سجل أحداث TG'Summer Event 2007 - East Coast

[Isaac]

السلام عليكم شباب ....

بما إنه ما بينزل عدد جديد من مجلة TGM في فرصة قريبة لذلك بيكون هالموضوع عبارة عن سجل لأحداث إيفنت الشرقية هالسنة ....


طبعا بأحط صور مع تعليقات عليها زي فكرة الألبوم اللي سويته سابقا (لإيفنت الرياض) ... لكن هالمرة بأحط الصور حسب التسلسل الزمني (بقدر الإمكان)


عدد الصور القابلة للنشر جدا مهول 70 صورة لول :yuck:


لذلك بأحجز أول 7 ردود علشان أحط فيها الصور بالتساوي ...


اعذروني شباب بس عملية الرفع متعبة وممكن أطول شوي ... ^^"

______________________________________________________________

طبعا حسب جدول اللقاء كانت بطولة هي الأولى ... استخدمنا نفس جدول إيفنت الرياض :yuck: بس يوشي ما قصر شخبط على كلمة الرياض والتاريخ وكتب الشرقية و16th لول

للأسف هذه الصورة الوحيدة للجدول قبل المفاجآت اللي صارت بالبطولة وطبعا زي ماانتم شايفين إثبات هزيمتي النكراء قدام Black Box فلا مجال للإنكار :yuck:







هذي صور متفرقة للمنافسات

على التلفزيون الأيسر أنا وBlack Box







والأوسط Aoks و G7Ga7 ... لول بعد مبارتهم جاني أوكس وقالي حازم باركلي .. إنهزمت بنتيجة مشرفة لول :yuck:







مباراة أبو يحي(Pirate King) والوحش (Monster) ... واللي أعتقد فاز فيها الوحش !!

طبعا اللي لابس تي شيرت أصفر هو الوحش بس تلفزوينهم ماهو طالع بالصورة لول :yuck:






قافلة معي بعد الهزيمة لول :yuck:







الدفعة الجديدة من المباريات كانت مباراة البطل محمد التركي The Sinner ضد MR1 من ضمنها وهي اللي حظيت بأكبر تغطية إعلامية لول وكان فيه الـCheerleader الشهير Yoshi SD بجانب صديقه MR1


طبعا هالصورة تبين لنا مدى التفاؤل الكبير من قبل MR1 وكذلك الثقة العالية !
هل سيتمكن من هزيمة حامل اللقب ؟!







كل واحد قاعد يرتب صفوفه ويخطط لخطف بطاقة التأهل للمرحلة المقبلة ..







التوتر بادي جدا على أخونا مروان ..... ويبدو إن The Sinner ليس بالخصم السهل أبدا !!







وYoshi SD يحاول أن يقلل من هذا التوتر .... برقصة أوينداااااااااااااااان !!

هههههههههههه بالفديو طالعة بطلة !! 😛









تشجيع أبو اليوش أثمر .... و MR1 تقدم على Sinner بعد محاولات تهديف عديدة !







انتهى الشوط الأول بتقدم مروان .... وبدأ التركي يراجع حساباته !








ذا سنر يمر بلحظات عصيبة جدا وهو يشوف اللقب اللي حامله يضيع من يدينه في أول مبارة !





​

 

[Isaac]

*يشم الجميع رائحة شي محترق ... ولكن قرروا استكمال الأحداث *


انتهت المباراة وكل راح في حال سبيله ! :yuck:







فرحة عارمة من جانب MR1 ورفاقه Yoshi SD و سهيل












وهجوم إعلامي عنيف على ذا سنر ... :yuck:

وفي الصورة يلوح مدير أعمال ذا سنر .. كابتن جاك سبارو بسبباته مفندا بعض الادعائات المغرضة بخصوص الهزيمة المخيبة . 😛








مرت فترة وما تسجلت النتائج فقلت ليوشي أفااااا MR1 ما سجلنا فوزه التاريخي على ذا سنر ...

فنط عاللابتوب (اللي مشبوك على بروجكتر موجه للجدار) وقال أنه بيسوي حركة رهيبة لول







هههههههههههه يوشي عبر عن تريقته بأداء ذا سنر على طريقته الخاصة



ثم مسحها وحط ذي لول xD







أذن العشاء وطلعوا الشباب المقيمين علشان يؤدون الصلاة .. فاستغلينا الفرصة يا أهل الرياض بما إنا جمعنا وقصرنا مبكرا ... وشغلنا ديمو بايو شوك ..



ردود الفعل كانت جدا إيجابية

الجميع لم يصدق ما رأى .... وبدأت صيحات الاستعجاب تعلو في المكان خصوصا من الخارق ويوشي .... في البداية ماكان يوشي ليتحرك لو ماعلمته إن الجيمبلاي بدا لول :yuck:


انذهال تام بالأتمو سفير من قبل الجميع ...

واستمر التناوب على الديمو يوشي سلم اليد لسهيل ... ولما وصلنا إلى المنطقة اللي تآخذ فيها المسدس وتقدمنا شوي فوجئنا بـ......




























*Three Red Lights of Death جماعية أصابت الجهازين اللي من الجهة اليسرى منهم واحد إلييت *



وفجأة انتشر الدخان في أرجاء المكان .... هرعت "في التو واللحظة إلى إغلاق جميع الأجهزة وفصل التوصيلات من الكهرباء والحمد لله تداركنا الخطر ... "





هذا هو السبب ...





تم التخلص منه ورميه خارجا ....





وتم استكمال الدوري علي التلفزيون المتبقي







* بالمحصلة تم إلغاء دوري فيرتشوا تنس 3 لعدم توفر الوقت والأجهزة الكافية *





​

 

[Isaac]

البقية قرروا الاستمتاع وشم بعض الهواء النقي بالخارج ...

لكن لما طلعنا فوجئنا بهالمشهد الرهيب والرومانسي :yuck:












سواليف وفلة مع الشباب ... بس فيه واحد كان يراقبنا من بلكونة الدور الثاني بالشاليه ...





هههههههه sLm4ever طلع وصورنا من فوق (هذي صورتي المفضلة في الإيفنت :bigSmile: )

(الأربعة الأماميين : يوشي و سهيل و الخارق و أنا // الثلاثة اللي بالخلف : G7Ga7 وأوكس وذا سنر)







صور فلة للخليج العربي ..









كابتن يوشي سبارو في الخدمة !! xD








* بعد فترة من الوقت تمت دعوتنا مجددا للدخول علشان نبدأ فعاليات دوري Wii Baseball *


بدأنا الدوري وكان كل فريق لازم يتكون من خمسة اشخاص ...

بأعد اللي أذكرهم ..


فريق بقيادتي وكان يضم : G7Ga7 و Torpedo و Aoks و Blackbox

فريق آخر بقيادة انسايدر فيه : King Zell و Pirate King و The Sinner و على ما أظن Cpt. JS

فريق يوشي : فيه يوشي والخارق و سهيل و MR1 و sLm4ever

فريق فيه الوحش مدري بقيادة مين : فيه زي ما ذكرت مونستر و The Chaos و UN3 ... و.. والبقية !! :yuck: (والله ماني قادر أتذكر شباب!)



المباراة الأولى كانت بين فريقنا وفريق الوحش ... وانتهت بفوزنا 6 - 3 وفريقنا بدع وجاب 3 Home-Runs in a row على ما أذكر .... والقائد (اللي هو أنا :yuck: ) كان أدائه مخيب إلى حد ما !!


هذه صورة لتوربيدو من مباراتنا .... مسكته عجيبة لول ... أنا لو تشوفون مسكتي لما أكون "Batter" قمة الحماس !! xD







هذي صورة أخرى من المباراة الثانية على ما أظن ... المشكلة ما قدرت أتعرف على الشوشة وإلا كان حددت وشهي المباراة :yuck:








للأسف المباراة الثانية كانت 2 - 2 ومافيها الحماس (والغش :yuck: ) الموجود في الأولى ... ولو إن فريق يوشي والشرقية كانوا قمة بطرق التعبير عن الفرحة رقصات وهتافات على كيف كيفكم لول !!


بعدها على ما أظن قررنا إننا نبدأ في المسابقة الثقافية ونؤجل المباراة النهائية لوقت لاحق بالإيفنت (لكن للأسف المبارة النهائية لم نستطع لعبها لاحقا)

​

 

[Isaac]

هذه بعض الصور المتفرقة المجهولة الوقت ... بأفترض إنها أخذت قبيل الترتيب للمسابقة الثقافية


هل الويي هو المتسبب بهدر هذه الدماء البريئة ؟! :yuck:






CAUTION








بوستر همام الفلة !! :cooool:








هذه صورة ليوشي وسهيل و MR1 وسنر أخذت بعد قرعة WE2007








حركة البالونات ... aka البلّونات ! xD






* بدأت فقرة المسابقة الثقافية وتم تقسيم الشباب إلى أربع فرق *


المسابقة تعتبر مسابقة ثقافية اسئلتها عن عالم الفديو جيمز تنقسم إلى خمس مراحل ... كل مرحلة تحتوي على 8 اسئلة متعددة الصعوبة (1 أو 2 تعتبر اسئلة سهلة بينما 7 و 8 تعتبر الأصعب) الاسئلة تنتقل بالتناوب من فريق لفريق وكل فريق يختار مدى الصعوبة (aka رقم السؤال) بعد المداولة ... في حالة تقديم الفريق إجابة صحيحة (يكافئ بعدد نقاط مماثل لصعوبة السؤال ... سؤال رقم 5 إذا يستحق الفريق 5 نقاط) في حال تقديمه لإجابة خاطئة يتم الانتقال للفريق الذي رفع يده أولا بمجرد سماع السؤال لمعرفته الإجابة (وهذي النقطة كانت محل جدل كبيييييير بما إن يوسف هو الوحيد المشرف على المسابقة -الله يعينه طلع الشيب براسه ذاك اليوم- :yuck: أنا رفعت أول لا أنا رفعت أول لوووووووول) ...

الخمس مراحل كانت عن : اسئلة ألعاب عامة / موسيقى الألعاب / الألعاب الكلاسيكية / شخصيات من عالم الألعاب (مصممين و ملحنين إلخ) / مقاطع فديو قصيرة


وكل فقرة كانت أحلى من اللي قبلها والحماس كان على أشده ...


الجائزة كانت عبارة عن 5 تي شيرتات للفريق الفائز من

وعليها شعار TG :cooool:

وهذي صور لزيل وهو يعرض التي شيرت لأول مرة !!






وهذه هي الفرق اللي شاركت :


فريق Aoks : وأعضائه هم ... Yoshi SD و MR1 و sLm4ever و سهيل و الخارق !! لول طيب وين أوكس ؟! أوكس كان في فريق منافس لهم بس سموا هالأسم تيمنًا بأوكس لوووووول xD










فريق البقر !! : وأعضائه هم Monster و king zell و Cpt. Jack Sparrow و UN3 و صديق NSider

فريق cookiesRfallah : لول ويضم G7Ga7 و Aoks و Torpedo و أنا Isaac طبعا الفريق حاول يسوي انقلاب علي بعد ادائي المخيب في دوري البيس بول لكن بالنهاية صوتوا لي إني أكون قائد الدفة من جديد !! (العين ما تعلى على الحاجب :yuck: ) << لسان حالي يقول هالكلام في الصورة اللي تحت !!



في هالصورة (من اليمين لليسار) : توربيدو - أوكس - عبدالرحمن G7Ga7 - بلاك بوكس (اللي صار بفريق ذا سنر لاحقا)







​

 

[Isaac]

فريق المندي لووول (عاشت الأسامي) : يضم هالفرق كل من The Sinner - The Chaos - J.B.L - Black Box و بس .


للأسف ما حصلنا لكم صورة :yuck: مجرد ذي الصورة وفيها شي غلط ريال للي يكتشفه ؟!

يوسف قاعد يطالع بواحد مجهول الهوي قاعد يسوي جدول الإكسل (مدري إحساس يقول لي هالشي)

من هو هذا الشخص ؟!




يوسف بعد تضبيط الجدول .... وأسماء الفرق طالعة تححححححححححفة بالإكسل شييت xD




king zell قاعد يتمشكل مع يوسف لووووووول بسبب أحد الأسئلة ... أقولكم إياها بصراحة المناوشات والاختلافات (وشوفة يوسف وكيفية سيطرته عالوضع) خلت المسابقة من جد فللللللة!!
xD

خصوصا لما أخش بالسالفة وأكب النار عالبنزين :yuck:





طبعا إنتهت المباراة بفوز فريق ....

وإلا تدرون ماني قايل اسمه خلوها مفاجأة بالفديو ...

(على الله بس مايكون إنذكر في الموضوع الرسمي :yuck: )




* بعد المسابقة توقفنا لتناول وجبة العشاء وكانت الساعة قبل 1 الليل *


الشي المضحك إنه لما جينا نطلب العشاء من أحد مطاعم البرجر الشهيرة (بدون دعايات أو تشهير بمعنى آخر) ... يوسف دق على فرع هذا المطعم الموجود بالثقبة

وقالهم: فيه إمكانية توصلون لشاليهات النخيل بالهافموون ؟!
قالوا له : مش ممكن يفندم اتصل بفرع الخبر وممكن يوصلوا لك .

فراح دق على فرع الخبر .. وقالهم ..

يوسف : فيه إمكانية توصلون لشاليهات النخيل بالهافموون ؟!
الموظف المصري: للأ يفندم مش ممكــ..

*يوسف يقاطعه*

بس أنا بغيت أطلب 23 سوبر ستار

محتوى مخفي

(أفا انفضح المطعم :yuck: )

و8 سانتافيه
الموظف المصري: الله!! .. دحنا نوصلك يفندم لو إنتا بالمريخ !! :moneymouth: :moneymouth: طالباتك أوامر !! :moneymouth: :moneymouth: :moneymouth:


* لول الحوار مش هو بالضبط بس قريب جدا للي انقال خصوصا المريخ 100% حقيقية لول من جد الرجال ماصدق *









​

 

[Isaac]

بعد العشاء ... تجمع الجميع وأدارو الأرائك والكراسي متجهين إلى الشاشة الكبيرة .... الشاشة التي ستعرض فيلم همام المقاتل بطل الصحراء 2 لأول مرة على الإطلاق ..


أنا وتوربيدو ويوشي طالعة قبعته في حالة ترقب وانتظار




كالعادة ... شغب في المقاعد الخلفية ... :yuck:




لابتوبي حظي بشرف تشغيل هذا الفيلم الأسطوري وعرضه على الملأ لأول مرة ... + شوفوا ذوقي باختيار الخلفيات :yuck:




الكبير كبير يا محمد !! :cooool:





شعور رائع جدا مع موسيقى الإنترو الرهيبة .... والجميع خاش جو بقووووووووووووة !! :moneymouth: :moneymouth:






صورة أول محادثة بالفيلم .... تم تغطيتها لدواعي السبويلر :yuck:




خلال عرض الفيلم كانت لحظات قمة صراحة ... الموسيقى المختارة إبداع وفي أمكانها الصحيحة ... القصة رائعة والسيناريو رائع والـPlot رائع ...


الحمد لله إني شفته بهالطريقة لأن المتعة كانت فعلا أضعاف مضاعفة عن مشاهدته لحالي ... هنيئا لكم يا أعضاء الكويت إذا بتقدرون تشوفونه بهالطريقة أيضا ... خصوصا إن النسخة اللي بتعرض عندكم محسنة كثييرا عن اللي عرضت بالإيفنت عندنا ^^


تجربة فعلا لا تنسى !!

أترككم مع بعض الانطباعات عن الفيلم :

علي و على أعدائي ... الفيلم الاسطوري ..

الفيلم صراحة One of a kind !!

المسابقة وفيلم همام المقاتل ووجود الشباب خلوا الإيفنت أسطوري فعلاً.

وبالنسبة للفلم فعلا كان روعة وناجح جدا وخصوصا الاجواء كانت فعلا كانك بسينما تسمع التصفيق والضحك واوقات شد الاعصاب كان رائع

أخيراً كان المسابقة حمااااس

محتوى مخفي

btw ... CoockiesRfallah Kicks A**😛

والي كان افضل من المسابقة .. الوورلد بريميير للرواية المصوّرة همام مقاتل الصحراء !

المسابقة الثقافية وهمام المقاتل كانوا نجوم اللقاء ..

ترا الفيلم ما كان سيّء أبداً , بالعكس من كل النواحي كان ناجح , يعني لا تتوقع كان تقديم الفيلم سيّء , بل كان روعة لأبعد الدرجات , والمشاكل في الفلم "جدا" سطحية , وما تلاحظها إلا اذا كنت انت مصمم الفلم ..

وخلال الفلم الكل ضحك , والكل "تحمس" (( وبالمناسبة هذا شيء ما توقعته ابد !! يعني توقعت نضحك بس ... بس فعلا كان فيه لحظات حماس 😛 ))

في الاخير بعد انتهاء الفلم الكل صفّق للمبدع المخرج محمد , والانطباعات كانت رائعة .. باختصار اتوقع الكل تمتع بالفلم !!

أما انا شخصياً فـ60% من الأحداث والشخصيات ما كنت اعرفهم , لكن حازم الله يعطيه العافية فعلا حسسني بإني واحد منكم , يعني فعلا بعد ما شرح لي العديد من الاشياء أُعجبت بالفلم أكثر ^^

​

 

[Isaac]

وبعد العرض صفق الجميع لزيل على فيلم همام المقاتل ... واستأذنوا شباب الرياض لول وكل ماطلعوا من الشاليه يرجعون ناسين لهم شي ويودعونا من جديد يمكن صارت مرتين مدري ثلاث :yuck:

وبقية الشباب لعبوا فري بلاي شوي وقمنا نسولف ثم استأذنا أنا وأوكس وجحجاح وبلاك بوكس ..

قرابة الساعة الثالثة والنصف فجرًا ..


تحية كبيرة لكل من ساهم في إنجاح هالإيفنت الرائع ...


شكر كبير للجميع على الحضور ...


وإلى أن نلقاكم في السنة القادمة ...


نترككم في أمان الله وحفظه ....

والسلام عليكم ورحمة الله وبركاته ^^​

 

[Torpedo]

* محجوز عذرًا جدًا جدًا جدًا جدًا جدًا على الإزعاج ^^" *

 

[Isaac]

^


تزويد المشاركات ممنوع ! :yuck:


أحمد الصور طالعة لك ؟! :laugh:

 

[Torpedo]

انا قلت احجز لك رد زيادة لو احتجت P:

يس .. كل الصور طالعة ..

 

[Torpedo]

هذا هو السبب ... >.> و الصورة وين؟

 

[Isaac]

^

حطيتها ... تراني أحدث باستمرار فهمت علي .... ودك تقعد هنا وتونسني إلين ما أخلص .. أكن لك من الشاكرين .. :yuck:

 

[Torpedo]

المفروض .. و السبب هو (و صورة المجرم الي رتب الوايرات ) P:

والله انا جالس إلى ما انام since ان ديسكتوب خربان صار له شهرين و ما لي مزاج اشتري له شي الحين ، وحالياً الله يخلي السرير و اللابتوب و المكيف البارد D:

 

[Torpedo]

خلاص ,, انا استسلم للنوم ..
الله يعينك ، ودي اساعدك بس ما عندي اي صورة .. >.>

 

[Isaac]

نوما هنيئا ... أنا بأحاول أخلص جميع الصور بهالقعدة علشان أكمل لعب زيلدا وأنا مرتاح البال ::

 

[king zell]

الصور رهيبة حدها.. منتظرين الباقي.. بس لا يكون رحت تنام حازم؟

 

[Isaac]

الصور رهيبة حدها.. منتظرين الباقي.. بس لا يكون رحت تنام حازم؟

لول أنام وين ... ياخي بأحط الصور كلها إن شاء الله وأنام مرتاح البال :yuck:



لي حوالي 4 ساعات وأنا أشتغل :embarrassed:

 

[Khalid-S]

هيلوووووووووو

ههههههههههههه المجموعة الاولى فله من جد .... ههههههههههههههههههه اوينداااااااااااان !!!!!!

بانتظار البقيه .. لي رد ثاني .. يعطيك العافيه حازم.

 

[Isaac]

الحمد لله تم رفع الصور بنجاح ..


عدد الصور : 61 صورة بتعليقاتها

تم رفعها خلال : 5 ساعات + كم ساعة قبلها في الـResizing


على الله تعجبكم بس ^^"



والفراش ينااااااااااااااااااااااينييييييييي !!! سلاموف !



تعديل:

وهذه هي البوسترات بالحجم الكامل للي يبي ينزلها ..

واااااااااااااو على برنامج winRAR



ماتوقعت أبدا إن البوسترات بتنضغط من 70 ميقا إلى 798 كيلو بايت !! :gasp: :gasp: :gasp:


بوستر شعار الإيفنت ..

حجمه 798 كيلو بايت

http://www.wikiupload.com/download_page.php?id=198657


بوستر همام مقاتل الصحراء ..

حجمه 6 ميقا وشوي

http://www.wikiupload.com/download_page.php?id=198663

تعديل 2 :


تم تعديل المسافات بين الصور + بعض الأخطاء الإملائية

أعذرونا عاد لو شفتوا أخطاء همزات وصل أو قطع ..



تمسون على خير ^^"

 

[king zell]

يسلمممممموا حازم نوم العافية.. لحظات أسطورية من جد.. أحلى شي إن حتى الشباب اللي ما لهم علاقة كبيرة بالجيمز و حضروا الايفنت استمتعوا فوق ما تصوروا.. الحمد لله على كل شي 🙂

 

[ZiZ]

ورى كل الصور لفريق الرياض؟ >.>;

 

[king zell]

لول نسيت إن خويكم اللي كان يصور

 

[Ash]

كشششخه الايفنت , شكله المسابقه الثقافية كانت حماس!

تي شيرت TG عجيييب! السبايدي خطير .

الظاهر انه أفضل ايفنت للحين لترو جيمنج ... للحين P: .

 

[Emirates]

اهم شي انكم استانستوا يا شباب

اما فلم همام فننتظره على احر من الجمر

بانتظار افنت الكويت

 

[ASWD]

يعطيك العافية حازم على رفع الصور

الصور روووووووووعة..والله شكله الافينت كان فله..سوري افينت الرياض بس هذ شكله نسفه

ودي اشوف الفيديو مخصوص للقطة يوشي وهو يرقص لول

في انتظار تغطية افينت الكويت والامارات

وجهد يشكر عليه منظمي الافينت

 

[Mr.3B]

...

واو .. شكله كان حماس من جد :cryy:

 

[NESTA]

مشكور حازم على الرفع.....

الحمد الله اهم شي الشباب استانسوا....

وبالنسبة لفلم همام ياليت ينحط في الذهبي اول :yuck:

 

[Mr.3B]

...

مشكور حازم 🙂

 

[Double T]

ما شاء الله شكل الإفنت كان فله .. لو اهلي كانوا في كان قدرت اجي بس للأسف

بإنتظار TGTV

 

[Leon]

لووول خطييييرة الصور , أحلى شي وقت عرض الفيلم .. حسيت بالأجواء الرهيبة , يلا الحمدلله إنه الجميع أنبسط والإيفنت كان ناجح , تسلم يدك حازم 🙂