رسميا Monster Hunter 2nd أول لعبة PSP تتخطى المليون باليابان

[Hwoarang]

هي كانت مسألة وقت عموما
http://ir.capcom.co.jp/english/news/html/e070306.html
لول الجزء الأول شوي ويوصل المليون

هو الجزء الثالث بيصدر على الـPS3 لكن مع أرباح مثل كذا على الـPSP مؤكد أن كابكوم راح تظل تصدرها على الـPSP حتى لو أنها انجبرت تصمم لعبة مختلفة تماما عن نسخة الكونسول


تحرير :
بالحقيقة كابكوم شحنت المليون نسخة على كلام الوصلة

 

[m7tram]

أخيرا لعبه وصلت للمليون باليابان شي يبشر بالخير 🙂 .

 

[gray fox]

تستاهل 🙂 ....صراحة ما توقعت النجاح الكبير لها ...توقعت اللي بياخذونها بيكونوا على الأكثر ثلاث ارباع اللي اخذوا الأولى !!

الأولى لحد الآن باجلها 40الف لتوصل المليون ...وبتكون الثانيه !


يله كابكوم ...وين ريزدنت ايفل ..ديفل ماي كراي ......أونيموشا !!

 

[Ash]

المليون عدد النسخ المشحونة , عموما ان شاء الله توصل هالرقم بالمبيعات .

 

[Mr.3B]

...

ما بغت !!!!!!!!!!!!!

 

[Gon freeces]

بهذي السرعة !

 

[Golden_Sun]

نادر ما يتخطى الجزء ثاني مبيعات الاول، صح؟ يعني اللي سوته مونستر هنتر انجاز!

 

[Futrus]

الحمدلله لازال فيه أمل طفيف في اليابان للألعاب الحقيقيه

 

[Final Fantasy]

الحمدلله لازال فيه أمل طفيف في اليابان للألعاب الحقيقيه

فعلا لأني خلاص كنت غاسل يدي منهم 🙂

 

[Nintendo]

واخيرا ..

الشئ الحلو بالموضوع .. اول لعبة تبيع مليون للبلايستيشن الاول هي ريزدنت ايفل الاولى .. للبلايستيشن2 لعبة اونوموشا .. للبي اس بي لعبة مونستر هنترز ..

كابكوم متخصصه باول مليون على اجهزة سوني بس ياريتها تعرف كيف تحافظ على ذا الشئ !!

لول اجل لمن يتغير وضع السوق الياباني ( اجهزة ننتندو تبيع اكثر ) نغسل ايدنا منه .. فعلا يازمن العجايب وش بقى فيه ماظهر .. ماودي اطلع من الموضوع بس ومبروك لكابكوم ..

 

[Futrus]

لول اجل لمن يتغير وضع السوق الياباني ( اجهزة ننتندو تبيع اكثر ) نغسل ايدنا منه .. فعلا يازمن العجايب وش بقى فيه ماظهر .. ماودي اطلع من الموضوع بس ومبروك لكابكوم

مايهمني مين مصمم اللعبه اللي قاعده تبيع بقدر مايهمني شنو الألعاب اللي قاعده تبيع وهل تستحق نسميها ألعاب 🙂

 

[Final Fantasy]

لول اجل لمن يتغير وضع السوق الياباني ( اجهزة ننتندو تبيع اكثر ) نغسل ايدنا منه .. فعلا يازمن العجايب وش بقى فيه ماظهر .. ماودي اطلع من الموضوع بس ومبروك لكابكوم ..

شنو دخل أجهزة نينتندو .. ؟


أصلا منو الي جاب طاريها و لمح لها !!

 

[Ash Storm]

مبروك لكابكوم هذا الإنجاز, الوحيدة الي عرفت تبيع على البي اس بي .. !

 

[Khalid-S]

مع انها فقط "الشحنات" لكن بالنهايه ابداع يا كابكوم على البي اس بي .. احس كابكوم الوحيده الي تشتغل على الجهاز ...

بالنسبه لـ(وضع اليابان المتدهور) من العاب النون جيمرز على قولة (بعض) الناس .... هذي اخر احصائيه من الميديا كريت ..

لعبة
لعبة
لعبة
لعبة
لعبة
لعبة
لعبة
لعبة
لعبة
لعبة

همممم ... كلهم العاب !!

 

[Nintendo]

لول مافي داعي خالد .. كلنا عارفين البير وغطاه 😉

بس ملاحظة بسيطه محمود .. انت المفروض تكون اخر واحد يتكلم عن مبيعات السوق الياباني بحكم انك محب للالعاب الار بي جي اليابانيه .. وكلنا نعرف ذي الالعاب وين تبيع ..

اسطوانة ( الالعاب و غير الالعاب ) هاذي الناس بطلتها من فتره ..