خلاص الوضع لا يُطاق مع STC وزرف خلق الله!! أحوّل لموبايلي أحسن؟؟

[T u R k I]

بصراحه الوضع ماعاد يطاق مع استغفال العميل

الشهور الماضية حسيت ان فواتيري تزيد حتى بدون ماأكلم والحين فاتورتي وصلت حول 400 وانا متأكد زرليون بالميه ان مكالماتي ماوصلت لهالمبلغ

هذا غير اسلوب الموظفين السيء وتصريفاتهم المتكررة

الحين افكر احول لموبايلي ناس تمدح وناس تقول الاثنين نفس الشي وماادري امشي على كلام مين؟

 

[CODE-X]

كانت تصيرلي نفس المشاكل , نصيحة جرب تغير لانهم تبع STC يفعلولك باقات ما ادري ايش تاخذ منك مبلغ كل شهر و انت ما تدري حتى !

 

[Madainee]

اذا الـ elife موجود عندكم حول عليه على طول اما اذا بتفكر تاخذ موبايلي برودباند ف احسن لك خلك على فواتير STC

 

[DONY]

اذا الـ elife موجود عندكم حول عليه على طول اما اذا بتفكر تاخذ موبايلي برودباند ف احسن لك خلك على فواتير STC

انت مشترك بالايلايف ؟ كيف الخدمة معك ؟باي باقة مشترك ؟

 

[ALONE]

اقسم بالله جالس اتصبر على stc الزفت

الفواتير ذبحتني حتى والخدمة مفصولة تصدر فاتورة !!!

 

[The Doctor]

أنا لما سافرت من البلد تركت شريحتي موبايلي (خطي بلس) شغالة لأن البيت ممكن يستخدموها... صار لها شهور ما اتشغلت في جوال و مع هذا الفاتورة تجي 150 ريال، مع إن لما كنت استخدمه زين إذا وصلت 100 (data و مسنجر للفوز، لول)..

بشكل عام لكن، على ما يبدو موبايلي يسرقوا أقل بمراحل، أنا و اثنين من اخوتي في البيت كنا نستخدم موبايلي و الباقي STC... احنا تجينا فواتيرنا على الاستخدام، و اللي على STC قمة العشوائية..

 

[Genocide Diego]

أنا أستخدم موبايلي ومكالماتي قليلة جدا وتنعد على الأصابع وفاتورتي تطلع حول 80 ريال وأشوفها كثيرة على مكالماتي

براحتك إذا تبي تحول لموبايلي بس خذ بعين الإعتبار إنك حتى لو ما استخدمت الجوال أبدا بتيجيك فاتورة وفوق 50 ريال مع الأسف

 

[Mesharey]

مادام فاتورتك عالية ليش ماتحول لتعبئة وتريح نفسك ؟ p:

 

[Phantom Fiction]

والله كلهم حرامية ونصابين لكن ممكن موبايلي نصبهم أقل ..

 

[CODE-X]

هو الخط المفوتر يتكون اصلاً من باقة كل باقة و لها مبلغ ثابت تدفعه عليها كل شهر , ليش ؟
هو نسبياً لان المكالمات فيه ارخص من مسبقة الدفع , و كل باقة لها تسعيرة المكالمات للدقيقة و للرسالة النصية .
و ارخص باقة بالنسبة لـSTC سعرها 25 ريال للشهر , و الفاتورة تصدر كل شهرين يعني عندك 50 ريال موجودة موجودة بالفاتورة .
و الباقي المكالمات والرسائل و استخدامك لل3جي , بس خدمة العملك تبع الSTC يفعلولك خرابيط في بعض الأحيان بدون ما يقولولك بطريقة خبيثة و تصير تنزل عليك كل شهر و انت ما تدري . او ممكن االباقة اللي انت عليها سعرها مرتفع جرب تغير باقتك لأرخص وحدة ...

 

[CODE-X]

مادام فاتورتك عالية ليش ماتحول لتعبئة وتريح نفسك ؟ p:

خط التعبئة ابو القرف تمرمط فيه , ولا تكلم واحد يفصل عليك في وجهه خلص الرصيد ولا محتاج تكلم واحد ضروري و انت في مكان بعيد ما في بقالة او شي تلقى مافي رصيد .. اجل ايش فايدة الجوال وقت الحاجة :tongue:
الخط المفوتر اريح و افيد بالنسبة لي ..

 

[MadPhantom]

حول على مسبقة الدفع
لكن لا تفكر تاخذ زين باي شكل من الاشكال ، عروض وخدمات واشياء واجد بس مافيه شبكة مثل العالم والناس -_-" !!!! تدخل البيت يفصل ، تطلع يفصل ، تدخل محل يفصل ، تطلع يفصل -_-

 

[Nintendo]

طيب ليش ماتجرب انك تحسبها؟ خذ منه الفاتوره وشوف على مين إتصلت وخذلك شهر كامل احسبك كم إتصال سويت وكل شئ واذا فيه شئ غلط روح اتفاهم معاهم بالطرق الصعبه

 

[N2N2]

انا غيرت من اكثر من 6 شهور و مرتاح

فيه طريقه تجرب بدون ما تخسر شي و على المضمون

وقف جوالك و طلع رقم موبايلي و جربه شهرين و قارن الفواتير اكيد استخدامك ما راح يتغير وراح تحكم بنفسك

اذا انت طالب جامعي عندهم عرض بدون رسوم طول المدة الدراسيه المتبقيه و رقم مميز ببلاش و سعر الدقيقه ثابت لشبكة موبايلي و الاتصالات 30 هلله

 

[Phantom Fiction]

^
أول مرة أسمع بعرض الطالب !
طيب لازم أطلع رقم جديد ولا ينفع برقمي الحالي؟

 

[Mesharey]

ما ادري اذا موجود عندكم بس في بزين الكويت تدخل للموقع.وتسجل فيه ويطلع تفاصيل المكالمات بالثانية واذا فيه خطأ راجعهم.