ماعندي مشكله مع الفكره نفسها قد تطبيقها السيء عشان لاحد يفهم اني بس ابي قتالات تدمر كواكب ومبالغات في موازين القوى مثل سوبر وحتى قلت في نفس ردي اني استمتعت بسوبر هيرو
في جي تي مثلا بيلاف وشلته عارفين غوكو وبينهم ماضي، هنا تتكلم عن اشرار ماعرفوا الابطال الا الان وحتى الابطال نفسهم مايدرون عن وجودهم من الاساس ولا صار اي شيء بينهم يخليهم يظنون ان فجأة غوكو وباقي الشله بيحسون باللي يصير في عالم الشياطين ويروحون يوقفون خطتهم اللي ماندري عنها، اللي شفناه من الحلقة انهم منفصلين بالكامل عنهم وحتى الخروج ويمكن الدخول بعد يحتاج كلمه سر. بعكس ارك ماجين بو وجي تي اللي كانوا الاعداء في كوكب الارض
نقطه تحولهم لاطفال اللي خلاني اتكرنج منها لما شينرون سأل وش تبي اسوي باللي هم الريدي اطفال وقال خلهم رضع لول، طيب ليش ماتخلي كل الشخصيات رضع وخلاص اسهل لك دامك تقدر، ليش تحدد ان الكبار يكونون لسه بوعيهم؟
كل اللي اطلبه ان الانمي يضع سبب منطقي للي بيصير ويمهد له كويس فقط مو يرمي اي شيء عشوائي عشان توصل الاحداث للاتجاه اللي يبونه، يمكن تحسون اني ادقق زيادة الصدق ذي اشياء لاحظتها وازعجتني رغما عني هي عادي لو تصير في حلقة حلقتين بس الخوف تستمر لنهاية الانمي بهذي الكتابة
غير انفصال كيبيتو والكاي الحين المانجا ودايما وجي تي كلها لور الانفصال واندماج البوتارا مختلفه، جي تي نقول مو كانون بس ليش الاختلاف مع المانجا على شيء سهل جدا تتفاداه ومايأثر على القصه؟ تخيل الحلقات الجاية كلها ريتكون عبيطه على كيفهم. تتكلم عن ناس حتى ابسط التفاصيل اللي مافيها اي تعقيد موعارفين يخلونها ثابتة
فاهم وجهة نظرك ترا 👍
المقصد إن الفكرة واضح إنها تسليكية من الترايلر/الإعلان الأولي
لهذا قلت المفروض ما نتوقع شيء ممتاز/مميز منها
كان واضح الطابع "الطفولي" ومحاولة اقتباس جو دراغن-بول الأول
مغامرات مرحة وقتالات عفوية وشطحات وكوميديا...الخ
فلا تتوقع منطقية وسردية ثابتة زي زد أو GT حتى
هالجزء مش ماخذ نفسه بجدية بينما عندنا سوبر إلي المفروض يكون تكملة حقيقية وجدية لدراغن-بول
فيه كمية هبد وتدمير شخصيات وأحداث طفولية/تسليكية
+ موضوع الاندماج أساسًا غبي، سواء في هالجزء أو زد أو سوبر
كل جزء يعطي تفسير مختلف للحادثة حتى يمرر أفكاره
خصوصًا سوبر إلي عطبها أكثر من غيره لأنه وضع حد زمني + تقني لاندماج البوتارا
إما تستهلك طاقة كبيرة وتستنزف الاندماج أو تصل للحد الزمني... أيهما أولًا
فيجيتو توه يقول صباح الخير وسدد كم ضربة إلا بووم انفصل حتى يتدخل الفارس ترانكس وينهي القتال
بينما اندماج الرقصة في فيلم برولي استمر فترة أطول وتحول مرتين بدون مشاكل واستهلك طاقة أكبر
طيب مش قلتم في زد إن اندماج البوتارا أفضل من الرقصة؟ من حيث الفعالية والقوة؟
خليك من فيجيتو... كاليفلا في بطولة الأكوان (اندماج بوتارا) واستهلكت طاقة أكبر وتحولت مرتين إن ما خانتني الذاكرة
لذلك أقول لك تابع ولا تدقق لأن دايما مش ماخذ نفسه بجدية
إذا على التناقضات والمشاكل فما شاء الله سوبر مش مقصر معنا 😅
