سوني تتكلم عن سياستها الجديدة مع الفيتا

[The Doctor]

واضحة من فترة. الغريب إنهم قالوها علناً!

هو موت المحمول شي حتمي. بس سوني نهائياً ما حاولت مع الڤيتا. صمموا هاردوير ممتاز و إنتهى شغلهم معاه.

 

[Nasser]

انا اسف اذا كان كلامي مسيء.

وفي كثير ياصادق ندمانين على الجهاز لان مافيه ألعاب، انا مو جالس أتكلم عن جهل.

لا اسمح لي انت فعلا تتكلم عن جهل وياليت لو توقف تعلق وتحكم عن طريق فلان قال لي و سمعت من فلان.

الموضوع ترى مو لعب عيال ، الجيل الحالي بالنسبة للمحمول هو جيل قاتل والوضع باين من ناحية مبيعات سواء سوفت وير او هاردوير.

سوني انسحبت من بدري وما قامت تسوق للجهاز حتى وقاعد تغرق اليوزر بيس الحالي بالعاب مجانية. حرفياً حوالي اكثر من 50 لعبة نزلت مجانية على الفيتا ، ما بين ممتازة ومتوسطة.

فبطل شغل الردود ابو " لا تطبلون وما ادري ايش " و وتقول عن ردود الشباب ( هراء وخرابيط ) بكل قلة ادب بدل ما تفهم الكلام اللي يقولونه الشباب.

 

[Zixmar]

لا اسمح لي انت فعلا تتكلم عن جهل وياليت لو توقف تعلق وتحكم عن طريق فلان قال لي و سمعت من فلان.

الموضوع ترى مو لعب عيال ، الجيل الحالي بالنسبة للمحمول هو جيل قاتل والوضع باين من ناحية مبيعات سواء سوفت وير او هاردوير.

سوني انسحبت من بدري وما قامت تسوق للجهاز حتى وقاعد تغرق اليوزر بيس الحالي بالعاب مجانية. حرفياً حوالي اكثر من 50 لعبة نزلت مجانية على الفيتا ، ما بين ممتازة ومتوسطة.

فبطل شغل الردود ابو " لا تطبلون وما ادري ايش " و وتقول عن ردود الشباب ( هراء وخرابيط ) بكل قلة ادب بدل ما تفهم الكلام اللي يقولونه الشباب.

سوني اصلًا هي اللي حفرت الحفره من البدايه ومادعمت الجهاز(ال٣دس اكبر دليل على نجاح المحمول اللي صار)، فلاتجلس تقولي لعب عيال وخرابيط وجهل وانت اصلًا باسلوبك هذا يعتبر تهجمي، ماسرقت منك شي او تكلمت عنك بشي، مو عاجبك كلامي وتبي تناقشني خلك محترم مثل الناس والعالم.

 

[Veeto]

ومين اللي حفر هالحفره؟ سوني هي اللي بنفسها حفرت الحفره هذي، الدعم للجهاز سيء وبصراحة مدري كيف الشخص يلوم المستهلك هنا.

هذا هراء

الفيتا للحين استلم اغلب العناوين الكبيرة من سوني .. انتشارتد .. ريزيستانس .. ليتل بيج .. سلاي 4 ..وايب اوت .. تير اوي .. كيل زون .. بلاي ستيشن رويال .. والقسم الياباني .. جرافيتي راش او سول ساكريفايس
عدا جران توريزمو .. كل عناوين سوني نزلت للفيتا .. جاو نزل ريماستر للجزئين الاول والثاني ... المشكلة الاساسية ان هالسوق كسوق انهار .. والا دعم سوني مو بسيط بالمرة للجهاز بالعكس احسن بمراحل من ايام البي اس بي

الوم المستهلك .. اذا كان مثلك .. ينتظر من سوني الغربية .. دعم بعناوينها الكبيرة على حساب البلاي 4 .. اللي مو منطقي ولا عقلاني .. والا البقية من ملاك الجهاز الكل عارف بالضبط شنو اشترى وشنو نوعية الدعم اللي بيحصله الجهاز

 

[Zixmar]

هذا هراء

الفيتا للحين استلم اغلب العناوين الكبيرة من سوني .. انتشارتد .. ريزيستانس .. ليتل بيج .. سلاي 4 ..وايب اوت .. تير اوي .. كيل زون .. بلاي ستيشن رويال .. والقسم الياباني .. جرافيتي راش او سول ساكريفايس
عدا جران توريزمو .. كل عناوين سوني نزلت للفيتا .. جاو نزل ريماستر للجزئين الاول والثاني ... المشكلة الاساسية ان هالسوق كسوق انهار .. والا دعم سوني مو بسيط بالمرة للجهاز بالعكس احسن بمراحل من ايام البي اس بي

الوم المستهلك .. اذا كان مثلك .. ينتظر من سوني الغربية .. دعم بعناوينها الكبيرة على حساب البلاي 4 .. اللي مو منطقي ولا عقلاني .. والا البقية من ملاك الجهاز الكل عارف بالضبط شنو اشترى وشنو نوعية الدعم اللي بيحصله الجهاز

الجهاز بداياته بالذات كانت الالعاب قليله من سوني، وكمان الالعاب اغلبها ماكانت على قد المستوى عشان الناس تاخذه، سوني استسلمت من البدايه ونينتندو سوّت العكس تمامًا مع ال٣دس اللي كانت بدايات مبيعاته فاشله بس قلبت الطواله مع الالعاب الممتازه اللي نزلت ورى بعض.

حاليًا الوضع شبه ميئوس منه أنا معاك، بس مع ذلك الوضع بصراحة مخزي ان مانشوف العاب عليه، ظلم ١٠٠٪ للمستهلك اللي شرا الجهاز ومنتظر ألعاب فيه 🙁

 

[SHIN.M]

ههههههههههه انا ماضحكني الا اذا مايقدرون ينزلون العاب عليه اعذرهم !!

 

[Veeto]

الجهاز بداياته بالذات كانت الالعاب قليله من سوني، وكمان الالعاب اغلبها ماكانت على قد المستوى عشان الناس تاخذه،

اطلاق الجهاز مع انتشارتد ووايب اوت عناوين كبيرة وتقييماتها كانت عالية نسبيا - وهذي العاب لانش - بامانة انت ما تدري عن شنو تتكلم

ونينتندو سوّت العكس تمامًا مع ال٣دس اللي كانت بدايات مبيعاته فاشله بس قلبت الطواله مع الالعاب الممتازه اللي نزلت ورى بعض

هذا هراء ثاني .. نينتندو خفضت سعر الجهاز 80 دولار للجهاز الواحد وانتعشت مبيعاته .. ما قلبتها بالعاب ممتازة
ترى اللي تتكلم عنه شي معايشينه ما قرأنا عنه في ويكيبيديا !!

 

[CODE-X]

لحظة لحظة...
سوني تدري انه عندها جهاز اسمه فيتا؟! 😱pen_mouth:

 

[Zixmar]

اطلاق الجهاز مع انتشارتد ووايب اوت عناوين كبيرة وتقييماتها كانت عالية نسبيا - وهذي العاب لانش - بامانة انت ما تدري عن شنو تتكلم

طيب وبعدين؟ الجهاز تم فتره مافيه العاب فبداياته، سوني كانت تقدر تسوي العاب بذاك الوقت اكثر، بس هي اصلاً ماتعبّت نفسها مع الجهاز.

هذا هراء ثاني .. نينتندو خفضت سعر الجهاز 80 دولار للجهاز الواحد وانتعشت مبيعاته .. ما قلبتها بالعاب ممتازة

طبعًا التخفيض كان له دور، بس ماريو كارت+ ريميك اوكارينا اوف تايم انعشت مبيعات الجهاز كمان، وبعدها نينتندو مسكت الجهاز ألعاب ماخلّته.

 

[Ahmad-001]

خبر محزن
لكن..
ماعندي مشكله خصوصا أن أغلب وقتي عليه أما بلايستيشن كلاسيك أو ريماسترز البس2، يعني مافرقت كثير معاي، بس كان فيه مجال لو يستمرون معاه سنتين قدام على أقل تقدير، احسهم استعجلوا شوي!

 

[KEID]

طبع لنهم اصدرو عليه لعبة من مفروض علي اقل توصل ل500 الف نسخة في اليوم الاول تبيع 50 الف حول العالم في شهر الاول

 

[king zell]

سوني ما تقدر تقول الجهاز مات و احنا جبنا العيد


فبيلفونها بأي طريقة، لكن الكل يعرف إن الفيتا مات أبشع موتة، الجهاز باع 3 آلاف بس في آخر شهر في أمريكا

 

[Strife]

ممكن بيختلف معي كثيرين لكن شخصيا انا اجوف ان هذا الحل هو الأفضل والأنسب للفيتا.

 

[Dark Light]

تباً لك يا سوني! أنا كنت منقطع عن الجيمنج لسنوات وما رجعت لها وبقوة إلا مع الفيتا... خلال السنتين اللي مضت صرفت على الفيتا أضعاف إلا صرفته على أي جهاز ثاني وكنت أشتري الألعاب عليه حتى لو عارف أنها بتنزل على البلس.... ياخي كيلزون شريتها رغم أن ما عندي أي اهتمام فيها (وللحين ما لعبتها!) فقط حتى أدعم الفيتا 🙁

للأسف سوني ما تعبت نفسها كفاية، وين GT وين GTA وين Bioshock ؟ ليش مكتفين ببورتات أغلبها تعيسة وغير قابلة للعب؟

شخصياً آخر لعبة بأشتريها هي دانغانرونبا 2 (وجرافيتي رش 2، لو نزلت للغرب)، أما ألعاب الإندي فمن البلس... وبعدها الفيتا يعتبر في عداد الموتى بالنسبة لي، للأسف. ::

 

[L.O.R.D]

اذا بيخوله جهاز اندي..المفروض ينزلو عليه ألعاب الجوال كلها
انجري بيرد ووووو كلها عليه
هذه الألعاب مجانية..لكن محشية مايكرو
ورح تقدر تستخدم رصيد PSN
يعني في ربح كثير منهم

 

[Photon]

واو يا فيه شعب عايشين حالة Denial وفوقها يدافعوا عن شركاتهم المفضلة ويوصفوا المستهلكين ب"الجهل" .. عجيب والله!!

حالة الترقيع اللي عايشينها المتعصبين تشبه واحد اشترى بي سي خارق عشان يلعب ألعاب 8 بت فقط لاغير ويقول لك أنا راضي!! لا انت كذا مغفل مع محبتي لك!!

نفس الكلام على الفيتا.. ليش أشتري محمول خارق وألعب ألعاب إندي عليه وعندي الجوالات والتابلت عليه نفس هذه الألعاب وتبدأ أسعارها من واحد دولار أو فري تو بلاي حتى بينما أسعارها في الفيتا أغلى بكثير؟!!

إذا الكلام اللي فوق مهو منطقي علموني!!

حقيقة: المستهلك دايما على حق واذا شريت منتج من شركة مع وعد بدعمه هذا يعني عقد لازم تلتزم الشركة فيه ومو شغلي إذا اكتشفت الشركة إنها خسرانة، الطبيعي إنك كمستهلك تغضب إذا حصل العكس وأخلت الشركة بالتزامها تجاهك فما بالك لما يتم استغفالك وتكتشف هذا الاستغفال لاحقا ألاقيك تقوم تدافع عنهم؟!! طبعا لو لك أسهم فيها أو تشتغل فيها هذا وضع ثاني :/

ما أظن حال سوني بأسوأ من حال سيجا أيام الدريم كاست ورغم كذا دعمت الجهاز مو شوية ولا شويتين!! إلا دعم خرافي خلته جهاز لاينسى!!

معليش مافي عذر لسوني وجماعة التشارتس والمبيعات والإندي اصحوا على نفسكم وتعرفوا على حقوقكم كمستهلكين وبطلوا تهاجموا أي واحد تضرر بسبب تعصبكم الغير مبرر!!

 

[Storm is here]

وانتهت قصة سوني مع اجهزة الالعاب المحمولة وانتهت فكرة اني اشتري فيتا

بس عموما تصرف سوني كان متوقع , جهاز بالقطارة يبيع وينافس العدس و الاجهزة الذكية وش تبغى فيه ؟
الاجهزة الذكية صارت تهدد الكونسول فكيف الفيتا

 

[Dark Master]

واو يا فيه شعب عايشين حالة Denial وفوقها يدافعوا عن شركاتهم المفضلة ويوصفوا المستهلكين ب"الجهل" .. عجيب والله!!

حالة الترقيع اللي عايشينها المتعصبين تشبه واحد اشترى بي سي خارق عشان يلعب ألعاب 8 بت فقط لاغير ويقول لك أنا راضي!! لا انت كذا مغفل مع محبتي لك!!

نفس الكلام على الفيتا.. ليش أشتري محمول خارق وألعب ألعاب إندي عليه وعندي الجوالات والتابلت عليه نفس هذه الألعاب وتبدأ أسعارها من واحد دولار أو فري تو بلاي حتى بينما أسعارها في الفيتا أغلى بكثير؟!!

إذا الكلام اللي فوق مهو منطقي علموني!!

حقيقة: المستهلك دايما على حق واذا شريت منتج من شركة مع وعد بدعمه هذا يعني عقد لازم تلتزم الشركة فيه ومو شغلي إذا اكتشفت الشركة إنها خسرانة، الطبيعي إنك كمستهلك تغضب إذا حصل العكس وأخلت الشركة بالتزامها تجاهك فما بالك لما يتم استغفالك وتكتشف هذا الاستغفال لاحقا ألاقيك تقوم تدافع عنهم؟!! طبعا لو لك أسهم فيها أو تشتغل فيها هذا وضع ثاني :/

ما أظن حال سوني بأسوأ من حال سيجا أيام الدريم كاست ورغم كذا دعمت الجهاز مو شوية ولا شويتين!! إلا دعم خرافي خلته جهاز لاينسى!!

معليش مافي عذر لسوني وجماعة التشارتس والمبيعات والإندي اصحوا على نفسكم وتعرفوا على حقوقكم كمستهلكين وبطلوا تهاجموا أي واحد تضرر بسبب تعصبكم الغير مبرر!!

:clap::clap::clap::clap::clap:

وفرت وقتي عبد الرحمن يعطيك العافية

بالنسبة للي يقارنو مع الوي يو
ايواتا اعترف انه وضع الجهاز مش جيد بس قال بعدها انه احنا ماحنقدر ننزل الجهاز اللي بعده اللي لما نرضي مالكي الجهاز
الفكر هذا لما يطلع من رئيس الشركة يخليني أطمئن اني مارميت فلوسي بالبحر

 

[hussien-11]

اما الالعاب الغربية، فحتى لما دعمته سوني -ولو انه على خجل- وش اللي جابت له، انتشارتد،كيلزون،كود،وغيرهم؟ فقط تييراواي ولبب اللي يستحقون الذكر الباقي أفضل لعبة نيتش يابانية عليهم كلهم لأن مكانهم الفعلي الكونسول

انت تدري صادق أن هالألعاب ( أنشارتد كيلزون كول اوف ديوتي أساسنز كريد ) هي أحسن ألعاب مبيعاً على الفيتا ؟؟ أنشارتد باعت أكثر من مليون نسخة بوقت مش طويل، هالشي يوريك أن هناك طلب من المستهلك على هالنوع من التجارب، و سوني "وعدت" بتوفيره لما قدموا جولدن آبيس للجهاز، لكن ايش صار بعدين ؟؟؟ سحبوا عليه تماماً

سوق المحمول متراجع ؟ أكيد
هل كان بالإمكان أفضل مما كان ؟ أيضاً أكيد، و بكثير

سوني اشتغلت على الـPSP بألعاب أضخم كثيراً في وقته، جابتله لعبتين GoW، لعبتين سايفون فيلر، تويستد متل، جران توريزمو، داكستر، لعبة راتشيت و لعبة كلانك

سوني صارت شركة مش هينة كطرف أول، عندها عناوين و تقدر تبني يوزربيس بشكل أحسن بكثير مما حصل، مثل ما قال مصطفى، هم صمموا هاردوير ممتاز و انتهت علاقتهم مع الجهاز ( خارج اليابان )

انتوا تتكلموا عن أن المستهلك الي يشتري عارف و راضي، المشكلة موجودة لأن المستهلك مش قاعد يشتري الجهاز، في الأساس. و أذكر دايماً كنا نسمع كلام كيف أن سوني تدعم أجهزتها مهما حصل لفترات طويلة و خطة العشر سنوات و و و، لكن هالكلام ما حصل نهائياً على أرض الواقع.

 

[the_oni]

جهاز رائع وممتع ومستمتع فيه جدا الي مو عاجبنه الجهاز وقاعد يتفلسف مع احترامي روح بلط البحر
الدعم راح يكون موجود على الاقل من سوني اليابان وهذا الي يهمني ومايهمني اي حاجه ثانية

ومع نزول البلاي ستايشن تي في راح تزداد مكتبة العاب الجهاز اكثر واكثر نصيحة لجميع لاتفكر ابعد مما تنظر اليه استمتع بلحظاتك الي تقضيها معاه that's it

 

[Zixmar]

النكت اللي طلعت بهالموضوع رهيبه جدًا وبالكاد عقلي صدقها منها:

المستهلك غلطان ليش؟ لانه المفروض يعرف ان الفيتا ماراح يكون فيه العاب فالمفروض ماشراه وبلش نفسه.

المستهلك غلطان لان الجهاز مو جالس يبيع.

العاب الاندي كافيه لجهاز الفيتا ومانبي العاب من سوني وراضيين.


قسم بالله الدفاع عن سوني وصل لدرجة مقرفه، يارب ان ماعندكم اسهم بالشركه ليش الدفاع الصارم على هالشي؟


@Photon ماحد بيرد عليك لان كلامك كله صحيح ولا في أي مبرر او تصريفه عشان يدافعون عن سوني.

 

[leader_e]

وااااااااااااااو
كمية التسليك في هذا الموضوع مش طبيعية
البلاي 4 ما يبيع في اليابان لانه ما عنده العاب كثيرة يصير الشعب الياباني متخلف لان البلاي 4 استثمار على المدى البعيد
سوني ستحب على الفيتا الغلطة مش غلطتها الغلطة غلطة المستهلك المتخلف اللي ما يفهم وراح استثمر في الفيتا
بصراحة هذا مو فيديو جيمز هذي سوق اسهم
لازم تسوي دراسة قبل ما تشتري السهم عفوا اقصد اجهزة سوني
كذا الفيتا صار اغلى طرفية لفيديو جيمز في التاريخ

 

[Veeto]

حقيقة: المستهلك دايما على حق واذا شريت منتج من شركة مع وعد بدعمه هذا يعني عقد لازم تلتزم الشركة فيه ومو شغلي إذا اكتشفت الشركة إنها خسرانة، الطبيعي إنك كمستهلك تغضب إذا حصل العكس وأخلت الشركة بالتزامها تجاهك فما بالك لما يتم استغفالك وتكتشف هذا الاستغفال لاحقا ألاقيك تقوم تدافع عنهم؟!! طبعا لو لك أسهم فيها أو تشتغل فيها هذا وضع ثاني :/

ممكن اعرف سوني لما نزلت الفيتا بالسوق بشنو وعدتك واخلفت بوعدها فيه.. بدل كلام واسترسال واستظراف... ابي كلام ووعود رسمية من سوني ما اوفت فيها بعدها بيكون الكلام مختلف

 

[hussien-11]

ممكن اعرف سوني لما نزلت الفيتا بالسوق بشنو وعدتك واخلفت بوعدها فيه.. بدل كلام واسترسال واستظراف... ابي كلام ووعود رسمية من سوني ما اوفت فيها بعدها بيكون الكلام مختلف

ألعاب بلاي3 محمولة، أنشارتد جولدن آبيس و الهاردوير يتكلموا بهالخصوص غير كلام سوني، و الديمو التقني لمتل جير4 و سالفة كين ليفين و غيرها. مع اني ما كنت بهتم بهالألعاب كثير، لكنها كانت بتعطي الجهاز تعريض إعلامي أكبر بكثير و بتجيب له نجاح أفضل و بالتالي دعم أفضل من الشركات و بتتحقق وعوده كمنصة.

 

[Veeto]

العاب بلاي 3 محمولة تحققت بصورة افضل بخاصية الريموت بلاي للبلاي 4 يعني سوني اوفت بوعودها !!

 

[mamiqdadi]

الخبر غريب، المفروض يحاولوا أكثر لأن في ناس إشترت الجهاز وهي تعتقد بدعم الجهاز، قبل فترة لمن كان في كلام عن لعبة من روكستار توقعتها للفيتا، أحمد الله إني ما إشتريته

 

[Zixmar]

العاب بلاي 3 محمولة تحققت بصورة افضل بخاصية الريموت بلاي للبلاي 4 يعني سوني اوفت بوعودها !!​

سوني لما افصحت عن الفيتا كان جهاز ألعاب مستقل مش أداة طرفية للبلاي٣و٤ بس، هالشي بحد ذاته عدم وفاء بالوعد:joy:.

 

[Veeto]

سوني لما افصحت عن الفيتا كان جهاز ألعاب مستقل مش أداة طرفية للبلاي٣و٤ بس، هالشي بحد ذاته عدم وفاء بالوعد:joy:.

والعاب الاندي مو العاب ؟؟

 

[Zixmar]

والعاب الاندي مو العاب ؟؟

فييتو خلاص كفايه دفاع على سوني والله كفايه، ترى عادي يوم من الأيام تقول ان سوني غلطت ماراح يصير شي فيك ان شاء الله.

 

[JIN KAZAMA]

^
^
ذلحين من جدك تريد تقنعني ان الناس اشترت الفيتا عشان العاب الاندي اللي تقدر تلعبها على مليون جهاز (سواء محمول ام منصة ثابته ) ؟؟؟؟
بليز قول غير هالكلام !



المصيبة اننا ننتقد نتندو فانز عشان دفاعهم اللامنطقي -احيانا - عن فشل الوي يو ! ولكن هنا قاعدين نشوف صورة اسوء ::