اقول ان نينتندو راح تصير مثل (بلوكبستر) اللي رفضت المستقبل، بالعكس، لسا نينتيندو عندها قوة ساحقة لل IP وتقدر تبيع من خلالها الهاردوير، يعني مع الوقت، تجربة نينتيندو لسا بتبقى الخيار الفاخر في منصة الالعاب، بعيدا عن تشتت وتعقيدات الخدمات، كونسول تقليدي مع العاب حصرية، ملاذ آمن لتجربة الجيمنق الأصيلة، السؤال هو لأي حد؟ حنا نركز على جانب بس قاعدين نتجاهل الجانب الآخر بحجة ان نينتندو دايما تغرد خارج السرب.
إلى أي حد بيكون شراء جهاز بطريقة تقليدية خيار منطقي، وانا مثلا شايف البلايستيشن ستور + اكس بوكس متوفر في شاشة سامسونج او على تلفون فلاقشيب.
كيف بتتعامل نينتندو مع الأجيال اللي نشأت على تريند الخدمات مثل سبوتفاي/نتفلكس، بتتقبل فكرة شراء جهاز/لعبة منفصلة.
لسا نينتيندو عندها روح تقدم منتج مادي حصري ملموس وتحتفظ بنظامها المغلق، الجهاز الوحيد اللي لسا عنده نفس يقدم " التجربة الحصرية"
السوق يتسع للنموذجين صحيح بس ألى متى، كلامي كله فرضيات عند المستقبل.
لا اتوقع الفشل بس جهاز لحاله تقليدي في السوق بيصير كأنه " نموذج فاخر" زي مشغل الكاسيت او فينل ريكورد بعصر الايتونز
Veeto
True Gamer
دور كل شركة انها تخلق لها جمهور .. مو دورها انها تمشي ورا (( الترند )) .. مشيتك ورا الترند يعني انك تابع محتاج تقدم تنازلات كونك داخل بمنافسة .. بس لما تخلق لك جمهور يتابعك يشتري منتجاتك وقتها ما يهمك وضع السوق او وضع المنافسين
لما كانت السينما واقفة على عالم مارفل السينمائي الكل كان يشتكي ان صناعه السينما تدمرت والمستوى تقهقر .. بينما الواقع كان ان مارفل شايله الصناعة ككل
تراجعت مارفل شنو صار ؟ ذكرني اخر فيلم عدا حاجز المليار شنو ؟! الصناعه كلها (( غرقت ))
هذا نفس الشي الحين .. وهذا احنا نشوفه بالبي سي .. اي شركة قادره تنافس ستيم ؟ شنو حجم التضحيات اللي قدمتها Epic علشان تنافس
ما بالك بتواجد سوني مايكروسوفت ستيم والشلة اياها كلها .. بتصير مجزرة بينهم .. ونينتندو بتظل من بعيد تضحك عليهم !
وبما ان الكل يحب يستشهد بالـ streaming .. باقي شوي بس .. ونرجع لزمن الكيبل ! Full circle !!
Good Hunter
True Gamer
لما قلت كل شركة تخلق لها جمهور كأنك بالغت في تبسيط هذي النقطة، هو مو ترند بالضرورة هو سلوك الى متى بيضل الجمهور وفي ومخلص للتجربة الفاخرة، نينتيندو عندها نفس طويل جدا من هذي الناحية، بس إلى متى تقدر تستمر في هذي العزلة خارج السرب.
وليه ما تحقق نجاح على البي سي؟
فيه فرق بين انها ما تحقق نجاح وبين ان نجاحها مو بنفس نجاح البلايستيشن.
لا تنسى ان النسخة الي تنزل على البي سي تنزل بعد ما خف وهج اللعبة مو مثل المبيعات وقت الاطلاق ووقت ما تكون اللعبة ترند في كل مكان. ومع ذلك تحقق مبيعات معقولة وتعطي دخل اضافي وتساهم في انتشار العلامة لجمهور أكبر. هم كذا يحسبونها.
طبعا لهذه الاستراتيجية سلبيات وهي ذوبان الأجيال في بعض وجعل الانتقال تدريجي وغير اجباري مثل ما يصير في سوق الحاسب وسوق الجوالات وليس مثل عادة الكونسول قفزة مع كل جيل. وما أقدر أقول لك اني سعيد بهذا الشيء. ولكن النموجذ القديم للكونسول غير مستدام. بيع جهاز بسعر التكلفة او اقل وألعاب زادت تكلفتها من غير ما يزيد جمهورها أو مبيعاتها كان صعب زمان واليوم مستحيل. كل الشركات جربت سوق الكونسول وخرجت والي بقيوا كانو استثناء:
1- سوني يوم بدأت الكونسول كانت امبراطورية عندها تقنياتها ومصانعها وأقسامها ونشاطاتها المختلفة وسمعة البراند. سوني كانت أبل التسعينات وبداية الألفية. كلها ساهمت في بلع التكلفة. ثم أصبح براند البلايستيشن بعد بلايستيشن 2 كبير وسهل تربح منه.
2- مايكروسوفت شركة ترليونية ويوم بدأت الكونسول كانت استراتيجية ضرورة لأنها رأت البلايستيشن يسرق اللاعبين والترفيه المنزلي من الحاسب والويندوز بعد نجاح بلايستيشن 2 حتى مع غير اللاعبين بسبب ال DVD. ومايكروسوفت ما وصلت ويندوز لوضعه الناجح الا بشق الأنفس أيام التسعينات. كل هذا ساهم في جعل تحمل قسوة سوق الكونسول شيء عادي لمايكروسوفت.
3- نيتندو خرجت من سوق الكونسول الي فيه سوني ومايكروسوفت من أيام الوي. هي تلعب بمفهوم ثاني اسمه مفهوم "نينتندو". أجهزة معدومة التكلفة لا تلبي متطلبات الألعاب في عصرنا الحالي وتباع بربح فيها ال IP حق نيتندو.
سوق الكونسول الي انت تحبه وكلنا نحبه انتهى ما بين 2001 ل 2003 لما خرج الدريم كاست وفشل الجيم كيوب. الي عشناه بعد ذلك هو جرعات تنشيطية وحماية وفرها العملاقان سوني و مايكروسوفت لما كانوا يقدرون عليها وما تفرق معاهم. اذا مسؤول في سيجا اسمه تاداشي قال عن الدريم كاست:
According to Sega's head of product implementation, Tadashi Takezaki, the Dreamcast would have been Sega's last video game console no matter how it sold because of the changes in the market and the rise of PCs.
وقال برضو:" he explained. "PCs really began to evolve and improve at a dizzying rate beginning then, and it made people begin to wonder if a console tuned exclusively for games had any chance of surviving any longer.
المصدر :
اليوم قدرة سوني و مايكروسوفت او رغبتهما (ما تفرق) لم تعد تدفع سوق الكونسول. بالنسبة لي أشوف تغيير أفضل من اني أشوف كنسلة لموضوع الكونسول. وان كنت تعتقد أن هذا الخطر يحيق بمايكروسوفت فقط فانت غلطان سوني راح تلحقها. هوامش الربح تتضائل بشكل مخيف فالى متى؟!
التعديل الأخير:
gears of war
True Gamer
يبدو ان الشركات صار واضح عندها ان السوق يتحول للملتي غصب مع توسع pc و تحول مايكروسوفت
الالعاب صارت أكبر من الجهاز
الالعاب صارت أكبر من الجهاز