دراجون كويست 9 قادمة لل............

[Humam]

PS2​

موقع ياباني للبيع عنده استمارة تحديث معلوماتية حول الألعاب القادمة ( مثل موقع Amazon ) وضع دراجون كويست 9 في قائمة الألعاب القادمة للبلاي ستيشن 2 ..

http://www.ecgeo.com/p/corner/packaging/?category_code=03

الخبر جايبه حبيب خالد جوني رام.. مافي تأكيد رسمي حتى الآن.

لو الخبر اتأكد .. واو.. PS2 FTW.. والنكست جن FTL..

 

[NSider]

ما أقدر أقول أني متفاجئ كثير. الـPS2 ما زال عايش، وهو أقوى كونسول في اليابان من أول ما نزل إلى الحين، وواضح من قائمة الألعاب الجاية عليه أنه راح يطول.

خطوة حذرة من سكوير اينكس. تحس ما يبون يحددون وين اللعبة تروح في النكست جن إلا بعد ما يشوفون المبيعات.

 

[Nintendo]

مثل ماقال يوسف بالضبط ..

اينكس ماراح تستعجل بدراجون كويست النكست جنريشون .. ينزلوا التاسع السنه الجايه على البلايستيشن2 والعاشر بعد ثلاث سنوات تكون الصوره واضحه بخصوص السوق الياباني ..

غالبا اخبار متاجر البيع اليابانيه تكون صحيحه وماعتقد انه مر علي خبر منهم وطلع نصبه ..

 

[Humam]

فعلا خطوة شبه منطقية.. الي ماعنده PS3 يشتريها على الPS2..و الي عنده PS3 يشتريها ويلعبها HD و آخر حلاوة.. واللعبة راح تبيع صاروخ.. فعلا إذا نظرنا للموضوع من منظور مختلف راح نشوف إنها خطوة غير مفاجئة... ننتظر التأكيد.

 

[Khalid-S]

ما ازيد عن كلامكم شي .. لكن بغض النظر عن ان سكوير تبي تشوف مبيعات الاجهزه قبل عشان تخلي لعبتهم عليها .. نبي نشوف النيكست جين يتحرك شباب !! اذا سكوير العملاقه سوت كذا اجل وش تتوقع من الشركات الباقيه ؟؟

توقعاتي لسوق الفيديو جيمز الياباني للنيكست جين بيكون ضعيف . كثير حيمشون على خطى سكوير = بطئ في تطوير العاب النيكست جين = بنشوف العاب كثيره بجرافيكس الجيل الحالي مع تحسينات للجيل القادم (مثل تومب ريدر و هيتمان للاكس بوكس 360 ) = الي كانوا يتفلسفون علي ويقولون السوق الياباني هو بداية النيكست جين اقولهم رددوا ياليل مطولك ( هم اثنين عارفين نفسهم .. كويس )

 

[Humam]

اذا سكوير العملاقه سوت كذا اجل وش تتوقع من الشركات الباقيه ؟؟

خالد المشكلة إنك قرنت استثناء واحد ( دراجون كويست ) بمجموعة ألعاب وقرارات الشركات.. دراجون كويست طبيعتها كذة إنها لازم يكون الجو مهيأ لها قبل ما تصدر..لا تنس إن سكوير إينكس أعلنت لعبتين فاينل فانتسي 13 للنكست جن وفي سيكويل لفاينل 11 في الطريق للPC والPS3 وال360.. غير كريستال كرونكلز الوي.. 4 ألعاب فاينل فانتسي للنكست جن.. حتى أيام البلاي ستيشن 2 ماصارت يوم أعلنوا عن فاينل 10 و 11, لعبتين مقابل 4 ألعاب..

ما أعتقد إن أحد قال بالتحديد إن اليابان هي بداية النكست جن, بالتحديد أنا وعمر دائما متفقين إن الشركات اليابانية بشكل عام ( حتى الآن ) مي عارفة تقدم شي على النكست جنريشن وهو شي طبيعي لأن المطور الياباني فنان, يحب يعتمد على نفسه في كل شي مو يروح ياخذ ميدل ويرز ومحركات جاهزة بعدين يطلع لنا ألعاب بأنيمشن بلاي ستيشن 1 أو 25 fps..

بس هذا مايعني إن لنش الPS3 بالذات قد يحمل بصمات نكست جنريشن حقيقة, كلنا نعرف ايش صار في E3 الماضي وليش الألعاب ظهرت بمستوى أقل من المتوقع.. عدة التطوير وصلت لهم على E3, وغالب الألعاب الي انعرضت أما اشتغلوا عليه أيام قليلة أو كانت كاملة بنسبة 20 % .. TGS راح يضع كثير من النقاط على الحروف .. واذا ما شفنا شي مميز في إنطلاقة الPS3 في اليابان ما أعتقد إن في أحد بيكون متفاجئ.. واحنا ايش ورانا أصلا مدام السوق محصور بين جهازين فقط...

 

[Suzuki Yu]

منطقية جدا انها تكون للجن الحالي , معروف ان مطورري دراجون كويست دائما يبحثون عن الاجهزة الاكثر انتشارا ,,,,,,,,,,,,, أتمنى يعطونها اهتمام أكبر لان حتى الجزء الاخير ما ارتقى ان يكون لعبة RPG أسطورية بنظري , في اشياء كثيييييرة ناقصته

وأنا الصراحة العاب ال RPG عندي اما أسطورية أو حضيض , يعني بالعربي لما ألعب لعبة RPG لازم تكون رائعة من كل النواحي

 

[Khalid-S]

همام .. مخاوف الشركات اليابانيه كثيره .. الي زاد مخاوفهم هو سعر اكثر جهاز كونسول اسمه منتشر عندهم حالياَ .. بتشوف العاب سيئه كثير وبتشوف العاب بكرافيكس جين حالي يطورونه للنيكست جين .. مع تكلفة التطوير و الـHD .

يمكن مثل ما انت قلت دراجون كويس لها وضع ثاني .. لكن همام في مشكله في السوق الياباني مع النيكست جين الي هي ان سوقهم لمن تجي من ناحية قوة الجهاز والجرافيكس ووالخ بتحصل جهاز واحد فقط يقدم لك هذا الشي بعكس السوق الامريكي الي عندهم جهازين .. معناتها الشركات اليابانيه منحصره مع البلاي 3 الي بيكون سعره غالي ومخاوف الشركات كلها منصبه حول تكلفه التطوير وعدم نجاح لعبتهم على الجهاز وانها ما تدخل مردود جيد لهم .. بعكس الامريكان .. عندهم جهاز غالي وجهاز متوسط السعر وجهاز انتشاره .. يعني تم دراسه سوقه لانه بيكمل سنه في الاسواق.

لا ننسى همام ان السوق الياباني كمان تغيرت مفاهيمه .. مثل ما تناقشنا اول .. اليابانين ملوا من التكرار !!

اسف اني طلعت عن الموضوع شباب.

 

[Nintendo]

المشكلة الاكبر انه تلفزيونات الHD الى الان مالها سوق باليابان .. ويمكن لهذا السبب ماراح نشوف اشياء قوية من بداية عصر الجيل الجديد الياباني ( طبعا بحكم انه الاكس بوكس مايعتبر جهاز هناك ) ..

شفنا سوق الالعاب انكمش اكثر من مره بسبب التكلفةا لعالية وعدم التطور بالافكار الجديده .. مادري صراحة يوم يصدر البلايستيشن3 بسعر ال600 والعابه بسعر ال70 وش راح يصير هناك .. عموما نهاية العالم الحالي بتكون حمااااس 🙂

 

[dragonwarrior]

This can't be true
the next game inthe series is DRAGONQUEST VI remake using VIII engine

 

[Bounty]

This can't be true
the next game inthe series is DRAGONQUEST VI remake using VIII engine

حمد يمكن قصدك عن DQ V الي سووله ريميك باليابان بس ؟ على الPS2 ? (شوف الصوره)

الغلاف ..

ما سمعت عن DQ VI انها راح تنزل بنفس محرك 8 .. ممكن المصدر ؟



_______




ويا رب الخبر صحيح .. لأن حاليا قاعد العب DQ 8 و بكل صراحه اعتبرها الافضل في هذا الجيل من بين العاب الآربيجي من ناحية عالم و افكار و موسيقى .. بالنسبه للقصه وايد كلاسيكيه بس اكيد تتحمس فيها 😎

 

[Golden_Sun]

افااا : ( ..
لكن هذا تلميح غير مباشر ان ممكن دراجون كويست تنتقل لجهاز اخر في الجنريشن القادم (ويييييييييييييي!!)

ليفل فايف بتكون مطوره الجزء التاسع بعد؟.. ان شاء الله!

 

[mario0o]

خبر غير مفاجئ لعشاق اللعبة 🙂
الحين اينيكس ظمنت DQ9 .. ننتظر DQ wii شو بيسوي.

 

[king zell]

أنا أشوف ان هذا الخبر ان كان صحيح فإنه يصب في احتمالية انتقال السلسلة الجيل القادم

ننتظر و نشوف 🙂

 

[Final Fantasy]

اذا اللعبة على الـ PS2 فمتى راح تصدر !! 2008 في اليابان و بداية 2009 بالولايات المتحده !!

شي غير منطقي .

 

[Bounty]

أنا أشوف ان هذا الخبر ان كان صحيح فإنه يصب في احتمالية انتقال السلسلة الجيل القادم

ننتظر و نشوف 🙂

مستحيل ما تنتقل السلسلة للجيل القادم ... و مستحيل تتنازل عنها اينيكس .. و مستحيل لأن عشاق اللعبه كثار حيل حيل حيل سواء باليابان أو امريكا ...


باختصار ..


عدم تواجدها بالNext-Gen = مستحيل ..

 

[Humam]

أنا أشوف إنه يصب في المسار إلي يؤدي إن سكوير إينكس تمهد بشكل ما إن القاعدة الجماهيرية تنتقل بشكل سلس للPS3.. اللعبة إذا صدرت للبلاي ستيشن 2 الجمهور ممكن يخليها محسنة إذا لعبها على الPS3 يعني انت عندك خيارات..

ألعاب فاينل فانتسي 13 أو حتى دراجون كويست نكست جن ماراح نشوفها إلا بعد فترة مو قليلة من صدور الPS3.. تتسويا نومورا أذكر صرح إنه في الفترة إلي راح تصدر فيها فف 13 الPS3 راح يكون سعره مناسب أكثر.

 

[Nintendo]

باونتي اعتقد محمد يقصد الانتقال من جهاز سوني لشئ اخر 🙂

 

[Bounty]

باونتي اعتقد محمد يقصد الانتقال من جهاز سوني لشئ اخر 🙂

لول عيل سوء تفاهم ... يتقبله محمد XP

 

[Nintendo]

همام جماهير السلسله ماراح يدفعوا 600 دولار عشان جرافيكس احسن بشوي .. جماهير السلسله عندهم البلايستيشن2 ومافي اي داعي للبلايستيشن3 بنظرهم اذا كان الجزء فعلا للبلايستيشن2 ..

طبعا ماودي ادخل بنظرية الاحتمالات والخ الخ خصوصا انه الخبر فيه احتمال انه يكون مش صحيح اصلا ..

 

[Humam]

عمر أنا ما قصدت إن الجمهور راج يشتري البلاي ستيشن 3 علشان يلعب بDQ محسنة.. أنا أقصد إن صدور اللعبة في فترة نكست جنريشن على جهاز من سوني يعطي انطباع إن اللعبة راح تكمل نفس المشوار .. ثم الجمهور نفسه أيضا راح يعتقد هذا الشي.

 

[Nintendo]

ماعتقد ذا الشئ 🙂

يوم اينكس اكدت انه دراجون كويست7 بتنزل على البلايستشن الاول عملت اعلانات بالتلفزيون عشان الناس تعرف ذا الشئ ( الجنون لاي درجه ) .. عموما بدري الكلام بذا الموضوع ولو انه اينكس راح تمشي على القاعده المعتاده مادري كيف بيكون الوضع بعد سنتين من الان ..

 

[Ginko]

والله محتمل جدا، لان قدرات النكست جين ما تهم اللعبه وعشاقها وانا شخصيا. فما فيه مشكله مادام اللعبه بتكون دراجون كويست.


الي يشوفه هوري انا معه 🙂

 

[Argandir]

معقولة جدا...

اذا كان الخبر صحيح...اتمنى ان هيرو يستخدم فريق داخلي من سكوير لتطوير اللعبة...

 

[Ash]

بالنسبه للنكست جن في اليابان .. الجهاز هو الي يحتاج دراجون كويست , ما أعتقد العكس .