زيادة في سعر اشتراك PS Plus يشمل 16 دولة

[Raulioo]

تستمر طالما الألعاب اللي دفعتني للاشتراك هي اللي تكون انشالت

ذكرت هذا بموضوع اخر
حتى ياكوزا٠ كنت منزلها بلس وراحت
لكن احلى شي تخفيضات البلس...تشتري درزن العاب بسعر وحدة، وتبقى معك للابد باشتراك وبدونه.

 

[Kain]

ذكرت هذا بموضوع اخر
حتى ياكوزا٠ كنت منزلها بلس وراحت
لكن احلى شي تخفيضات البلس...تشتري درزن العاب بسعر وحدة، وتبقى معك للابد باشتراك وبدونه.

هي هذي خدمات الالعاب " بيع الوهم "

 

[Futrus]

ذكرت هذا بموضوع اخر
حتى ياكوزا٠ كنت منزلها بلس وراحت
لكن احلى شي تخفيضات البلس...تشتري درزن العاب بسعر وحدة، وتبقى معك للابد باشتراك وبدونه.

إيه ألعاب كثيره انقهرت إني ما لحقت عليها لأنها انشالت، اكره شعور وقت تشغيل اللعبه ويجيك تنبيه إنها ما عادت من ضمن الخدمه

التخفيضات ولعبتين الاسينتشيال هم الشيئين الوحيدين اللي لازلنا ضامنينهم لكن الخوف من زيادة جديدة لاسعار الاشتراكات وما استبعد تصير.

 

[Raulioo]

هي هذي خدمات الالعاب " بيع الوهم "

هو بالنهاية صعب يتصدقوا عليك بالعاب للابد، الفكرة زي نتفلكس دايما منتجات تنشال وغيرها تجي

إيه ألعاب كثيره انقهرت إني ما لحقت عليها لأنها انشالت، اكره شعور وقت تشغيل اللعبه ويجيك تنبيه إنها ما عادت من ضمن الخدمه

التخفيضات ولعبتين الاسينتشيال هم الشيئين الوحيدين اللي لازلنا ضامنينهم لكن الخوف من زيادة جديدة لاسعار الاشتراكات وما استبعد

فعلا الفترة الماضية كنت منزل مكتبة كاملة و ٩٠٪ منها طارت، بس طبعا انا بعد تجاهلتهم لفترة محترمة
لازم الحق الان على كرايسس كور..الالعاب الجديدة لو تعطينا بريك وتوقف شوية
كنت اقول هالسنة فقيرة وفرحان انظف الباكلوج، اخرتها بلوبرنس و هوجوورتس بالبلس، و كلاير اكسبدشن، وهندريد لاين..كلهم بنفس الشهر

 

[Kain]

هو بالنهاية صعب يتصدقوا عليك بالعاب للابد، الفكرة زي نتفلكس دايما منتجات تنشال وغيرها تجي


فعلا الفترة الماضية كنت منزل مكتبة كاملة و ٩٠٪ منها طارت، بس طبعا انا بعد تجاهلتهم لفترة محترمة
لازم الحق الان على كرايسس كور..الالعاب الجديدة لو تعطينا بريك وتوقف شوية
كنت اقول هالسنة فقيرة وفرحان انظف الباكلوج، اخرتها بلوبرنس و هوجوورتس بالبلس، و كلاير اكسبدشن، وهندريد لاين..كلهم بنفس الشهر

نيتفلكس من ناحية الافلام الفلم ساعتين تقدر تلحق تشوف مجموعة كبيرة و حتى قبل حذف مجموعة افلام تقدر تلحق تجدول مشاهدتها

لان فلم ساعتين عكس لعبة عمرها 10 ساعات و فوق

نفس الشيء مع المسلسلات ممكن تكمل موسم كامل و ما وصلت عمر ختمة لعبة

فالخدمات تتيح مجال اكبر مع الافلام / المسلسلات بسبب قصر عمر المنتج الترفيهي مقارنة بالألعاب

إضافة عامل انك غير مطلوب منك عمل شيء المشهد يتحرك لوحده حتى تقدر تسوي فعالية اخر زي اكل او ممارسة رياضة ممكن مع حتى ترتيب المنزل و انت مشغل مسلسل

هو يمضي لوحده في النهاية مو مثل الالعاب تحتاج تركيز و تفرغ عام و خاضعة لعامل تململ اللاعب او تركه للعبة او اذا واجه صعوبة ما


خدمات تأجير الالعاب يبدو انها مناسبة أكثر للافلام و المسلسلات مقارنة بالألعاب

 

[Veeto]

تستمر طالما الألعاب اللي دفعتني للاشتراك هي اللي تكون انشالت

بصراحة نادر صرت ما اشتري العاب جديدة .. وفوقها بامانة .. صار ليهم فترة على الاقل لعبه جديدة بالشهر تسوى وتنلعب

ستار وارز الاخيرة .. امير فارس .. هوغوارتس ليغاسي
فيه لعبه بلانكي كيد اتوقع اسمها (( بين 2D و 3D ))
صراحة استثمار ممتاز

 

[Veeto]

خدمات تأجير الالعاب يبدو انها مناسبة أكثر للافلام و المسلسلات مقارنة بالألعاب

يعطوا وقت معقول لكل الالعاب ما اتذكر لعبه ظلت بالخدمة اقل من 3 اشهر

 

[Futrus]

خدمات تأجير الالعاب يبدو انها مناسبة أكثر للافلام و المسلسلات مقارنة بالألعاب

مناسبه للألعاب ايضاً لولا هاجس ان متى راح تنشال، السنه الماضيه انهيت ما لا يقل عن ٦ ألعاب من خلال خدمة الاشتراك واللي قبلها اكثر من هالعدد.

بصراحة نادر صرت ما اشتري العاب جديدة .. وفوقها بامانة .. صار ليهم فترة على الاقل لعبه جديدة بالشهر تسوى وتنلعب

نفس الحال لكن لازلت مغبون على باقي الألعاب اللي كنت مهتم فيهم اكثر

 

[Futrus]

شكر خاص جدا للأخ الفاضل @FCB-Kratos لولاه ألعاب كثيره كانت بتفوتني قبل حذفها من البلاس

 

[DIAMOND]

لا عندك ألعاب نسيتها من هالسلاسل، فاينل كل الأجزاء حتى ١٥ وياكوزا كيوامي و ٦ وجدجمت وألعاب كثيره أخرى الخ

طيب فيه العاب كثيرة اخرى تنضاف برضه

كيوامي و ٦ العاب قديمة .. حاليا حاطين لك جايدن وريميك ايشين مش احسن؟

تستمر طالما الألعاب اللي دفعتني للاشتراك هي اللي تكون انشالت

هو للأسف يعني.. نموذج الخدمة هذا مش مثالي سواء كان بلس او قيمباس، بيجي يوم والالعاب هذي تنشال منك.. مافي شيء يعادل امتلاكك للعبة اكيد

طيب وش الحل؟ قبل اشتراكك بالخدمة تكون حاط عينك على الالعاب اللي تبغى تلعبها وتشيك لو الالعاب بتنشال من الخدمة او لا (سوني تعطيك تنبيه قبلها بشهر كامل) كذا بتقدر تحلل فلوسك اللي دفعتها للاشتراك.. اما انك تشترك وبعد شهور تشوف الالعاب اللي كنت مشترك عشانها تنشال وانت تطول الشهور الماضية جالس تتفرج عليهم فما ادري وش اقولك (&)

بس ما زالت ما افهم يعني.. فان فاينل فانتسي غالبا بيكون لاعب اغلب اجزاء السلسلة خصوصا اللي نازلة من ١٠ سنوات (يعني خلنا نقول من جزء ١٥ وتحت) ليش بيشترك بالخدمة عشان يلعبهم؟ انا اشوف الفائدة الحقيقية من الاشتراك هو اني العب العاب ما ابغى اشتريها ومش مهتم اساسا اشتريها كون الالعاب اللي بكون مهتم لها زي فاينل فانتسي او ريزيدينت ايفل او ريد ديد بكون اوريدي مشتريها والخدمة استفيد منها بالعاب اخرى وان حصل ونزلت لعبة مهتم لها بس مش مشتريها بتكون الفائدة اكبر

اما اني اشترك عشان اروح العب الالعاب اللي انا اوريدي لاعبها هي حاجة ما افهمها ابد :/

الشهور الماضية نزلت ستار وورز سرفايفور وسونيك فرونتيرز وهوغوراتس ليقاسي.. هذي بالضبط الالعاب اللي تستحق الاشتراك عشانها مش عشان فاينل فانتسي ١٠ و ١٢

 

[MH MD]

بصراحة نادر صرت ما اشتري العاب جديدة .. وفوقها بامانة .. صار ليهم فترة على الاقل لعبه جديدة بالشهر تسوى وتنلعب

من اشتركت بالخدمة من يمكن ثلاث سنين وصرت حتى ما اطالع تخفيضات البليستيشن بالستور

يعطوا وقت معقول لكل الالعاب ما اتذكر لعبه ظلت بالخدمة اقل من 3 اشهر

يتراوحوا ما بين 6 شهور و سنتين

بس ما زالت ما افهم يعني.. فان فاينل فانتسي غالبا بيكون لاعب اغلب اجزاء السلسلة خصوصا اللي نازلة من ١٠ سنوات (يعني خلنا نقول من جزء ١٥ وتحت) ليش بيشترك بالخدمة عشان يلعبهم؟

لا عادي، عادي تشوف سلسلة قديمة كنت مهتم لها بس ما لقيت وقت تلعبها او تشتريها، بس لما تلقاها قدامك بخدمة زي كذا و"ببلاش" تجي تلعبها مبسوط ومرتاح

شكر خاص جدا للأخ الفاضل @FCB-Kratos لولاه ألعاب كثيره كانت بتفوتني قبل حذفها من البلاس

طيب وش الحل؟ قبل اشتراكك بالخدمة تكون حاط عينك على الالعاب اللي تبغى تلعبها وتشيك لو الالعاب بتنشال من الخدمة او لا (سوني تعطيك تنبيه قبلها بشهر كامل) كذا بتقدر تحلل فلوسك اللي دفعتها للاشتراك.. اما انك تشترك وبعد شهور تشوف الالعاب اللي كنت مشترك عشانها تنشال وانت تطول الشهور الماضية جالس تتفرج عليهم فما ادري وش اقولك (&)

افضل شيء اكتشفته انه في واحد في ريديت كل شهر يعطي توقعات مدروسة محسوبة عن الالعاب اللي ممكن تطلع بعد شهرين، وفعلا اغلب توقعاته تطلع صحيحة، هو يحسب الالعاب ذي متى دخلت الخدمة وكم شهر مر عليها واحتمالية انها تطلع ويعطيك بالتفصيل، كمثال الموضوع حقه حق الشهر الماضي



اغلبها طلعت صح، انا فعلا حملت مجموعة من الالعاب اللي كتبها هنا زي زاو ، حملها وخلصتها ومرتاح وبعد فترة طلع خبر انها جد بتطلع من الخدمة بعد شهر، فبمساعدته بدل ما يكون عندك ديدلاين شهر يكون عندك ديدلاين حوالي شهرين تزبط امورك فيهم بدون ما تحس بضغط.

المهم هذا آخر موضوع له حق الالعاب اللي ممكن تطلع بشهر مايو

 

[Futrus]

كيوامي و ٦ العاب قديمة .. حاليا حاطين لك جايدن وريميك ايشين مش احسن؟

كمستوى؟ 6 احسن من جايدن وايشين.

ولوست جدجمنت احسن منهم كلهم، انهيتهم قبل لا ينشالون بس احب ارجع لهم، جدجمنت بالذات عشقتها (ياكوزا ٦ انهيتها سريع سريع كأنها سبيد رن علشان الحق قبل لا تنشال)

اما انك تشترك وبعد شهور تشوف الالعاب اللي كنت مشترك عشانها تنشال وانت تطول الشهور الماضية جالس تتفرج عليهم فما ادري وش اقولك (&

لان ما يمدي، مو كل شهر بتكون فاضي تلعب وتختم الباكلوغ، بالذات في العاب طويله تاخذ منك اكثر من ٤٠ ساعه

غالبا بيكون لاعب اغلب اجزاء السلسلة خصوصا اللي نازلة من ١٠ سنوات (يعني خلنا نقول من جزء ١٥ وتحت) ليش بيشترك بالخدمة عشان يلعبهم؟

مو شرط يعني فيه كم جزء للحين ما لعبتهم وفي اللي ابي اعيدهم لان من ٢٠ سنه لعبتهم.

اما اني اشترك عشان اروح العب الالعاب اللي انا اوريدي لاعبها هي حاجة ما افهمها ابد :/

لان مو الكل لاعبها، وحتى لو لاعبها مو غلط ولا عيب ان يبي يعيدها بس ما يبي يشتريها

 

[DIAMOND]

كمستوى؟

لا طبعا.. اتكلم كونهم العاب اجدد
العاب جديدة = فرصة انك تكون مشتريهم قليلة
العاب قديمة = فرصة انك تكون مشتريهم عالية

يعني حتى كون الاجزاء جانبية يعطي احتمالية ان الاغلب بيستفيد منهم اكثر من ٦ كون الفانز بيكونون مركزين على الاجزاء الرئيسية.. طبعا هذا في حال تكلمنا عن الفانز

لان ما يمدي، مو كل شهر بتكون فاضي تلعب وتختم الباكلوغ، بالذات في العاب طويله تاخذ منك اكثر من ٤٠ ساعه

لهذا اقولك.. الخدمة مش مثالية ومابتكون نفس امتلاكك للالعاب، لو كنت شخص مشغول ومابتخلص الا لعبة وحده او ثنتين منه بالشهر انت كذا قاعد تضيع فلوسك والافضل تحطها بالعاب مش بالخدمة

 

[Hazeel]

نشكر مايكروسوفت على خدمة الجيم باس ثابته و الالعاب مجانيه

 

[SuperC]

لما ترفع السعر في ريجن رخيص مقارنة بالستاندر العالمي هذا ما أشوفه زيادة سعر الإشتراك بل مقاربة أسعار
خاصة أن السعر بعد الرفع ما زال أرخص من الستاندر العالمي
لا يعني هذا أنه شيء جيد بحد ذاته لكن لازم نفرق بينه و بين رفع سعر الإشتراك عالمياً

 

[M_Joestar94]

شعندهم زعلوا عاللاتنيين&
توي مجدد شهر لانهم مو وجيه ثقة للامانة و اقدر اوقف بأي وقت.

 

[mario0o]

من حقها سوني، الجيم باس مب احسن عن اشتراكاتهم
وبعدين خلوها تتصرف مع دول أمريكا الجنوبية باخر الدنيا على راحتها

خلونا نركز على ننتندو ومصايبها

 

[Ria]

فالف مثل تويتر زمان مليارات كانوا يضيعونها بتقديم خدمات مجانية واعتمادهم على الإعلانات/نسبة اقتطاع من الشركات.

أتوقع لازم تصير مشكلة كبيرة تشقلب فالف وتخليهم يفكرون يستفيدون من قاعدة مستخدمينهم ويبيعون الاونلاين/خدماتهم بفلوس.

 

[بوسيف39]

هذيلا الدول فقيرة ولا؟ليش رافعين السعر على دول فقيرة مو ذا الجشع؟

 

[MorridooM]

هذيلا الدول فقيرة ولا؟ليش رافعين السعر على دول فقيرة مو ذا الجشع؟

لا هذا شجع

 

[بوسيف39]

لا هذا شجع

صحيح التشجيع على الزطوطية.

 

[سِراج]

يبدو أن ارتفاع الأسعار مش حكر على دول أمريكا اللاتينية لكن برضو يشمل أستراليا، كوريا، سنغافورة، ماليزيا، إندونيسيا، وتايلند.

يعني توقعوا ارتفاع شبه عالمي لأسعار اشتراكات البلس.

 

[Kain]

يبدو أن ارتفاع الأسعار مش حكر على دول أمريكا اللاتينية لكن برضو يشمل أستراليا، كوريا، سنغافورة، ماليزيا، إندونيسيا، وتايلند.

يعني توقعوا ارتفاع شبه عالمي لأسعار اشتراكات البلس.

سوني بتطلع اي زيادة بسبب رسوم ترامب مستقبلا من جيوب لاعبين

 

[*Nin]

شخصيا وايد استفدت من البلس،

كل فتره ألقى لعبه جديده العبها (حتى لو طافتني في موعد صدورها )

حتى العاب الطرف الاول توصل للخدمه بعد فتره

حاليا صعب الاستغناء عنها

 

[Blue]

مسألة وقت وباقي دول العالم تلحقهم.

 

[Sky Walker]

الرضوخ لانهم اكثر شركة بالدنيا تحصل تخفيض لاشتراكاتها
اخر اشتراك خذيته برميم من كثر الاغراء منهم @@
ننتندو لو شوية تصير ادمية بالتخفيضات لاي شي، نص هالمواضيع والانتقادات ما كان بتحصلها.
وبصراحة هالشهر بلوبرنس و هوجوورتس ليجاسي...هذا لوحده اشوف تحليل لكم شهر

الشي الرئيسي اللي يخليني اشترك بلس هو لعب الاونلاين ، سالفة ان لازم اشترك علشان العب اونلاين عبارة عن سرقة في وضح النهار مهما كان السعر ومهما توفرت التخفيضات ، فما بالك تجلس ترفع اسعار الاشتراك على شي يوفره البي سي بشكل مجاني ، للاسف النظام الوسخ ذا صار ستنادرد بالسوق ، واغبط رواعي الپي سي على توفره مجانا عندهم.