رويترز: السعودية تقرر وقف خدمات ماسنجر بلاك بيري أغسطس الجاري

[Wild Fox]

http://www.tech-wd.com/wd/2010/08/01/uae-suspend-black-blackberry/
على الاقل ما راح يعلقوها في السعوديه
ننتظر الامارات اتوقع ترجع زي ما كانت بعد فتره

 

[BioHazard]

اصلاً البلاك بيري مسكه بين الشباب وبتروح بعد فتره

 

[Yaz3D]

أنس المنطق يقول لاتزر وازرة وزر أخرى .. الأشياء هذه كانوا يسوونها أيام البلوتوث و البالتوك و المسن، حرام تحرم الناس اللي تستفيد من الخدمة عشان شرذمة تستخدمه غلط

مو هنا الشي الرهيب. من الـ700 ألف اللي مشتركين بالخدمة, ما راح تلقى إلا 1000 واحد هم اللي من جد مستفيدين من الجوال كتقنية وكطريقة تواصل فعلية. ال690 ألف الباقيين يا إنهم طاقّينها شات محمول يا إنهم شارينه عشانه باقي الناس شاريته.. لو بتحاول تناقشنا نقاش منطقي ما راح تقدر لأننا لو تبي الصراحة كارهين الـ"بي بي" واللي سواه. لول

 

[zlatanovic]

لا قهر ..
كنت اتمنى انهم يوقفونها .. حياتي صارت جحيم بسبب هـ البلاك بيري !
الواحد ماعاد له خلق يطلع مع شباب سعوديين ابد .. ما يمديكـ تذكر الله وتجلس تسولف , الا و [ عن اذنكم شباب شوي ] !
ما تصدق على الله تجمع اربعة وتقعد تلعب بلوت الا و [ دقايق بس ].
متحمس تلعب pes , الا وابو الشباب بين كل دقيقة ودقيقة [ start + ثواني بس ].
تطلع تآكل .. تلقى نفسكـ اول واحد خلص ياكل وبعض الشباب للحين يطقطق عالبطاطس .. وانتظرهم عاد !
.
.
هو اما ان البلاك بيري هو السبب .. او ان الناس اللي اطلع معهم ما عمرهم شافوا خير !

 

[Photon]

مو هنا الشي الرهيب. من الـ700 ألف اللي مشتركين بالخدمة, ما راح تلقى إلا 1000 واحد هم اللي من جد مستفيدين من الجوال كتقنية وكطريقة تواصل فعلية. ال690 ألف الباقيين يا إنهم طاقّينها شات محمول يا إنهم شارينه عشانه باقي الناس شاريته.. لو بتحاول تناقشنا نقاش منطقي ما راح تقدر لأننا لو تبي الصراحة كارهين الـ"بي بي" واللي سواه. لول

هنا فكرتي .. لوم خوياك اللي طفشوك البي بي مو البي بي المسكين نفسه ..

 

[Nintendo]

مواضيع البلاك بيري شكلها بتنضم لمواضيع تحريم وتحليل القرصنه ومواضيع محبي وكارهي ابل والخ الخ من المواضيع اللي تمشي بسيستم واحد بالردود..

 

[JOE]

^^ no loyal fans like us ^_^

ممنوع الرد بالانجليزي

 

[Photon]

ردك يستاهل انفراكشن عامر .. أشوف الشباب صاروا يردوا بالانجليزي هذه الأيام بدون خوف ..

 

[BioMario]

قرار ممتاز وفي محلة السعودية و الإمارات و إن شاء الله عالمياً بلاك بيري ماسنجر مامنه اي منفعة, ياخي لو الواحد يبي شي في بديل في الجهاز نفسة في MSN و Google Talk

 

[Nintendo]

ردك يستاهل انفراكشن عامر .. أشوف الشباب صاروا يردوا بالانجليزي هذه الأيام بدون خوف ..

لول هاذي نتجية غيابي عن المنتدى خلال الايام الماضية (بسبب سوء الاتصال), حان وقت العوده

 

[Wild Fox]

قرار ممتاز وفي محلة السعودية و الإمارات و إن شاء الله عالمياً بلاك بيري ماسنجر مامنه اي منفعة, ياخي لو الواحد يبي شي في بديل في الجهاز نفسة في MSN و Google Talk

كيف ماله فايده ؟ ماسنجر حاله حال غيره ... على كذا نستغني عنهم كلهم و نخلي ماسنجر واحد بس .
البن لحاله شي مفيد و راح يكون متصل معاك 24 على 24 و من غير error و وsign out اوتوماتيكي

 

[Akilla]

^^ no loyal fans like us ^_^

ممنوع الرد بالانجليزي

ردك يستاهل انفراكشن عامر .. أشوف الشباب صاروا يردوا بالانجليزي هذه الأيام بدون خوف ..

أبل فانبوي يبيع خويه . اوه وقت الضحكة :

 

[Vorg Zangief]

و إن شاء الله عالمياً بلاك بيري ماسنجر مامنه اي منفعة

شلون ما منه اي منفعة ؟ :what:

 

[Solay]

لول ضعيف خويي توه شاري بلاك بيري..

 

[khaled 13]

لول على قناة العربية ....... على طول كلموا الإتصالات السعودية يستفسرون عن الخبر :laugh:: وحطوه في أهم العناوين

قاعد افكر ايش راح تعمل القناة ذي اذا تم منع خدمات البي بي من جد لول

 

[Solay]

لول على قناة العربية ....... على طول كلموا الإتصالات السعودية يستفسرون عن الخبر :laugh:: وحطوه في أهم العناوين

قاعد افكر ايش راح تعمل القناة ذي اذا تم منع خدمات البي بي من جد لول

ووش قالوا الاتصالات؟!

 

[Zulfiqar]

شكل الخبر هذا من جد, أحسنين أفضل خبر سمعته خل البلاكبيريه يحترمون وجود اللي حولهم.

 

[khaled 13]

ووش قالوا الاتصالات؟!

قالوا انه كلام غير صحيح وماراح يمنعونه


وبعدين ياشباب اذا تم منع خدمات البي بي فالأسباب مش امنية ولا عادات وتقاليد
السبب معروف $$

 

[iCrow]

توهم على قناه العربيه قالو ان الاتصالات نفت خبر ايقاف اخدمه

:tongue:

 

[fall out boy]

مليوون احسن بعد

يلا سوق الايفون بيقوم الحين :smug:

 

[Revolver]

أبل فانبوي يبيع خويه . اوه وقت الضحكة :

:laugh: حلوه

 

[Capitano-18]

بالعكس أشوف ان خدمة البلاك بيري ممتازة وماعليها أي غبار ، فادتني كثير وصرت اتواصل مع ناس ما كنت أتواصل معهم من قبل ، صحيح وبصراحة قابلت ناس عندهم بلاك بيري بس احلم انك تسولف معاه بسبة البلاك بيري

بس أيش نسوي لازم فيه ناس تستخدمه بسلبية للأسف واحنا الي ناكلها ، إذا الخبر صحيح فأنا أقول ماعندهم سالفة لأن مافي اي سبب مقنع ! اذا على الأمان فأنا مافهمت قصدهم هل بيجلسون يراقبون المحادثات ؟ إذا على كذا بنشوف حجب قريب للفيس بوك والتويتر ، تركوا كل الأمور وجوا للبلاك بيري والله حاله .

 

[The Blue King 9]

عاد انا كنت بشتريه الاسبوع هذا شكلها راحت علي 🙁

 

[The Legend]

لا تعلمني وش الحلو و وش اللي مالح ... محد طلب منك تصير رقيب علي و تجلس اخطاء الناس
و اسبك ؟ و اروح انتحر ؟
لول من جد اترفع الحين ... و افهمها بكيفك

انا خليت كل الموضوع وجيت للرد هذا بس ..
حبيت أذكرك, الحين لما تسب وتسوي نفسك قوي .. يقالك كوول؟
بالعكس ترا هذا يخليك أكثر انحطاط 🙂
وعاد افهمها مثل ماتبي ..
وعامل الناس كما تحب ان يعاملوك ,
وأنا عاملتك مثل ماعاملتني انت 🙂

 

[Bakloyd]

احسن ياشيخ

فكه

 

[The Doctor]

مخاوف أمنية على جيوبهم...

 

[Wild Fox]

انا خليت كل الموضوع وجيت للرد هذا بس ..
حبيت أذكرك, الحين لما تسب وتسوي نفسك قوي .. يقالك كوول؟
بالعكس ترا هذا يخليك أكثر انحطاط 🙂
وعاد افهمها مثل ماتبي ..
وعامل الناس كما تحب ان يعاملوك ,
وأنا عاملتك مثل ماعاملتني انت 🙂

لا حول ولا قوه الا بالله ...

 

[Fahad Al-Shareef]

شلت ردودي وصار الموضوع صفحتين :sadwalk:
:laugh::

 

[Saadawii]

عبدالرحمن، إذا كانوا يقولون انها مشكلة أمنية، ربما فيه زاوية أنت ما انتبهت لها. ربما الدول الأخرى عندها الإمكانية لمراقبة الخدمة. ربما سعة مجال الخدمة وانتشارها وقدرتها على التنقل دوناً عن باقي الخدمات المشفرة الأخرى زي سكايب مسبب أزمة.
مو بالضرورة اللي يعتقد أنه في جانب ضار في موضوع معين صار خروف الله يهديك.

وربما حتى على المستوى الاجتماعي فيه وجهة نظر. وربما حتى على المستوى الإقتصادي فيه وجهة نظر. كل هذي أمور تدخل في الموضوع. إذا كان الأمر راح يضر إقتصادنا على المدى البعيد بشكل أو بآخر، هذا شيء لازم ينظر له بجدية.

لما أفرح أن شيء هامشي انمنع، لأن عندي سبب، أو أتمنى منعه وهو فعلاً هامشي، وعندي سبب، ليش الآخرين يزعلون؟ دينهم على المحك؟ حياتهم على المحك؟.

 

[Photon]

^
راح أجاوبك عن معلوماتي أنا .. مافي دولة بالعالم عندها صلاحيات لمراقبة خدمة بلاكبيري و جماعتنا اللي هنا أو بالإمارات هم أول ناس طلبوا ذا الشي و طبعا RIM رفضت .. أنت تقيسها من جانب اجتماعي و ديني و اقتصادي لكن أؤكد لك إنه نفعها أكثر من ضررها و اقتصاديا بالذات و قلت لك الدول الغربية ما منعت هذا الشي إلا لأنه بمصلحتهم و ما فيه ضرر عليهم ..

أنت تشوف الصورة بشكل أكبر لكني أراهنك إنه الخروف اللي بدون عقل قاعد ورا مكتبه و أصدر ذا القرار مايدري راسه من رجله و لما يدري ساعاتها يصير خير .. المهم عذرهم بايخ و مبهم كالعادة و لا جديد هنا..