سوني تعلن عن الFirmware 1.80 ( الف مبروك عشاق الPS3 الDVD + PS2 - PS1 Upscaling !)

[Final Fantasy]

بدون الابسكيل

مع الابسكيل + فلتر التنعيم من الابديت

خلاص بينت
احبك يا سوني :kiss:

............ روعة :sealed:

 

[Humam]

شباب في نقطة محد اتكلم عنها.. زمان في مشكلة كانت تصير للي تلفزيوناتهم تدعم 1080i و480p فقط.. الألعاب عندهم تشتغل على 480p فقط.. أيضا في السابق كان من غير الممكن إنك تشوف أفلام بلو راي على دقة 720p ..

كل هذه المشاكل تم حلها مع هذا الابديت 🙂

 

[mario0o]

فعلا تحسن كبير للالعاب.. كانهن انتقلن جيل جديد

 

[emperor-UAE]

خصائص ممتازه جدا مع الأبديت

برافو يا سوني :gasp:

 

[NextGGamer]

الابديت روعة
في ميزة قوية
غير ال hdmi من limit الى full
الصور و الالوان تتحسن بشكل كبير لالعاب بلاي 3
جربوا ديمو نينجا جايدن وشوفوا الفرق اللون الاسود يصير قوي
بس لمه تشغله في ريزستانس الصورة تصير مظلمة

بس في bug في الميزة كل ما تطفي الجهاز او تشغل لعبة بلاي 2 ترجع ليميت بس في الخيارات تكون موجودة على full فلازم تعيد تختارها كل مره

 

[Humam]

جربت حتى الآن الDVD upscaler .. شغلت عليه 24 السيزن 5.. جودة الصورة صارت من جد أحسن بمرااااااااااحل..

هذي قائمة التحدثات في هذا الابديت:

Settings

* [BD 1080p 24 Hz Output (HDMI)] has been added as an option under [BD/DVD Settings].
* [RGB Full Range (HDMI)] has been added as an option under [Display Settings].
* [Y Pb/Cb Pr/Cr Super White (HDMI)] has been added as an option under [Display Settings].
* [Bit Mapping (Super Audio CD)] has been added as an option under [Music Settings].
* The [Test Camera] option under [Accessory Settings] has been changed to [Camera Device Settings].
* [Printer Settings] has been added.
* [Media Server Connection] has been added as an option under [Network Settings].

Music

* You can now edit CD information. YAY!

Photo

* A new type of slideshow display pattern has been added.
* You can now use zoom display for images.
* You can now trim images.

Video

* Super-White and x.v.Colour output are now supported. Owning a deep color TVs has sense now.
* Downscaled output of Blu-ray Discs is now supported. When 720p is selected for the video output setting of the PS3 system, Blu-ray Discs that were recorded with 1080i/1080p resolution can be played with 720p resolution.

Game

* You can now move copy-prohibited saved data for PlayStation format software or PlayStation 2 format software to a PS3 system.

Network

* The options menu items for [Download Management] have been changed.

Friends

* [Display Photo] has been added to the voice / video chat options menu.

 

[Dark Angel]

حلوه الاضافات هذي وخاصة الاب سكيل .... أنا عندي hdmi أب سكيل دي في دي بلير من بايونير شاريه باكثر من 3000 ريال..... والحين البي اس 3 أرخص ^^ صراحة البي اس 3 بدأ يطلع مميراته الحقيقية مقارنة بالسعر ....

لكن...... مو معقولة غلى الان سوني ما تقدر تحل مشكلة الخلفية..... ليش ما أفدر أحط الصورة اللي ابي كخلفية.... معقولة الشغلة هذي معقدة جداً ولا يعرفون لها؟!؟!؟!؟

يا خبر اليوم بفلوس.....

 

[ASWD]

للحين جهازي مالقط الابديت الجديد..كل ما اسوي بحث يقول لي انت جهازك يحتوي على اخر ابديت

سؤال لنقله من الكمبيوتر للجهاز..هل فيه اي مشاكل ممكن تصير من ذي الطريقة؟..خاصة ان انا ناوي انزله عالكمبيوتر ومن ثم انقله للميموري ستيك حقت التلفون ومن ثم للبلاي3..ينفع ولا انتظر؟

 

[Humam]

يوسف انت ليش تنزله من نفس الPS3 أصلا ..روح نزله من موقع سوني حطه في ميموري ستيك ( مساحة فارغة 115 ميجا ) في مجلد PS3/ UPDATE وسلام عليكم.. لمن تنزله من الPC أفضل وأكثر أمان خصوصا ااذا تستخدم بارمج تسريع التحميل.

 

[ASWD]

شورك وهداية الله همام..ايه عندي flashget ..بنزله الحين من موقع بلاي نيتوورك

 

[ASWD]

حاولت انقل الابديت عن طريق الميموري ستيك بس مانفع..جربت كل الطرق في نقله بالميموري ستيك بس كل مرة اخليها في لبلاي3 يقول لي مافيه شي..جربت اسوي فولدر ومانفع نقلتهم لملفات ثانية مثل موسيقى الخ مانفع خليتهم في السستم حق الميموري ستيك مانفع..نزلتهم بالميموري بدون فولدر كمان مانفع..

الظاهر لازم انتظر الين مايلقطه جهازي..

 

[hussien-11]

يوسف انت تذكرني بحالي ، احس احنا الاثنين منحوسين
​

 

[Jizasu]

كينقدوم 2 اشلون بتصير :| صج واو واو واو واو واو واو


فاينل ميكس 2 لكينقدوم بلعبها على الPS3 ضروري !!!!!!!

انسى...اللعاب البلاي ستيشن 2 مو فريي ريجن...و فاينل مكس ما انزلت الا يابانيه 😛 الا لو حاب تاخذ بي اس 3 ياباني هذا شي ثاني :yuck:

 

[Neoraxis]

my ps3 is jp so i cant try my games ..i have only one jp game *FF12* T-T

 

[NESTA]

حاولت انقل الابديت عن طريق الميموري ستيك بس مانفع..جربت كل الطرق في نقله بالميموري ستيك بس كل مرة اخليها في لبلاي3 يقول لي مافيه شي..جربت اسوي فولدر ومانفع نقلتهم لملفات ثانية مثل موسيقى الخ مانفع خليتهم في السستم حق الميموري ستيك مانفع..نزلتهم بالميموري بدون فولدر كمان مانفع..

الظاهر لازم انتظر الين مايلقطه جهازي..

هلا ASWD .... انا اول شي تعقدت يوم جيت اسوي الابديت عن طريق الميموري ستيك

بعدين دخلت موقع البلاي ستيشن 3 .... وطلع لها طريقة معينة علشان تضبط

اتبع من اليسار الى اليمين

هنا الشرح الكامل
​

 

[Mesharey]

همم عندي سؤال لكن خارج الموضوع شوي استحملوني x_x

الحين الـ360 فيه اب سكالنق ؟
لما اجرب ننجا جايدن او هيلو 2 على الـ1080i تطلع الوانهم باهتة والصورة مو ذاك الزود، لما احطه على الـ480p تكون الصورة احسن لكن مو نفس التلفزيونات العادية :/

 

[Khalid-S]

جربت عدة العاب .. اكثر وحده شفت فيها فرق رهيب هي KoF .. الباقي فرق لا بئس به.
God Hand كانت جيده كمان.

 

[Humam]

ميتل جير 3 سبسستنس أقدر أقول التحسين من 15 - 20 % .. مو ( واااااااااو ) بس فرق جيد جدا.. المشكلة ان اللعبة ما تدعم البروقرسف سكان فعلشان كذة التأثير ممكن يكون أقل من الألعاب الي تدعم البروقرسف سكان.

في شي يمكن محد لاحظه في الابديت وهو طلب كان خالد يبغاه من زماااااااااان.. الsixaxis الآن صارت تطفي أوتوماتيكيا بعد 10 دقائق تقريبا من عدم الاستخدام.. منت بسهل والله يا خالد 😉

 

[hussien-11]

شباب ورونا صور طيب ..
​

 

[Humam]

حسين مع الأسف ما أقدر أصور الآن.. لكن في مقارنة حلوة من GAF تعطيك لمحة:

 

[Xeno]

^

في مبالغة شديييييدة في الصور, شادو اف ذا كلوسس وبولي عمرهم ماكانوا كوكب jaggies كما الصور مخليتهم...

 

[hussien-11]

يسلموا همام .. و اذا قدرتوا تصوروا بأي وقت ورونا 🙂
​

 

[The Doctor]

^

في مبالغة شديييييدة في الصور, شادو اف ذا كلوسس وبولي عمرهم ماكانوا كوكب jaggies كما الصور مخليتهم...

ذي مقارنة ما بين العاب الPS2 على الPS3 قبل الابديت و بعد الابديت

 

[Xeno]

ذي مقارنة ما بين العاب الPS2 على الPS3 قبل الابديت و بعد الابديت

يعني ألعاب البلاي ستيشن 2 يصير لها داونجريد على البلاي ستيشن 3!؟
أنا فاهم بس أقول صور الـ"قبل" مبالغ فيها بقوة...

 

[Humam]

^

في مبالغة شديييييدة في الصور, شادو اف ذا كلوسس وبولي عمرهم ماكانوا كوكب jaggies كما الصور مخليتهم...

لول زينو كيف يعني " مبالغة شديدة " .. يعني الناس حطت jaggies على الصور بعدين حطت الصور حتى تبين إن في فرق يستحق

شادو اوف ذا كولسز كانت معدومة من ناحية الjaggies ما يبغالها كلام.. و ما أعتقد ان في مجال ان الناس تضحك على بعضها لأنه شيء متوفر أمام الجميع و شمس الحقيقة ما تغطى بغربال.

أنا ما جربت إلا MGS3 وخيار الfull upscale + smoothing ( في خيارات ثانية مثل normal upscale - smoothing off ) ومثل ما قلت التحسين من 15 - 20 % من ال576p لل 720p .. لكن للأمانة بعدت الابديت حتى ال 576p صار أفضل من السابق و من تجربة شخصية..

أما الDVD لول ما يبغالها كلام.. جربت كذة DVD و الفرق رااائع.. أنا كنت أفكر اشتري dvd player يسوي ابسكيل وفكرت اشتري قطعة الvga لل 360.. بس الحمد لله الابديت وفر لي فلوس من جد ماكان داعي اني اصرفها.

 

[MALDINI]

good work sony keep it up

***

 

[Xeno]

لول زينو كيف يعني " مبالغة شديدة " .. يعني الناس حطت jaggies على الصور بعدين حطت الصور حتى تبين إن في فرق يستحق

شادو اوف ذا كولسز كانت معدومة من ناحية الjaggies ما يبغالها كلام.. و ما أعتقد ان في مجال ان الناس تضحك على بعضها لأنه شيء متوفر أمام الجميع و شمس الحقيقة ما تغطى بغربال.

Explain
​

 

[Humam]

لول زينو انت فهمتني غلط, أو بالتحديد أنا خانني التعبير, معدومة بالعامي عندنا = شي كثير بالغ الحد, تعبان, خربان,, لول فقصدت انهاكانت مليانة تماما بالjaggies .. هذا شي معروف غريبة إنك تنفيه.

و على فكرة في عدة نقاط لازم تراعيها في هذي الصور:

1- مأخوذة من تلفزيون ( يعني مصورة بكاميرا من شاشة التلفزيون )

2- مش كل موديلات التلفزيونات واحدة.. كل تلفزيون و له scaler داخلي تتفاوت جودته من موديل آخر.. الناس الي عندها scaler بجودة ممتازة في التلفزيون راح تلاجظ فرق أقل بالنسبة لخاصية الupscale الي يقوم بها الPS3 لأنه بالأساس عنده scaler جيد في التلفزيون.. لكن الناس الي عندها تلفزيون بscaler سيء البلاي ستيشن 3 راح يساعد إنه يحسن المظهر بشكل أكبر.. يعني راح تلاحظ فرق أكبر بين " قبل و بعد " لأن scaler التلفزيون سابقا ما ساعدهم على انتاج صورة جيدة.

حتى أشرح بشكل واضح, في عملية معينة تصير في كل تلفزيون, اذا اخذنا مثلا شادو اوف ذا كولسز, البلاي ستيشن 2 / 3 يرسل اشارة الفيديو الخاصة باللعبة بدقة 640 في 480 بيكسلز ( 480p ) للتلفزيون لأنها هي الإشارة الي تدعمها اللعبة أساسا, طبعا اذا التلفزيون المستخدم HDTV فخلينا نقول مثلا دقته الأساسية تكون 1280 في 720 بيكسلز .. فانت لمن تبغى الصورة تطلع على كامل الشاشة التلفزيون, لازم تصير عملية upscaling عن طريق scaler داخلي في التلفزيون يقوم بهذه العملية.. فلمن يكون الscaler تعبان راح تلاحظ jaggies أكثر وضبابية إلخ..

و حتى إذا كان الscaler في الHDTV جيد ماراح تحصل على جودة صورة متساوية إذا شغلت اللعبة على EDTV بحيث دقته الأساسية هي 640 في 480 بيكسلز.. لأن هنا ماراح يصير upscale وتتوسع الصورة, اللعبة راح تخرج 480p وتنعرض على تلفزيون 480 عكس الHDTV.

لكن خيار الupscale في ال PS3 ليش يخلي الألعاب أفضل على تلفزيونات الHDTV ؟ لأن الصورة أصلا تجي من الجهاز 720p - 1080i/p وتنعرض على شاشات بنفس هذي الدقات.. ومافي شك ان زيادة الدقة يعني صورة أفضل..

لول والله أحس اني اتكلمت كثير و بدل ما أشرح حتى أوضح طلعت نقاط تعقد الموضوع..

 

[Xeno]

لووول همام لاعادي بالعكس شرحك حلو ومفهوم... أنا فعلا مافهمت قصدك (تصادم حضارات ايبسود 2) لذلك استغربت وقلت لك "اشرح" بخط كبير.

المقصد بس أني لعبت الثلاث ألعاب اللي لهم مقارنات ومافي لعبة من الثلاث بدت لي بالسوء اللي تظهر عليه فصور "قبل".

 

[Humam]

لول هذا الي احاول اقلك هو باختصار.. انه يمكن لأن الscaler الي عندك جيد والscaler الي عند الثور الي مسوي المقارنات تعبان ههههههههههه.