ساعدوني بسرعة ! .. تنصحوني بهذا الـ PSP ؟!!!!

[Solid Snake]

هلا شباب .. معليش إذا كان الموضوع مخالف للمنتدى لكني فعلاً محتاج لنصيحتكم وخصوصا خبراء الـ PSP .. صار لي فترة أدور لي على جهاز PSP مستعمل .. وكنت على وشك أشتري جديد في الفترة الأخيرة حتى لقيت هذا العرض اليوم .. PSP جديد ونظيف جداً واستعماله خفيف ما تعدى الأسبوع وصاحبه ثقة .. الجهاز جديد ونظيف ومعاه لعبة GTA بـ 600 ريال فقط !! .. وأنا محتار هل آخذ الجهاز أو آخذ واحد جديد ؟! .. محتاج نصيحتكم بسرعة لأني حجزت الجهاز لفترة قصيرة وصاحبه ما يضمن لي إنه يبيعه بعد العشاء اليوم ! .. ويا ليت لو إذا فيه مواصفات خاصة بالجهاز لازم تتوافر فيه ويا ليت تعلموني عن الأشياء الأساسية اللي تجي معه لأني ما أعرف عن الجهاز إلا أشياء قليلة .. وأخيراً هل تنصحوني آخذه ؟!!!

 

[Tomb raider]

نصيحه ...
لا تشتريه الا اذا كنت تبغي ملتميديا اما اذا كنت تبغي العاب انصحك بالانتظار
لحد ما تنزل لعبه تستاهل !

 

[hussien-11]

نصيحة بعد تجربة : شراء الأجهزة جديدة دائما أفضل !

 

[Naif]

سعره جيد .. بس في حال:
- مافيها الشاشة خدوش
- تاكد من انه جميع الاشياء معاه (اذا كان فاليو باك يكون معاه : السماعات - غلاف للجهاز - ميموري كارد 32 ميغا - شاحن - شريط حامل للجهاز)
- مافي في الشاشة ديد بيكسل ( بتلاحظ نقط بيضاء او بعض البكسلز المعلقة على لون واحد في الشاشة)
- اتاكد من سبب البيع ( اسال اصدقاءه او تجسس عليه .. هذا السبب صراحة من كتاب مادة البزنس P: )

حاليا الالعاب اللي حبيتها عليه ( بالنسبة لذوقي) قليلة (تيلز اوف اترنيا - اكس من ليجندز 2 - لومنيس) .. لكن سعره وايد حلو ربيعك .. بتكون فرصة لك 😉 .. اذا كانت ميزانيتك تسمحلك تاخذه و ما يضيق عليها انصحك تاخذه ..

 

[ASWD]

600ريال=60 دينار..سعر يخوف شوي لانه قليل واجد عن سعر الجهاز وهو جديد..شنو نظام الجهاز امريكي او اوروبي اوياباني؟..لأنه يفرق في سالفة تشغيل الافلام عليه..اما الالعاب عادي

تأكد من الجهاز صاحي مافيه خرابات..مايعلق..البتري صاحي موخربان..الميموري ستيك ألخ

 

[Zeyad]

سعره جيد وقووي...يعني 600 ريال مع لعبه والله حلو السعر ،

لكن ماسئلت صاحب الجهاز عن سبب البيع ؟

 

[Solid Snake]

نصيحه ...
لا تشتريه الا اذا كنت تبغي ملتميديا اما اذا كنت تبغي العاب انصحك بالانتظار
لحد ما تنزل لعبه تستاهل !

انا اللي يهمني في الجهاز إنه جهاز ملتيميديا .. بالنسبة للألعاب .. ما اقول عنها سيئة .. عليه ألعاب جيدة .. وما دام أقدر أحمل الألعاب .. ما عندي أي إشكالية ..

نصيحة بعد تجربة : شراء الأجهزة جديدة دائما أفضل !

شيء طبيعي إن الجهاز الجديد دائماً أفضل .. لكن الجهاز نظيف وصاحبه أثق فيه وأعرفه وهو تقريباً ما اشترى الجهاز إلا من أسبوع تقريباً والجهاز ما أعجبه وعرضه للبيع ..

- مافيها الشاشة خدوش

الشاشة نظيفة تماماً وما فيها أي خدش ..

السماعات - غلاف للجهاز - ميموري كارد 32 ميغا - شاحن - شريط حامل للجهاز)

السماعات مو متأكد منها .. لكن ايش تقصد بغلاف الجهاز ؟! .. والميموري وين موقعه عشان أتأكد من حجمه ؟! .. والشريط الحامل تقصد فيه علاق "ربطة" وإلا كيف ؟!

- مافي في الشاشة ديد بيكسل ( بتلاحظ نقط بيضاء او بعض البكسلز المعلقة على لون واحد في الشاشة)

ما فهمتك ؟!

- اتاكد من سبب البيع ( اسال اصدقاءه او تجسس عليه .. هذا السبب صراحة من كتاب مادة البزنس P: )

لووول .. صاحب الجهاز أثق فيه والجهاز بصراحة جاءه بشكل شبه مجاني وجرب الجهاز وما أعجبه وقرر يبيعه "وأصلا صاحب الجهاز تقريباً ما له في الجيمز ولا يحب هالسوالف"

- حاليا الالعاب اللي حبيتها عليه ( بالنسبة لذوقي) قليلة (تيلز اوف اترنيا - اكس من ليجندز 2 - لومنيس) .. لكن سعره وايد حلو ربيعك .. بتكون فرصة لك .. اذا كانت ميزانيتك تسمحلك تاخذه و ما يضيق عليها انصحك تاخذه ..

الألعاب ما فيها إشكالية ما دام إني أقدر أحمل .. مو مثل الدي اس اللي مجنني بأسعار الألعاب الخيالية الي ينصبون فيها على كيفهم عندنا -__-" .. وانا اصلا كنت مفكر آخذ واحد جديد لكن السعر أغراني والجهاز نظيف فقلت ليش ما آخذه ؟! .. والحين خلاص شكلي بآخذه .. لكني محتار للحين -_____-"

 

[Solid Snake]

600ريال=60 دينار..سعر يخوف شوي لانه قليل واجد عن سعر الجهاز وهو جديد..شنو نظام الجهاز امريكي او اوروبي اوياباني؟..لأنه يفرق في سالفة تشغيل الافلام عليه..اما الالعاب عادي

تأكد من الجهاز صاحي مافيه خرابات..مايعلق..البتري صاحي موخربان..الميموري ستيك ألخ

صاحب الجهاز متأكد منه وواثق فيه.. اما سالفة النظام طافتني تصدق ! .. بأتاكد اليوم لكن ايش أحسن نظام ؟!! وايش تقصد في البتري ؟

لكن ماسئلت صاحب الجهاز عن سبب البيع ؟

صاحب الجهاز ما له في الجيمز واللي أعجبه اول شي في الجهاز إنه جهاز ملتميديا لكن الجهاز ما خش مزاجه فقرر يبيعه مع إنه مأخذه من فترة قصيرة جداً ..

 

[AMOR]

دامه جديد و سليم ... ليه متردد ؟؟

الجهاز عليه العاب حلوة و الشهرين الجاية في كذا لعبة جيدة 🙂

 

[ASWD]

صاحب الجهاز متأكد منه وواثق فيه.. اما سالفة النظام طافتني تصدق ! .. بأتاكد اليوم لكن ايش أحسن نظام ؟!! وايش تقصد في البتري ؟صاحب الجهاز ما له في الجيمز واللي أعجبه اول شي في الجهاز إنه جهاز ملتميديا لكن الجهاز ما خش مزاجه فقرر يبيعه مع إنه مأخذه من فترة قصيرة جداً ..

النظام الامريكي هو الافضل.في مايخص الافلام طبعا

البتري=البطارية..البطارية اذا كانت صاحية لها عمر محدد قبل ما تقوم بشحنها..تأكد ان مافيه مشاكل لأنه راح يأثر في عمر البطارية الافتراضي

الميموري ستيك مثل الحالة اذا كانت صاحية او خربانة..لاتنسى ان سعرها نااااااار الى هالسبب لازم تتأكد

وشي ثاني انت ناوي تنزل العابك من النت..في هالحالة تحتاج على ما اظن الى ميموري ستيك حجمها كبير*1جيجا* على الاقل وهذي سعرها غالي شوي

 

[Humam]

مشعل ردي مثل رد نايف .. بعد ما تتأكد من كل شي استخير ربك و اتوكل عليه.. السعر في الصميم بقوة .. بالنسبة للأنظمة كلها واحدة بالنسبة للألعاب, ومن ناحية الأفلام أيضا لا تشيل هم لأن الأفلام الأوروبية متواجدة والأفلام الأمريكية متواجدة, وسمعت ان الجهاز الياباني يشغل الأفلام الأوروبية أيضا.. وكلها تراها متوفرة.

بالتوفيق 🙂

 

[squall leonhart]

سعر خيالي صراحه .. ل صاحبك يبغى يبيع جهاز ثاني خبرني ^_*

على فكره شباب ايش ارخص سعر للجهاز بين كل الانظمه؟؟ لاني نوي اجيب جهاز ثاني لاخواني

 

[Mukuro]

أهم شي أنك تتأكد من نسخة الفيرم وير. لأنه اذا كان 2.01 على ما أفتكر ما يمديك تنزل عليه ألعاب مقرصنة. أما إذا كان 2.00 فبأمكانك تسويله داون جريد ل 1.50 أو 1.51 عشان تلعب ألعاب مقرصنة.

 

[Solid Snake]

النظام الامريكي هو الافضل.في مايخص الافلام طبعا

البتري=البطارية..البطارية اذا كانت صاحية لها عمر محدد قبل ما تقوم بشحنها..تأكد ان مافيه مشاكل لأنه راح يأثر في عمر البطارية الافتراضي

الميموري ستيك مثل الحالة اذا كانت صاحية او خربانة..لاتنسى ان سعرها نااااااار الى هالسبب لازم تتأكد

وشي ثاني انت ناوي تنزل العابك من النت..في هالحالة تحتاج على ما اظن الى ميموري ستيك حجمها كبير*1جيجا* على الاقل وهذي سعرها غالي شوي

البطارية على ما أظن وعلى حسب ما سمعت من قبل عمرها الافتراضي ما يتجاوز ساعتين أو ثلاث صح ؟! .. والبطارية بإذن الله ما فيها مشاكل .. اما الميموري فراح أشيك عليه وأتأكد منه .. اما بالنسبة لتحميل الألعاب فلا تشيل هم .. ^^

مشعل ردي مثل رد نايف .. بعد ما تتأكد من كل شي استخير ربك و اتوكل عليه.. السعر في الصميم بقوة .. بالنسبة للأنظمة كلها واحدة بالنسبة للألعاب, ومن ناحية الأفلام أيضا لا تشيل هم لأن الأفلام الأوروبية متواجدة والأفلام الأمريكية متواجدة, وسمعت ان الجهاز الياباني يشغل الأفلام الأوروبية أيضا.. وكلها تراها متوفرة. بالتوفيق

جميل جداً .. يعني تقريباً جميع الأنظمة تؤدي نفس العمل وأكثر .. وعلى حد ظني إن الجهاز نظامه أمريكي لكني للحين مو متأكد .. الجهاز تأكدت منه ومن جميع مستلزماته اللي تجي معاه .. باقي فقط أشيك على الميموري ..

سعر خيالي صراحه .. ل صاحبك يبغى يبيع جهاز ثاني خبرني ^_*على فكره شباب ايش ارخص سعر للجهاز بين كل الانظمه؟؟ لاني نوي اجيب جهاز ثاني لاخواني

لول .. لو تبغى جهاز حاول تدور وراح تحصل عروض مغرية .. وأنا حصلت كم عرض ثاني قبل هذا لكن ولا واحد خش مزاجي إلا هذا العرض بس .. بالنسبة لأسعار الأنظمة للأسف ما أعرف فيهم شي ×_×

أهم شي أنك تتأكد من نسخة الفيرم وير. لأنه اذا كان 2.01 على ما أفتكر ما يمديك تنزل عليه ألعاب مقرصنة. أما إذا كان 2.00 فبأمكانك تسويله داون جريد ل 1.50 أو 1.51 عشان تلعب ألعاب مقرصنة.

همم .. تقصد الفيرجن ؟!

 

[Solid Snake]

شباب أتوكل على الله خلاص وآخذ الجهاز ؟!!

 

[m7tram]

مشعل توكل 🙂

 

[Solid Snake]

شباب سؤال أخير غبي لكن تحملوني .. كيف أعرف نظام الجهاز ؟ ما أظن إنه عن طريق made in .. ؟

 

[ASWD]

شباب سؤال أخير غبي لكن تحملوني .. كيف أعرف نظام الجهاز ؟ ما أظن إنه عن طريق made in .. ؟

شوف لستيكر اللي ورا الجهاز او من خلال كرتون الجهاز
(NTSC U/C =النظام الامريكي)
(NTSC/J = النظام الياباني)
(PAL = النظام الاوروبي)

 

[mario0o]

مبروك عالجهاز مقدما 🙂

 

[Zeyad]

شباب أتوكل على الله خلاص وآخذ الجهاز ؟!!

توكل على الله ...ومبروك على الجهاز :bigSmile:

 

[Solid Snake]

توني راجع من صاحب الجهاز وكان كل شيء سليم إلا إني ما أخذت الجهاز .. غير كلامه ويقول ما فيه تأخذ GTA وقال بأعطيك ديناتسي واريوز وأنا رفضت .. حاولت فيه حاولت فيه ما غير رأيه فما أخذت الجهاز وقلت له بأفكر .. وش رأيكم شباب آخذه وإلا لا ؟!! ..... ويوسف .. قلبت الكرتون مليون مرة ولا لقيت النظام !! .. وين أحصله بالضبط ؟!!

 

[hussien-11]

ايش بدو يعمل بـgta بدون الجهاز ؟ يمكن يبيعها بسعر أغلى -___-

 

[ASWD]

توني راجع من صاحب الجهاز وكان كل شيء سليم إلا إني ما أخذت الجهاز .. غير كلامه ويقول ما فيه تأخذ GTA وقال بأعطيك ديناتسي واريوز وأنا رفضت .. حاولت فيه حاولت فيه ما غير رأيه فما أخذت الجهاز وقلت له بأفكر .. وش رأيكم شباب آخذه وإلا لا ؟!! ..... ويوسف .. قلبت الكرتون مليون مرة ولا لقيت النظام !! .. وين أحصله بالضبط ؟!!

الجهاز اذا كان سليم100% فهو يسوى تاخذه حتى بدونGTA ..لان سعره مرة ممتاز بس اهم شي كل ملحقاته معاه*الملحقات اللي تجي وياه اول ماتشتري الجهاز*

وغريبة ماهو مكتوب نظام الجهاز على الكرتون او لستيكر الموجود خلف الجهاز!!..شخصيا ما امتلك psp لكن ما اظن السالفة تفرق عن بقية الاجهزة نظام الجهاز يكون مكتوب عادة على الملصق اللي خلف الجهاز او على كرتونه..انطر اجل رد احد الشباب اللي يمتلكون الجهاز عشان يجاوبونك على هالسالفة مشعل🙂

 

[Solid Snake]

ايش بدو يعمل بـgta بدون الجهاز ؟ يمكن يبيعها بسعر أغلى -___-

فعلاً حسين يقول خذ الجهاز مع اللعبتين بـ 800 ريال يعني GTA بـ 200 ومستعملة بعد !! .. قلت له ما راح آخذه .. حاولت فيه كثير ما رضى يعطيني جراند ثيفت وقال خذ ديناتسي .. والمصيبة إني أكره شي اسمه ديناتسي >_

 

[gray fox]

توني راجع من صاحب الجهاز وكان كل شيء سليم إلا إني ما أخذت الجهاز .. غير كلامه ويقول ما فيه تأخذ GTA وقال بأعطيك ديناتسي واريوز وأنا رفضت .. حاولت فيه حاولت فيه ما غير رأيه فما أخذت الجهاز وقلت له بأفكر .. وش رأيكم شباب آخذه وإلا لا ؟!! ..... ويوسف .. قلبت الكرتون مليون مرة ولا لقيت النظام !! .. وين أحصله بالضبط ؟!!

من رأي توكل على الله ...تراه صفقة خاصة اذا نظيف !!

الفيرجون اشان تعرفه لازم تدخل على البي اس بي ..setting-->system setting-->system information

وبتشوف مكتوب version 1.5 أو 2 ...أو اي شي !!!

1.51 + 1.52 + 2 = تقدر ترجعهم ل 1.5 وتلعب العاب من الميموري !!
فوق الإثنين انسى !!

اذا كنت تقصد الريجون !!
PAL بتشوف على الكرتون كرة أرضيه ومكتوب 2 .
ntsc بتشوف واحد ..عاد تعرف تفرق بين الياباني والأمريكي 🙂

ومبروك مقدما !!!

 

[Naif]

الاجهزة اليابانية تشغل افلام الريجون الاوروبي ؟؟

 

[gray fox]

الاجهزة اليابانية تشغل افلام الريجون الاوروبي ؟؟

أعتقد 70 % لأ ....لكن بالهوم بروز كل شي جايز 🙂

خلك منهن ...الحين برنامج مجاني بسرعة البرق يحولك اي دي في دي إلى البي اس بي بوضوح عمرك ما شفته ...طبعا مب مثل ال umd video -_-" !!
لكن الزين انك تقدر تحط سبتايتل عربي بعد 🙂

طبعا تحتاج مميموري 1 جيجا على الأقل !!

 

[Solid Snake]

من رأي توكل على الله ...تراه صفقة خاصة اذا نظيف !!

الفيرجون اشان تعرفه لازم تدخل على البي اس بي ..setting-->system setting-->system information

وبتشوف مكتوب version 1.5 أو 2 ...أو اي شي !!!

1.51 + 1.52 + 2 = تقدر ترجعهم ل 1.5 وتلعب العاب من الميموري !!
فوق الإثنين انسى !!

اذا كنت تقصد الريجون !!
PAL بتشوف على الكرتون كرة أرضيه ومكتوب 2 .
ntsc بتشوف واحد ..عاد تعرف تفرق بين الياباني والأمريكي 🙂

ومبروك مقدما !!!

هممم .. صورة الكرة الأرضية هذي وين أحصلها ؟!! ..

 

[gray fox]

هممم .. صورة الكرة الأرضية هذي وين أحصلها ؟!! ..

على الكرتون ..أو اعتقد الكتييب ..ما اذكر !!

 

[Solid Snake]

على الكرتون ..أو اعتقد الكتييب ..ما اذكر !!

وكيف أفرق بين الياباني والأمريكي ؟!!