سؤال مهم ياريت تجاوبوني ..

[إحساس]

السلام عليكم ..

خلني بقولكم قصتي عشان تفهمون وضعي ..

انا طالب توني متخرج من ثالث ثانوي والحمدلله نسبتي 95 .. قدمت على جامعة الملك سعود وقبلوني بالخرج قسم انقليزي الحمدلله ..

كانت امنيتي اني ادخل جامعة الامام قسم انقليزي لكن الله ماكتب .. وطبعا السبب لعدم الدخول هو اني فوت على نفسي اختبار تحديد المستوى ..

فـ قبل يومين وصلني خبر ان بجامعة الامام راح يسوون اختبار تحديد مستوى انقليزي ثاني .. وحاولت اتاكد من الموضوع وفعلا صار صحيح ..

لكن المشكله في موعد الاختبار .. موعد الاختبار ثاني يوم من ايام [ الدراسه الجامعيه ] .. فـ شي طبيعي اذا تركت جامعة الملك سعود يومين راح يلغون مكاني في الجامعه ..

سؤالي الحين هو .. وش رايكم .. ايش الافضل كـ [ شهاده جامعيه ] جامعة الملك سعود [ مع سنة تربويه ] او جامعة الامام .؟

وعلى فكره انا من ناحيتي مفضل جامعة الامام .. لاني اذا رحت لجامعة الملك سعود راح ننقل من بيتنا ونسكن بالخرج وراح تصير فينا حوسه !!

فـ ابغى اجابه اكيده .. مابقى الا اسبوعين بس *_*

 

[Nintendo]

اتوقع هاذي الامور لو تستشير اهلك فيها يمكن يفيدونك اكثر, عموما استخير رب العالمين والله يكتبلك اللي فيه الخير لك

 

[إحساس]

^^

المشكله حتى اهلي حاولت اتناقش معهم .. يقولون لي [ القرار قرارك ] ..

صراحه انا محتار كثير ومدري وش اسوي .. جامعة الملك سعود بيدي ومنقبل فيها ومعطيني رقم جامعي وكل شي .. بس نفسي بجامعة الامام لاني سمعت ان شهادتها احسن .. سمعت ان جامعة الملك سعود [ تخيرك ] مابين الترجمه والادآب .. جامعة الامام تجمعهم مع بعض وطبعا يعتبر هالشي افضل ..

انا مدري اذا المعلومه الاخيره صحيحه .. فلذلك ياليت احد هنا يدرس بجامعة الملك سعود يعطيني جواب بخصوص هالشي .. ومن ناحية المستقبل جامعة الامام او الملك سعود افضل .؟

تكفون عطوني نصايح .. وربي اني محتار كثير محتاج مساعده *_*

 

[SAM]

شوف الاقرب لك .. لكن زي مافهمت مو ضامنها جامعة الامام يمكن مايقبلونك ويضعونك بموقف حرج .. فانا اقول جامعة الملك سعود بدامك ضامن مكانك هناك افضل لك

ترى غيرك يدور هالفرصه لاتضيعها

 

[إحساس]

^^

فعلا هذا اللي فكرت فيه .. انهم مايقبلوني وبعدين اقعد سنه كامله بالبيت .. واشين شي انك تقعد بالبيت بدون ماتسوي شي ..

لكن اذا فكرت فيها .. انا ابغى شي اذا خلصت منه تفيدني شهادته وتكون شهادته حلوه وتساعدني .. لان بهالوقت ماراح امشي بدنيتي الا بشهادتي ..

فـ انا ودي بجامعة الامام عشان لما اتخرج تكون شهادتي حلوه وتكون شامله لجميع الوظايف بالنسبه للانقليزي ..

انا سؤالي اللي ابغى اجابته .. الحين هالاشياء اللي اقولها هي صحيحه ولا لا .؟ .. شهادة جامعة الامام فعلا افضل من جامعة الملك سعود .؟ .. وفعلا جامعة الملك سعود تخيرك مابين الترجمه والاداب .؟ .. ماني متاكد لاني سمعت هالشي من ناس متخرجين من الجامعه لهم 8 سنين .. فـ ياليت احد يجاوبني *_*

 

[JOKER MASK]

لا تغيب اي يوم لين موعد اختبار من الي فهمته منك انه مافيه الا يومين ويطوى قيدك

او غب جبلهم عذر طبي ( ويا كثرها خخخ )

على فكره الخرج مو بعيدة

شف من الي فهمته ان اذا رحت تخرجت ممكن تكون مدرس صح ؟ لان فيه سنة تربوي خلك في سعود الا اذا صار خريج الامام عنده زيك انا بحول اسال عنها

على فكرة ما شاء الله نسبتك زينة ليه ما يقبلونك تحديد المستوى فقط يعرفون تحتاج سنة تحضيري انجليزي او تخش تدرس المستوى الاول لان مستواك جيد ؟ سوى اسباب والباقي على ربك اذا تقدر تغيب استاذن من الجامعة وقلهم عندك ظرف ما تقدر تجي وانا متاكد بيقدرونه

 

[BlackBird]

شوف اخوي امشي على مثل
عصفور فاليد أحسن من 10 فالشجرة
خلك على جامعتك طالما إنك ضمنتها

وهذا رأيي

 

[إحساس]

الحمدلله انا درجتي بالانقليزي 98 يالله لك الحمد .. وواثق من نفسي اني اذا خشيت اختبار تحديد المستوى راح انجح فيه باذن الله .. لكن المشكله اني ماكنت ادري عنه [ اقصد الاختبار الاول ] ..

فلذلك سجلت في جامعة الملك سعود وقبلوني بالخرج .. لكن الحين عندي فرصه ثانيه بجامعة الامام .. ومحتار كثير ومدري وش اختار ..

وبالنسبه لـ كلامك اخ BlackBird .. فعلا كلامك صحيح لكن جتني فكره ممتازه وشكلي بطبقها .. اروح اول يوم اللي هو يوم السبت لـ لجامعة الملك سعود واضبط جدولي وكل شي ..

ثاني يوم اللي هو يوم الاحد اغيب واروح اختبر بجامعة الامام تحديد مستوى .. ارجع يوم الاثنين للملك سعود واكمل دراستي ..

وبكذا اكون ضامن الجامعتين .. يعني مو مطرود من جامعة الملك سعود .. وبنفس الوقت اختبرت اختبار تحديد المستوى بجامعة الامام .. واذا قبلوني جامعة الامام سحبت ملفي بكل سهوله ووديته لجامعة الامام ..

لكن سؤالي هو .. هل فعلا جامعة الملك سعود تخيرك مابين الترجمه والاداب .؟ فقط هذا سؤالي ..