سؤال لأصحاب ال MAC من مستخدم Windows مسكين

[Double T]

القصة و ما فيها انو طفح الكيل خلاص .. منزل Windows 7 RC كان ماشي معايه تمام .. بس الحين طلعت المشاكل .. كلللللللللل شيييييييي صار يصير له Crashes بشكل يجيب الجنون .. انا عشان اكتب الموضوع ليه نص ساعة و هذي ثاني مرة اكتبه .. لذا ابغى حل جذري

طيب انا من زمان و انا في بالي الماك لكن في شي مرة معيقني اني حتى افكر فيه و هو :

اني ما استخدم اللابتوبز نهائيا ( و اشوف اكثر الإهتمام يكون لللابتوبز ).. شغلي كله على ديسك توب .. عشان تكونوا في الصورة انا شابك الجهاز على HDTV 40 انش .. و جالس على كنبة و استخدم الماوس و الكيبورد الوايرلس ( و لا احلى 😀 )

السؤال هو بعد كل هذي الحوسة .. لشخص مثلي ايش هي خياراته لو يبغى يحول ماك .. و الاشياء الي اسويها على الجهاز هي شغلتين
1- 80% من وقتي اتفرج فيديوز .. قضية الكوديكز و الميديا بليرز مرررررررررة تهمي
2- انترنت و اعتقد هذي مو مشكلة المتصفحات على قفى مين يشيل

تعديل : للمعلومية فقط من يوم ما صرت استخدم الكمبيوتر بشكل شخصي من 6 سنين و ما عمري في حياتي سويت لجهازي فورمات .. استخدامي جدا ممتاز بس ايش الي صار هنا انا ما اعرف

تكفون ساعدوني

 

[Nyx]

mac mini
​

 

[Colorization]

في حزمة كوديكس للكويك تايم إسمها Perian تشغل تقريبا كل شي حطيته عليها. لو ما اشتغل أحوّل على VLC.

إذا ودك توصل الماك بووك للإتش دي تي في لازم (يس استعد للضحك) تشتري mini-DVI to DVI وبعدين تركب عليه DVI to HDMI. ما جربتها لكن كل اللي أسألهم عن طريقة توصيل الماك بووك للتلفزيون يقولون لي جذي.

ما راح أذم ويندوز٧ لأني معجب فيه وأعتبره بسهولة أفضل شي صممته مايكروسوفت في مجال أنظمة التشغيل، لكن الـOS X يمسح أنظمة ويندوز مسح شامل من ناحية الـfuctionality والسرعة في تنفيذ المهام. الجهاز معاي من ٧ شهور تقريبا وما واجهت نصف مشكلة. ركبت ٤ جيجا رام أمس والجهاز صار صاروخ بمعنى الكلمة؛ أشغل ويندوزXP فوق الـOSX بالإضافة إلى الفوتوشوب وAutomator ومجموعة أخرى من برامج الماك بالإضافة إلى فايرفوكس فيه ألف تاب وملف Quicktime شغال --ما يعطيني لمحة تعليق. الشي اللي لازم تتأقلم معاه هو الكيبورد العربي (السطرة التحتانية تختلف عن كيبوردات الويندوز)، ومافي برنامج للمسنجر مثل المسنجر الأصلي على الويندوز. أحسن برنامج Adium لكنه أبعد ما يكون عن إنه يكون بديل لمسنجر الويندوز. مسنجر الماك (من مايكروسوفت) مضحك.

آنا إستخدامي للكمبيوتر ثقيل وما تنفع لي اللابتوبات لكني خذيت الماك بووك ١٣ إنش وما أواجه مشكله معاه، بالعكس مريحني وايد. لو مستعد، خذ الـ١٣ إنش واشتر لك ٤ جيجا رام (٩٠ دولار في أمازون) أو شوف الماك ميني لو تبي ديسكتوب. لا تاخذ الـiMac مهما قالوا لك لأنك ما راح تستفيد من قوته وبتكون ضيعت فلوسك على شي ما راح تستهلك طاقته.

ما إستخدمت الميني ماك لذلك أقول لك إقرأ عنه أول: http://www.apple.com/macmini/features.html

 

[Torpedo]

استخدم الويندوز 7 من شهور .. ما صار لي للحين و لا مشكلة .. و انا استخدمه دايماً لكل شي ذكرته + video editing و تسجيل أغاني .. و تحويل و كل شي.. ( في نفس الوقت ) و كل شي 100% شغال ..

 

[Justice]

1- 80% من وقتي اتفرج فيديوز .. قضية الكوديكز و الميديا بليرز مرررررررررة تهمي

زيي انا وقتي كله فيديو مااعرف اتفرج على الانمي او اي شي على الكمبيوتر فا انا حالياً استخدم mini-dvi to VGA
وشغال مثل الحلاوة على الLCD والى الان ماواجهت اي مشكلة في الكوديكز او اي شي.
شغل جباااار

 

[JOE]

حتى انا يا طراد انصحك بالماك ميني لانه اولاً :

1- صنع للسوتشرز من البي سي للماك .
2- ارخص ماك ممكن تحصله ، فعملية السويتش ما حتكون مكلفة وفي المقابل حتنعم بالحياة الهنية بعيد عن المشاكل والتعقيدات اليومية حق الويندوز .
3- الماك ميني صنع ليكون جهاز للميديا سنتر فانز زيك مثلاً.
4- بامكانك تنزل الوندوز 7 عليه وبنفس الكفاءة اذا ماكان افضل ( حسب بعض النقاد )
5- ابل في تسويقها للماك ميني اعتمدت سياية(BYODMK) إختصار لـ Bring Your Own Display, Mouse and Keyboard << فما تحتاج تشيل هم التوابع هذه .


ثانياً الماك ميني الحالي مرررررة قوي، لانه يحوي معالج 2,26 كور 2 دوو + 2 جيجا رام DDR 3 قابلة للابجريد الى 4 جيجا + الجرافكس 256 من انفيديا + 320 جيجا هارد دسك

بالنسبة ليك كمستخدم شاشة HD فكل ما عليك انه تسويه في هذه الحالة هو شراء Mini Display to HDMI فقط وبعدين تشبك كيبل الHDMI منه للشاشة<<تلقاه هنا

ملاحظة المنتج اعلاه مش من ابل، ابل ما تعترف بالHDMI الا في الـ AppleTV وزي ما قالك كولو، يستحسن تقرا عنه .... و كل عام و انت بخير

 

[Double T]

والله ما قصرتوا شباب

MAC mini ما كنت اتوقه في الموصفات هذي ( انا شايف مواصفات افضل من اجهزة كثير و الا انا غلطان ؟ ) .. كنت احسبه جهاز ميديا بلير😀 .. و انا من الأصل شايل فكرة ال iMac ( قص
ي الMAC Pro ) لسبب الي قلته محمد و عشان كذا سألت

انا حاليا شابك الجهاز بVGA cable لو كان mini DVi to VGA زيه راج اكون انسان سعيد

طيب بالنسبة للكرت الشاشة الي فيه كيف هل قوي ؟ انا صراحة ما العب عليه لكن لو بغيت كيف ادائه و هل اقدر اسوي له ابقريد و الا لأ ؟

و بالنسبة للطرفيات هل من اي شركة اقدر اجيب و الا لازم انحد على منتجات معينة ( ماوس كيبورد الخ )

الفكرة جديا دخلت في راسي

 

[Nyx]

وعلى بركه الجهاز مقدما :razz::.

 

[Double T]

طيب انا عندي خيار الميني هو رقم واحد الحين بس لو استخدمت ماك بوك برو بنفس الطريقة هل راح يأثر على الجهاز انو يقعد شغال 24 ساعة ؟

 

[Double T]

رحت اليوم لجاينت ستور و شفت الأجهزة .. فيها غلاء مو طبيعي نصب عيني عينك لو اقدر اطلبها بالنت ارخص لي ب100 مرة

 

[i7asan]

انا استخدم النظامين ويندوز 7 وسنو ليبورد

ويندوز 7 من افضل الانظمة وافضل نظام ويندوز استخدمته .. ماواجهت اي مشاكل او تعليق فيه النظام مستقر وسريع
لكن الشي المستغرب منه بعد ترقية الماك بوك الى سنو ليبورد صار يعلق عدة مرات واذا سويت سليب الجاهز مايرضى يشتغل مرة الثانية

المهم الماك ميني اختيار موفق مع انه غالي شوي كعادة اجهزة ابل اغلى من غيرها لكن بيعطيك جودة ونظام مستقر

 

[itachi]

اذا تقدر على الماكبوك يكون أفضل لك للتنقل ...اذا بتخليه في مكان واحد وبتوصله مباشره مع ال LCD الماك ميني مناسب جدا