خمستي يا خمستي على وزن ناقتي يا ناقتي

[F - ZERO]

خمستي يا خمستي لا رباع ولا سديس

زوديني راتبي وين اودي هالفلوس




تنقطع ثالث سنة ثم نرجع لليبيس

جعل منهي فكرته تدعسه حمر الجموس



روّحت خمساتنا من خسيس اليا خسيس

كل تاجر له على الدرب ميقاف وجلوس



ما تكفينا ريالين عن فول وتميس

عزتي ياللي يبيله بعد هذا عروس



تدري وش قالوا؟! يقولون: خلوها تخيس

إلاّ خسنا..مير فكولنا ابواب الحبوس



أن هرجنا قالوا:اسكت ولا نسمع حسيس

وأن سكتنا نب نخاشر مشردة البسوس




من يعلم والي الأمر بالوضع التعيس؟

ليه بخلوا يوم جادت عليهم دختنوس؟!!

= = = = =
منقول

 

[hamad 11]

شالسالفة +_+ ؟

 

[NESTA]

^ زيادة الرواتب في السعودية 5%

 

[pacino]

انتم زين ..معظم دول الخليج زادوا الرواتب
احنا بالكويت اول ناس تكلمنا عن الزياه وهالشيء سبب زيادة كبيره بجشع التجار...ولا شفنا ولا زياده ولا هم يحزنون =[

 

[the obscure]

انتم زين ..معظم دول الخليج زادوا الرواتب
احنا بالكويت اول ناس تكلمنا عن الزياه وهالشيء سبب زيادة كبيره بجشع التجار...ولا شفنا ولا زياده ولا هم يحزنون =[

على كلام كثير من التجار فالأسعار بترتفع 15% تقريبا الأيام القادمه.. بسبب زيادة الرواتب 5%.
يعني احمدوا ربكم ان ما فيه زياده.

 

[pacino]

على كلام كثير من التجار فالأسعار بترتفع 15% تقريبا الأيام القادمه.. بسبب زيادة الرواتب 5%.
يعني احمدوا ربكم ان ما فيه زياده.

انت مافهمتني عدل..ياليت زادو وخلصوا
قالوا من شهور انهم بيزيدون والتجار ما قصروا يوميا الاسعار ترتفع ولا شفنا زياده ولا شيء ونبسة التضخم زادة بشكل كبير

 

[TIDUS_FFX]

اللي زاد بس الاسعار
كل شي تفكرون فيه زاد سعره ، وللحين مافي زياده في الرواتب :S

 

[ABUALI]

احنا زاد عندنا كل شي إللا المعاشات

 

[Sky Walker]

شورما جامبو دجاج كانت بـ 5 ... و الحين صارت بـ 6 😕