رسمـيـآ:: الامير سلطان بن فهد يوافق على استقاله البلوي

[BioHazard]

ولا حتى "تاجر كبير" أو "شخص صاحب نفوذ مالي أو اجتماعي"؟

هالكلام ايام زمان, ما اشوفهم يقولون شيخ الا على البلوي؟ ما فيه غيره يعني تاجر صاحب "نفوذ"؟ على العموم لا نطلع على الموضوع. 🙂

 

[king zell]

لول.. مدري شقول.. المشكلة في ديرتنا ما راح تطلع الحقيقة أبدا فما أحد راح يقدر يحكم

بإنتظار مباراة الفريقين الأسبوع الجاي ::

 

[ShinShadi]

كنت عارف إن كلمة " شيخ " رح ترفع ضغط البعض .. عشين كذا حطيتها .. تقدر تقول تسلية .. و منها "أقفط" الهلالين في المنتدى ::

المهم ..

طبعاً في تطورات كبيرة حصلت ... بكرة رح نشوفها في الجرايد .. كنت في النادي اليوم .. و سمعت كلام من هنا و من هنا .. و كلها أمور تبشر بالخير ..
يقولوا إن "الإقالة" جات من خارج رعاية الشباب ؟! و في الغالب بتكون الداخلية !! هذا غير الأخبار إلي تقول إن البلوي رح يجتمع بالملك قريباً ..
هذا غير إن الموضوع بالكامل طبخة هلالية .. و البلوي عنده أدله قوية جدا .. منها إسم مالك الطائرة الخاصة إلي أخذت كالون .. و إنه شخصية هلالية معروفة ..
بس خلينا نشوف يمكن يطلع الكلام صحيح .. شكله منصور راجع ثاني .. و رح نشوف مين كابوس مين 🙂 ..

على فكرة كالون بيرفع شكوى للفيفا بكرة ضد الهلال .. هذي من ضمن الأخبار إلي سمعتها و الله أعلم ..
و قال مليون ريال مقدم عقد .. من متى ؟! أول مرة أسمعها بصراحة ..

 

[Guns N Roses]

^
تقفط الهلالين لول ؟ ليش فيها شي اذا صار احد هلالي؟ .. انا هلالي وافتخر بعد. وبالعكس الي صار هو "تطهير" للكره السعوديه اذا كان الكلام الي صار "صح" عن البلوي. وانا متاكد بيكون فيه اثباتات قريبا. بس المساكين جمهور نادي "الجار" الي قوموا الدنيا .. خل يشوفون حالهم اول شي بعدين يشوفون مشاكل الغير.

 

[Khalid-S]

يا شباب كل واحد وله وجهة نظر. موقف الهلالي واضح عند جماهيره .. وبامانه اي نادي مكان الهلال بيسوي المثل .. لكن نفوذ الهلال في الاتحاد السعودي اقوى من بعض الانديه ... نفس الشي النصر نفوذه قويه جداَ مثل الهلال بالضبط ... اعتقد كذا السبب واضح للجميع.

بما ان نفوذه قويه .. بيكبر المشكلة ويخليها الحدث الاعلامي الاقوى على الساحة مع ان في امور المفروض تكون اهم مثل "المنتخب وفشله ومستواه السئ (اكيد مستانس انجوس)" وايضاَ " جائزة افضل لاعب في آسيا الي فيها لاعب سعودي" وكمان "قرعة آسياَ"

الى الآن محد يعرف الحقيقة .. ليش استقال منصور .. المنتديات تقول انه "خُلع" .. وهذا شي يمكن يكون صحيح ويمكن يكون لا لكن الاحتمال الاكبر في وجهة نظري انه غير صحيح .. مافي شي بالدنيا كذا يصير في مجرد يومين ..

ليش ما نقول ان فعلا منصور سوا الحركة هذي "ولا بالعقل ايش بيودي كالون جدة وهو في نفس اليوم عنده موعد لتوقيع اوراق وغيره" ... يعني بالعقل شباب بيجي واحد مشغول ولسه ما كمل يومين في البلد على طول بيروح يعتمر .. هههههههه العصفور ما يصدق السبب هذا كمان.

فعشان ما تزيد وسمعة منصور تصير بايخه لان احتمال كبير اذا ثبت كل شي عليه يتم خلعه .. قال اطلع بكرامتي افضل.

هذا السبب الي انا مقتنع فيه شخصياَ .. وضع الهلال حالياَ ما يسمح ابدا ابدا انه يسوي طبخه للاتحاد ... قدامه بطولة خليجيه ومباراة مصيرية بكره .. ولسه عنده الدوري والمباريات الملغيه عشان يلحقها .. النادي ميزانيته زفت .. اعضاء الشرف منقسمين لاحزاب .. سامي الجابر واعتزاله والرعاة مع مشاكل موبايلي الهلال في حق الرعاية ... مشاكل واضحة جداَ بين عبدالله بن مساعد ومحمد بن فيصل..

يعني ايش بيستفيد الهلال حالياَ اذا سواها .. هو يسويها وقد سواها على النصر وانديه كثير تسويها والتاريخ يشهد .. لكن وضع الهلال بالذات الشهرين القادمه ما يسمح ابدا.

في شي .. ايش هو الله يعلم ... يحق لجمهور الاتحاد انه يزعل .. ويحق لجمهور الهلال انه يزعل ايضاَ.

النادي له شهر يعد بلاعب اجنبي ثالث .. من زمااااااااان ما جانا لاعب .. كل ما راحوا لواحد ما تنجح الصفقه ... والآن باقي اسبوع ولسه ما عندهم لاعب ثالث !!! هههه هذا دليل ايضاَ ان الهلال مو في وقت "طبخه" لان اذا سواها بتأثر على جلب الاعب الثالث لضيق الوقت .. والهلال طلب بعد الحادثة انه يتأخر لكن تم رفض الطلب من الاتحاد السعودي .. يعني عندهم الى نهاية الاسبوع ولا ما بنشوف لاعب ثالث.


يعني الي حاب اوضخه ان الهلال ما له سبب مقنع اذا سوا الطبخه هذي .. كل الاسهم تشير على ان الاتحاد هو الي سواها .. وادله كثيره غير الاوراق ومركز الاتحاد في الدوري هذا الموسم وفشل صفقه الاجنبي الثالث لتدهور حالة الهلال اكثر واكثر ... ووعد البلوي انه ينتقم من كلام بندر بن محمد (كلام منتديات ما اعرف مدى صحته)

فشباب لا تنظرون الامور من طرف "الهلال ونفوذه في الاتحاد السعودي" في هذي المسئلة فقط .. لان الي شايفه انا ان ابدا مو في مصلحته هذا الشي يصير بالذات في هذا الوقت .. ليش ما يكون البلوي فعلا سواها .. عشان البلوي مو "آل سعود" قاعدين نتعاطف معه؟ بامانه البلوي وعقليته اكبر من نصف اندية الخليج ... وباستطاعته اختراق اي شي يريده بفلوسه + نفوذه الاجتماعية..

اما سالفة "الشيخ" مع منصور البلوي .. خخخ شباب خلو تفكيركم ابعد من كذا .. منتدى الزعيم والعميد او الاتحاد كلب الي فيه عقليات في الحضيض ما تكلموا عن هذي المسئلة نجي احنا نتكلم عنها لول.

 

[Xeno]

^

بلللللللل!

 

[Khalid-S]

ياخي هذا الهلال 🙁

اذا ما نكتب له كذا نكتب لمين.

 

[Double T]

قبل كم يوم كان يحكيني ولد عمي ( اتحادي ) عن السالفة .. و قلت له ان هذي راح تطير فيها روس خخخخخخ .. و فعلا كان البلوي اولهم ... يا ترى مين بعده لووووول 😀

 

[Nintendo]

edit : والله الهلال كابوس لكثير من الي ردوا بالموضوع ,, شي جميل والله

وابو ثامر كابوس لكل الهلاليين .. احتفلوا كم يوم من حقكم ..

احلى شئ سالفة تطهير للرياضه ههههههههههههه المشكلة كلنا نعرف مين هو السبب الرئيسي بمشاكل الرياضه عندنا باجماع ( الكل ) .. يعني مشكلة لمن نتكلم عن التطهير من ناس مايعرفوا معنى الكلمه اصلا ..

المفروض اللي بيته من هلال لايرمي الناس بالطوب .. عيييييييب ..

خالد طيب البلوي وش راح يستفيد من كالون ؟ الاتحاد عنده اربع محترفين مسجلين بالنادي .. كالون عرضوا عليه الهلال عرض والرجال رفضه ؟ مادري الشغله بالقوه لازم توقع معنا ؟؟ الرجال سافر لجده بعد مارفض عرض الهلال وذا الكلام من نائب رئيس الهلال بنفسه من خلال المؤتمر الصحفي ..

لول رجاءا يامحبي الهلال .. لاتخلونا نفضح التاريخ ( الطاهر ) اللي عندكم وخلوا الطابق مستور .. اذا على بالكم هذا منتدى الزعيم والناس راح تصفقلكم فاعرفوا تماما انه هنا فيه رجال بتوقف وتقول الحق اللي كل الناس تعرفه ..

باختصار اي اساءه لمنصور او نادي الاتحاد ثقوا تماما انها راح تنرد لصاحبها بكل قوه .. واللي يزعل من النقاش والحقائق نصيحه لوجه الله لايرد بالموضوع عشان لايزعل من بدري 🙂

 

[NSider]

خالد أنت ماخذ المسألة ببساطة زايدة. أنا شخصيا أشوف السالفة مستحيل تكون لا من جهة محمد بن فيصل ولا من منصور البلوي، لأنهم اثنينهم تضرروا ضرر كبير من السالفة، ومستحيل أي واحد فيهم يقدم عليها.

لكن لا تنسى أن الناديين فيهم تيارات مختلفة، كثير منها ضد الإدارة وتشتغل بطريقة مختلفة وغالبا من تحت لتحت. ممكن مثلا تكون من مسؤول اتحادي ما يحب البلوي (مجموعة كبيرة ومعروفة) يبغى يضرب عصفورين بحجر: يوهق الهلال ويتسبب بإقالة البلوي. أو ممكن شخصية هلالية تبغى تتسبب ببلبلة في الاتحاد اللي ماسك الصدارة في الدوري بدون هزيمة إلى الآن. ممكن أن كالون نفسه ما عجبته الصفقة وتراجع عنها، وراح جدة برغبته الخاصة عشان يبغى يفاوض الاتحاد على مبالغ أكبر.

 

[Khalid-S]

يوسف كل الاحتمالات جائزة .. واحتمالاتك ايضاَ احتمال كبير تكون صحيحة. مو في مصلحة الهلال انه يسوي هذا الشي ولا الاتحاد. الاتحاد عنده لاعبين اجانب كفاية واذا كان هو الي طبخ هذي الطبخه في عدة اسباب منها ذكرتها في الرد الطويل.

الي يضحك .. ان الاتحادين ماخذينها زياده حبتين .. مافي تصريح رسمي ان تم إقالة منصور البلوي. هو بنفسه استقال .. ايش صار بالضبط ما تدري. هم ألفوا وسوو من عندهم الفيلم هذا كله عشان الجميع يتعاطف معه. (الجمهور)

لا واحلى شي الي يقول "دخل واحد وقال خلاص مافي اجتماع تم اقالة البلوي" ... خخخخخ داخل قهوة في الشارع ولا اتحاد كرة رسمي؟

عمر لا تاخذ الموضوع بحساسية زايده ... صدقني .. البلوي راجع على الكرسي ... وانا اذكرك.

اما التاريخ الطاهر .. خخخخ هو في نادي بالعالم له تاريخ نضيف؟ اكبر اربع اندية في الدوري السعودي تاريخهم معروف. نضيف جدا جدا جدا.

 

[Nintendo]

خالد انت سعودي وتعرف الوضع عندا كيف .. يعني بالله عليك ( تستبعد ) انه يكون شخص دخل وقال الموضوع انتهى !!

عن التاريخ فالحمدلله فيه شئ احسن من شئ بكثثثثثثثثثثثثثثثثثثثثثثثثثثثثثثير 🙂 بس لانفتح الباب انا كنت بس برد علىا للي يقول تطهير وبطيخ .. عزك عزنا اجل ..

 

[Khalid-S]

هو ما استبعد عمر .. لول بس مافي اي دليل على هذا الكلام .. حتى اعضاء المنتديات "الكبار" ما نزلوه .. بل اعضاء اغبياء وتم تثبيت مواضيعهم ومنها تم تناقل الكلام هذا للصحف وغيره .. هذا دليل على مصادر اخبارنا الكروية الفاشلة .. جرائد من كلام منتديات.

حتى الي قراته .. ان البلوي حضر التدريبات .. ما ادري اذا الكلام صحيح .. بامانه ما اعتقد ان اصلا البلوي قدم استقالته على ورق .. كله كلام طلع من لسانه لكن عندي احساس ان على ورق ما صار اي شي .. ولا تم الاتصال بالامير سلطان بن فهد ولا غيره هذا ايضاَ كلام منتديات.

هههه هو في شي احسن من شي ... بس انا اقصد بالتعميم .. كلنا في الهوا شوا. وهذي هي الكورة في العالم كله مو بس عندنا .. اقوى دواري في العالم عندهم اشياء مثلها واقوى ... اصلا مو بس في الكورة .. في اي شي بالدنيا تحصل تلاعب وتبضبيط تحت الطاولة.

اما التطهير .. خخخ مع احترامي يا جماهير الهلال الي هنا ... لو نبي تطهير .. لازم نسوي تطهير شامل ... يشمل الاتحاد السعودي وجميع الاندية الي تحته. والي سواه البلوي الآن او سابقاَ هو لمصلحه ناديه واي رئيس ناد بيسوي المماثل لناديه.

الانديه الاخرى وجماهيرها حاطه مايكروسكوب على الهلال وعلى اخطائه والاعيبه ... والاتحاد السعودي حاط مايكروسكوب على بعض الاندية ويتجاهل اندية ثانية (مو ناد واحد بل اندية)

 

[Nintendo]

خالد خذها مني ( شخص قريب من النادي ) البلوي تم اقالته .. يعني بالعقل خالد واحد بعد مشكلة كالون يطلع وينفي اي دخل له بالموضوع وثاني يوم يعلن استقالته .. مره ماتجي 🙂

 

[Guns N Roses]

مع احترامي... اي واحد يحاول يزرع التعصب الرياضي , والحساسيه.. وينشال هذا اسمه "تطهير" ..سالفة برشلونه ولابورتا ... و سالفه جواد الزايري.. والحين كالون ..كله زرع للتعصب الرياضي .. الحين ناقش اي نصراوي او اتحادي.. عن اي شي في الكوره .. وش يرد عليك "ابو ثامر قاعد في قلوبكم"" الخ .. هذا اسميه تعصب .. على العموم انا قلت اذا كان الكلام الي طلع عن كالون "صح".

خالد انا مابرأت احد .. وياليت يتم تطهير شامل .. ماتدري .. يمكن هذي البدايه .. زي ماقال المثل "بدايه الخير قطره؟"

 

[ShinShadi]

خالد .. في مصلحة أهم للهلال من خروج منصور البلوي من رئاسة الإتحاد ؟! ذا واقف في حلقهم أكثر من أيام عبد الرحمن بن سعود رحمة الله عليه ..
أو خلينا نكون واضحين واقف في حلق بندر بن محمد .. هو إلي مقروص صح من منصور البلوي .. بعد إلي سواه فيه رغم وضعه الإجتماعي المعروف ..

و بعدين إش حكاية التطهير هذي .. فين جالسين إحنا ؟!

و البلوي أقيل سمعتها بإذني من حامد البلوي أمس في النادي .. هذا غير إن المحامي عمر الخولي ذكرها في بنامج كل الرياضة ليلة الإقالة ..
و لا تستغرب عزيزي خالد .. هذا إلي صار .. زي ما ذكر عمر الخولي محامي منصور البلوي إلي حضر إجتماع اللجنة الرباعية في جدة ..

تقفط الهلالين لول ؟ ليش فيها شي اذا صار احد هلالي؟

ما فيها شي أبدا .. بس حبيت أعرف الهلاليين من غير ما أسئل .. و هذي أسهل طريقة ..

اما سالفة "الشيخ" مع منصور البلوي .. خخخ شباب خلو تفكيركم ابعد من كذا .. منتدى الزعيم والعميد او الاتحاد كلب الي فيه عقليات في الحضيض ما تكلموا عن هذي المسئلة نجي احنا نتكلم عنها لول.

تكلموا فيها إلين شبعو .. دا وصلت للتلفزيون نفسه .. أيام ما كان البلوي مدير الكرة .. بس تعرف أنا أتفق معاك في مدى تفاهات الموضوع ..
و أضحك كثير على الناس إلي تتفاعل مع الكلمة هذي " شيخ " .. بس قول الشيخ منصور و شوف كم واحد يطلع .. أمر مضحك فعلا

 

[Khalid-S]

عمر مره ثانية. في الف سبب لاستقالته ومو شرط اقالته .. لان انا الى الآن مو مصدق ان اليوم الي بعده يتم اقاله ... ما ابي اذكر اسباب وخرابيط استقالته .. ننتظر ونشوف.

باذن الله .. اتمنى الكرة تعود شريفه .. تحس مافي امل بس .. يمكن ينزل الفرج.

 

[Khalid-S]

فيجا .. اما ما اصدق الكلام هذا ... بالله بالعقل اذا تم اقالة البلوي لهذا السبب مثلا ... بالله ما يقدر يوصل الدعم للنادي؟ مافي فايده اصلا .. البلوي بيكون حي يرزق في هذي الارض .. في جدة .. اتحادي وحاط الشال الاتحادي وجالس مع اعضاء الشرف يسولف حتى لو ما كان منهم ... يعني ليش الهلال يوصل المسئلة لدرجة ان اضرارها قاعدة تصب فيه ايضاَ .... اضرار كثيرة جدا جدا وخطيرة.

 

[Nintendo]

مع احترامي... اي واحد يحاول يزرع التعصب الرياضي , والحساسيه.. وينشال هذا اسمه "تطهير" ..سالفة برشلونه ولابورتا ... و سالفه جواد الزايري.. والحين كالون ..كله زرع للتعصب الرياضي .. الحين ناقش اي نصراوي او اتحادي.. عن اي شي في الكوره .. وش يرد عليك "ابو ثامر قاعد في قلوبكم"" الخ .. هذا اسميه تعصب .. على العموم انا قلت اذا كان الكلام الي طلع عن كالون "صح".

خالد انا مابرأت احد .. وياليت يتم تطهير شامل .. ماتدري .. يمكن هذي البدايه .. زي ماقال المثل "بدايه الخير قطره؟"

لول احلى شئ انه ودك تربط المشاكل اللي صارت للرياضه السعوديه فقط من وقت ظهور البلوي ..

اخوي لو ماتعرف تاريخ الكره السعوديه رجاءا لاتناقش اصلا .. لانه واضح جدا انه ثقافتك بالرياضه السعوديه لاتتعدى موضوع مثبت بمنتدى ( الزعيم ) ..

لو ماتعرف تاريخ وفضايح الهلال على مر الزمن لاتتكلم عن البلوي .. حبيبي البلوي كان بيرد جزء بسيط من ديون الهلال لباقي الانديه السعوديه وعشان كذا وقفوا للرجال .. اذا ببتكلم عن لابورتا ( وترى ايتو جاء الاتحاد من قبل الهلال مايعرف مين هو برشلونه اصلا ) .. ارجع بالتاريخ وشوف وش صار للهويدي وبشار عبدالله وارثر جورج والدعيع والخ الخ من الصفقات اللي تحت الطاوله .

ارجع للحكام وشوف الفضايح لمن يجي رئيس نادي يعترف بانه كان يتلقى مساعدات من الحكام ولا احد يقدر يكلمه .. صدقني اذا ودك نفتح ذا الباب محد بيطلع خسران غير محبي الهلال .. عشان كذا من ردي السابق وانا اقول نخلي الطابق مستور احسن 🙂

لو ودك تتكلم عن التطهير فاول خطوه للتطهير المفروض ازالة النادي الاوحد لدى الاتحاد السعودي لكرة القدم وبعدها يمكن الوضع يتحسن .. عموما البلوي ان شاء الله راجع .. ويمكن التطهير لو كان عندنا اكثر من بلوي بالانديه السعوديه 🙂

 

[king zell]

اما التاريخ الطاهر .. خخخخ هو في نادي بالعالم له تاريخ نضيف؟

لو سمحت خالد لا تدخل الإتفاق بالسالفة

 

[Humam]

الله يعز الوحدة.. طول عمره نادي على قد حاله و مادخل في مشاكل مع احد.. تاريخه يلمع.

 

[king zell]

الله يعز الوحدة.. طول عمره نادي على قد حاله و مادخل في مشاكل مع احد.. تاريخه يلمع.

عميد الأندية الوحدة

 

[Nintendo]

عميد الأندية الوحدة

هههههههههههههههههه

شكلك تدخل منتدى كوره كثير محمد ..

 

[king zell]

ابي أغير الموضوع :yuck:

 

[Dante]

لول احلى شئ انه ودك تربط المشاكل اللي صارت للرياضه السعوديه فقط من وقت ظهور البلوي ..

اخوي لو ماتعرف تاريخ الكره السعوديه رجاءا لاتناقش اصلا .. لانه واضح جدا انه ثقافتك بالرياضه السعوديه لاتتعدى موضوع مثبت بمنتدى ( الزعيم ) ..

لو ماتعرف تاريخ وفضايح الهلال على مر الزمن لاتتكلم عن البلوي .. حبيبي البلوي كان بيرد جزء بسيط من ديون الهلال لباقي الانديه السعوديه وعشان كذا وقفوا للرجال .. اذا ببتكلم عن لابورتا ( وترى ايتو جاء الاتحاد من قبل الهلال مايعرف مين هو برشلونه اصلا ) .. ارجع بالتاريخ وشوف وش صار للهويدي وبشار عبدالله وارثر جورج والدعيع والخ الخ من الصفقات اللي تحت الطاوله .

ارجع للحكام وشوف الفضايح لمن يجي رئيس نادي يعترف بانه كان يتلقى مساعدات من الحكام ولا احد يقدر يكلمه .. صدقني اذا ودك نفتح ذا الباب محد بيطلع خسران غير محبي الهلال .. عشان كذا من ردي السابق وانا اقول نخلي الطابق مستور احسن 🙂

لو ودك تتكلم عن التطهير فاول خطوه للتطهير المفروض ازالة النادي الاوحد لدى الاتحاد السعودي لكرة القدم وبعدها يمكن الوضع يتحسن .. عموما البلوي ان شاء الله راجع .. ويمكن التطهير لو كان عندنا اكثر من بلوي بالانديه السعوديه 🙂

يبقى الكبير كبير

 

[Nintendo]

يبقى الكبير كبير

لول هاذي ردود جماهير الهلال ..

يبقى الكبير كبير .. لانه الزعيم .. الخ الخ من الكلام اللي يثبت وللاسف ............ لول خلنا ساكتين احسن عشان لحد يزعل ..

ولكن ثاني مره لمن تجي تناقشون بالكوره خصوصا اذا كان الطرف الثاني نادي الاتحاد هنا بالمنتدى .. اما تكون عندكم ثقافه كرويه ومعلومات جيده او بلاش من النقاش بالاصل .. لاتضيعون وقتنا وتخلون الناس يضحكوا علينا وخلوا كلامكم بمنتدى الهلال اصرف ..

 

[Guns N Roses]

^ حبيبي ننتندو اسلوب "المهايط" في الردود راح وو لى 🙂 من عام 1414 ,,,

على العموم على كلامك عن تاريخ الكره السعوديه "يالفاهم" واني ما اعرفه.. هل قلت انا في رد لي

ان الهلال بريئ؟ بالعكس انا قلت بدايه الخير قطره. انا تكلمت عن الفتره الاخيره . الي قلب الشارع

الرياضي لتعصب اعمى , لاسباب كثيره من ضمنها البلوي.

وعن سالفة ان البلوي راح يرجع جزء من دين الانديه؟ اي دين بس؟لايكون النصر؟ الي حالته لا

يرثى عليها , وماصدق خبر "حاول" يمسك اي شي عن الهلال في الفتره الاخيره لتغطيه فضايحهم

يعني ان شفت جماهير النصر "يطبلون" لكم لاتحسبها شي يجيب الفخر.

وعن ازاله نادي الهلال على كلامك 🙂 حبيبي الهلال بطولاته تتكلم عنه.. تبي تقول الاتحاد

السعودي ... الخ ... طيب . البطولات الاسيويه؟ الرقم القياسي في البطولات الاسيويه. ولى الاتحاد

الاسيوي يتعاطف مع الهلال بعد؟ على العموم يالله باقي لكم على ماظن 3 او 4 بطولات عشان

تعادلون الهلال.

اخوي اتمنى عدم الاستفزاز بردودنا 🙂

 

[Nintendo]

اخ اسم طويل

لمن تبدا تستفز وتقعد تقول انه هاذي بداية تطهير الكره السعوديه على كلامك فالمفروض تكون انسان واعي وتحاسب على كل كلمه قبل لاتقولها لانه فيه ناس ( فعلا ) تفهم بالكوره مو خريجي منتديات فقط ..

وعن سالفة ان البلوي راح يرجع جزء من دين الانديه؟ اي دين بس؟لايكون النصر؟ الي حالته لا

يرثى عليها , وماصدق خبر "حاول" يمسك اي شي عن الهلال في الفتره الاخيره لتغطيه فضايحهم

يعني ان شفت جماهير النصر "يطبلون" لكم لاتحسبها شي يجيب الفخر.

لول اي دين .. تتذكر نهائي محمد النزهان وابو زنده .. ولا نرجع للتاريخ لورى كثير روح شوف نصف نهائي كاس الخليج بين الهلال والاتفاق .. ولا مسخرة الهلال والاهلي بالموسم الماضي .. التاريخ حااااااااااااافل بالفضايح اخوي سواءا مع النصر او غيره ..

والشئ الرهيب انه الموضوع داخليا فقط .. وياخر 10 سنوات الهلال خارجيا حدث بلاحرج .. ولا بطوله ونتائج تفشل والسؤال ليش .. لول انت اكيد ادرى ..

وعن ازاله نادي الهلال على كلامك حبيبي الهلال بطولاته تتكلم عنه.. تبي تقول الاتحاد

السعودي ... الخ ... طيب . البطولات الاسيويه؟ الرقم القياسي في البطولات الاسيويه. ولى الاتحاد

الاسيوي يتعاطف مع الهلال بعد؟ على العموم يالله باقي لكم على ماظن 3 او 4 بطولات عشان

تعادلون الهلال.

لول بطولاته تتكلم عنه = نفس ردود الهلال هو الزعيم .. واللي يعرف حقيقة نص ذي البطولات المفروض مايتفخر فيها لانه محد بالدنيا بيفتخر بالسلب والنهب وعلى عينك ياتاجر ..

حبيبي يوم تتكلم عن منصور البلوي وتقول ازالته تطهير للكره السعوديه .. خلنا نشوف وش حقق منصور خلال اربع سنوات /

- بطولتي كاس اسيا
- بطولة العرب
- المشاركه القوية بكاس العالم

نجي نشوف وش حققت منتخابتنا وفرقنا الثانيه بالمملكة .. لول ماحققوا اي شئ .. يعني منصور البلوي وعبر الاتحاد هو اللي رافع راية الوطن فوق وبشكل يشرف ..

الحمدلله اذا ببتكلم عن الانجازات ابو ثامر تاريخه ابيض من البياض .. ولو المنتخب والاتحاد السعودي يدار من ناس مثل ابو ثامر كان شفنا نتائج افضل لفرق المملكه ومنتخباتها بكل الفئات السنيه بدل الفضايح اللي قاعدين نشوفها حاليا ..

ولكن للاسف مشكلتنا اننا نناظر بعين وحده فقط .. وماضيعنا غير ذا الشئ والفئه اللي تمشي خلفها ..

 

[Khalid-S]

عمر معليش تراك عديت بعض الحدود.

الهلال له حركات وتجاوزات .. والي ينكر هذا الشي هو كذاب .. لكن من كلامك كأنك خليت كل انجازات الهلال نصب واحتيال؟؟ ايش هذا الكلام .. رجاء احترم النادي ومشجعينه على الاقل .. محد تكلم عن نادي الاتحاد هنا .. تكلمنا عن منصور البلوي فقط.

الهلال له بطولات وله اساطير كانوا خلفه انجزوا هذا الشي .. ورجاء لا تمسحها بكم بطولة اخذها بشكوك.

مثل ما الهلال له .. ترى عليه (يمكن قليل) .. لكن اندية اخرى كمان سوفت نفس الشي داخليا وخارجياَ "الاوروبيه" (بالكم الهائل) .. والكثير الكثير الكثير منهم يشجعها هنا بالمنتدى ويقعد يمجد فيها...

ياما شفنا اهداف تدخل باليد في البطولات الاوروبيه .. ياما شفنا الغاء اهداف صحيحه ... وشفنا كثير جدا .. لكن لمن تجي على الهلال تقومون تخلونها قصة كبيرة.

45 بطولة تقريباَ مسحتها بكم بطولة ... معليش لكن خليك انت واقعي .. واذا كنت تفهم بالكره المحليه اكثر من البقيه لا تدخل تعصبك فيه.



اتمنى الموضوع هذا ما يوصل لنقاشات خارجيه ومالها دخل .. اليوم الرابع او الخامس وما طلع اي شي رسمي حتى الآن ...

 

[Nintendo]

خالد انا ماجمعت كل بطولات الهلال واعتقد قلت بردي نص ذي البطولات لتكبير الموضوع 🙂

وليش تروح للانديه الاوربيه وغيره .. انا لي بداخل بلدي .. الحمدلله مافي اي كلام حول بطولات باقي الانديه ..

لول وانا قلت من اول الموضوع .. اللي ماعنده حقائق ولا عنده اثباتا لايفتح باب النقاش من البداية .. ولكن اذا بتفتحوه اجل عاد كل واحد يستحمل 🙂