سؤال عن REmake ....

[Gon freeces]

خذيت اللعبة , لعبتها لمدة معينة , عندي سؤال :
في طريقة معينة للعبها ؟ احس انها كاسلفانيا\ ميترويد بس بدون خريطة اتوضح لك فين تروح بعد ما تاخذ الشي(ادري انه في خريطة بREmake بس خير شر ما تساعد) , و اللعبة ما تساعد بالInventory الضيق حقها , والCG حق اللعبة ملون بزيادة .
الزبدة ان اللعبة بزيادة Non Linear , هي كذا اللعبة ولا انا لاعب غلط (لول) ؟

 

[Nintendo]

لول والله اخ Gon freeces مادري وين المشكلة 🙂

يعني انت تقصد اللعبه مش واضح وين لازم تروح بعد مثلا كل لغز تحله او شئ !! اللعبه بشكل عام فكرتها الاساسيه الحصول على المفاتيح ..

حاول تتذكر كل باب حاولت تفتحه وش المفتاح اللي طلبوه منك فيه .. كل ماتاخذ مفتاح جديد بتفتح مناطق جديده وهكذا تتقدم الين تخلص اللعبه .. مافي اي ترتيب معين مثلا للغرف اللي تدخلها .. حاول انك تلعب اللعبه المره الاولى بواسطة جيل فالنتاين لانها اسهل من لعبة كريس ( واكيد ابدا بالطور ال easy ) وبعد ناتفهم الفكره تمام اختبر نفسك بمستوى صعوبه اكبر 🙂

 

[Khalid-S]

دقيقة ,, انت Resident Evil 1 Remake ?

ماني فاهم ايش تقصد بالضبط , هممم ما اتذكر اللعبة فيها CG .. همم الا بالبدايه والنهايه ؟

 

[Gon freeces]

يعني انت تقصد اللعبه مش واضح وين لازم تروح بعد مثلا كل لغز تحله او شئ !! اللعبه بشكل عام فكرتها الاساسيه الحصول على المفاتيح ..

حاول تتذكر كل باب حاولت تفتحه وش المفتاح اللي طلبوه منك فيه .. كل ماتاخذ مفتاح جديد بتفتح مناطق جديده وهكذا تتقدم الين تخلص اللعبه .. مافي اي ترتيب معين مثلا للغرف اللي تدخلها .. حاول انك تلعب اللعبه المره الاولى بواسطة جيل فالنتاين لانها اسهل من لعبة كريس ( واكيد ابدا بالطور ال easy ) وبعد ناتفهم الفكره تمام اختبر نفسك بمستوى صعوبه اكبر

هذا كان قصدي 🙂
بس اللعبة ما ترحم ! Ammo قليل و الزومبييز (الكلاب) بعض الاحيان ابدا ما تجيهم(لول) الطلقات .
واللي قاهرني ماصصار شي بالقصة مع انها مثيرة لاهتمامي بشكل كبير

هممم ما اتذكر اللعبة فيها CG .. همم الا بالبدايه والنهايه ؟

قصدي اللي بالبداية .

 

[Nintendo]

اذا كان الammo قليل هذا معناه انك ماتلعب easy .. اذا كنت ببداية اللعبه عيد من البداية وجرب طور الeasy وبتحصل الكثير من الذخيره للاسلحه ( لول يوم تكون الذخيره متوفره ماتخاف مثل ماتكون تلعب وماعندك رصاص ) ..

لاتقتل الزومبيز اذا قابلتهم ( وفر الرصاص ) والكلاب عاد هاذول مشكلة .. عموما اللعبه جدا ممتعه ومرعبه ومن الالعاب القليله اللي شكلها مبهر على الكيوب .. حرام والله ماحققت نجاح كبير باليابان ..

 

[Gon freeces]

حرام والله ماحققت نجاح كبير باليابان ..

كينجدوم هارتس للفووووووووز 😀 !!!

 

[m7tram]

شكلك متعود على الاربيجي 😛
اللعبه بشكل عام ,, سرفايفور هرور .. بس كل الي عليك انك تطلع من المكان الي انت فيه علشان تنجو .

اشلون وشنو الطريقه ؟!
-تقعد وتروح كل الاماكن الي متوفره لك وتاخذ كل شي تشوفه طايح وطبعا اذا ما كفت الجنطه الي معاك الله يسلم الصندوق الكبير حط فيه اغراض الي ما تحتاجها حاليا مثل كثره العلاج والحبر الي تخزن فيه علشان يبقى لك مكان تاخذ فيه الاشياء المهمه .

-تاخذ اشياء مهمه تروح وتركبها بالمكان الصحيح .. مثلا جوهره وين تحطها؟ تلقى لها مكان تحطه فيه ,, او عقارب الساعه وتحطها بالساعه ..الخ

-لا تفر حولين نفسك وتروح لمكان ماله داعي بس لانك مضيع بالطريج 😛 . حاول تحفظ الطريج ولا تعتمد على الخريطه .. احفظ المكان كله في مخيلتك ما راح يكون صعب عليك .

شد حيلك شوي باللعب وراح تفهم الطريقه لانها بكل بساطه شي سهل ومافيه صعوبه 😉

 

[Black]

لاتقتل الزومبيز اذا قابلتهم ( وفر الرصاص ) والكلاب عاد هاذول مشكلة ..

مع نتيندو بالنقطة هاذي .. واذا قتلتهم لا تنسى تحرقهم .. ( الولاعة + الكيروسين )
مشكلة اللعبة شيء واحد .. اذا تركتها لمدة شهر مثلاً ورجعت تلعب بها .. تنسى كل شيء ولازم تعيدها من أول عشان تعرف تلعب >.> ..

 

[Tomb raider]

نا العبة خلصت ديدلي سايلنس بس هذي لأ ما مجربتها
اظن لما آخذ الWii احتمال آخذلي كم شريط كيوب وياها ومع رزدنت ايفل 1

 

[Gon freeces]

شكلك متعود على الاربيجي 😛

لول بزيادة , اخر لعبة ختمتها و مخلصها كانت كينجدوم هارتس 2 , يمكن اخر 10 العاب ختمتها 6 منها ار بي جيز .
بلعب اليوم REmake .

 

[Az(e)z-N]

والله شيء ممتاز ان الواحد يسترجع الالعاب القديمه...ذكرتني بسايلنت هيل 1&2...ودي العبهم..

 

[hussien-11]

لول ريميك صعبة و لكن بنفس الوقت ممتازة جدا ^_^

نصيحة : اقرأ كل الملفات اللي بتاخذها ، بتعطي جو و بعد اخر للقصة ..

لا تستخدم الأسلحة إلا بالحالات الاضطرارية فقط ..

خلصت اللعبة مرتين ، أتوقع أقدر أساعدك بإذن الله إذا علقت بمكان .
​

 

[Gon freeces]

لووول قبل شوي كنت بحرق جثة زومبي الا فجأة وقف وقاعد يجري كأنه مجنون !!!! و انا احسبه كان بيمسكني الا دخل بالغرفة اللي كانت جنبي , صح انه احول 😀 .
يا ريت لو صورت المقطع و خليته افاتاري : (

 

[JOE]

آآآآه انت حطيت يدك على الجرح !!! هذه اللعبة انا قضيت معها ايام لا تنسى (على فكرة انا إشتريتها قبل الكيوب بشهر تقريباً) فعلاً درس لا ينسى لكيفية صنع الريميك على اصوله ...
انا خلصتها تقريباً 15 مرة !!! و طلعت كل الاطوار (ماراح اذكرها لأنها ...سبويلرز)
بس بأعطيك تلميح يشجعك ... إذا انهيت اللعبة بالشكل المطلوب حتحصل على رسالة بخط يد المصمم الاسطوري شينجي ميكامي و توقيعه ....Go for It Bro !!!

و نصايحي في هذه اللعبة :
- إبدأ اللعب بجيل في البداية ...لمصلحتك .
- وفر الذخائر قدر المستطاع .
- إذا اردت ان تسهلها على نفسك يجب ان تعتمد على ذاكرتك من الجزء الاصلي .
-لا تحرق اي زومبي بل إحرق إلي بعد ماتقتله تلقاه ملقى على الارض لاحقاً.
- وفر الكيروسين و لا تعبي القارورة إلي معك من جالون واحد ...حاول تستخدمهم بإنتظام .
- وفر الكيروسين بإستخدام البندقية أو الماجنوم في رؤوس الزومبي مما يمنعهم من العودة بعد موتهم .
- إذا سقط الزومبي على الارض إستخدم السكين .
- لا تجعل إستخدام الـSub weapon على إختيار الأوتوماتيك من شاشة الـOption و خليه يدوي عشان لا تستخدمه مع اي وحش .
- لا تستخدم الـSub weapon (القنبلة مع الشخصيتين و الخنجر مع كريس و صاعق الكهرباء مع جيل ) إلا مع الـHunter أو الـCrimson Head و يا حبذا مع وحوش معمل الطاقة ووفرها مع الزومبي العاديين .
- إقرأ الملفات اول بأول لانها تحتوي على الكثير من التلميحات .
- تأكد انك خزنت لعبتك بعد حل الالغاز .
- لا تسألني عن لغز بيت الحراس حق الرقم السري و المصابيح ...إعتمد على نفسك .
- لا تستخدم حل كامل ...عشان لا تضيع جو اللعبة .

.... إن شاء الله تكون هذه النصائح مفيدة لك و اي سؤال عن هذه اللعبة انا حاضر ...
و السلام عليكم .

 

[m7tram]

- إذا اردت ان تسهلها على نفسك يجب ان تعتمد على ذاكرتك من الجزء الاصلي .
.

على ماعتقد انه ما لعب الجزء الأصلي 😛

ونصايحك 100% 😉

 

[Gon freeces]

ما لعبت الجزء الاول :x

 

[JOE]

مالعبت الجزء الأول ؟ كيف فوته على نفسك ؟
في هذه الحالة ما لك إلا Deadly Silence على الـDS ... على طور الكلاسيك .

 

[Gon freeces]

مالعبت الجزء الأول ؟ كيف فوته على نفسك ؟

لول كنت مشغول ب كراش 1-2-3 و وميجا مان ليجيندز و العاب كثييرة غيرها , وانا اصلا ما العب سيرفايفر هورور (العاب سيرفايفر هورور اللي لعبتها هي 2 : REmake , RE4 )

في هذه الحالة ما لك إلا Deadly Silence على الـDS ... على طور الكلاسيك

ليش ؟ اللي فاهمه من كابكون انه سويت ريميك للأول و نزلته على الجيم كيوب عشان يصير للسلسلة ضحاي........ معجبين جدد 🙂

 

[hussien-11]

ماله داعي يلعب ديدلي سايلنس الان ، ريميك تكفي و توفي .
​

 

[JOE]

انا لما نصحته بلعب ديدلي سايلنس عشان يلعب ريزيدنت إيفل 1 بشكلها الاصلي قبل للريميك لأنه في نظري إلي لعب الجزء الاصلي راح يعيش جو اللعبة و يستمتع بيه اكثر من إلي ما لعبه ... في نظري ...

 

[Gon freeces]

كلامك صج, بس اللي سامعه REmake كلعبة احسن من RE DS , هذا السبب خلاني آخذ REmake .

اوكي مساعدة : انا كلمت (مادري وش اسمه ) واعطاني شي متعلق ب Grenade Launcher , وقاللي روح دور على مخرج من البيت هذا , رحت قاعد ادور على اماكن الا لقيت مطبخ و في المصعد , وطلع ما في كهرباء , والمشكلة انا شايف شي مضيء قدام المصعد , ويضحك علي وقول مافي كهرباء :\ , دحين ايش اسوي ؟؟
و ايش اسوي بالGrenade Launcher ؟ انا بس عندي المدس العادي (حتى ما عندي Shot Gun )
بروح ادور بالMansion زيادة , ابي حل لو سمحتوا 🙂

 

[Nintendo]

ال Grenade Launcher هذا سلاح وماله علاقة باي لغز 🙂

بالنسبة للمصعد اللي بالمطبخ فمادري اذا انت خرجت من القصر ورحت للاماكن الثانيه لانه المصعد هذا باخر اجزاء اللعبه راح تشغله ..

حاول تدور بالغرف اكثر ( مادري جمعت القطع الاربعه اللي تفتح باب الحديقه !! ) ياريت بس لو تقلنا وش اخر لغز حليته او شئ عشان نقدر نساعدك لانه صعب جدا نساعدك بذي الطريقة 🙂

 

[Gon freeces]

لول ما اوقع حليت اي لغز باللعبة دحين , بس عندي اشياء كثيرة , غرقة النار اسوي فيها شي غير الكتاب اللي وراه المفتاح (خذيت المفتاح BTW ) ?

 

[Nintendo]

اووو

انت توك ببداية اللعبه اجل ( لول طالما ماحليت الغاز كثيره ) . اوكي طالما اخذت مفتاح غالبا راح تجربه على ابواب القصر الين يفتح باب ( يعني المفروض كنت تتذكر شوي يوم تحاول تفتح اي باب ومايفتح معك وش نوع المفتاح اللي يحتاجه ..

مادري اذا حليت لغز الكلب لانه راح يعيطك مفتاح من بداية اللعبه ( فيه منطقة بالدور الثاني راح تواجه فيها كلبين اذا قتلت واحد منهم راح يطيح منه مثل القطعة المعدنيه يوم تاخذها شيك عليها وبتحصل انها مفتاح ) وهذا بيفتحلك مناطق كثيره بالقصر ( يمكن هو اهم مفتاح بالبداية ) ..

مادري اذا كان سويت ذا الشئ ولا بعدك .. لول المشكلة اللعبه خلصتها قبل 3-4 سنين ولكن بحاول مع باقي الشباب ان شاء الله نساعدك تخلصها 😉

 

[Gon freeces]

قتلت الكلب , ما طاح منه شي ... :s
خليني احوس بنفسي احسن لي , يمكن اطلع لي سلاح قوي 😀

 

[m7tram]

مادري اذا حليت لغز الكلب لانه راح يعيطك مفتاح من بداية اللعبه ( فيه منطقة بالدور الثاني راح تواجه فيها كلبين اذا قتلت واحد منهم راح يطيح منه مثل القطعة المعدنيه يوم تاخذها شيك عليها وبتحصل انها مفتاح ) وهذا بيفتحلك مناطق كثيره بالقصر ( يمكن هو اهم مفتاح بالبداية ) ..

نو نو نو ,, الكلب ما راح يطلع الا اذا صفر ,, والصفاره ياخذها بمكان معاها صوره والصوره فيها المكان الي يصفر فيه علشان ياخذ المفتاح من الكلب .

دام معاك مفتاح خلاص انت مو معلق !!
دور الباب الي يفتحه المفتاح الي عندك وخلاص .

 

[Gon freeces]

استنى استنى : هذي تنفع مع اي كل ولا كلب محدد ؟

 

[Khalid-S]

خخخخخ الكلب ما عليك منه عمر خربط الرجال .. الكلب بعدين بيعطيك صفاره تركبها على مفتاح اعتقد .. انت الحين هدفك ( الي اتذكره ) انك تفتح الابواب وتاخذ الي بداخل الغرف. مع طريقك بتحصل حل الالغاز والطريق الي لازم تمشي فيه .. اللعبه ما تحتاج .. بس انت شكلك خايف شوي 😛 .. ادمان العاب الـRPG وما تسوي 😛

 

[Gon freeces]

.. ادمان العاب الـRPG وما تسوي

و ادمان ميتيوس 🙁 .
هذي اخر سنتين سرت احس بس لي نفس العب ار بي جيز و اطنش كــــــــــــــــــــــل شــــــــي , ما اشتريت الدي اس الا عشان مينيش كاب و كنجدوم هارتس و واريو توشد .

 

[DeaDMaN]

استنى استنى : هذي تنفع مع اي كل ولا كلب محدد ؟

,,أعتقد لسة انت ماوصلت لهالمكان .. هي صفارة انت بتاخذها وبتاخذ معاها صورة إلى المنطقة اللي تستعملها فيها "قريب نافذه" .. لما تستعملها بيهجموا عليك كلبين , واحد منهم في فمه مفتاح تاخذه منه لما يموت .