رئيس Enterbrain يتحدث عن الPS3

[Humam]

هيركازو هامامورا رئيس مجموعة انتربرين ( مجلة فامتسو ) اتحدث أمس عن وضع الPS3 في محاضرة في اليابان, مافي كلام مهم غالبا لكن للي حاب يطلع:

= يرى بإن الPS3 لديه مجموعة من الأجزاء الجديدة لألعاب مهمة ينتظرها الفانز , وهذي نقطة إيجابية يفتقدها الWii حسب رأيه.. لكن النقطة السلبية الي تخلي الجمهور عنده شكوك تجاه شراء الجهاز حاليا ان كثير من هذي العناوين مالها موعد إصدار محدد.

= يعتقد بأن وضع الPS3 الحالي " ok " و لا يرى تحت أي ظرف من الظروف أن الPS3 جهاز معرض للفشل.

= من وجهة نظره أن ألعاب مثل ميتل جير سوليد 4 وفاينل فانتسي 13 راح تساعد الجهاز على زيادة حصة سوقه.

= يتوقع تخفيض لسعر الجهاز في اليابان وبقية العالم في العام 2007.

 

[hussien-11]

كيف يفتقدها يعني .. و ماريو جالاكسي و سوبر سماش براول و مترويد برايم3 ايش اسمهم ؟؟!!

باقي كلامه ( منطقي ) جدا .
​

 

[king zell]

المشكلة ان كل الكلام هذا اللي إنقال.. إما معروف جدا و لا يبغاله تصريح.. أو إنه خطأ تماما مثل إن الوي يفتقد ألعاب الناس تنتظرها بشغف لأجزاء قديمة (لول)

يكفي سوبر سماش.. اللي هي أكثر لعبة إنتظارا ... و أراهن اللي يبي عبر هالموضوع إنه بتبيع عالميا أكثر من ميتل جير 4 و فاينل فانتسي 13

 

[Bounty]

= يرى بإن الPS3 لديه مجموعة من الأجزاء الجديدة لألعاب مهمة ينتظرها الفانز

MGS 4
اتكفي و اتوفي لسنة 2007 ..

 

[BioMario]

لازم السعر يتخفظ ولا مستحيل يتحسن ..
وطبعاُ في العاب تقدر تقلب وضع الجهاز في العالم فوق تحت واولها ميتل جير

وبعدين الكلام إلي قالة مثل ما قال محمد موب يديد :slant:

 

[Humam]

أعتقد الرجال قصده ألعاب طرف ثالث ( تكن 6 - ميتل جير - فاينل فانتسي - ريسدنت ايفل 5 - ويننج اليفن 11.. الخ ) لأن اذا جينا لألعاب سوني الطرف الأول - الثاني غالبها New IPs.

 

[Nintendo]

لول همام تحس انك نسيت اهم جزء بالموضوع .. الرجال يقول انه لازم فاينل فانتسي13 وميتل جير4 يصدروا للـ360 ...

باقي كلامه عن البلايستيشن3 كله معروف ومايحتاج كلام ...

 

[king zell]

لول همام تحس انك نسيت اهم جزء بالموضوع .. الرجال يقول انه لازم فاينل فانتسي13 وميتل جير4 يصدروا للـ360 ...

لول أنا قريته بس خفت ترجمته غلط..

 

[Humam]

عمر الخبرين كانوا منفصلين في جيم فرونت فانا شفت الأول و كتبته.. انا الي مترجم الخبر نفسي قبل ما ينزل أي موضوع في GAF .. كلامه عن ميتل جير 4 وفاينل فانتسي 13 لل 360 كانوا ضمن سياق حديثه عن ال 360 وان وضعه في اليابان متدهور, فألعاب ميتل جير 4 وفاينل فانتسي 13 والي من نفس ثقلهم لازم تظهر عليه حتى وضعه يتحسن هناك.

 

[Isaac]

هيركازو هامامورا رئيس مجموعة انتربرين ( مجلة فامتسو ) اتحدث أمس عن وضع الPS3 في محاضرة في اليابان, مافي كلام مهم غالبا لكن للي حاب يطلع:

= يرى بإن الPS3 لديه مجموعة من الأجزاء الجديدة لألعاب مهمة ينتظرها الفانز , وهذي نقطة إيجابية يفتقدها الWii حسب رأيه.. لكن النقطة السلبية الي تخلي الجمهور عنده شكوك تجاه شراء الجهاز حاليا ان كثير من هذي العناوين مالها موعد إصدار محدد.

= يعتقد بأن وضع الPS3 الحالي " ok " و لا يرى تحت أي ظرف من الظروف أن الPS3 جهاز معرض للفشل.

= من وجهة نظره أن ألعاب مثل ميتل جير سوليد 4 وفاينل فانتسي 13 راح تساعد الجهاز على زيادة حصة سوقه.

= يتوقع تخفيض لسعر الجهاز في اليابان وبقية العالم في العام 2007.

صراحة he is stating the obvious

ما جاب شي جديد ....

بالنسبة لي ما أعتقد بتاتا بأن الـPS3 سينتهي مصيره بالفشل ...



أما كلامه عن الوي .... فصراحة ما أوافقه على الإطلاق !!

شكله يمزح ؟ والا ناسي ؟


-----
مشكور همام عالترجمة ^^

 

[squall leonhart]

مو هذا الي صفقتوله قبل فتره لما مدح الوي و قال انه بيكون الاول عالميا و لا هذا رجال ثاني ؟؟

 

[M 7 L]

كلامة سليم عن البلاي 3 . . . .

أما الوي مادري شنو يبي ! لأن صراحة فيه ألعاب كثيرة جايّة والكثير ينتظرها الفان وغيرهم , , ,

وأنا أقول نفس الكلام بأن البلاي 3 ما أتوقّع له الفشل , , ,

 

[NSider]

مو هذا الي صفقتوله قبل فتره لما مدح الوي و قال انه بيكون الاول عالميا و لا هذا رجال ثاني ؟؟

حلوة صفقتوله هذي..

ايه هو، والشي الوحيد اللي يقوله حالياً هو أن الـPS3 ما راح يفشل (duh). كلامه عن ألعاب الفانز للـWii ما يتعارض مع كلامه السابق.

 

[Final Fantasy]

ما جاب شي جديد بكلامه .. بس النقطة الأخيرة تتعارض مع تصريح سمعناه من SONY منذ مدة .

 

[Ginko]

لول همام تحس انك نسيت اهم جزء بالموضوع .. الرجال يقول انه لازم فاينل فانتسي13 وميتل جير4 يصدروا للـ360 ...

لول.

بخصوص الالعاب المهمه، فمدري وين قال انه يقصد الطرف الثالث؟

 

[Humam]

لول همام تحس انك نسيت اهم جزء بالموضوع .. الرجال يقول انه لازم فاينل فانتسي13 وميتل جير4 يصدروا للـ360 ...

لول.

تحس إني و ضحت لعمر اني ما لاحظتها لأن الخبرين كانوا منفصلين + الرجال كان قصده مختلف عن الكلام الي كان يحاول يقوله عمر /:

بخصوص الالعاب المهمه، فمدري وين قال انه يقصد الطرف الثالث؟

لول يا أخي ايش مشكلتكم ..أول شي انا اتوقعت.. لكن اتضح من مصادر ثانية ترجمت الخبر ان قصده أكثر شمولية, سلاسل ألعاب ظهرت في الماضي على أجهزة البلاي ستيشن فقط:

He stated that unlike the Wii, the PlayStation 3 has many exclusive games that belong to famous franchises, all previously released for the PlayStation and PlayStation 2. The bad thing is that most of these games don't even have a release date and that raises doubts among the fans.

http://www.forever-fantasy.net/modules.php?name=News&file=article&sid=357&mode=&order=0&thold=0

 

[Ginko]

لا بس لاحظت فيك همام ان ما تحب اخبار سوني السيئه تنزل في المنتدى، كأن هالشيء بيخليها كأنها ماصارت.

الترجمه ايضا مافيها تحديد عن طرف ثالث او اول، الواضح من كلامه السلاسل بشكل عام مما يخلي تصريحه عبيط وغبي لان الوي عليه سلاسل طرف اول عليها طلب اكثر من معضم حصريات البلاي3 من الطرف الثالث.

 

[Humam]

لا بس لاحظت فيك همام ان ما تحب اخبار سوني السيئه تنزل في المنتدى، كأن هالشيء بيخليها كأنها ماصارت.

وت ؟ أنا أتجنب إني أكتب بعض الأخبار لأني عارف ان البعض اما راح يفهمها غلط او راح يقلبها عبط فما أحب أدوش نفسي كل مرة والثانية.. و خبر فاينل فانتسي 13 -MGS4 ( اذا كنت تسميه خبر ) ما يعتبر شيء سيء أصلا حتى أتجنب إني أكتب عنه.. أعتقد وضحت فوق ايش كان يقصد الرجال بتصريحه.

لول أنا ما عندي مبدأ اسمه " أتجنب أخبار سوني السيئة " .. راجع مشاركاتي ال 8,185 السابقة وراح تلقى إني كتاب مفتوح, و يمكن راح تستغرب إذا اطلعت على كمية الأخبار " السيئة " المتعلقة بسوني وإلي أنا ناشرها.. شي ما يعجبني من سوني أنتقده من أعماقي, لكن شي يعجبني بس ما يعجب غيري مش بالضرورة يتسمى محاباة لها :cooool:

 

[Ginko]

لول أنا ما عندي مبدأ اسمه " أتجنب أخبار سوني السيئة " .. راجع مشاركاتي ال 8,185 السابقة وراح تلقى إني كتاب مفتوح, و يمكن راح تستغرب إذا اطلعت على كمية الأخبار " السيئة " المتعلقة بسوني وإلي أنا ناشرها.. شي ما يعجبني من سوني أنتقده من أعماقي, لكن شي يعجبني بس ما يعجب غيري مش بالضرورة يتسمى محاباة لها

O RLY?

من موضوع عروض الجيم بلاي لـLAIR

لاااااااااااااااااااااااااااااااااااااااااااااا.. أنا كنت فرحان ان الفيديوهات صار لها يومين ومحد فكر ينشر لها موضوع .. حطمت آمالي :cryy: :cryy: :cryy:

باختصار.. اللعبة في غاية الانحطاط.. الي يبغى يشوف جرافيكس بلاي ستيشن 1 ( ما عدا البحر ) على الPS3 عليه بهذه اللعبة.. أنيميشن بتكنولوجيا 10 سنوات ماضية.. حتى الجيم بلاي مافيه شي يحمس.. أهم شي لا يفوتكم كيف راسمين النار والسحب.. هههههههههه.. روووووووووووعة.

عموما بخصوص تعليق فف13 ومتل جير ففعلا مو خبر لكن يعتبر سيء اذا كان جاي من واحد قاعد يعطي تصريحات ايجابيه للبلاي3.

 

[Humam]

عبد الله انت اما ما تقرأ كلامي تمام أو تتعمد تتجاهل بعض النقاط :

أنا أتجنب إني أكتب بعض الأخبار لأني عارف ان البعض اما راح يفهمها غلط او راح يقلبها عبط فما أحب أدوش نفسي كل مرة والثانية

بمجرد ما نزل بريفيو IGN عن LAIR أنا + عمر + خالد + محمد على المسنجر.. روح أسأل ال 3 هذولي أنا ايش قلت عن اللعبة.. لأن هذولي ال3 بالذات ناس تقدر تتناقش معاهم بشكل حبي خارج نطاق المنتدى, أما هنا.. في كم واحد يحب يسوق الفهلوة والفلسفة.. ما أخفيك أنا تعبت من كثر ما أحاول أقنع بالمنطق, لكن أبشر من عيوني.. المرات الجاية راح أنزل كل المواضيع و في يدي كرباج حتى الي ما يفهم " أفهمه " بالغصب :laugh:

 

[Ginko]

لا انا تجاهلت كلامك هذا لان صراحه فيه اهانه للاعضاء وما كان ودي اعلق عليه، لكن بما انك مصر، فما عندي مانع.

أنا أتجنب إني أكتب بعض الأخبار لأني عارف ان البعض اما راح يفهمها غلط او راح يقلبها عبط فما أحب أدوش نفسي كل مرة والثانية

يعني مدري همام هي مسألة رياضيات ولا خبر؟ معليش بس بكلامك هذا كأنك تقول الاعضاء ما عندهم القدره العقليه الكافيه انهم يفهمون الخبر "صح"، وكأن مافيه الا انت الي يقدر يفهمه "صح". محد يجبر الثاني انه يحط خبر طبعا، لكن المشكله اذا واحد ما وده اخبار شينه تنزل عن شركته، يبيها تمر على خير من دون محد يلاحظها 😛

انا مصدقك انك تنتقد سوني، لكن الكلام اني اتسائل ليش ما تحب تنحط اخبارهم السيئه في المنتدى؟ وانت قلتها بنفسك في ردك من موضوع لاير ان كان ودك ان العروض مرت بدون محد ينزلها عشانها شينه.

عموما ما ابي اطلع عن الموضوع كثير، فقط ملاحظه كانت فبالي وحطيتها، no hard feelings 🙂