سعر السويتش يصل إلى 2500 ريال والشعب السعودي غاضب

[SkyGame]

سنغافورة وهي اصلا المكان اللي الوكيل يجيب لنا الألعاب واجهزة نينتندو منها وتقع فيها الوكيل الرئيسي MaxSoft يبيعون الجهاز ب 500 دولار

في البرازيل الجهاز ينباع بشكل نظامي ب 800 دولار وفي السوق السوداء ب 1000 دولار.

نينتندو مارح تعمل شيء

ما أدري وش الوضع في سانغافورا , ولكن في البرازيل يوجد ضرائب كبيرة على المنتجات المستوردة الأمر ليس محصور على نينتيندو

 

[منتقي]

الحل بسيط ولا يحتاج لغضب : اترك الجهاز كم شهر وراح تكون المستفيد الأكبر :

* انخفاض سعر الجهاز
* تعديل الأخطاء المصنعية للدفعات الأولى
* توفر ألعاب أكبر من الموجود في الفترة الحالية
* تحديثات وتعديلات للنظام
* وجود ضمان

 

[White Soul]

الحل بسيط ولا يحتاج لغضب : اترك الجهاز كم شهر وراح تكون المستفيد الأكبر :

* انخفاض سعر الجهاز
* تعديل الأخطاء المصنعية للدفعات الأولى
* توفر ألعاب أكبر من الموجود في الفترة الحالية
* تحديثات وتعديلات للنظام

سعر الجهاز ما بينخفض، 2200 مع لعبتين هو سعره الرسمي من الموزع.... فهذا مو حل.

بنشوف إذا الإعلام العربي يقدر يوصل صوتنا للإدارات العليا أو لا، أتمنى يعطونا وجه هالمرة.

 

[منتقي]

في سنة 2013 رحت لجرير وانا عارف ان سعر Wii U عندهم مرتفع وكنت رايح متعمد قلت بشوف لو نزلو سعره والا برفع عليهم بلاغ بعد ما اصور سعره عالرف عندهم بالجرم المشهود.
رفعت عليهم شكوى رسمية عبر تطبيق بلاغ تجاري .. وبعدها بدقايق تم الاتصال علي من وزارة التجاره و وضحت لهم المشكله ان السعر هنا دبل بينما هو سعره رسمياً بكل دول العالم هي بالسعر الفلاني وعطيتهم السعر اللي مكتوب في موقع ننتيندو الرسمي. بعدها وضح لي المتصل من وزارة التجارة بأن هذا يعتمد على سعر البيع والشراء وانه ماله سعر محدد ومادري وشو طالما انه ينباع في كل المحلات وليس محصور في مكتبة جرير فقط . يعني بالعربي اللي صاير ما فيه اي مخالفه قانونيه!!

طبعاً انا بلغت لأني ما احب اشوف هالغش سواءً من شركة انا احبها او شركه منافسه .. لأنه مو من العدل ولا هو من الانصاف انك تروح ترفع سعر سلعه بحيث انها تتضرر و سوق المنطقه ياللي هي تابعه له يتضرر بإنخفاض مبيعاتها وياللي بالتالي يعود اثره على قل او إنعدام الدعم المرجو له بالمنطقه .. ( أنا انظر للموضوع للمصلحة العامه للجيمرز لمنطقتنا بغض النظر عن ميولي للجهاز أو للشركة )

سالفة انك تغشني يالتاجر او يالموزع او يالوكيل هذا شي اعتبره استهزاء مباشر فيني انا يالعميل يالزبون ياللي رزقك بعد الله هو بسببي انا .. ما امشيها لأي كأن من كان حتى لو كان من شركتي المفضله .. وعلى فكره توني قبل أمس رافع شكوى رسمية على وكيل سوني وتم إعتمادها من وزارة التجارة بدون حتى ما يتصلون علي علشان ياخذون اي تفاصيل زياده لأن الأنظمة والقوانين واضحه

يعجبني اللي تسويه ، لو أغلب الشعب يسوي اللي تسويه كان شفنا تغير جذري ، كثرة المطالبات تحدث تغيير حقيقي وليست حملات المقاطعة اللي لليوم مو مقتنع فيها ولا في جدواها إلا ماندر

 

[منتقي]

سعر الجهاز ما بينخفض، 2200 مع لعبتين هو سعره الرسمي من الموزع.... فهذا مو حل.

بنشوف إذا الإعلام العربي يقدر يوصل صوتنا للإدارات العليا أو لا، أتمنى يعطونا وجه هالمرة.

اذا فيه أحد مستعجل عليه أفضل خيار يطلبه من الخارج مع ضمانه ، بكذا أقل شيء بيوفر 500 ريال ( 140 دولار ) وهذا مبلغ مو هين عشان يروح لتاجر هنا وبدون ضمان

 

[Saudi Fighter]

لا تشتروه من عندهم و إنتهت القصة. الأمر مش معقد.

طيب مين الواحد يشتريه اذا يبغى الجهاز ؟ لاتقول اطلب من برى انا عن نفسي بطلبه من برى لكن انت عندك وكيل رسمي نايم بالعسل وحتى على كلام مشهور الدبيان انه متوظف بالواسطة الزبدة اذا فيه وكيل مايوفر اسعار كويسة من حقي اغضب اما سالفة لاتشتري وخلك ساكت ماتجي

 

[Super Shadow]

بالنسبة للطلب من المواقع ، المشكلة أن مش الكل يعرف طريقة الطلب أو الشراء من الخارج و مش الكل يتاجر عبر الانترنت
بالتالي الاعتماد على المتاجر الداخلية بيكون أسهل ، لكن العائق الأكبر هو السعر

 

[White Soul]

كلام توضيحي من البسيمي بخصوص هالموضوع

 

[Gingro]

نفس مشكله الوي يو عند بداية إصداره كان سعره غالي !! ولا كان متوفر في كل مكان !! الحل هو الانتظار

 

[retha]

نفس مشكله الوي يو عند بداية إصداره كان سعره غالي !! ولا كان متوفر في كل مكان !! الحل هو الانتظار

هل الحل نفع؟ للآن سعره استهبالي

 

[SULTAN 3]

انا اشوف ان الحل لوكيل نينتيندو بالسعوديه هو اجتثاثه عن بكرة أبيه ..
اكيد فيه حقوق و واجبات للوكيل من وزارة التجارة واكيد فيه امور معينه لو ما طبقها او ما مشى عليها فبيتم تفنيشه كوكيل معتمد وإيجاد غيره .. واعتقد هذا ياللي يمكن حنا نقراء فيه او نبحث عن الامور او الشروط لكنسلة وكيل محلي أو إستبداله لأي سبب من الاسباب.

 

[Veeto]

اكيد فيه حقوق و واجبات للوكيل من وزارة التجارة واكيد فيه امور معينه لو ما طبقها او ما مشى عليها فبيتم تفنيشه كوكيل معتمد وإيجاد غيره

هذا شي بين نينتندو والوكيل مو بين الوكيل ووزارة التجارة

الموضوع يبغى ليه عمل لوجستي كبير من نينتندو.. مو بس من الوكيل

 

[HDNA]

كلام توضيحي من البسيمي بخصوص هالموضوع

@king zell
السؤال هو ليش الشركات تعتمد على موزعين بدل البيع المباشر؟ ليش Nvidia قررت تبيع مباشرة بعد مشاكل الموزع بدل ما تبيع بنفسها مباشرة من البداية وليش ماتقوم كل الشركات بالبيع المباشر بدل الاعتماد على موزع؟

 

[ifahadx]

@king zell
السؤال هو ليش الشركات تعتمد على موزعين بدل البيع المباشر؟ ليش Nvidia قررت تبيع مباشرة بعد مشاكل الموزع بدل ما تبيع بنفسها مباشرة من البداية وليش ماتقوم كل الشركات بالبيع المباشر بدل الاعتماد على موزع؟

بعض قوانين الدول تمنع الشركات الاجنبية من البيع المباشر . عندنا قالوا راح يلغون النظام هذا !! وبعدين لا تنسى ان الادارة صعبة وقت ما تجي نيفيدا تبيع كروتها في السعودية بشكل مباشر فهي تحتاج افتتاح فروع توزيع للمحلات . تخيل لو انهم يسوون هذا الشي في كل دول العالم ؟ شي صعب جدا فعشان كذا يتفقون مع موزعين محليين !! طبعا افتتاح الموقع الالكتروني يعتبر خطوة بسيطة ومش كافية لان في النهاية معظم مبيعاتك راح تكون من المحلات !!

 

[LiL.]

سعر 2,200 ريال، و هو مبلغ يخولك لشراء جهازي Xbox One و PS4 معا!

ذا ايروني.
عموماً المبلغ الفلكي هو ضريبة الاستعجال والحمدلله ع نعمة الطلب من الاون لاين.

 

[W.W.W]

كلام توضيحي من البسيمي بخصوص هالموضوع

لول اذا على كذا اجل نعتبر سوني نصابه ؟ لان البلاي٤ على وقته كان سعره ٤٠٠ × ٣.٧٥ = ١٥٠٠ ريال ، وهم بايعينه عندنا ١٨٠٠ ريال ، برغم ان عندنا محلات رسميه في الشرقيه

 

[KhalId-8]

لول اذا على كذا اجل نعتبر سوني نصابه ؟ لان البلاي٤ على وقته كان سعره ٤٠٠ × ٣.٧٥ = ١٥٠٠ ريال ، وهم بايعينه عندنا ١٨٠٠ ريال ، برغم ان عندنا محلات رسميه في الشرقيه

كلامك منطقي إذا كنّا نتبع أمريكا، لكننا تبع أوروبا.

 

[W.W.W]

كلامك منطقي إذا كنّا نتبع أمريكا، لكننا تبع أوروبا.

ليش كم سعر بلاي٤ الرسمي في اوروبا على وقته ؟ مش هو ال٤٠٠ دولار سعر عالمي ؟

 

[Unknown]

باوروبا كان 400 يورو .. فرق حدود 100 ريال عن الامريكي

 

[HDNA]

جيم نيشن يبيع الجهاز بـ 1749 ريال مع لعبة 1 2 سويتش ويقول بأنها يبيعها بدون ربح وأنه مجبور من الوكيل على بيع 1 2 سويتش مع الجهاز

 

[Metal Star]

ليش كم سعر بلاي٤ الرسمي في اوروبا على وقته ؟ مش هو ال٤٠٠ دولار سعر عالمي ؟

حنا تابعين اوربا وسعر الجهاز 400 يورو + الضرائب والتخلص الجمركي عندنا + مكسب الموزع + مكسب المتاجر = 1800 ريال

السعر يعتبر منطقي خصوصا الفرق ماهو كبير جدا بالخارج عكس Switch اللي سعره يفرق تقريبا 800- 1000 ريال

 

[Solay]

@king zell
السؤال هو ليش الشركات تعتمد على موزعين بدل البيع المباشر؟ ليش Nvidia قررت تبيع مباشرة بعد مشاكل الموزع بدل ما تبيع بنفسها مباشرة من البداية وليش ماتقوم كل الشركات بالبيع المباشر بدل الاعتماد على موزع؟

لأنه إلى قريب ممنوع شركة أجنبية تفتح بالسعودية الا بوكيل داخلي.

هالشي تغير الحين بس أعتقد موب للكل وفيه شروط معينه للشركات بس ما ادري وش طبيعتها، عشان كذا ابل وأخيرا بتفتح متاجرها عندنا بشكل رسمي.

 

[SULTAN 3]

لأنه إلى قريب ممنوع شركة أجنبية تفتح بالسعودية الا بوكيل داخلي.

هالشي تغير الحين بس أعتقد موب للكل وفيه شروط معينه للشركات بس ما ادري وش طبيعتها، عشان كذا ابل وأخيرا بتفتح متاجرها عندنا بشكل رسمي.

شروط حكومتنا الله يصلحها للشركات اللي تبي تفتح فروع لهم عندنا كانت عديده لكن اهم شرط ياللي جعل الشركات الكبيره تنفر من سوقنا هو إجبار الشركه على مشاركة 50% من ارباحها مع الكفيل او التاجر السعودي. لكن حالياً تغير هالبند والتغى لتحفيز وتشجيع الشركات على افتتاح فروع رئيسية لهم عندنا بشكل مباشر وهذا ياللي هو قاعد يصير حالياً وبنشوفه قريباً. لكن فيه شوية معوقات مثل مثلاً امازون مبتلشين في سالفة طرق العنونه والتوصيل لأن العنوان عندنا للحين مو نفس الطريقة المتعارف عليها. غير كذا العديد من السعوديين يوم يوصف لك بيته يقول لك ( ثاني لفه بعد بيتين تلقى بيتي قدامه براده مثلاً )

 

[شيطون]

غير كذا العديد من السعوديين يوم يوصف لك بيته يقول لك ( ثاني لفه بعد بيتين تلقى بيتي قدامه براده مثلاً )

فيه حل اسهل جدا هو ان اللي يوصلون يكون معاهم وتس اب بدل شغل قابلني في المكان الفلاني او تقعد سنة توصف
مباشرة ترسل الموقع على الواتس اب

 

[Solay]

لكن حالياً تغير هالبند والتغى لتحفيز وتشجيع الشركات على افتتاح فروع رئيسية لهم عندنا بشكل مباشر وهذا ياللي هو قاعد يصير حالياً وبنشوفه قريباً.

بس هو اللي أقصده هل حاليا أي شركة عالمية يمديها تجي وتفتح عندنا بدون وكيل لها؟ والا فيه شروط معينه اذا استوفيتها يمديك تفتح اللي تبي واذا ما استوفيتها بتحتاج وكيل؟ اللي أعرفه أنه الاستثناء الوحيد هو محلات التجزئة غير كذا مسموح بس بنفس الوقت ما نشوف أخبار شركات كثير أعطوخا الضوء الأخضر باستثناء شركتين ثلاث عملاقة.

فيه حل اسهل جدا هو ان اللي يوصلون يكون معاهم وتس اب بدل شغل قابلني في المكان الفلاني او تقعد سنة توصف
مباشرة ترسل الموقع على الواتس اب

هو المفروض أول مرة ترسل لهم اللكيشن بالواتساب وبعدها يخزنون بقاعدة البيانات عندهم، زي اللي جالسه تسويه المطاعم الحين. ما أعتقد أنها صارت مشكلة حقيقية خاصة أن الكل تعارف على اللوكيشن وطريقة ارساله.

 

[جُرَيْج]

هو المفروض أول مرة ترسل لهم اللكيشن بالواتساب وبعدها يخزنون بقاعدة البيانات عندهم، زي اللي جالسه تسويه المطاعم الحين. ما أعتقد أنها صارت مشكلة حقيقية خاصة أن الكل تعارف على اللوكيشن وطريقة ارساله.

فعلًا ، حتى الوالد ومن هم من ذوي "الـ50-60" سنة أصبحوا يستخدمونه !
هو الموقع ماهي مشكلة ، وحتى الأن غالب الناس تعودوا على الطلب عبر الانترنت عبر المواقع الكثير

 

[LiL.]

لول اذا على كذا اجل نعتبر سوني نصابه ؟ لان البلاي٤ على وقته كان سعره ٤٠٠ × ٣.٧٥ = ١٥٠٠ ريال ، وهم بايعينه عندنا ١٨٠٠ ريال ، برغم ان عندنا محلات رسميه في الشرقيه

عاد تدري بالمحلات برى الصغيره ينباع بضمان سوني سنتين ع ماعتقد..بسعر 1050 ريال؟وفيه محل اذكر شاري منه السليم لصاحبي بـ 999 ريال بالضبط..يعني ارخص من امازون
هي بالنهايه ترجع للتاجر نفسه عندنا

"ملاحظة:اتحدث عن البلاي فور الان اليوم بالاسواق"

 

[Cizer Shnider]

شروط حكومتنا الله يصلحها للشركات اللي تبي تفتح فروع لهم عندنا كانت عديده لكن اهم شرط ياللي جعل الشركات الكبيره تنفر من سوقنا هو إجبار الشركه على مشاركة 50% من ارباحها مع الكفيل او التاجر السعودي. لكن حالياً تغير هالبند والتغى لتحفيز وتشجيع الشركات على افتتاح فروع رئيسية لهم عندنا بشكل مباشر وهذا ياللي هو قاعد يصير حالياً وبنشوفه قريباً. لكن فيه شوية معوقات مثل مثلاً امازون مبتلشين في سالفة طرق العنونه والتوصيل لأن العنوان عندنا للحين مو نفس الطريقة المتعارف عليها. غير كذا العديد من السعوديين يوم يوصف لك بيته يقول لك ( ثاني لفه بعد بيتين تلقى بيتي قدامه براده مثلاً )

ماهذا ؟؟؟؟؟؟؟؟؟؟ قصدك ان امازون بتفتح قريب بالسعودية ؟؟؟ قلي ان الخبر حقيقي ارجوك

 

[Unknown]

^
امازون حاليا تتفاوض على شراء موقع souq.com .. ناويه تقلبه امازون

 

[SULTAN 3]

ماهذا ؟؟؟؟؟؟؟؟؟؟ قصدك ان امازون بتفتح قريب بالسعودية ؟؟؟ قلي ان الخبر حقيقي ارجوك

الامير محمد بن سلمان بالفتره الماضيه كل شوي يسافر ويقابل مدراء شركات لغرض طلبهم للإستثمار بالسعودية .. قابل مدير الفيسبوك و امازون و ملاهي السيكس فلاقز المائية و غيرهم كثير.. وبرضوه غير بنود بنظام الإستثمار بالسعودية مثل البند ياللي انا ذكرته في ردي السابق والأمور كلها تتجه بهالاتجاه و حسب ما قرأت يوجد شركات عالمية بدأت فعلياً في هذا الموضوع بشكل جاد مثل شركة ابل و IBM (وتويوتا وميتسوبيشي لتبدأ بالتصنيع بالسعودية) وغيرهم من اللي ما اتذكرهم حالياً