ردة فعل ننتندو حول خدمة HOME من سوني

[Aoks]

ردة فعل ننتندو حول خدمة HOME من سوني

 

[Justice]

بصراحة سوني عرفة كيف تجمع الجمهور
اجمعة ثلاث اجهزة في جهاز واحد فكرة الايف والوي والسوني نفسة

 

[Nintendo]

اهااا فيصل يعني تسوي شخصيتك وتحفظها بالجهاز وتدخل بيها بالعاب المولتي بلير ماتشبه فكرة الMii ؟

لول ليش اتعب نفسي وارد على الموضوع ............

 

[ASWD]

http://www.sp-studio.de/

 

[persona]

وهل نقدر نقول نتيندو باقت فكره لعبه سيكند لايف؟سمز؟ نتنيدو تبوق أفكار ألعاب السمز؟!؟

الأفكار مو حكر على أحد..

نتندو سوت واقع أفتراضي لكن أنصدمت بتواضع هالواقع الافتراضي mii جدام خدمه home لسوني

فطلع هالتصريح ...

هي موب سالفه منو فكر أول ..هي سالفه منو قادر يوصل الفكره للأفضل ..هذي هي..

 

[AMG]

هممم الي اقدر اطلع بيه من الموضوع ان سوني سوت فكرة جديدة وهي انها جمعت افكار الشركات الاخرى في مشروع كبير . اعتقد هذا يريح الجميع

 

[Humam]

لول ياخي مدري ليش البعض مصر ان سوني سرقت فكرة الMii.. طيب نفترض جدلا ان سوني سرقتها.. يلا سوني معليش حرامية بس على الأقل ذي المرة شي رهيب..لكن تجي ننتندو تقول فكرنا في نفس الفكرة بس رفضناها ؟ ههههههههه ياخي هذي كثر منها بقوة..

يعني ننتندو فكرت في عالم افتراضي تسوي فيه شقة لحالك وتجمع اصدقائك وتسمعم ملفات الصوت والفيديوهات الHD وتروحوا السينما وتروحوا لمحل بيع الأغاني وتشتروا منه ووو الخ ؟ معليييييش ! ياخي انا ممكن اكذب ان سوني ما بدات العمل عليه من سنتين ونصف ( رغم انه شي منطقي ) لكن مافي امل اصدق ان ننتندو فكرت في نفس الشي بس ألغته..

على العموم هو شي جميل ان كل شركة عندها شي مختلف و مميز .. الواحد صار يحس أنه صعب يقتني جهاز واحد او اثنين صار لابد من ال 3 كلها.

 

[Nintendo]

اخ ذا ليجند .. الحين نحنا نعطي العضو باند عشان يقوم اي شخص يعرفه ينقل كلامه لنا ؟ اجل ايش لزوم الباند ؟ نحنا وقفنا الشخص من المشاركه ( مش العضويه فقط ) ..

تم تحرير ردك واتمنى ذا الشئ مايتكرر مستقبلا ..

 

[Super Shadow]

سوبر شادو انت تهين الشخصيه 🙁 ..

لووول عشان أعبر عن حزني و أن السالفة ما تستاهل كل هذا :yuck:

افضل رد في الموضوع:cooool:

تسلم :yuck:

____

عموما شباب

أنا أقول لو الموضوع ينغلق أحسن :roll:

لأن لو تكلمنا عن سالفة السرقة و الخ ما بنخلص

 

[Kratos]

سوني سياستها beat them in their own game ..
ليش يتعبون أنفسهم و يصرفون ملايين الدولارات على تطوير فكره .. مادام فيه شركة ثانية بتدفع التكاليف لها ..
سوني بعد كذا تاخذ الفكرة تطورها و تحسنها ..

الي بيشتري الجهاز ما بيطالع و الله مين الي إخترع الفكره أول شي ..
بيشوف أي فكرة تطبيقها أحسن و أفضل

إذا بنستخدم المنطق ذا نفسه مع كل شي .. نينتيندو سرقت من مايكروسوفت فكرة الأونلاين بـ One ID و الـ wii points .. مايكروسوفت سرقت الأون لاين حقها من العاب الـ PC

كل شركة بتطلع سارقه شي .. لكن هذا مو مهم
المهم هو التطبيق ..
يعني قبل الـ Home فيه أحد كان متأمل شي من الـ PSN؟ .. لا
بعد ما نزلت سوني الـ Home غطت على شبكات المنافسين ..

عاد بعد ما تطلع نتايج الـ Home يمكن نشوف مايكروسوفت و نينتيندو يطبقون نفس فكرة الـ Virtual Reality .. هل بذاك الوقت راح يسرقون فكرة سوني ؟

 

[M 7 L]

وهل نقدر نقول نتيندو باقت فكره لعبه سيكند لايف؟سمز؟ نتنيدو تبوق أفكار ألعاب السمز؟!؟

الأفكار مو حكر على أحد..

نتندو سوت واقع أفتراضي لكن أنصدمت بتواضع هالواقع الافتراضي mii جدام خدمه home لسوني

فطلع هالتصريح ...

هي موب سالفه منو فكر أول ..هي سالفه منو قادر يوصل الفكره للأفضل ..هذي هي..

عليك نور يا حبيبي . . . هذا الكلام إلي كنت باقولة حرفيّاً والسالفة مو أكثر من كذا يعني لو بتقعد تحصر كل فكرة من وين ما راح تشوف إلا فكرة من ألف فكرة تكون جديدة 100%

وهنيئاً لكم الـ Home :cooool:

بصراحة أنا ألحين متحمّس جداً للجهاز والـ Home سبب مقنع جداً إني أشتري الجهاز الأوروبي . .. .

 

[Mesharey]

ردة فعل ننتندو حول خدمة HOME من سوني

العنوان لوحده كافي ان بالموضوع في نقاش طويل :yuck:

عموماً .. سوني سرقت ولا لأ .. المهم ان عندها خدمة اونلاين ممتازة الآن ..
المستغرب منه ان ننتندو تقول ان عندها نفس الفكرة قبل سنوات ورفضتها .. طيب ليش :slant:

 

[The Doctor]

معليش بس الصراحة التصريح ماله داعي بقووووووووة... اللي خلاني اضحك على التصريح هو سالفة ان ننتندو فكرت في نفس الخدمة بس لكن كنسلتها... مادري بس التصريح، حسيته Not like Nintendo

و في ردود اقل وصف لها انها "مسخرة"

 

[The Heartless]

عليك نور يعني صراحه شيء صعب لأننا اغلبيتنا اشترو 360 يعني راحت عليك ياسوني

يعني انا كنت سوني فان لكن سوني راحت خياس صار لها ازمه قويه رحت للإكس 360 وشفت

العجايب وشريته بالسلف والحاله والحين سوني توها جايه تعلن عن الخدمه .

لا ياخوي كان نطرت قبل لاتحول للاكس بوكس الي ماخذه بالسلف :cryy: سوني راح تروح فيها اذا مارديت لها :cryy: :cryy:

والله في ردود مسخره ماتوقعت اشوفها الا بمنتدى المنتدى ... الصراحة ترو جيمنج يبيله تصفية

 

[THE-LEGEND]

The Heartless ترا هذا مو انا اللي رديت هذا واحد مخترق عضويتي

وبليز لاتاخذ عني اي فكرة سيئه والحين امسح اي رد مايعجبك

 

[Mista Koo]

والله في ردود مسخره ماتوقعت اشوفها الا بمنتدى المنتدى ... الصراحة ترو جيمنج يبيله تصفية

هذي ردود Dr.Silence اللي مطرود حاليا.. هو إحتل عضوية THE-LEGEND اللي عرفه عالمنتدى!
بعدين ما أختلف معاك إن منتدى المنتدى رايح فيها حاليا.. بس ما يصير تجرح فيه كذا مباشرة :\

 

[The Heartless]

هذي ردود Dr.Silence اللي مطرود حاليا.. هو إحتل عضوية THE-LEGEND اللي عرفه عالمنتدى!
بعدين ما أختلف معاك إن منتدى المنتدى رايح فيها حاليا.. بس ما يصير تجرح فيه كذا مباشرة :\

زين خلهم يعدلون الردود او يحذفونها

بالنسبة للكلام عن منتدى المنتدى انا ماكنت اقصد السوء , منتدى المنتدى من المنتديات الممتازة لكن يعيبها نسبة الي مايفهمون بالفيديوجيمز الكبيرة مثل ماتقول , عالعموم حصل خير ولا يزعلون اعضاء المنتدى اذا كانوا يقرون

 

[Isaac]

The Heartless ترا هذا مو انا اللي رديت هذا واحد مخترق عضويتي

وبليز لاتاخذ عني اي فكرة سيئه والحين امسح اي رد مايعجبك

لولز



+ لول كبيرة على تصريح نينتيندو ... " الغيرة وماتسوي" 😉

 

[Final Fantasy]

لول نينتندو ...

 

[Humam]

4 صفحاااااااااات.

 

[Koshiro]

اكثر شيء يدهشني في عالم الفيديو جيمز انه مايتغير تغيب سنتين تلقى نفس القصص تتكرر بس بشكل ثاني

 

[mario0o]

لوول

(عشرة حروف)

 

[Double T]

ودي اعرف ايش الي قاهر العالم ... اذا كانت الفكرة عند نينتيندو و ما عجبتهم ليش طيب يتكلموا الحين و الا بس كذا خلاص لازم نخرب على سوني .. سوني الي سارقة كل شي عن نينتيندو

ما اقول الا " الي ما يطول العنب حامض عنه يقول "

 

[Leon]

معليش لكن كلام زي هذا ومن نينتندو كمان ؟
أوكي نينتندو أبدعت في Mii , مايكروسوفت أبدعت في Live , ليش مانقول إنه سوني (أبدعت) في Home ?! , صحيح إنه الأفكار مشابهة لكن مانقدر نقول إنه سوني ( سرقت ) الأفكار , لأنه أصلا في أفكار جديدة !! الكل راضي ومعجب بشكل كبير بالHome ..
وتبغوا الصراحة طفشت من حكاية إنه سوني سرقت وسوني ماني عارف إيش ..

 

[Zero]

للأسف في ردود كثيرة غير منطقية ، وأحس أن في ناس يدوروا على سوني أي شي سلبي علشان يعيروها به !

من أغلب الردود تحس : سوني ما تفهم .. سوني تسرق .. سوني ما عمرها جابت شي جديد .. سوني كذا وكذا .. خلاص مو عاجبك الـPS لا تاخذه ولا تلصق فيه ما ليس فيه !

 

[Soliden]

طبعًا ما أحب أخوض في هذا النوع من النقاشات, ولا لي بال أجاريه, بس العضو Hardmetal (مو مسجل هنا) طلب مني أنقل تعليقه لكم, وهذا هو:

شباب, كنت اتمنى لو ان نينتندو سكتت وماتكلمت لانها بهذا التصرف اكدت على قوة هذه الخدمة والا لماذا لم تتبناها طالما هي اول من فكر بها وطالما ان اللاعبين باختلاف ميولهم " وهذا شي غريب جداً خصوصاً اذا كان محور الحديث عن سوني " ابدوا اعجابهم بل ان الكثير قد تبدلت اراءهم من بعد ماكنت سوداوية على كل مايذكر حيال جهاز البلايسيتيشن 3 وبسبب ماذا؟ بسبب خدمة home .

اساس اي شيء هو قوة الجهاز , فالجهاز القوي يجعل الخيارات المتاحة للشركة كثيرة ومتعددة مما يسمح لها بتقديم افكار جديدة أو تقليدية " سرقات كيفما يحلو للبعض " جاهزة مع اضافة لمسات مميزة لها لكي تتبلور على الجهاز لهدف واحد فقط وهو تحقيق مايطلبه المستهلك.

الغريب في الموضوع, ان معظم لاعبي الاجهزة الاخرى ماعدا البلايستيشن يؤكدون على ان اهم شي يراه لاعب الفيديو جيمز هي الالعاب أما الترفيه فهو امر غير ضروري في حين ان الاعجاب قد سطر كلماته تجاه خدمة home والتي تعتبر جانب ترفيهي.

 

[Torpedo]

Home = Lag
Live = Lag
Mii = not yet

و في النهاية كلها ما شفنا منها اي شي عدا الـLive الشي الوحيد الي يستاهل تاخذه من الثلاثة ، صحيح اني متعصب لننتندو ، بس الـ Live بالفعل wow .. و الـMii = للحين غباااااااااااااااء .. و الـHome اشوفه أقل من الي كنت متوقعه بكثير (الـhype و ما يسوي ) و مثل ما قلت لما نوصل لزمن ما يكون فيه Lag يصير خير 😉

 

[AMOR]

موضوع غريب ... في ناس ماخذته بجدية زايدة و اشوف اراء من خارج المنتدي P:...
تراه مجرد كلام لا يودي ولا يجيب يمكن ننتندو غايرة يمكن قالت خل نصغر هذا الشي في عيون العالم يمكن و يمكن و يمكن ...
الشي اللي انتظره ردة فعل مايكروسوفت و كيف بتتجرأ تاخذ فلوس على اللايف بعد كل هذا P:...

 

[Aoks]

Home = Lag
Live = Lag
Mii = not yet

و في النهاية كلها ما شفنا منها اي شي عدا الـLive الشي الوحيد الي يستاهل تاخذه من الثلاثة ، صحيح اني متعصب لننتندو ، بس الـ Live بالفعل wow .. و الـMii = للحين غباااااااااااااااء .. و الـHome اشوفه أقل من الي كنت متوقعه بكثير (الـhype و ما يسوي ) و مثل ما قلت لما نوصل لزمن ما يكون فيه Lag يصير خير 😉

هذا اتصالك التعبان الله يسلمك 😉

 

[Torpedo]

الشي اللي انتظره ردة فعل مايكروسوفت و كيف بتتجرأ تاخذ فلوس على اللايف بعد كل هذا P:...

لأنها تقدم الخدمة الأفضل D: