هو كنت متوقع حلقة هذا الاسبوع راح تكون اخلف من حلقة الاسبوع الماضي .. بشوي 🤏 .. بس ..
آخ من طلعت هذه اللقطة اني
واحد كان من تسائلاتي من الحلقة السابقة كان هو الطفرة الي تصير بالوقت ... في نوعين صار الاول من تحت بالانفاق من انتقل مباشرة لمدخل البرج ولحد الان ما عرفنا اي شي بخصوص هذا الشي
الثاني عرفنا من هذه الحلقة انه بسبب كل ما يتم الاستحواذ علية سوبارو ما يعرف شنو الي صار خلال هذه الفترة
ايضا الحلقة 1000000/10 لانه شفنا ايلزا بدون
بس بعيد عن المزاح احس ميلي مو سوبارو هي الي المفروض تنجن ومن زمان بسبب كابيلا
يا اخي فوق المصيبة اداء اوي يوكي مرعب مرعب
مرعب
...
هو بصراحة الي اريد اتكلم عنها حلقة الاسبوع السابق مو هذا الاسبوع ... بس دقيقة لازم اروح اعمل شي اول ..
عدنا
حلقة تسعة كانت عذاب نفسي فعلا
يعني اني نصف الحلقة وكنت اريد اطفيها لانه تعبت الى ان ايميليا و بعدها شاولا عدلو نفسيتي 🥰 اتكلم جد كانت ثقيلة و مرهقة نفسيا
اول شي بربكم اي شريف بيكم يذكرني انه ما اجي اشوف حلقات ري زيرو واني جالس آكل
لول الحلقة اغنية بداية ونهاية طلعت بيها .. وهذا اكبر نعمة واكبر عذاب لانه احلى شي من تسمعهم بس حسيت الحلقة قصيرة 🥲
باتراش از ذا غوت 🔥 او بالاحرى
از ذا دراغون 💪 🫶
طبعا بالبداية الحلقة حطمت كثير من التوقات الي بنيتها بعد الحلقة 8 .. ما ارح اذكرها كلها بس يعني اهمها توقعت تحول شاولا نهاية حلقة 8 انها راح تقتل سوبارو تالي نقذته من الدودة
بس كنت محق بسالفة السلالم انه هنا سوبارو متاثر بالميازما وقدرت استنتج هذا الشي من الpv حق الحلقة
هو اظن كل الي جالس يصير بسبب الجشع ..
يعني انهم طلعو بالافتاحية مو اعتباطا هذا الشي .. وايضا آخر لقطة من الافتتاحية المكان الي به سوبارو وامامة ريم الناس من نزلت ذكرو انه هذا انفس المكان الي يطلع للحظة من تحولت روي .. وايضا اخر صوت آخر جملة من سقط سوبارو بالموته الاولى كان صوت روي .. يب احنا نقدر نميز هذا الصوت بسهولة لانه نفس مؤدية روكسي من موشكو و مونا من غينشن
بس طبعا لحد الان ما عارف شنو الي جالس يصير بالضبط .. هل تفاعل معاها من احد الكتب من المكتبة ام انها موجودة معاهم متنكرة ؟
يعني سالفة ريم يخليك تقول انه ممكن متنكرة بيها بس كيف هذا الشي؟ من طلعو من قصر روزال للان ريم معاهم وكانو بعربة وحدة فكيف بدلت الاماكن معاها او حتى اذا تسللت معاهم؟ هل هي وحدها موجودة ام الباقين راي و روي موجودين ؟ هل الي تلبس بسوبارو احدهم ؟ او حتى تلبس بريم من بعد ؟ تبا الكثير من الاسئلة
... دقيقة .. واني اكتب طخت فكرة ببالي .. معقولة تحولت حمامة ؟
عدهم هذه القدرة ؟
ريم او ايا كان قبل ما تقتل سوبارو قالت له "حاول تخمن صح المرة الجاية ايها البطل" او شيء من هذا القبيل .. هذا الشي معناه انه في شخص صار يعرف بقدرة سوبارو ؟ 😵💫 هو ناسي بعض التفاصيل من الجزء السابق بس الجشع وسالفة الذكريات من ياكلها تصير عندة القدرة انه يشوف هذه الذكريات الي اكلها ؟
سالفة "سوبارو كان هنا" من طلعت بصراحة اني ما تذكرت السابقات وما كنت حتى اعرف بيهن الا ان الناس تكلمت عنها بس اتذكر الكتابة على الشجرة ... شيت
هل هذا معناه ان سوبارو فعلا الحكيم ؟
مجددا سالفة التنقل الي صار .. الاول بالانفاق برو توهج حرفيا
وانتقل
الثانية ما تصورت ابد ان احد تلبس سوبارو
كنت معتقد شي له علاقة بسرقة الذاكرة والي جالس يصير انه جالس تنأخذ منه بعض المقتطفات
يا بوي كم اريد اكتب واثرثر بخصوصه .. بس خلي اكتفي لهنا وممكن اكتب اي شي اضافي برد آخر
ايضا حلقة 9 كانت اقل وحدة انتاجيا .. كنت متصور حلقة بقوتها راح تحصل معاملة احسن .. بالعادة من يصير هذا الشي يكون ضامين الانتاجية لشي بالامام اهم بس الضاهر صرفو فلوس الانتاجية على شاولا وانميشنها
بس قلت كويس أنه تم أخذها خارج السياق عشان ما حد تنحرق عليه.
