لو تم إعادة تصميم فف7 من أول وجديد, بببساطة سيتم إعادة كتابة السيناريو بالكامل, تغيير أمور أساسية في أسلوب القتال الكلاسيكي, إعادة تصميم المُدن, الخريطة, البيئة..ألخ ألخ. جرّب إعادة لعب اللعبة الأصلية وتخيّل أنك تسمع المحادثات مثل لو أنك تلعب فف10-12-13. راح تلاحظ أن حتى أصغر الأمور, اللي هي السكربت, صار يحتاج أنه يتغيّر. مع تطور السلسلة, وتطوّر الآر بي جي بشكل عام, أمور كبيرة تغيّرت في الآر بي جي الكلاسيكي, واللي تخلّوا عنه المطوّرين اللحين. أحد أفضل الأمثال اللي توضّح كيف أن الشركات صارت تبعد عن الكلاسيكية في ألعاب الكونسل (بالذات مشاريع الـ AAA) هو إختيارات نينتيدو في جعل نظام القتال أكشن آر بي جي في أفضل ألعابها اللي أصدرتها مؤخراً (زينوبليد, ذا لاست ستوري, باندورا تاور) والسبب اللي خلاني أختار نينتيندو هو كونها المصدر الأساسي لألعاب الريترو وافكارها دائما ثابتة على مسار النستالجيا اللي ماتتغير بشكل كبير, ومع ذلك قررت في جيلنا أنها تنزل 3 ألعاب آر بي جي كلها أكشن آر بي جي. ليش؟ لأنها دارسة بشكل مضبوط كيف أن فكرة العودة للآر بي جي الكلاسيكي يُعتبر فكرة غير صائبة, خصوصاً على لعبة من مشروع AAA والمفروض أنه يبيع بالملايين كـ أدنى تقدير.
اللي جالس أقوله, هو لو كان عند شركة سكوير نيّة في إعادة إصدار فف7 فـ هو راح يكون "إعادة صُنع" كاملة. يمكن الشيء الوحيد اللي ماراح يتغيّر هو فكرة القصة بشكل عام والشخصيات واسماء المُدن والاتموسفير. لكن غير كذا, لازم تتوقّع لعبة مُعاد تصميمها بشكل كامل. سكوير شركة غبية تطمح للكمال المظهري في ألعابها بشكل يفوق التصوّر. أقولها وأنا اعضّ يدي قهر, لكن هذا الواقع. كون مبدئها يرتكز على الجمالية المظهرية غالبا. راح تعاني مع ريميكات الألعاب القديمة, إلا إذا رضت أنها تنزّل ريماسترات شغل ريندر مشي حالك, وهذا شيء شبه مُستحيل. لاحظ كيف اعلنت عن ريماستر/ريميك لـ فف10؟ (لسى المسألة مش مأكدة على نوعية التغيير اللي بيسوونه على هالجزء, لذا ماقدرت أسمّيه ريميك أو ريماستر) ليش سكوير قالت فف10 رغم أن فف12 أولى منها كونها نزلت قبل فترة بسيطة, وسُمعة فف7 و 8 و 9 أقوى عموما من 10؟ لأن فف10 مايبيلها شغل كثير قد ماقد يقومون فيه في حال أنهم قرروا عمل ريميك لأي من 7-8-9. جزء 10 إلى حدٍ ما جُزء مايبيله شغل غير ريندرنغ وعرض على full HD 1080p وشوية تعديلات على الـ effects الخاصة بالأسحار.
اللي قاعد أقوله هنا هو سكوير مهووسة بالجمال المظهري اللي قدرت توصل له في ألعابها. تسوي مُحركات بملايين الملايين وتخلي فريقها كله يشتغل من اول وجديد عليه, بمُقابل أنها تنزل لعبة وحدة "في نهاية الجيل" الكل يفك فمه من رسوماتها وتُصنّف كـ أجمل لُعبة/تُدرّس عروض الـ CG حقتها في جامعات الفنون...ألخ. شيء جميل أنك تقدر تبهر الكل وتتفوّق على نفسك في المعيار الجمالي اللي يفرضونه بأنفسهم في ألعابهم بالعادة, لكن المبدأ هذا shallow ويحتاج يُضاف له أكثر من مُجرّد رسوم. المُشكلة سكوير صارت تتوقع أن الرسوم تقدر تبيع فيها بشكل قوي (هو صحيح إلى فف13 تقريبا) هذا شيء متعودة عليه سكوير وتشوفه هدف نبيل أنها تطمح له بمقابل إبهارها للفانز وكسب كم مليون من جيوبهم. لكن أشك أنها تقدر تسوي هالشيء بالمُستقبل لو مااهتمت بباقي العناصير في ألعابهم القادمة.
بالتالي, اللي قاعد أقوله هنا هو سكوير وهوسها في الرسوميات عالية الدقة والجمال, ماراح تدفعها أنها تسوي ريميك فف7-8-9 إلا إذا قررت إعادة تصميم ألعابهم بالكامل. وهذي خطوة ترجعهم ورى أكثر من أنها تحطهم خطوة قدام حتى لو باعت (واشك انها تقدر تجيب نص مبيعات النُسخ الأصلية اللي نزلت بالتسعينات, شُكرا للهبوط الإقتصادي). بالنسبة لي مااشوف أني مهتم برؤية فف7 بمظهر HD مثل فيلم ادفانت تشيلدرن بقدر أني مهتم لرؤية حلم أخير جديد حالم. لأني لو أبغى أعيش تجربة فف7 الكلاسيكية هذي, فـ عندي اياها في ستور الـ PSN. أنا شخصياً أطمح لرؤية فف فيرسس (ماراح اكتب رقم 13 النحس ذا) و 15 وباقي مشاريع تايب (زيرو وطالع), لأن هذا هو عصرها وليس عصر إعادة كلاسيكية بتجربة HD ماراح تضيف أي تجديد لي أنا كـ شخص يلعب ألعابهم طول عمري.
هذي مُجرّد رؤيتي الشخصية لستايل سكوير في إتخاذ قراراتها تجاه ألعابها, سواء السابقة منها أو القادمة. ولاتعني أني واقف ضدهم أو معاهم, لكني أطمح أنهم يقدّمون نفس مستوى قصصهم/اتموسفير/عالم القديم ممزوج بمحتوى رسومي مُبهر ومُفصّل وجميل من يدهم كالمُعتاد.
بإختصار, رداً على سؤالك الأخير: لا ماراحت الفُرصة عليهم. اللي نجّح ريميكات نينتيندو كلها, ينجّح لعبة أعادت تعريف جنرا الآر بي جي في عالم صناعة الألعاب, وسُمعة فف7 (باعت اكثر من 10 ملايين نُسخة) اللي سكوير سوّت له سلسلة خاصة, مُستحيل ماينجح في مُطلق الأحوال. ومرحبا فيك في تي جي :]
