I am this guy
واقف برا البيت الحين ابي ادخن، وتعبان من الحياة.. أنا ما أدخن (بس ابغى ارسم صورة يعني& )، طالع الساعة 3 الفجر، واقف برا،
والهواء يضرب وجهي، ومخنوق… وفجأة كل عيالي قاعدين يركضون حولي ويلعبون ويصرخون بحماس كأنهم سونيك. ( ما عندي عيال )
( بس عندي قطاوي & )
ومن قوة النشاط اللي يصير فيهم بعد منتصف الليل، حسيت بالحياة. فيه شي بريء وجميل لما تشوف كائن صغير يركض ويلعب كأن الدنيا ما فيها هم.
وهذي البنت—آني—ذكرتني بهالشي. صوتها عالي، كلامها كثير، بس فيها طاقة وحياة. حبيتها من أول دقيقة. وبعدين يطلعون ذولي الأهل المجرمين
ويقولون “احنا كنا نبي ولد، مو بنت.” يعني بالله؟ جاكم أحلى كائن ممكن ينور بيتكم، وتفكرون ترجعونه ؟
بس أبو العائلة بدأ يشوفها فعلاً. وقرر إنه مو مهم إذا كانت بتفيدهم أو لا. المهم إنهم هم يقدرون يساعدونها، مو العكس.
الرسالة كانت بسيطة بس قوية الطفل ما لازم يثبت إنه يستحق الحب. الطفل لازم يأخذ الحب.
أنا حرفيًا في أول خمس دقايق وأحس إن الأنمي هذا بيدخل قلبي وما راح يطلع بسهولة.
!!
