إصدار جهاز (سواءاً كونسول أو محمول) للسوق شيء مهب بسيط أبداً. تحتاج:
- فلوس واجدة عشان تغطي قيمة البحث والتطوير, التصنيع, النشر..الخ. سيجا باليالله تطلع ربح جيد من السوفتوير حقها. وأغلب هالربح يروح على تطوير ألعاب ثانية.
- دعم مطورين وناشرين قوي. سيجا كانت مطورة سوفتوير قوية في يوم من الأيام. لكن الآن حتى استوديواتها الداخلية بالقوّة تطلع عناوين تسوى. أما الطرف الثالث ما راح يهتمّون بسبب النقطة الجاية.
- براند قوي في الساحة. سيجا أيام الـ90ـات كان اسم جبار في الصناعة. الآن الجيل الجديد الي يلعب ماريو على الدي اس والوي ما يعرف وش هي سيجا ولا يهتم من هو سونيك.
هذي بعض الأسباب الي تطري على بالي لما واحد يقول ليش سيجا ما تسوي جهاز محمول. برضو المنافسة الآن جدددداً صعبة. سوني هي أول شركة قدرت تصمد قدام ننتندو في المحمول. والعناوين الكبيرة الي تبيع على المحمول في اليابان وأميركا Already لاقية مكانها سواءاً على الدي اس أو البي اس بي. سيجا مالها أمل إلا انها تتطور لعبة مُعجزة لا يمكن تحصلها على البي اس بي ولا على الدي اس. وهالشيء مهب بسيط أبداً.
أعتقد أن سوق أجهزة الألعاب المحمولة قادر على أستيعاب جهاز جديد في المنافسة و أتمنى ذلك حقاً ..
سوق الألعاب المحمول أشوفه ينقسم لأنواع. عندك سوق أجهزة الألعاب المحمولة البحته (بي اس بي - دي اس), وعندك سوق ألعاب الجوالات الذكية (آيفون - آندرويد). حالياً سوق المحمول بشكل عام شايل هالأجهزة وهالنوعين وهالأسماء لأنه كبير كفاية انه كل شركة تاخذ حصتها من الكيكة.
لكن إذا بتدخل على هالسوق من الخارج وانت ما عندك شيء جديد ومثير للاهتمام تقدمه, فإنسى الكيكة. الآن مايكروسوفت فون 7 ماهو قاعد يبيع لأنه فعلياً ما سوى شيء مثير للاهتمام, ونزل متأخر. وباناسونيك (؟) كانت بتنزل جهازها الجنقل لأن كانت فكرته فريدة. لكن عرفت ان الوضع مو بالسهولة, وان فرصة الخسارة كبيرة جداً, وما تسوى المغامرة, فكنسلت الجهاز.
هذولا شركات عملاقة, شغلهم يدخل في أكثر من صناعة ويطلعون بلايين الدولارات سنوياً. فما بالك بشركة تطوير ونشر ألعاب عادية مثل سيجا. من وين بتجيب الفلوس عشان تبحث وتطور مُنتج يقدر يتميّز على الي موجود الآن. ومن وين بتجيب فلوس تصنعه وتنشره. وحتى لو قلنا أوكي بتقدر تطلع جهاز بوضعها الحالي. المسألة الآن ان الـRisk أو المخاطرة ضخمة جداً لدرجة انه لو فشل الجهاز, سيجا بتسقط سقطة أقوى بكثيييييييير من الي صار على وقت الدريم كاست.
للأمانة لو فيه شركة ألعاب قادرة انه تدخل سوق المحمول أو الكونسول, فهي آكتفيجن :laugh::. هي الشركة الوحيدة أتوقع تقدر تتكلف بكل مصاريف اصدار جهاز جديد. لكن ما يحتاج تبحر بالمجهول, إذا كان الطريق المعروف موجود وأسهل لك.
و بالنسبة لي أتمنى أن تعود سيجا بإصدار جهاز ألعاب محمول يدعم ألعاب أجهزتها السابقة
اشتر الـ3DS. بتقدر تنزل ألعاب الجيم جير على خدمة الفيرتشوال كونسول حقته :laugh::
