てぇBのتيZンجي
阿保かな/あぼかな/阿保かな
Murder Mystery of the Dead
__ حلقة (ما نعرف للآن بس ممكن تكون أقل من 12 أو حلقات أقصر من المعتاد)
_________ (الاستوديو بعد ما نعرفه)
العمل فيه مؤديات صوت من النخبة صدقوني! وبعد في هيكارو تونو جايبيها صدقة
تاريخ العرض هو الرابع عشر من نوفمبر (ما عرفت أنه بعيد غير بعد ما خلصت كتابة الموضوع ,_,)
القصة تدور في عالم منتشر فيه جائحة الزومبيز وبطلة القصة (البنت الي شعرها أشقر) تصحى في مكان غريب مع ذاكرة مشوشة. رح يساعدوها هي ورجال كان معاها يوم صحت 6 بنات. كل شيء رح يكون تمام لحد ما فجأة الرجال ذا يلاقوه مقتول. والقاتل بينهم من دون شك, وممكن القاتل ما يكون بنت كارهة للرجال ولسه رح تستمر في القتل!
أوكي طالما الآن شفت التريلر. قبل ما تزمرني بنظرات غريبة وتفكر "أنا المحنك الأنماوي أتابع أنمي CG!؟". هذا مش أنمي CG عادي! هذا عمل CG مقتبس من لعبة تيبل توب! "طيب؟" طيب؟؟؟ تعرف ايش يعني ذا الفاكت؟ هذا يعني!... ما يعني شيء @_@ هو الناس منجذبين له عشانه طالع في وجههم تجربة جديدة. لكن في الواقع. بالنسبة لليابان, أن لعبة تيبل توب تحصل على اقتباس مش شيء جديد.
(لعبة التيبل توب المقتبسة هنا. في العادة ما يتعدى طولها ال 200 دقيقة)
اليابانيين يحبوا التيبل توب بشكل عجيب. كثير سلاسل من بقاع العالم وصلت لهم وتشوفهم ممكن أكثر شعب يلعبها بجدية (ال DnD لسه في جيب الأماركة). حبهم لها ايش خلاهم يسووا؟ صاروا يعملوا كثير اقتباسات لها وفي مخلتف أنواع الميديا الي عندهم. مانجا, روايات خفيفة أو مرئية, سلاسل تلفازية أو يوتيوبية والآن أنمي @_@ وحتى مسرحيات متلفزة تنشر عنها.
في المسرحيات ذي يجيبوا مجموعة من ممثلي المسرح ويخلوهم يلعبوا اللعبة ذي بشخصيات معينة. المسرحية الي تابعتها أنا كانت للعبة تيبل توب مختلفة لكنها بنفس التطبيق تقريبا. تخلي الشخصيات تلعب بشكل ارتجالي. طبعا كل واحد فيهم رح يجي مع زيه ومع شخصية يحاول يمثلها. لكن ايش دوره في اللعبة ذي نفسها سواء كان طيب أو شرير محد رح يعرف غيره. كل الممثلين هنا فعلا ما يعرفوا ذي الأمور وجالسين يلعبوا بشكل حقيقي لكن طبعا مع الدخول في الشخصيات الي يحاولوا يتقمصوها. هذا يخليهم يصنعوا نصوص متجددة وسيناريوهات ممتعة. المتعة هنا طبعا تعتمد على مستوى تمثيلهم نفسه والشخصيات الي رح يمثلوها. والمسرحيات ذي ممكن تكون تفاعلية مع الحاضرين وتخليهم يشاركوا في التوقع تجاه حقيقة الشخصيات, وفي بين كل قرار يحصل استراحة تخلي الشخصية الي ماتت تسولف شويتين عن دورها الحقيقي وهل قرار اللاعبين تجاهها كان صح أو غلط.
لسه في معلومات كثيرة زيادة لكني لسه جديد عليها وبعد المسرحيات ذي شويتين صعبة تحصل عليها وفي العادة لازم تشتريها من مواقع يابانية ,_,
*الجزء الأول من لعب مجموعة ممثلات لها. الي فهمته أن التيبل توب ذا له قصة واحدة وممكن يحرق عليك التجربة لو نويت تلعبها مستقبلا؟ مش متأكد من ذي المعلومة @_@*
طيب كل ذا الكلام عن التيبل توب. والأنمي؟ ولا شيء. ما في أي شيء يحمس تجاهه. فعلا @_@ بس كونه أول تطبيق يمر علي للفكرة هو الوحيد الي جاذبني وبعد رسوم ال CG الخايسة ذي طالع فيها روح لسبب ما. كمان متأمل اخليه تجربة أسبوعية انزل فيها توقعاتي للأحداث المستقبلية وأشوف لو قدرت أصيد القاتل هنا قبل ما ينكشف عنه ويصير تجربة تفاعلية حقيقية لي ,_,
