رأيكـ بالهندسة المدنية Civil Engineering

[Lil-Falcon]

الـسـلام عليكم ورحمة الله وبركاته


الموضوع واضح من عنوانه أبي رايكم بالهندسة المدنية ..
من ناحية :
~ الراتب
~ الراحة
~ سهولة دراستها
~ مستقبلها
~ أفضل تخصصاتها


(( علماً إني من لكويت ))

بس أنـا أبي أشوف عمومـاً اسم الهندسة المدنية هل هو قوي ! أو ..
وهل السالفة رسم X رسم ؟ لأني ضعيف في الرسم ! ولا الرسم أكثر على المعماري ؟ المدني يكتفي ببرامج التصميم !

محتار وودي أسمع منكم :confuse:

 

[Id]

تخصص الهندسة المدنية في جامعتنا يعطيك دراسة عن تفاصيل في بناء المدن و التفاصيل الدقيقة في إنشاء الطرق السريعة و مواد متقدمه في الخرسانه ..

الرسم ما أتوقع موجود إلا في مواد إعداديه و الدراسه في التخصص سهل مقارنة بالتخصصات الهندسية الأخرى ..

أكثر من يعمل في هالمجال يعمل في البيئة و البلديات .. كتطوير ..

الرواتب تعتبر جيدةجداً .. ومستقبلها ما أقدر أتكلم عنه كثير بس العمل في مجال تطوير المدن و غيرها في توسع حالياً عندنا .. ما ادري عن الكويت ..

 

[bnbn]

من ناحية الراتب :
مؤخرا بالكويت وحدوا معاشات المهندسين يعني جميع التخصصات نفس الشىء

الراحه:
ماكوا راحه انت راح تصير مهندس لازم تشتغل في ايدك

سهولة دراستها:
طبعا انت داخل هندسه لازم في شغل و دراسه و مشاريع و تعب شويه بس بجامعة الكويت دكاترة قسم المدني وايد متساهلين مع طلبتهم فبالتالي التخصص صاير اسهل من باجي التخصصات بنفس الجامعه

التخصصات داخل المدني:
اعتقد ان التخصصات ما تفرق وايد فكل تخصص عن تخصص يفرق مادتين او ثلاث

المستقبل:
الصراحه ما ادري بس بالكويت اكثر تخصص يتخرجون منه طلبه هو المدني

و لا تحاتي ما في رسم يمكن بس ماده وحده على ما اعتقد

 

[Lil-Falcon]

مشكورين شباب على الردود ..
ورد الأخ bnbn وايد فادني والله ..

ولو أحـد عنده راي آخر ،، بإنتظارة ;D

 

[pacino]

نصيحتي اخوي
اذا كنت متوقع من المدني انه كل رسم وتخيل وتصميم..انصحك لا تفكر فيه .لان اذا عندك ميول بالشغلات هذي ادخل عماره افضل بكثير .لان المدني بكليه الهندسه جامعة الكويت مافيه الا مقررين للرسم فقط .والمقررات الباقيه موزعه بين مواد الهندسه المشتركه ومواد قسم المدني

العماره جدا جميله وانا اكتشفت ان عندي ميول بالتصميم والتخطيط بس للاسف متأخر لووول+ان المعماري اذا تخرج عندنا ما ينمسى مهندس ...