رئيس Namco-Bandia: " سعر البلاس ستيشن 3 مش غالي "

[Humam]

من بلوومبيرج بس نقلا عن جيم فرونت:

Bandai Namco president: ' PS3-Preis is not high ' 12.05.06 - Takeo Takasu, the president of Bandai Namco, expressed itself in a business report over the price of the PlayStation3. The press agency Bloomberg quotes Taksau with the words: ' the price [ the PS3 ] is not high.' In Europe the PS3 will cost euro 499 (with 20 GB non removable disk, without WiFi functions, MEMORY Card reader and HDMI exit) and/or euro 599 (with 60 GB non removable disk). ' we will do our best, around a good software support to offer to be able ', add Takasu.

هههههههههههه رهيبة نامكو بانداي مدرش وش قصتها مع سوني.. معقولة هذا كله علشان ولد كوتراجي شغال عندهم 😉

سعر البلاي ستيشن 3 للشي إلي يقدمه طبعا مو غالي.. المشكلة أساسا إنك تقدم تكنولوجيا عالية لجهاز فيديو جيمز غالبية المستخدمين له ناس ما تقدر توفر مبلغ 600 دولار بسهولة 🙂

على العموم الشركة تقول إنها راح تؤدي أفضل ما عندها لتوفير ألعاب جيدة للجهاز ..يعني التزام واضح.

 

[Mario2]

همام نحن ما علينا من السعر صحيح غالي بالنسبه للبقيه ونقدر نشتريه اذا وفرنا مبلغ محترم ..
المشكله مين راح يحل مشكلة النصب .. الجهاب راح يوصل لل 5000 او اكثر بالراحه ..

 

[m7tram]

زينوساغا 4 <,< لول .

انا اشوف ان السعر مو غالي على الي تقدمه سوني .

وولكم باك همام 🙂

 

[hussien-11]

خخخ احلى تعليق عجبني على الموضوع تعليق سلطان ، لو مش غالي ليش يعلقوا عليه 😛

ما شاء الله البعض ما عنده أي مشكلة مع السعر لكن البعض الاخر .. عنده ~__~​

 

[Futrus]

ما شاء الله البعض ما عنده أي مشكلة مع السعر لكن البعض الاخر .. عنده ~__~

من جد

 

[Khalid-S]

الجهاز مكلف سوني كثير , عشان كذا طلع كوتراجي ورئيس نامكو يقول ان الجهاز " رخيص " لانه واضح من مواصفات الجهاز والقطع الداخليه الي فيه تكلف سوني كثير واذا خلته 600 دولار هذا معناتها انها خسارنه !! عشان كذا يقولون انه رخيص .

شباب ابدؤا جمعوا من الحين مافي شي صعب ترى ,, في الصيف اشتغل شغل بسيط لو انك حاب هذا الشي تطلع لك مبلغ كبير اذا فعلاَ انت مجنون بلاي ستيشن . او اشتري الوي 😛

 

[Mario2]

او اشتري الوي 😛

+ الاكس بوكس 360 <<.. نصائح بيتر مور في الطبخ ..

 

[NSider]

على طاري أوربا، شباب إذا تعرفون أحد في بريطانيا قولوا له ما يفكر يشتري الجهاز حتى لو نزل worldwide .. لأن سعر 600 يورو يساوي تقريباً 775 دولار .. ولو تضيف ضريبة الـ17% اللي في بريطانيا يصير 910 دولارات !!
غاااالي!!

 

[Futrus]

للتو إتأكدت من سعر الجهاز(بندل ال600 دولار) :
بالدينار البحريني = 226.158 BHD
بالريال السعودي = 2,249.46 SAR
هذا السعر بالظبط لو نضيف عليه لعبتين على الأقل كل لعبه 60 دولار
بالدينار البحريني = 45.2316 BHD
بالريال السعودي = 449.892 SAR
المجموع
بالدينار البحريني = 271.3896 BHD
بالريال السعودي = 2699.352 SAR

لو أضفنا على المبلغ موميري ستيك وجويستيك زياده أو حتى ألعاب زياده أو إكسسوارات والنصب اللي في الخليج أو الضريبه والشحن لو شريته من النت ،، أستغرب شلون يعتبر المبلغ رخيص سعره فيه أوكي لكن شلون الواحد يقدر يدفع مبلغ مثل هذا ببرود

 

[Humam]

للمعلومية فقط.. سوني قاعدة تخسر 400 دولار في كل جهاز بلاي ستيشن 3 و كمان مو عاجبكم.. إيه يا زمن, زي ما سوني وقفت معانا وقدمت لنا أفضل جهازين في ال 10 سنوات الماضية ما فيها شي إذا كلفنا على نفسنا شوبة فلوس زيادة علشان ما ننحرم من المتعة الي كانت معانا في السنوات السابقة..

وزي ماقال خالد يعني اللنش بقي له 6 شهور, أنا فعلا استغرب من الناس الي مستصعبة تجمع لها هذا المبلغ طوال ذي المدة .. كسالى ! 😛

 

[Gon freeces]

للمعلومية فقط.. سوني قاعدة تخسر 400 دولار في كل جهاز بلاي ستيشن 3 😛

وايش دخل المشترين ؟ مو غلطنا.

QUOTE=GSenius]
زي ما سوني وقفت معانا وقدمت لنا أفضل جهازين في ال 10 سنوات الماضية ما فيها شي إذا كلفنا على نفسنا شوبة فلوس زيادة علشان ما ننحرم من المتعة
😛[/QUOTE]
كلام فان بوي

 

[King Wario]

قلهم يحسنون العابهم وبعدين يتكلمون ..

 

[Futrus]

لول أعرف واحد أول ما نزل البلاي2 كان ب500 دينار بحريني يعني5000 ريال وشوي علشان يوفر المبلغ راح باع سيارته.
هذا إسمه جنون مو البحث عن المتعه ،، الحمدلله إن فيه بدائل لين ماينخفض السعر

 

[hussien-11]

قلهم يحسنون العابهم وبعدين يتكلمون ..

هههههههههههههههههههههههههههههههه

كالعادة .. سلطان أحلى تعليق بالموضوع :bigSmile:

 

[king zell]

المشكلة إننا نحصل تعليقات مثل "بلاي ستيشن3 مش غالي" و الشباب تحاول تفسرها بمنظور مختلف


الجهاز مش غالي فعلا.. من منظور التكنولوجيا اللي فيه

أما الجهاز مش غالي بالنسبة كجهاز ألعاب فيديو.. هذي صعب تنقال


المشكلة إن على وقت صدوره ، اللاعبين بيكون عندهم خيارين بديلين مش 1

تخيلوا شباب تدخلون مع ألعاب فيديو ، يقول لك راعي المحل

تبي بلاي ستيشن3 ب 600 دولار؟

أو تبي DS و Wii و 360 ب 600 دولار؟

تراها مش شي بسيط ، عموما كالعادة الدفعة الأولية للجهاز غالبا بتنفذ من الأسواق

 

[Humam]

كلام محمد صحيح ومنطقي, في نفس الوقت اسم البلاي ستيشن ما أعتقد شي يمكن تجاهله, يعني على سبيل المثال الاسم الي كونه الiPod, حاليا أنا ممكن أرص مجموعة من مشغلات الMP3 أداءها يكافيء أداء الiPod و أرخص سعرا لكن ليش مو منتشرة أو غير مرغوبة من المستهلك ؟ لأن الناس خلاص حطت في بالها ان الiPod هو رقم 1..

وما ننسى أيضا حركات الأطفال أو المراهقين " ولد الجيران اشترى بلاي ستيشن 3 ما ابغى 360 أبغى بلاي ستيشن 3 زيه بالزبط " وزي كذة حركات أكيد راح يكون لها دور بشكل أو آخر..

 

[Jizasu]

أنا ودي اطلب الجهاز من الخارج...بس خايف من المشاكل الي تكون فيه...

و لو تحديت خوفي و شريت الجهاز من الخارج...بيينييي مع الشحن و اللعاب و جذي و اضطر ازيد قرابة الـ 30 دينار زيادة فوق السعر الاصلي...

صحيح انه سعره بالنسبه للتقنيات الي فيه بسيط...بس مثل ما قال محمد

المستهلك امامه عدة خيارات...ممكن يشتري ثلا اجهزة بسعر جهاز واحد

و في ناس غيري و غيركم يفكرون فيها من هل ناحيه 😕 ​

 

[M 7 L]

السلام عليكم...

السعر صاير شيطان في البلاي ستيشن 3 يعني الواحد ما يدري شنو يسوّي...

لكن عن نفسيّ أتوقّع إني راح أشتري الوي...لين ما ينزل سعر البلاي ستيشن 3 وأتوقّع أكثر الناس بتسوّي كذا خصوصاً إن سعر الوي ولا شي...

وعلى فكرة أوّل مرّة أنا أفكّر أشتري كونلسز لننتيندو كنت دائماً متابع الجيم بوي بس...

سلام...............🙂

 

[DeaDMaN]

امم انا مادري ليش يعتبر رخيص كجهاز العاب..أتوقع الاجهزة اللي كانت بأسعار قريبه من هالسعر كلها طاحت..بس هذا بإسم بلايستيشن..اسم تجاري قوي.

مع الشحن و اللعاب و جذي و اضطر ازيد قرابة الـ 30 دينار زيادة فوق السعر الاصلي

^^..الفرق كبيـر بين اللي بتدفعه لو احد اخذه لك من برى وبين انك تاخذه من محل في الدول العربيه..الX360 بـ4000 ريال ونزل سعره الى 3000 ريال..سعره في امريكا 400 دولار.. يعني 1500 ريال سعودي ولو تزيد عليه 30 دينار..او أكثر قول 500 ريال سعودي ..بيظل فرق كبير .

..^^ أنا لو باخذ باخذ الاجهزه كلها من Ebgames الشحن مهما كان مابيوصل لي السعر فوق السعر الموجود عندنا..لكن قدامي خيارات يعني كجهاز ثاني بعد الوي ..هل آخذ البلايستيشن مع قليل العاب..أو الـX360 مع مجموعة العاب كبيرة ..صراحة سعر الجهاز مو مشجعني أبد. لكن ممكن تتغير نظرتي لما أشوف العاب اللنش

 

[Tomb raider]

لا يتكلمون عن السعر الحين -__-
خل يشوفون العابهم
ولا لعبه من نامكو شفتها محترمه من ناحية الجرافيكس للنيكست جين وجاي يتكلم عن السعر !!

 

[squall leonhart]

السعر بالنسبة لي عادي جدا لان ال ps2 اشتريته بعد ما نزل ب 6 شهور تقريبا ب 2000 ريال مع قطعة الكوبي + 5 اشرطة CD لووووووول( و الله قحط كانت هذيك الايام ال dvd لازم تشتريه اصلي و لا العب اللعبة بدون عروض و موسيقى) .. و الفتره هذيك كنت اشتري شريط dvd اصليب 260ريال شهريا..

يعني الوضع ما رح يختلف كثير بالبدايه .. بس اهم شي ان ال.... ^_^ ما يطول و ينزل بسرعه .. ماينفع بس اكتفي لعبة وحده كل شهر

 

[Khalid-S]

خخخخخخخخخ شباب حاربوا القرصنه ,, اشتروا كل الالعاب اصليه !! ( صدقني بتحس المتعه بلعبة اصليه اكثر من كوبي )

 

[Tomb raider]

خخخخخخخخخ شباب حاربوا القرصنه ,, اشتروا كل الالعاب اصليه !! ( صدقني بتحس المتعه بلعبة اصليه اكثر من كوبي )

فعلا تحس بالمتعه
اما اذا كوبي ما بتعرف شو تبغي تلعب وبتضيع -__-

بس بعد في ناس ما تقدر توفر 250 حق لعبه في كل شهر !

 

[Nintendo]

المشكله نامكو بانداي اغبى شركة تتوقع ارقام مبيعات فيمكن تكون اخر شركة اخذ بكلامهم فيما يخص السعر 😉

شخصيا مالي شغل براي غيري فينما يخص السعر . ادري سوني بتخسر كثير على كل جهاز والخ الخ ولكن يظل السعر مرتفع جدا وشخصيا مستعد استغني عن اكثر من شئ بالجهاز مابغاهم عشان السعر ينقص شوي .. ياريت لو سوني تنزل نسخة للالعاب فقط .

 

[Futrus]

أنا بالنسبه لي عادي عندي حوالي 10 ألعاب أصليه بمقابل مليون لعبة كوبي وماحسيت بالفرق أبداً أنا قمت أشتري ألعابي المفضله أصليه وقريباً بشتري 4 ألعاب أصليه دفعه واحده علشان الأونلاين للبلاي2 لكن بالنهايه المتعه مايفرق وكفايه تبذير وتكسير ظهور (لول نص ألعابي الأصليه خليت إخواني يشترونها لي ومادفعت فيها فلس ونفس الشي البقيه

)

 

[Kratos]

سعر غالي جدا على جهاز العاب ( 90% من المشترين ينظرون له هالنظرة ).. بالنسبة لكوتراجي هو أساس ما يعتبر الجهاز جهاز العاب فقط .. معتبره سنتر للبيت تستخدمه لكل أمور الترفيه .. يعني نقدر نقول الـ PS3 خليفه الـ PSX الي نزل باليابان أكثر من إنه خليفه للـ PS2
لا تفكر من منظور فان لسوني .. فكر من منظور واحد محايد و راح تلاقي إن الجهاز فعلا غالي بالنسبة لك كجهاز العاب ..
مايكروسوفت ما دخلت السوق عشان تهش ذبان ( Halo 3 , GTA4) أكبر دليل .. و نينتيندو أيضاً ناوية تسوي شي ..
بإختصار السوق صار تنافسي بشكل كبير .. سوني راح تنجح الجيل ذا مافيها كلام لكن ما بتوصل لأرقام مبيعاتها الإسطورية زي كل جيل و تسيطر على السوق لوحدها ..

 

[Jizasu]

خخخخخخخخخ شباب حاربوا القرصنه ,, اشتروا كل الالعاب اصليه !! ( صدقني بتحس المتعه بلعبة اصليه اكثر من كوبي )

تاره اقول اني بقطع الكوبي و تاره اشوف نفسي مو قادر اشتري اي شي ابيه و الكوبي هو الحل الوحيد..

و من الاسباب الي تخليني اشتري الكوبي...هو اللعاب اليابانيه...الي تتصدر قائمة المبيعات الي عندنا بشكل رهيب...يعني اللعبه اليابانيه تجيك قبل الانجليزيه يعني لو هي قاصره على اللعاب الانجليزيه...كان كل شهر خصصت لي اشتري لي لعبه اصليه وحده و اللعبها...بس مثلا اللعاب الفايتينج صراحه ما اقدر انتظر على ما تصدر سول كاليبر ولا تكن نسخه امريكيه...بيكون عذاب بالنسبه لي

و صحيح كلامك خالد الكوبي تشتري اعداد معدده من اللعاب و ما تدري شنو تلعب و شنو تخلي...و ما تحس بطعم المتعه الحقيقيه...

ان شاء الله مع شرائي للاكس بوكس 360 عما قريب ( ترقبوا الحدث :razz: ) راح احاول تدرجيا قطع الكوبي من عرقه ! ​

 

[King Wario]

خخخخخخخخخ شباب حاربوا القرصنه ,, اشتروا كل الالعاب اصليه !! ( صدقني بتحس المتعه بلعبة اصليه اكثر من كوبي )

لول فعلا ياخي كلامك صحيح

انا يوم اشتري لعبة جيم كيوب ( اصلية ) احس اني شاري شي يسوى !!

اما يوم اشتري العاب الاجهزة الثانية احس كأني شاري عشا من الكافتيريا 😛

 

[Jizasu]

لول فعلا ياخي كلامك صحيح

انا يوم اشتري لعبة جيم كيوب ( اصلية ) احس اني شاري شي يسوى !!

اما يوم اشتري العاب الاجهزة الثانية احس كأني شاري عشا من الكافتيريا 😛

بالضبط !!! XD​

 

[mario0o]

أكيد بيمدحونه لانهم مسوين العاب عليه (تيكن وريدج ريسر)

يعني لو قالو ان الجهاز غالي لا تشترونه = محد بيشتري العابهم 😛