خطاب الملك عبدالله 18 مارس

[Old School]

ماتدري وين يحطها بجيبه ولا بفايده ولا وين وانا عارف شغلتهههم زيين انا ماقلت لك وش هي شغلتهم انا قلت وش فايدة الـ 300 مليون بالله عليك .. مباني وعندهم وسيارات وعندهم
نفس الشيء الملايين الي صرفت لترميم المساجد في السعوديه .. كل السعوديه مساجدها ماشاء الله تبارك الله مكيفه ومجهزة بـ كل شيء

لكن كل هالملايين بتدخل في جيوب بعض الناس والشكوى لله وبس !

{يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ [الحجرات: 6]}.

برهانك الله لا يهينك.

 

[Genocide Diego]

الله يحفظك لنا يابو متعب 🙂

 

[iNakedSnake]

بعض الناس تنطبق عليه :

إذا أكرمت الكريم كرمته *** وإن أكرمت اللئيم تمردا

 

[SAM]

{يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ [الحجرات: 6]}.

برهانك الله لا يهينك.

برهاني تشوفه مع الوقت زي ماشفنا غييره !

 

[squall leonhart]

لا حول ولا قوة إلا بالله؟ بيحطها بجيبه يعني؟ سبحانه الي يسمعك يقول رجال الهيئة يستلمون رواتب خيالية و هم ذوي رواتب عادية جدا. هذا أمر ثم الأمر الاخر لا يكون وظيفة الهيئة ملاحقة أهل الغزل في المجمعات وانا مدري؟ ما تدري إنهم ظمن قوات مكافحة السحر و الدعارة و المخدرات و يعملون مع قوات أمن الدولة؟

و قناص الإنتقاد يكون بأدب و إحترام ومن منطلق علم و حط عليها ألف خط. يعني محسوبك مهندس كهربائي هل للمتخصص بالشأون الإقتصادية مثلا الحق بأن يخبرني كيف اصمم جهازا معينا وهو لا يعلم أبسط امور الطاقة الكهربائية؟

المشكلة القرار كان واضح للهيئة .. القرار قال 300 مليون لبناء مقار للهيئة .. مين قال انها راوتب و لا مكافئات لهم .. البتا الحين غالي جدا و متوسط البناء عندنا اقل شي 3 مليون ريال ,,

وطبعا الرابح الأكبر المطاوعه والعساكر وترقية العلماء لـ مرتبة ملائكه على قولتهم !!

لا تردد كلام لمجرد انك قريته بتويتر .. ياخي الكلام ذا نحاسب عليه و رب كلمة تهوى بصاحبها سبعين خريفاَ في النار..

طيب نسيت 500 الف مسكن .. نسيت البنك العقاري الي ارنفع ل 500 الف .. نسيت مكافئة 2000 ريال للعاطلين .. مين المستفيد منها بالله ..

 

[ALONE]

أولد سكول ..
بما أن أنتقاد المفتين في حدود الأدب وش المانع ..
ولا تبيها كهنوتية ؟

هل انت متابع لما يكتب بعض الكتاب الي معروفه افكارهم وتوجهاتهم ؟

الوضع تعدى النقد ووصل للتشكيك في علمه

+ تحريض الناس على كره هيئه الامر بالمعروف والنهي عن المنكر

بسرد بعض القصص الخياليه الي يظهر فيها منسوبين الهئيه

وكأنهم افراد من عصابات المافيا ‍!!


ياحبيبي هم ماينتقدون من احل الاصلاح لا

بل ينتقدون من اجل الانتقاد وعلشان تمشي الامور على مايشتهون

التقاش يطول في هل السالفه

لاكن شكر ا ابو متعب من القلب على هاذا القرار الي اسعدنا 🙂

 

[AS-HI]

وحين يجي عمر يقفل الموضوع 🙁


رواتب يبييي

 

[Old School]

برهاني تشوفه مع الوقت زي ماشفنا غييره !

سبحانه تتهم و تكذب الكذبه وتصدقها ثم تقول لي برهاني الزمن؟

سبحانه عجيب أمركم كيف يتحدث و يكتب الواحد منكم فرضيات يضعها هو بنفسه من غير لا برهان ولا حجه؟ سوها بجامعه مرموقه وشف وش بيصير. وقتها بتحترم نفسك و كل كلمة تكتبها و تقولها توزعها لدليل أما إذا صار الموضوع أهل الدين أبد حلال بلال هش بلحمهم وحط فرضيات من هنا للصبح و الحجة و الدليل و الله ابد إحساسي يقولي كذا.

 

[MohamedEgy]

احمدوا ربكم
حالكم غريب ما يعجبكم العجب
ماشاء الله قرارات جميلة
ربنا يحفظة لكم

 

[squall leonhart]

انا اقترح نعطي الاخ ال( مكرمة ) الي زعلان انها ما وصلته يمكن يعقل لووول

لا بس عجبني كيف انك انتقلت من نقاش سخيف و سطحي عشانهم ما اعطوا طلاب الثانوي المساكين الي اهلهم مشغلوين عنهم .. و الله مساكين طلاب الثانوي يصرفون على سكنهم و اكلهم و شربهم و يشترون سيارت من فلوسهم و يشتغلون بارت-تايم عشان يوفرون مصاريف الدراسه ..

و بعدين صرفت علينا حكاية ال10 الاف من عندك .. اسمها راتب شهرين مو 10 الاف ..

و بعدين دخلت بنقاش عن المطاوعه .. لوووووول ياخي وش تحس فيه

 

[SAM]

سبحانه تتهم و تكذب الكذبه وتصدقها ثم تقول لي برهاني الزمن؟

سبحانه عجيب أمركم كيف يتحدث و يكتب الواحد منكم فرضيات يضعها هو بنفسه من غير لا برهان ولا حجه؟ سوها بجامعه مرموقه وشف وش بيصير. وقتها بتحترم نفسك و كل كلمة تكتبها و تقولها توزعها لدليل أما إذا صار الموضوع أهل الدين أبد حلال بلال هش بلحمهم وحط فرضيات من هنا للصبح و الحجة و الدليل و الله ابد إحساسي يقولي كذا.

زي ماشفنا سرقات بـ جده وزي ماشفنا ناس في مناصب عاليه تسرق من فلوس الدوله !
بنشوف ناس تسررق من هالفلوس وانا ماتهمت لكن متوقع توقع عالي انه بيجي سررق وانا قلت لك بيني وبينك الزمن نشوف حال المساجد بعد سنتين او ثلاث او مباني الهيئه .. اذا تغير فيهن شيء قابلنني !

 

[SAM]

انا اقترح نعطي الاخ ال( مكرمة ) الي زعلان انها ما وصلته يمكن يعقل لووول

لا بس عجبني كيف انك انتقلت من نقاش سخيف و سطحي عشانهم ما اعطوا طلاب الثانوي المساكين الي اهلهم مشغلوين عنهم .. و الله مساكين طلاب الثانوي يصرفون على سكنهم و اكلهم و شربهم و يشترون سيارت من فلوسهم و يشتغلون بارت-تايم عشان يوفرون مصاريف الدراسه ..

و بعدين صرفت علينا حكاية ال10 الاف من عندك .. اسمها راتب شهرين مو 10 الاف ..

و بعدين دخلت بنقاش عن المطاوعه .. لوووووول ياخي وش تحس فيه

عادي يعني مكتوب علي اني اتناقش في موضوع واحد وماغير نقاشيي !! انا اعبر عن رايي في كل المكرمات !!

انت الي وش تحس فيه ! بعدين كانك عتبت على كلمة مطاوعه الي قالها اخوي guitaro وجاي تقولها الحين انت !؟

 

[bXNmbQ==]

مافيه احد مايبغى 10 الاف ريال

كلنا نبغى بس السؤال لو الكويت ماصرفت 10 الف ريال بتقعد تصيح عندنا سام ؟

المفرو يصرف للحريم الي يكونن بالبيوت يشتغلن بالبيت ولا لهن وظيفه اما انتم قريب بتكونن عندكم وظائف

 

[قناص]

بعض الناس تنطبق عليه :

إذا أكرمت الكريم كرمته *** وإن أكرمت اللئيم تمردا

و البعض الآخر لا يعرف الا العبودية و الإهتمام بمصالحه الذاتية ..
كل شخص حر برأيه و مش بالقوة نفرح و نطبل .. أنا و غيري
لنا مطالب ما تحققت .. و نقول أن القرارات الحالية جيدة ..
لماذا لا تزاد الرواتب و المكافأت و الضمان الإجتماعي لمواجهة
التضخم و إرتفاع الاسعار ؟!

 

[SAM]

مافيه احد مايبغى 10 الاف ريال

كلنا نبغى بس السؤال لو الكويت ماصرفت 10 الف ريال بتقعد تصيح عندنا سام ؟

المفرو يصرف للحريم الي يكونن بالبيوت يشتغلن بالبيت ولا لهن وظيفه اما انتم قريب بتكونن عندكم وظائف

ماهمني الكويت صرفولهم او لا همني مبدأ ان الشعب محتاج هنا لهذي المكرمه ووضحت ليه في ردود قببل بس الي يبي يسوي مشاكل بيسويها على اي شيء !
وهمني في الكويت ميزانيتهم وصرفو لشعبهم هالمكرمه الكبيره وحنا عندنا ميزانيه تسمح لنا اقل شيء بصرف نص هالمكرمه ! فيه ناس يحتاجونها ووضحت في وش يحتاجونها لو تراجع ردودي !

 

[Old School]

زي ماشفنا سرقات بـ جده وزي ماشفنا ناس في مناصب عاليه تسرق من فلوس الدوله !
بنشوف ناس تسررق من هالفلوس وانا ماتهمت لكن متوقع توقع عالي انه بيجي سررق وانا قلت لك بيني وبينك الزمن نشوف حال المساجد بعد سنتين او ثلاث او مباني الهيئه .. اذا تغير فيهن شيء قابلنني !

معلومة جديدة. توني أدري إن الهيئة و هيئة كبار العلماء المسؤوله عن مصائب جده. ثم هل بظنك رجل يخاف ربه يسرق؟ ثم و الله لو كانوا أهل العلم ممن انت تحتقرهم و تتهم بلا دليل بالسرقة والإختلاس هم على رأس الأمور المالية لما رأينا إختلاس ريال واحد لأنهم قوم يخافون الله في الحلال والحرام نحسبهم كذلك و الله حسيبهم عكس العلمانين و الليبرالين الي هم من تشوفهم على رأس كل مصيبة (رأيس تونس السابق مثال بالفساد وهو علماني ليبرالي.). أنا لا أمدح أهل العلم لمراكزهم و لألقابهم و لكن أمدح ثوابت الأمه الإسلامية الي أجمع الناس على دينهم و لو تبي أمثله إبشر.

هذا أخر رد لي بالموضوع هذا عشان ما يخرج الموضوع عن مساره. جزى الله الملك خير الجزاء على قرارته و إن شاء الله تجد هذه القرارات الأمين الصادق و تنفذ.

 

[alakafi]

وحين يجي عمر يقفل الموضوع


رواتب يبييي

انا مستغرب فقط في المنتديات العربية اي نقاش حامي او طويل وجدي

لازم يتقفل الموضوع مع تهديد ,

 

[L O R D]

بيض الله وجهك يابو متعب و بارك الله فيك ..
القرارات ممتازه واكبر المستفيدين الشعب نفسه , و ما انكر اني طمعت في زياده نسبة بسيطه للرواتب و المكافآت بدال ما تكون راتب شهرين لكن الحمد لله ..
بانتظار رؤية نتائج هيئة مكافحة الفساد :evil::

 

[SAM]

معلومة جديدة. توني أدري إن الهيئة و هيئة كبار العلماء المسؤوله عن مصائب جده. ثم هل بظنك رجل يخاف ربه يسرق؟ ثم و الله لو كانوا أهل العلم ممن انت تحتقرهم و تتهم بلا دليل بالسرقة والإختلاس هم على رأس الأمور المالية لما رأينا إختلاس ريال واحد لأنهم قوم يخافون الله في الحلال والحرام نحسبهم كذلك و الله حسيبهم عكس العلمانين و الليبرالين الي هم من تشوفهم على رأس كل مصيبة (رأيس تونس السابق مثال بالفساد وهو علماني ليبرالي.). أنلا أمدح أهل العلم لمراكزهم و لألقابهم و لكن أمدح ثوابت الأمه الإسلامية الي أجمع الناس على دينهم و لو تبي أمثله إبشر.

خلاص الامور بخير ومافيه احد بيسرق من هالميزانيه ابد وبالعكس بكرى بتلقى الهيئه معهم جيب لكزز ومبنى 6 ادوار .. وبتلقى في المساجد شاشات 3d للخطبه والامور بخيييير

اسفيين !

 

[ESRB]

الله يجزاه خير ويكرمه ويرفع قدره ابو متعب ، وافضل القرارت هو اللي يخص الهيئه ورجال الدين ... لكن بعض الناس ينطبق عليهم حديث الرسول صلى الله عليه وسلم :
(لا تكونوا إمعة تقولون إن أحسن الناس أحسنا وإن ظلموا ظلمنا ) او كما قال الرسول ، هذا هو حال البزران الحين

 

[The Doctor]

مشكور أبو متعب و الله يخليه لنا و يطول بعمره و يحفظ صحته
بس البلد محتاج تغييرات جذرية، سواء من الجهة الحكومية و لا من الشعبية.. و زي ما قالوا الأخوة، ترى الفساد المتفشي عندنا أصلاً بيمنع من تطبيق و الاستفادة من كامل ما ذُكر في الخطاب

أنا أهم شي أبغاه هو محاسبة علنية للجناة الحقيقيين في كارثة جدة و في انهيار سوق الأسهم... مافي شي يصير من دون سبب، و اللي شفناه لهالقضيتين إلى الآن مجرد هراء

 

[NES]

SAM

شاشات في المساجد ؟! منت صاحي , ويا أخي ما شاء الله تبارك الرحمن في الثانوية وبعد 10 شهور تقريباً يجيك راتب 2000 ريال ما أدري وش حارق رزك. شغلنا الشاغل الزيادة الي حصل عليها هيئة الأمر بالمعروف والنهي عن النكر.

على أي حال , قرارات ممتازة والحمد والشكر لك يا رب. الله يحفظك لنا يابو متعب ويعطيك ألف عافية.

 

[Byakkino]

احب ابشر المبتعثين ان القرار يشملهم

والحمدلله اولا واخرا وبشكر الله تدوم النعم

​

 

[bXNmbQ==]

خلاص الامور بخير ومافيه احد بيسرق من هالميزانيه ابد وبالعكس بكرى بتلقى الهيئه معهم جيب لكزز ومبنى 6 ادوار .. وبتلقى في المساجد شاشات 3d للخطبه والامور بخيييير

اسفيين !

احمد ربك ان عندك هيئه ولا تشوف الخراب بكل مكان

 

[Tiger]

الف مبرووووووووك على الزيادات

 

[m-oo-7md]

اطال الله بعمرك يا ملك الانسانيه

 

[guitaro]

السلام عليكم
يا أخ أولد سكول .. أولا انا ماانتقدت العلماء الله يحفظهم ولا الهيئة .. وكلنا عارفين أهمية الهيئة في البلد

لكن هالملايين اللي انصرفت في هالمجال .. مو كان لازم ينصرف مثلها في القطاع الخاص اللي الشعب نصه يشتغل فيها ؟
يعني اللي في البنوك مثلا أو غيرها .. مالهم شي !


مانكرنا القرارات الثانيه اللي منها زيادة القرض العقاري .. ( اللي هو اساسا المفروض يكون مليون ريال عالأقل )
يعني إنسان طبيعي وعلى قده مثلي ومثلك .. وده يملك بيت .. 500 ألف وش بتسوي في هالزمن ؟!

وبالنسبه لقرار الرواتب للعاطلين .. ممتاز ماقلنا شي ويعطيه العافيه ملكنا

لكن الملايين اللي بالهبل انصرفت .. أحسها مبالغ فيها .. أو كان المفروض يعطون الباقي بالمثل

انا قاعد اتكلم عن الناس البسيطه .. اللي تعيش على راتبها وبس .. هذي وش تستفيد ؟
كنت اتمنى اشوف زيادة لقرض الزواج .. أو إن قرض الزواج يكون مجاني للشعب مايحتاج تسديد

وكلمته لعدم المساس بالعلماء .. حلوه أوكي .. بس هم كان المفروض أنه يذكر الشعب نفسه ..
يعني معقوله كل الشعب نصه عساكر والنص الثاني علماء !!

قصدي إن المفروض يلقي كلمه تعزز الشعب .. مثلا .. اللي يقول كلمه مذهبيه ممنوع .. أو المفروض مايصير طائفيه في البلد .. أو مافي فرق بين فلان وفلان .. ولازم ننسى القبليه والتعصب

هالأمور الناس محتاجتها


أرجع وأقول .. لو طالع قرار واحد بس أنه يصرف فلوس للناس .. صغير وكبير ومهما كان يشتغل في قطاع حكومي أو خاص كان أفضل وأحسن

احنا ما عارضنا على الكلام أو القرارات .. بس كان المفروض يصير في قرارات أكبر وتغيير أقوى من اللي قاعدين نشوفه في هالزمن

والله يعز ملكنا والله يخليه ذخر لنا .. كان طلته علينا أحلى شي في هاليوم

 

["Shadow"]

احب ابشر المبتعثين ان القرار يشملهم

والحمدلله اولا واخرا وبشكر الله تدوم النعم

​

واللي بعد ما وصلوا بلد الإبتعاث ؟_؟

 

[Dr.MoDmEn]

قرارات ممتازه الحمد لله وتستحق الانتظار ... الله يوفق الي كان وراها 🙂

وإسمها "قرارات" وليست "مكرمه" .... المكرمه لما يجي واحد من برى ويتكرم علينا بفلوس من عنده .. لكن الوضع الحين انه "فلوس أرض تتوزع على شعبها" 🙂 .. وهذا موب كلامي هذا كلام الوالد ابو متعب الله يحفظه .

حتى لو كانت القرارات ماهي زي الي توقعناه لكن ماننكر انها قرارات ممتازه وبتفيد فئه كبيره من الناس ,, بس سؤالي هل أرامكو يشملهم الراتبين ؟ ارامكو حكوميه طبعا بس دايم القرارات ماتطبق عليهم زي باقي الوظايف الحكومه مادري عن حالهم بهذا القرار.

 

[G7Ga7]

انا مستغرب فقط في المنتديات العربية اي نقاش حامي او طويل وجدي

لازم يتقفل الموضوع مع تهديد ,

لأن للأسف النقاش في المنتديات العربية 90% من الأحيان راح يقلب هجوم شخصي بين الطرفين. مواضيع السياسية والدينية تتقفل هنا, لأننا عارفين انه مهما كان, أغلبنا -للأسف الشديد- ما يعرف يتقبّل الرأي الآخر ويحاول يخلي النقاش هادئ. وأقدر أتفهم هالشيء أمانةً, كون الدين والسياسة مواضيع حساسة, العاطفة تدخل على طول.