الجواب هو أن الأول نموذجه لا يقلد كدة مباشرة، تحتاج سنين عمل وممكن ما تنجح. بينما الثاني سياسته تقدر تطبقها بجرة قلم بل تقدر تطبقها أفضل منه أيضا!
صحيح .. لا يقلد مباشرة .. لكن سوني كانت ماشية بمسار ما اقول مشابه .. لكنه يخدم نفس التوجه تقريبا
سوني في جيل البلاي 4 كانت تجني ثمار استثماراتها في استوديوهاتها .. شفنا تاثيرات هالشي بتفريخ كمية عناوين جديدة ضاربة تقريبا غير مسبوقة بتاريخ سوني
لاست اوف اس .. هورايزون .. شبح تسيوشيما
انت اخذت نموذج مغاير لنينتندو لكن مشابه تقريبا بالتوجه نفسه .. نجاح لاست اوف اس .. شجع بقية شركاؤك من الطرف الثالث بالعودة الى العاب الرعب والبقاء .. نجاح شبح تسيوشيما شجع شركاؤك بالطرف الثالث على العاب يابانية الطابع والثقافة وهكذا
وهذا المفترض يكون دور استوديوهات سوني .. التجارب وتشجيع الطرف الثالث ان فيه سوق لهذا التوجه او ذاك
وهو بيقودني للرد على النقطة الثانية
القصة الأخرى هنا هي ان فشل مايكروسوفت في تسويق الجهاز لا علاقة واضحة له بفتح الألعاب على البي سي، يعني مثلا كون ألعابك على البي سي لا علاقة له بفشلك في توفير اللغات لللاعبين الغير أمريكين، ولا علاقة له بفشلك في دخول الأسواق الآسيوية والأوروبية، ولا علاقة له بفشلك في تصميم جهاز باقتصاديات مناسبة تجعلك قادرا على ضخ أجهزة بالسوق بدون تحكل خسائر كارثي، ولا علاقة له بفشلك في توفير ألعاب جيل جديد حصرية (ولو كونسول) في بداية الجيل الجديد، ولا علاقة له بسماحك بحدوث سنوات خالية من أي عمل طرف أول حصري (ولو كونسول فقط). هذي كلها دستة أسباب تفشل أي جهاز ولا علاقة لها بصدور الألعاب على البي سي
المشكلة عندي ان الكل ناسي ان هذي (( دوامة )) كاملة من العمل وهذي تشيل هذيك
يعني لان عندي كونسول واحتاج العاب حصرية .. احتاج اشغل استوديوهاتي بنمط معين بفكر معين بتوجه تجاري يخدم الاثنين .. يخدم الكونسول يخدم نظامي يخدم الاستوديو نفسه
هذي حلقة كاملة متواصلة ما تقدر تقصص جزء وما تقدر تنفي تاثير واحد على الثاني .. خصوصا وان الفرق بيني وبينكم .. اني اقدر اجيب امثلة عشناها ونعيشها ونشوفها
يعني استوديو مثل ناوتي دوج .. ما راح يقدر يستمر مثل ما هو .. اذا كان استوديو ملتي .. هذا شي شفناه عشناه .. باستوديوهات مايكروسوفت .. شفنا سيجا العظيمة نفسها تعيش نفس الشي انهيار الهاردوير خلى شينمو تختفي .. خلاهم يرجعوا للعناوين الحلابة
نفس الشي صار يصير .. لمايكروسوفت .. شفنا الاغلاقات شفنا التسريحات شفنا الالغائات
انت تقول انهم مو مرتبطين .. وانا اقول انهم مرتبطين ارتباط كلي واضح ثابت
انت تشتغل بمنظومة .. ما تشتغل كاستوديو مستقل .. ما تشتغل كمطور او ناشر مستقل .. وهذا سر النجاح او العكس الفشل
يعني ان يصدر السيريس اكس .. بدون لعبه حصرية .. هذا عمل منظومة كاملة .. مو فشل لاستوديو واحد
هذا الشي صار لان المنظومة اعتقدت ان الاجهزة وحصرية الالعاب غير ضرورية .. ومثل ما انت قلت ان العاب البي سي اليوم الاول ما تضر
لان هذا الاعتقاد لا يعني مجرد شخطة قلم خل نصدر العابنا بالتزامن .. هذا يعني نموذج العمل يتغير .. المخاطر الربح التوجه مراقبة الجودة .. كلها بتتغير مع هذا التغيير الذي يتم الترويج لانه تغيير بسيط
هذا من ناحية المطور من ناحية الشركة .. فما بالك بالمستهلك .. كم عدد المواضيع .. عدد الفيديوهات .. النقاشات البودكاستات اللي تناولت موضوع شنو فايدة الاكس بوكس كجهاز اذا العابه متوفرة باماكن مختلفة !
المختصر منظومة العمل كلها بتتغير .. وهذا التغيير لا احد يتوقع انه بيكون (( رخيص )) .. بيكون ثمنه بشري .. ابداعي
انا متيقن لو تسال اي واحد من عشاق العاب الاكس بوكس .. عشاق العناوين .. هل يعتقد ان المستقبل مشرق للقسم وعناوينه .. والا يشوفه اسود .. قولك شنو يعتقد ؟
انا ادري ان كلامي يبدو لواحد متخلف .. لكن بقوله (( للتأريخ والارشفة )) علشان لا احد بعدين يقول كانت المؤشرات غير .. السوق ما تقبل .. واقع الوضع فرض شي مختلف
لان نفس هالنقاشات انقالت بوقت الجيم باس وبوقت البي سي لليوم الاول
هذا التحول كارثي ومو بس على سوني على الصناعة كامل ان حدث
وهذا ابعد مما يكون عن الحقيقة.
