رئيس Enterbrain:"الـWii قد يصبح الأكثر شعبية في التاريخ!" (الخبراء يتحدثون عن الـWii)

[NSider]

Bloomberg نشرت مقالة عن الـWii قالت فيها أن سعر أسهم نينتندو ارتفع بنسبة 58% هذه السنة بسبب الترقب الكبير للـWii ومبيعات الـDS القوية.

المقالة كان فيها تعليقات كثيرة من الخبراء في السوق عن الـWii. هذي بعضها:

"نريد أن نجذب الأمهات اللاتي لا يردن أجهزة ألعاب في غرف جلوسهم، ولكبار السن، وللشابات. إنه تحدي، كأنك تحاول أن تبيع مستحضرات تجميل للرجال. لكن إذا استطعنا أن نفعل ذلك، الـWii قد يكسر كل الحواجز في عدد المستخدمين لجهاز ألعاب. نحن لا ننافس مايكروسوفت أو سوني، عدونا هو عدم اهتمام المستهلكين بألعاب الفيديو."
- ساتورو إيواتا، رئيس شركة نينتندو

"الـWii بالتأكيد بإمكانه أن يصبح أكثر الأجهزة شعبية في التاريخ. الـnon-gamers بإمكانهم أن يروا متعته بمجرد النظر للاعب، وذلك شيء مختلف تماماً عن الـPS3 والـXbox 360."
- هيريكازو هامامورا، رئيس شركة Enterbrain المتخصصة في بحوث ألعاب الفيديو

"الـWii هو أول جهاز له فرصة حقيقية في أن يجعل الناس يستخدمون الإنترنت على أجهزة التليفزيون. إنه قد يتحول إلى الجيل القادم من التليفزيون."
- إيتشي كاتاياما، محلل في شركة Nomura Securities

"الـPS3 معقد جداً بالنسبة لبعض المطورين [في أمريكا وأوربا]، مما جعلهم يتحولون للـWii [من أجل أن يصدروا ألعابهم في فترة الأعياد]"
- إتسوكو تامورا، محلل في شركة Mizuho Investor Securities

باقي المقالة هنا:
http://www.bloomberg.com/apps/news?pid=conewsstory&refer=conews&tkr=7974:JP&sid=aWac7JgjAIFQ

عجبني آخر تعليق لإيواتا. رهيب، ويلخص فلسفة الجهاز في جملة واحدة.

 

[Mario2]

ما تبقى شي عن الانطلاقه ووقتها راح نعرف انطباعات الجهاز اكثر لدى المشترين والاقبال عليه ..
بس الملاحظ انه الوي تتبع بشكل الدي اس وحتى انطلاقته تقريبا مشابهه .. وباجر راح نشوف العاب البرين ترينينج للجهاز والعاب الننجيمر القادمه + اسباب موجوده لشراء الجهاز لوحده بدون حتى وجود دعم حالي من الالعاب ..

ننتندو اذا ما كانت متفوقه عن البقيه فهي تفوقت على نفسها بالنسبه للاجهزه المنزليه ..بس خوفي الننجيمز تصير الستاندر بالنسبه لالعاب ننتندو بالجيل الحالي والمستقبل وتقلل من اهتمامها بالنسبه للالعاب العاديه او الموجهه للهاركور ..

 

[Mr.3B]

...

يسويها الـWii .. يسويها :cooool:

أهم شي يكمل على نفس المنوال .. نبي دعم متواصل .. من ننتندو ومن شركات الطرف الثالث .. ما نبي مصخرة الكيوب ترجع

 

[Tomb raider]

تعليقات تحمس الصراحه ...

نحن لا ننافس مايكروسوفت أو سوني،

لوول هذي مستحيله اشوف العدو الاول لننتندو هي سوني !!

بس خوفي الننجيمز تصير الستاندر بالنسبه لالعاب ننتندو بالجيل الحالي والمستقبل وتقلل من اهتمامها بالنسبه للالعاب العاديه او الموجهه للهاركور ..

نفس الاحساس ..بس ما اعتقد !!
ممكن تنزل العاب النون جيمزر بس فتره وفتره ..يعني كل 3 شهور بيكون شي معقول ..

 

[الــخــــارق]

صحيح حاط آمال كبيرة في الوي وفي تحقيقة لنجاحات كبيرة
لكن الى الان في داخلي شك بسيط بنجاحه ما ادري ممكن يكون بسبب الكيوب وخيبة الأمل اللي لاقيناها منه ..

عموما أملي كبير بننتندو وبأنها قدها وقدود 😛
وبتقدر تحقق النجاح الكبير للجهاز ..

 

[The Sinner]

بقول شي بس لاتتكلوني ما ادري لبش احس ان كلامه فيه تملق كبيييييييييير و يعني زي يقول للناس خصوصا الجيمرز حنا ما نبيكم حنا نبي امهات وبنات وعجايز ومن هالكلام وحنا ما نبي ندخل منافسة ؟؟؟؟

 

[Sir Doyle]

بينجح بينجح...... إنشاءالله

معاي شباب مالهم بالجيمز... لما شافو الوي تحمسوا له

الجهاز إذا بيمشي زي ما تحب الننتندو... أتوقع أنه يكون أكثر جهاز كونسل مبيعاً حول العالم :cryy:

 

[NSider]

بس خوفي الننجيمز تصير الستاندر بالنسبه لالعاب ننتندو بالجيل الحالي والمستقبل وتقلل من اهتمامها بالنسبه للالعاب العاديه او الموجهه للهاركور ..

مستحيل. الـnon-games مع أنها كثرت، لكنها تظل مشاريع صغيرة وسهلة وما تحتاج فريق كبير أو وقت طويل في التطوير. نينتندو ما زالت تسوي ألعاب كثيرة للهاردكور (زيلدا، ماريو، اكسايت ترك، ميترويد، سماش .. الخ).

بقول شي بس لاتتكلوني ما ادري لبش احس ان كلامه فيه تملق كبيييييييييير و يعني زي يقول للناس خصوصا الجيمرز حنا ما نبيكم حنا نبي امهات وبنات وعجايز ومن هالكلام وحنا ما نبي ندخل منافسة ؟؟؟؟

لول طبعاً هو يقصد أنهم يحتفظون بالجيمرز الحاليين ويجذبون جيمرز جدد. السوق لازم يتوسع، والتوسع يكون خطوة خطوة. سوق الألعاب أكبر من سوق الأفلام، لكن أغلب الناس مو مستعدين "يضيعون وقتهم" مع الألعاب.

 

[The Sinner]

طيب بس اللي مو عاجبني انهم يقولون حنا ما نبي ندخل منافسة ومن هالكلام تحسه شيطان بصورة ملاك ولا وش جالس انت تسوي بكل هالدعايات وهالكلام هذا اكثر شي يقهرني ليش خايفين

 

[BioMario]

ننتندو واضثقة يبين من كلام ايواتا ..
لكن الـ Wii يقدر يهزم الأكس 360 و البلاي3 من حيث المبيعات ..
اتنمى انها تسوق الجهاز و تنشرة
وانا واثق منها ^_^

 

[Lonely Heart]

"نريد أن نجذب الأمهات اللاتي لا يردن أجهزة ألعاب في غرف جلوسهم، ولكبار السن، وللشابات. إنه تحدي، كأنك تحاول أن تبيع مستحضرات تجميل للرجال. لكن إذا استطعنا أن نفعل ذلك، الـWii قد يكسر كل الحواجز في عدد المستخدمين لجهاز ألعاب. نحن لا ننافس مايكروسوفت أو سوني، عدونا هو عدم اهتمام المستهلكين بألعاب الفيديو."
- ساتورو إيواتا، رئيس شركة نينتندو

مبدع وهذا دليل على ابداع Nintendo .. مع اني احس فيه شوية نفاق ..

كلامه حلو الا يوم قال " نحن لا ننافس مايكروسوفت أو سوني " ><

 

[NSider]

طيب بس اللي مو عاجبني انهم يقولون حنا ما نبي ندخل منافسة ومن هالكلام تحسه شيطان بصورة ملاك ولا وش جالس انت تسوي بكل هالدعايات وهالكلام هذا اكثر شي يقهرني ليش خايفين

لول ليه شيطان بصورة ملاك؟ بالعكس المسكين ما يبي يتكلم كثير عن المنافسين عشان كذا يقول هذا الكلام.

وترى نفس الكلام قاله إيواتا عن الـPSP قبل ما ينزل الـDS. وصار اللي قاله. بشكل عام الـDS والـPSP ما يتنافسون بشكل مباشر لأن نوعية وأعمار وأذواق الناس اللي تشتري الـPSP تختلف عن الـDS. صحيح أن الـDS يبيع أكثر، لكن هذا بسبب أنه موجه لسوق أوسع.

نفس الشي بالنسبة للـWii. هو موجه لسوق واسع يشمل الجيمرز والـnon-gamers، اللي هم غالباً كبار السن والحريم.

باختصار: نينتندو تبي تكرر نجاح الـDS بالـWii. أحد يقدر ينكر أن الـDS مليان ألعاب هاردكور؟ ما أعتقد .. لكنه باع بشكل كبير للحريم ولكبار السن بسبب ألعاب مثل Nintendogs و Brain Age.

 

[53]

"الـWii بالتأكيد بإمكانه أن يصبح أكثر الأجهزة شعبية في التاريخ. الـnon-gamers بإمكانهم أن يروا متعته بمجرد النظر للاعب، وذلك شيء مختلف تماماً عن الـPS3 والـXbox 360."
- هيريكازو هامامورا، رئيس شركة Enterbrain المتخصصة في بحوث ألعاب الفيديو

أتمنى كلامهم يطلع بمحله ..
وما يطلع بس حجي .. لأن بالأخير إحنا المستفيدين

 

[Humam]

يعني يوم من الأيام بتجي أمي تمسك الويموت والننشك وتلعب ؟ مستحييييييييييييييييييييل.. لول.. أمي أسطورة الTetris.. لكن غير كذة صعب.. لو صارت أنا راح افقد عقلي ههههههه.

 

[NSider]

همام لا تستبعد لول. ليه تفكر نينتندو حطوا Wii Sports في العلبة؟ طريقة تسويق ذكية .. لأنها ما تستخدم إلا الويموت، وشكلك وأنت تلعب فيها رهيب. يعني تخيل واحد يلعب وي سبورتس تنس ويجي أبوه يشوفه. بدون ما يطالع في التليفزيون، راح يعرف أنه يلعب تنس. صدقني راح يفكر أنه يجرب.

بعدين يرجع الولد من المدرسة بدري ويلقى أبوه متحمس مع لعبة التنس .. 🙂

 

[Mr.3B]

...

هههههههههههههههههههه .. يوسف أخاف ياخذه من ايده ويركبه السياره وعلى "شهار" على طول .. ههههههههههههههههههههه

 

[Nintendo]

والله همام انا مثلك .. ولكن بصراحة لو تفكر فيها اعتقد كل الامهات يمسكوا الريموت ويقلبوا بالقنوات ويمكن اذا مثلا لعبه ببساطة الوي سبورت ( مثل خلنا نقول البولنج لانه مافيها اي حركه ) نشوف شئ ماقد شفناه بحياتنا لول ..

ايواتا رهيب .. ميزة يوم يكون رئيس الشركة شخص بالاصل مبرمج العاب وشخص له خبره عريضه بذا المجال .. ننتندو قالت نفس الكلام مثل ماقال يوسف قبل صدور الدي اس .. قالوا الجهاز بيكون شئ جديد وبيجذب الناس والناي قالت اجل ننتندو بتترك الهادكورز والخ الخ واعتقد النتيحة انه اغلب الشركات والعاب الهاردكورز رجعت للجهاز بشكل قوي ومختلف ..

الوي له فرصة كبيره جدا للنجاح .. شخصيا متفائل انه الجهاز بيلعب دور كبير جدا بالجنريشون الجديد .. خلاص هانت باقي كم شهر على اللنش وزيلدااااااااا .

 

[mario0o]

نفس الكلام على بداية الـDS 🙂

كل من رويته فيديو الالعاب تحمس وقرر انه يشتري الجهاز (male & female) :cooool:

 

[RIZE]

عدونا هو عدم اهتمام المستهلكين بألعاب الفيديو

مممممممم نقطه حلوة ..

بس تعتبر ايجابيه وسلبيه بنفس الوقت

صحيح انهم يبون يعرفون لفئه ما عمرها جربت الفيديو غيم بس بنفس الوقت راح يعرفونهم على باقى الاجهزة .. يعنى مثال ::

مرأة اشترت الوي وانبسطت عليه .. ونصحت صديقتها تشتري جهاز الوي ... واشترت الصديقه جهاز والوي وبعد مده لما تقتنع بالجهاز مثل ما الأولى اقتنعت به فا تتجه الاخرى الى جهاز اخر .... وصلت المعلومه ^^

 

[NSider]

مممممممم نقطه حلوة ..

بس تعتبر ايجابيه وسلبيه بنفس الوقت

صحيح انهم يبون يعرفون لفئه ما عمرها جربت الفيديو غيم بس بنفس الوقت راح يعرفونهم على باقى الاجهزة .. يعنى مثال ::

مرأة اشترت الوي وانبسطت عليه .. ونصحت صديقتها تشتري جهاز الوي ... واشترت الصديقه جهاز والوي وبعد مده لما تقتنع بالجهاز مثل ما الأولى اقتنعت به فا تتجه الاخرى الى جهاز اخر .... وصلت المعلومه ^^

.. وطيب في النهاية سوق الألعاب راح يكبر وهذا هدف نينتندو. مع أني ما أتصور أن ربة بيت تروح تشتري PS3 أو 360. إيش راح تلعب؟ جيرز أوف وور؟ ولا DMC4؟ غير كذا أن أهم ما يجذب اللاعبين الجدد للـWii هو التحكم البسيط حقه. مثل الـDS بشاشة اللمس.

 

[RIZE]

وطيب في النهاية سوق الألعاب راح يكبر وهذا هدف نينتندو. مع أني ما أتصور أن ربة بيت تروح تشتري PS3 أو 360. إيش راح تلعب؟ جيرز أوف وور؟ ولا DMC4؟

؟_؟ ليش السونى3 والاكس 360 ما عندهم غير العاب اكشن ولا شنو القصه + شنو الصنف الى من الالعاب موجود بالو مو موجود بباقي الاجهزة (( مغامرا. بلاتفورم . سيارات .... إلخ )) كلهم موجودين بكل الاجهزة

يعنى مو معقوله وحده تشتري الوي علشان بس لعبه الطبخ P:

غير كذا أن أهم ما يجذب اللاعبين الجدد للـWii هو التحكم البسيط حقه. مثل الـDS بشاشة اللمس.

<<<< يتخيل مرأة شاده الولد الرضيع ماله بظهرها وقاعده تلعب وتهوش بكنترول الوي -.-

وبعدين تحكم الدي اس مو مثل ببساطه تحكم الوي

الدي اس بس بالاصابع (( بسيط جدا ))
الوي يمكن تضطر للوقوف (( متعب جدا وليس بسيط لانه هذى غير الوقوف لازم تعرف مكان الازرار ))

عرفت شلون ^^

 

[NSider]

؟_؟ ليش السونى3 والاكس 360 ما عندهم غير العاب اكشن ولا شنو القصه + شنو الصنف الى من الالعاب موجود بالو مو موجود بباقي الاجهزة (( مغامرا. بلاتفورم . سيارات .... إلخ )) كلهم موجودين بكل الاجهزة

Non-games؟ الألعاب البسيطة؟ ما في إلا على الـWii تقريباً. وكنت أبالغ بأمثلتي عن إن ما كنت لاحظت .. 🙂

يعنى مو معقوله وحده تشتري الوي علشان بس لعبه الطبخ P:

راجع مبيعات لعبة الطبخ على الـDS. ومو بس لعبة الطبخ. في لعبة Big Brain Academy وألعاب الـvirtual pet الجاية بعد. ـمن

<<<< يتخيل مرأة شاده الولد الرضيع ماله بظهرها وقاعده تلعب وتهوش بكنترول الوي -.-

لول عندك صورة سلبية عن الحريم. 😛

وبعدين تحكم الدي اس مو مثل ببساطه تحكم الوي

آها يعني تحكم الـWii أبسط؟

الدي اس بس بالاصابع (( بسيط جدا ))
الوي يمكن تضطر للوقوف (( متعب جدا وليس بسيط لانه هذى غير الوقوف لازم تعرف مكان الازرار ))

مو توك قلت أن تحكم الـWii أبسط؟ 🙂

من جدك؟ ما في ولا لعبة للـWii لازم توقف. تقدر تلعب وأنت جالس. تقدر ما تحرك يدك إلا حركات بسيطة واللعبة راح تفهمها. لكن اللعب ممتع أكثر لو وقفت وحركت يدك حركات كبيرة. والأزرار المستخدمة قليلة في كل الألعاب الموجهة للـnon-gamers.

مو مهم أصلاً سالفة الـ"تعب" اللي الناس مكبرينها. قصدي أن تحكم الـWii فهمه أبسط من تحكم الـDS. مثلاً تبي تشرح لواحد جديد كيف يلعب لعبة التنس؟ "حرك الريموت مثل مضرب التنس على كيفك". مو اضغط زر كذا وزر كذا والأنالوج كذا. أبسط. Makes more sense.

 

[RIZE]

لا تعليق على ردك هذا ... بس كل الى اقدر اقوله

وبعدين تحكم الدي اس مو مثل ببساطه تحكم الوي

كنت اقصد العكس >_<


وبالنسبه للتنس مثل ما قلت لازم توقف علشان تعيش الدور وتحس بهذى الخاصيه .. يعنى مو حلوة تلعب تنس وانت قاعد بمكانك بس اللهم ايدك تروح مرة يمين ومرة يسار -.-"

 

[The Last Fantasy]

تعليق ايواتا رهيب ..
هي فكرة ننتندو بالأول والأخير توسيع نطاق اللاعبين ..
في الـDS قدرت تكسب الإناث وكبار السن .. وننتندو ناوية تكملها مع الوي بنفس الطريقة+ألعاب الهاردكور بتبقى تستقطب النوع الأساسي من اللاعبين على الجهاز.. سياسة موفقة ::

 

[Super Shadow]

"نريد أن نجذب الأمهات اللاتي لا يردن أجهزة ألعاب في غرف جلوسهم، ولكبار السن، وللشابات. إنه تحدي، كأنك تحاول أن تبيع مستحضرات تجميل للرجال. لكن إذا استطعنا أن نفعل ذلك، الـWii قد يكسر كل الحواجز في عدد المستخدمين لجهاز ألعاب.

هذي النقطة عجبتي في المقال :laugh:

نحن لا ننافس مايكروسوفت أو سوني، عدونا هو عدم اهتمام المستهلكين بألعاب الفيديو."

ها الكلام قالوه قبل ما يصدر الجيم كيوب :slant:

 

[NSider]

ها الكلام قالوه قبل ما يصدر الجيم كيوب :slant:

لا، اللي قالوه وقت الكيوب أنهم ما يبون ينافسون MS وسوني بشكل مباشر ويركزون على نوعيات معينة من الجيمرز.

الحين .. اللي يقولونه هو أنهم ما يبون ينافسون MS وسوني بشكل مباشر ويركزون على نوعيات معينة من الجيمرز بالإضافة للكلاسيك جيمرز وكل الـnon-gamers.

فرق كبير أعتقد. 🙂

 

[M 7 L]

بصراحة كلام كلام حلو وكلام مثل العسل ما شاء الله عليه أيواتا لاعبها صح وإن شاء الله نشوف مبيعات ساحقة للوي...

والوي أكيد شي مختلف عن الإكس والبلاي 3 وأي لعبة عائلية على البلاي 3 غير لمّا تكون على الوي لأنها راح تكون شي ثاني شي مختلف تشدّ انتباه الكبار والصغار وهذا الفرق بين الأجهزة وأنا أشوف إن الـ !!W هي نسخة مكبّرة من الـ DS