سماعات سوني الجديده للبلاي ستيشن 4

[FARES_]

سوني رسميا راح تصدر سماعة مخصصه للألعاب وتحديدا للجيل الجديد
وبيكون اسمها Wireless Stereo Headset 2.0

راح تنزل رسميا بالأسواق الأسبوع القادم المصادف 10 فبراير بسعر 90$

شنو فيها هالسماعه
- نظام 7.1 للصوت المحيط الواقعي
- ميكروفون مدموج داخل سماعه نفسها.. يعني مافي عوود طالع 😛
- نوييز كانسليشن .. xD ما اعرف معناها بالعربي بس ان اصوات الخارجيه ما تدخل عليك
- تقدر تستخدها للبلاي 3 ايضا والفيتا او حتى تلفونك والكمبيوتر...
- طبعا وايرلس .. مثل ماهو واضح

شكل السماعه بالفيديو
[video=youtube;zoUNrCIsCLk]http://www.youtube.com/watch?v=zoUNrCIsCLk[/video]

اوكي شخصيا استخدم سماعة beats الاعتياديه.. لكن لفت نظري هالسماعه الجميله :heart_eyes:
فيه احد من قبل شاري سماعات مخصصه للgaming ؟ ودي اشوفلي سماعه مناسبه تعطيني جوو خاص​

 

[Sir Guts]

في تحديث للجهاز بينزل خاص عشان دعم السماعة

 

[No Longer Human]

لي فترة حاط عيني على Sony MDR-XB500 عشان الفيتا
لكن شكلي بغير رأيي وأخذ هذه إذا كانت ممتازة.

 

[ibrahimJ]

انا مستغرب من السعر 90 دولار لـ7.1 واقعي بس طلع وهمي في نهاية الأمر

 

[ZIBIT]

مواصفات جيدة و لكن ما قد جربت جودة الصوت في سماعات الرأس من سوني قبل كدة.

و لكن سآخذها بعين الاعتبار اذا اشتريت الPS4.

 

[SULTAN 3]

احلى ميزه فيها وياللي ما انكتبت بالرد الاول هو انها مدة بطاريتها ٨ ساعات وهي تعتبر قفزه وفرق كبير من الاصدارات الاقدم من سماعات سوني الرسمية ..

السماعات القديمة ثقيلة شوي وفيها اصوات مزعجه اعتقد علشان المواد المصنوعه منها .. على العموم ترا بينزل app خاص للسماعة بالستور الاوربي تقدر تسوي منه كوستمايزيشن اذا تبي تخصص الاصوات بالسماعه مخصصه للعبة شوتر او سباق او غيرها.

 

[rIn]

مييه اشوفها نفس مواصفات ps pulse elite بس يمكن تفرق في عمر البطارية ؟

 

[Nasser]

الأبديت يدعم السماعات القديمة. ما أفكر بسماعة جديدة في الوقت الحالي.

 

[XORO]

سؤال

السماعة هذه تغنيني عن المسرح المنزلي ؟

 

[lighting]

السعر حسب ما اعتقد 99.99 $

 

[DEMON]

سؤال

السماعة هذه تغنيني عن المسرح المنزلي ؟

لأ.
مافيه أي سماعة بالوجود تغنيك عن المسرح المنزلي او حتى تعطيك نفس التجربة.

 

[Raulioo]

الأبديت يدعم السماعات القديمة. ما أفكر بسماعة جديدة في الوقت الحالي.

حتى القديمة..الضخمة ذيك اللي قبل البولس؟

 

[USefQ80]

^^

The PS4 1.60 system software update adds official headset support and the patch will be available for download “late tonight,” according to Sony’s blog post. The firmware update lets gamers use PULSE and PULSE – Elite Edition wireless stereo headsets.

للأسف لأ

 

[xxamerxx]

لقيت سماعه تشبه لها في محلات النسر امس ( مو متأكد اذا هي نفسها او موديل مختلف) لكن على كلام البائع ان السماعه مافيها ميوت وهذا اكبر عيب فيها

 

[Raulioo]

للأسف لأ​

يالله بخليها رسمية للبي سي وبشتري الجديدة للبس4..أهم شي الجديدة تشتغل عالبس3 كمان :/

 

[USefQ80]

السماعه موجودة للطاب المسبق بأمازون
السعر : 99.99$
http://www.amazon.com/Gold-Wireless...002&sr=8-3&keywords=gold+wireless+headset+ps4

---------------

لقيت سماعه تشبه لها في محلات النسر امس ( مو متأكد اذا هي نفسها او موديل مختلف) لكن على كلام البائع ان السماعه مافيها ميوت وهذا اكبر عيب فيها

السماعه للحين ما انزلت
و هذي صوره تبين الـMute

 

[SAUD~F-16]

سماعة الPulse تشتغل صح؟ أتكلم عن الإصدار الثاني. وش تفرق عنها هذي؟ غير البطارية.

 

[Raulioo]

شباب تصحيح لمعلومة يوسف..
سماعات سوني الرسمية اللي قبل الـ Pulse شغالة على الـ PS4 أيضا من تجربة شخصية!
اللي هي هذه :

بعد ما يخلص الابديت روح على :
settings > sound and screen > audio output > output to headphones > all audio

 

[The Doctor]

سماعة الPulse تشتغل صح؟ أتكلم عن الإصدار الثاني

بتشتغل مع الأبديت الجاي

 

[ASWD]

سعر فاحش

 

[SULTAN 3]

بتشتغل مع الأبديت الجاي

تشتغل مع الابديت اللي نزل اليوم على PS4 وانا بنفسي جربتها قبل و بعد الابديت .

قبل الابديت ما كان المايك يشتغل والان صار يشتغل . اتوقع الابلكيشن ياللي بينزلونه في ١٠ فبراير بيدعم السماعات القديمة والجديده اكثر بالكستمايز

 

[14/08]

هذي اللي استخدمها ومرتاح معها .. ميزتها أنها تشتغل على البي سي والكونسولز وبنفس الجودة .

http://www.amazon.com/gp/aw/d/B004Y3D7HM?cache=e860480c1b2c80c37c22e2525b67eceb#ref=mp_s_a_1_10&qid=1391534702&sr=8-10&precache=1

 

[Emirates]

بطلب لي سماعة الحين

 

[XORO]

اليوم سألت عنها قالوا بتنزل اخر الشهر :thumbsup:

 

[fall out boy]

انا محتار بين سماعتين , مع انه عندي مسرح منزلي من هارمان كاردون بس السماعه احسها ضروريه

الاولى Astro A50
الثانيه Turtle beach PX4

 

[SAUD~F-16]

حسناً، أستنتج من فرق ال50$ بالسعر أنه في شيء بالبلس إليت غير موجود بالسماعة الجديدة. ولا ليش فرق بالسعر؟
الرسالة اللي جتني على البريد تسّوق للأثنين معاً.

 

[SULTAN 3]

^
اعتقد والله اعلم انها ميزة BassImpact غير موجودة في السماعات الجديدة .. وياللي هي ان السماعه تهتز مع الاصوات القويه وتقدر تخفض الاهتزاز وتقويه .. لكن للأمانه هو يعتبر إزعاج اكثر من كونه اهتزاز يضيف للتجربه عمق مثل ما هم يتوقعون.

http://us.playstation.com/ps3/accessories/higher-end-stereo-headset.html

 

[A7med]

 

[Clock Ender]

مافيه أي سماعة بالوجود تغنيك عن المسرح المنزلي او حتى تعطيك نفس التجربة.

بغض النظر تغني او لا لأنها وجهة نظري شخصية بحتة .. لكن مسألة انها تعطيك نفس التجربة ف يب فيه يا ناصر
وانا اتكلم كشخص مجنون صوتيات, تبغى هيدفون يعيشك عالم ثاني وصوت حقيقي روح للهاي فاي اذاً فعلاً تبغى صوتيات !

سماعات القيمنق ماهي الا قاربج حرفياً عرفوا كيف يسوولها تسويق

 

[XORO]

بغض النظر تغني او لا لأنها وجهة نظري شخصية بحتة .. لكن مسألة انها تعطيك نفس التجربة ف يب فيه يا ناصر
وانا اتكلم كشخص مجنون صوتيات, تبغى هيدفون يعيشك عالم ثاني وصوت حقيقي روح للهاي فاي اذاً فعلاً تبغى صوتيات !

سماعات القيمنق ماهي الا قاربج حرفياً عرفوا كيف يسوولها تسويق

ممكن صور السماعات اللي ذكرتها