راح تفتح شركة اتصالات جديده في قطر XD

[Skull Town]

بسم الله الرحمن الرحيم

السلام عليكم

والله ميت من الفرحه انا في قطر عندنا شركة اتصالات " وحده " Qtel محتكره الدنيا ولاعبه بالأسعار والخدمات بس الشي المفرح راح تفتح عندنا شركه ثانيه قريب جداً جداً Vodafone والي حمسني اكثر من ضمن خدماتهم الأنترنت اهم شي بالنسبه لي

وتشمل هذه الخدمات: الجوال ، والهاتف الثابت والانترنت والترفيه.

انا ادفع لكيوتل شهرياً 400 ريال عشان 2 ميجا
تتوقعون فودافون ارخص؟ وهل راح تنزل الأسعار اذا فتحت فودافون بسبب المنافسه؟
شنو اهيا خدمات فودافون ابي اعرف سرعاتهم !؟

الشركه راح تبتدأ في 01 مارس 2009
http://www.vodafone.com.qa/go/ar/aboutus

الي خايف منه ان الشركه تفتح بس تنزل الأنترنت متأخر لأن في بعض الناس يقولون ان فودافون راح تطرح خدمات الجوال اولاً وبعدين راح تتوسع في الخدمات الثانيه
تعليقاتكم :w00t:

 

[Zero]

المنافسة ما تسوي شيء غير من اللي يغري بعروضه ( وهو في الحقيقة ينصب ) أكثر ، شركات الاتصالات في الدول العربية محتاجين محاكمة.

يا ليت لو تصير عندنا فودافون في السعودية وما أبغاها إلا علشان الجوالات اللي تكون مقفلة على شبكتها .. أحيانا في أجهزة رهيبة.

 

[Lonely Heart]

على فكره 2 ميجا هنا بـ 450 ريال ..

بس افرحوا .. الاسعار عندكم بترخص بشكل (او على الاقل على الهاتف)
ياليت تفتح عندنا الشركه اللي مو راضيه تفتح (نسيت اسمها xD)

 

[Saadawii]

غريبة حسبت قطر فيها أكثر من شركة من أول، عموماً مبروك بتكون الاتصالات الحين موضوع ممتع أكثر. لكن بيني وبينك، أنا ما عدت أهتم بدخول شركة جديدة إذا كانت للجوال بس أو تقدم خدمات انترنت لا سلكية، أبي شركة اتصال ثابت (غير عذيب)

 

[Wellscha]

قطر من جد تحتاج غربله في البنيه التحتيه.

شغل كيوتل مو زين.

 

[Skull Town]

المنافسة ما تسوي شيء غير من اللي يغري بعروضه ( وهو في الحقيقة ينصب ) أكثر ، شركات الاتصالات في الدول العربية محتاجين محاكمة.

يا ليت لو تصير عندنا فودافون في السعودية وما أبغاها إلا علشان الجوالات اللي تكون مقفلة على شبكتها .. أحيانا في أجهزة رهيبة.

ان شاء الله ما يكون كلامك صحيح >_>
على فكره عندي صديق سعودي قالي من بعد ما فتحت شركات في السعوديه ووقف الأحتكار انخفضت الأسعار للنص وهذا كله بسبب المنافسه!

على فكره 2 ميجا هنا بـ 450 ريال ..

بس افرحوا .. الاسعار عندكم بترخص بشكل (او على الاقل على الهاتف)
ياليت تفتح عندنا الشركه اللي مو راضيه تفتح (نسيت اسمها xD)

الأسعار عندنا متقاربه >_> تصدق اني سألت امريكي اليوم وقالي ان سرعته 10 ميجا بايت بـ 30 دولار :crying:

غريبة حسبت قطر فيها أكثر من شركة من أول، عموماً مبروك بتكون الاتصالات الحين موضوع ممتع أكثر. لكن بيني وبينك، أنا ما عدت أهتم بدخول شركة جديدة إذا كانت للجوال بس أو تقدم خدمات انترنت لا سلكية، أبي شركة اتصال ثابت (غير عذيب)

الله يبارك فيك
طيب عندك فكره اذا فودافون عندها اتصال ثابت انا نفسك ما يمهني الا الثابت :sarcastic:

 

[Saadawii]

ما عندي فكرة والله، لكن إذا كانت السعودية نموذج، فدخول شركات جوال جديدة هو بداية لدخول شركات ثابت جديدة.

 

[Wellscha]

فودافون في السوق المصري تقدم DSL.

 

[Skull Town]

فودافون في السوق المصري تقدم DSL.

وااو بنتضارها اجل وان شاء الله تكون اسعارها معقوله وسرعاتها اكثر :evil::

 

[Wellscha]

ما عليك. كلها كم سنه و تصير قطر كلها فايبر 🙂