نقاش أنمي خريف 2020| When They Cry NEW " مش ريميك " الرعب النفسي على اصوله

[MH MD]

ماذا؟ جفت النسخه القديمه ممتعه واذكر تابعتها بتعصب (وحراق عيون) لين النهايه @_@
الحين ما فهمت، هالنسخه ريميك ولا مب ريميك؟ العنوان قلت مش ريميك وداخل الموضوع قلت ريميك XD
لو ريميك بمسار جديد نو بروبليم بتابعه، اما لو نفس سالفة النسخه القديمه فما بضيع وقتي

أول 12 حلقة اغلبه "ريميك" بتغييرات معينة، والباقي احداث جديدة كليا

 

[Arashi]

أول 12 حلقة اغلبه "ريميك" بتغييرات معينة، والباقي احداث جديدة كليا

وايد زين، Added to the list .. تسلم

 

[SHINOBI-03]

عشان خاطر المراقبين بنكمل هنا.

هذا كان آخر رد كتبته

محتوى مخفي: الحلقة 4

* ساتوكو تساعد عمها و كسب رهان عن طريق معرفة الحصان الفائز. بدايةً قلت بتكون احدى أولى الخطوات لتحسين حياته بس اتضح بالنهاية أنه جزء من خطتها لنفسها





* ساتوكو بدأت تعلم نفسها استخدام المسدس، و هذا أعتقد أنه ناتجه الي صار بالحلقة 17 بالموسم السابق إن ماكان بيتوجه لشي جديد





* ساتوكو حقنت ميون باللعنة بعد ما انتبهت أنها ما صابها الجنون، يعني الحلقات القادمة بتركز عليها و على شيون.

 

[Black Wolf]

عشان خاطر المراقبين بنكمل هنا.

وعشان خاطري لاني انا فاتحه للموضوع

 

[Arashi]

بديت في اول 3 حلقات، انا خاتمه القديم من زمان ووايد حبيته وكنت متردده اتابع الريميك بسبب سوء الرسم ولأني ظنيت انه

محتوى مخفي: اللي ختم هالموسم يفتح السبويلر

مجرد تكرار للقديم

،

محتوى مخفي: اللي ختم هالموسم يفتح السبويلر

لكن قريت تعليقات ان الريميك مب ريميك اصلا وهو مكمل للقديم (مع ان القديم انتهى بنهايه تعتبر سعيده)

so far الانيمي جيد ومراجعة نفس الاحداث زينه للي شاهد القديم من سنين طويله ويحتاج يتذكر اشياء
وربي يصبرني على دلع البنات اللي حولين البطل، متى ندخل في الجد؟

 

[SHINOBI-03]

رجعنا لهالحركات؟

 

[Mr.Assassin19]

أيش وضع هذا الموسم وإلي قبله؟
ريميك؟ تكملة؟
ما تابعت الأنمي القديم وحبيت أبدأ بهذه النسخة الجديدة لكن تابعت 10 حلقات من البارت الأول وما فهمت شيء
لاحظت ناس في تويتر يقارنوا لقطات منه بلقطات القديم
وناس يقولوا ريميك + تعديل وتكملة

 

[MH MD]

أيش وضع هذا الموسم وإلي قبله؟
ريميك؟ تكملة؟
ما تابعت الأنمي القديم وحبيت أبدأ بهذه النسخة الجديدة لكن تابعت 10 حلقات من البارت الأول وما فهمت شيء
لاحظت ناس في تويتر يقارنوا لقطات منه بلقطات القديم
وناس يقولوا ريميك + تعديل وتكملة

ظاهره ريميك وباطنه تكملة، بمعنى النص الاول من اول موسم له ٩٩٪؜ منه اعادة احداث بس بعد كل ٣ او ٤ حلقات تطلع شوي احداث جديدة + تلميحات محشورة بالنص

من الآخر لا تشوفه لو ما شفت القديم او قريت الفيجوال نوفل الاصل، لانه يحرق كل احداثها الاخيرة ولا يبالي، يفترض انه عندك معرفة بهم

 

[SHINOBI-03]

أيش وضع هذا الموسم وإلي قبله؟
ريميك؟ تكملة؟
ما تابعت الأنمي القديم وحبيت أبدأ بهذه النسخة الجديدة لكن تابعت 10 حلقات من البارت الأول وما فهمت شيء
لاحظت ناس في تويتر يقارنوا لقطات منه بلقطات القديم
وناس يقولوا ريميك + تعديل وتكملة

هي مواسم جديدة تاخذ مسارات مختلفة عن السلسلة الأولى. الجديدة قاعدة تتبع نفس أسلوب الأصلية بحيث تعطيك موسم كله أحداث تصير بأسلوب غامض غير مفهوم و الموسم الي بعده يجيب عن كل الأشياء الغامضة الي صارت من منظور آخر.

 

[Caelum]

أيش وضع هذا الموسم وإلي قبله؟
ريميك؟ تكملة؟
ما تابعت الأنمي القديم وحبيت أبدأ بهذه النسخة الجديدة لكن تابعت 10 حلقات من البارت الأول وما فهمت شيء
لاحظت ناس في تويتر يقارنوا لقطات منه بلقطات القديم
وناس يقولوا ريميك + تعديل وتكملة

تكملة

 

[Mr.Assassin19]

ظاهره ريميك وباطنه تكملة، بمعنى النص الاول من اول موسم له ٩٩٪؜ منه اعادة احداث بس بعد كل ٣ او ٤ حلقات تطلع شوي احداث جديدة + تلميحات محشورة بالنص

من الآخر لا تشوفه لو ما شفت القديم او قريت الفيجوال نوفل الاصل، لانه يحرق كل احداثها الاخيرة ولا يبالي، يفترض انه عندك معرفة بهم

وش الريميك الغريب هذا
لا ما شفت القديم ولا الفيجوال ولا شيء
حسبته ريميك للسلسلة مثل نظام شامان كنغ وشفت أول 10 حلقات
حسيت نفسي ضايع شوي وأن القصة سطحية
أجل شكلي حشوف القديم

هي مواسم جديدة تاخذ مسارات مختلفة عن السلسلة الأولى. الجديدة قاعدة تتبع نفس أسلوب الأصلية بحيث تعطيك موسم كله أحداث تصير بأسلوب غامض غير مفهوم و الموسم الي بعده يجيب عن كل الأشياء الغامضة الي صارت من منظور آخر.

يعني لازم أشوف الأول أفضل حتى أفهم القصة والفكرة
لأني فعلًا لاحظت إنه يمسكوا شخصية وينتهي الأمر بموتها وهكذا

 

[Arashi]

خلصت الحلقه 13

محتوى مخفي

سالفة ساتوكو، وصح البارتات اللي قبلها جفت اختلافات بسيطه لكن هني بين اختلاف كبير. اظن الحلم اللي حلم فيه كييتشي انه يقتل تيببي في البدايه كان شي صاير في الانيمي القديم صح؟ ناسيه والله.

تلميحات ريكا لا تزال تقنعني اني قاعده أتابع تكمله ومب شبه ريميك حتى، وبصير تويست جذري يمكن على نهاية هالموسم او عالموسم الثاني (اللي لحسن حظي قاعد ينزل وانا ليلحين ما خلصت الاول XD)

بس بشكل عام، اجوف هالنسخه وايد لطيفه ومسالمه مقارنة بالقديمه وما حاسه بجو الرعب النفسي والشخصيات مادري شلون، مب بالجنون والهوس اللي جفته قبل!!! وفي censoring ماله داعلى على بعض المشاهد الدمويه. احنا نتابع مثل هالاعمال عشان نشبع غريزة الاجرام اللي فينا وهاذيله يايين يغطون علينا شوية طعنات

 

[Arashi]

الحلقه 15

محتوى مخفي

كأنها عرض مقاطع Game Over\Deaths مثل رزدنت ايفل4
لما ريكا قالت بتصبر على 5 محاولات وبعدها تنتحر قلت في نفسي "افففف 5 وايد، متى تمشي القصه؟"
بس الحمدلله اختصروا 4 في حلقه وحده. Still مقاطع القتل وايد أليفه والاخراج لطيف مقارنة بالنسخه القديمه بس يالله نمشيها

 

[SHINOBI-03]

الفصل الحالي بيكون خمس حلقات و في تطور جديد بالقصة
فيثرين أخبرت ساتاكو إذا ماتت قبل ما تموت ريكا فإنها بتنتقل لعالم جديد بدون ريكا، و بالمقابل ريكا مع هانيو بدأت تنتبه أكثر و أكثر بأن شي غلط قاعد يصير.

بس خبث ساتوكو بعده مستمر. الحين ناوية تحول عمها لكبش فداء لصالحها بعد ما اصطلحت أحواله و صار انسان أكثر طيبة.

 

[Arashi]

الحلقه 20

محتوى مخفي

طيب، رفرنسات Umineko زادت عن حدها خاصة لما طلعت ام قرون داخل الـShrine >_>
وso far التركيز على Rika وSatoko خرب اجواء الرعب النفسي اللي تعودت عليها في Higurashi (ادري قصتهم مهمه ولكن..)

بس اخخخخخ ليش دايما المدارس الداخليه تعور البطن

 

[Arashi]

وختمت الموسم الاول


ما توقعته يكون interesting لهالدرجه، حسبته بكون مجرد حلب للعنوان لا اكثر، بس والله قدر الكاتب يطلع بقصه حلوه تصلح تكون مكمله للأنيمي القديم (مكمله وليست ريميك)

محتوى مخفي

اذا بتكلم عن الاحداث الاخيره فكلها ريفرنسات مشتركه بين Higurashi و Umineko وهذا اكثر شي كان في بالي وانا اتابع الحلقات الاخيره XD
مثل Cat وMericle وCertainity و Ewa (oh oh) و100 years loop ومطاردة Satoko لـRika..الخ

بعيدا عن الريفرنسات فتعلق ساتوكو المبالغ فيه لريكا نوعا ما منطقي لبنات في مثل سنهم (اقصد بعد ما كبروا وصاروا مراهقات) وبسبب انهم عاشوا لوحدهم في بيت واحد.
ريكا اظهرت انانيتها لما طلبت من ساتوكو تنتقل معاها لمدرسه داخليه راقيه وهناك سحبت عليها لأنها لقت اللي تتمناه مع صديقات من المجتمع المخملي، ردة فعل ساتوكو منطقيه ولأنها حاولت تعطي ريكا فرص لكن ما جافت منها الا الخيانه فعاقبتها ورجعتها في الاخير للضياع في نفس الـloop اللي هربت منه.

نجوف الموسم الثاني

 

[SHINOBI-03]

محتوى مخفي: الحلقة 10 تطور جديد بالقصة

 

[SHINOBI-03]

و أخيرا يصير الي الكل كان ينتظره

محتوى مخفي: أيضاً عودة ضيف قديم لتأدية مهمته الأصلية

 

[Caelum]

انا في صدمة من بعد اخر حلقة ماني مقتنع ان الشخص الي كتب Gou-Setsu هو نفسه الي كتب أومينيكو
كمية العبط في الكتابة مو طبيعي وشي جيد اني اكتشفت مو انا بس ملاحظ هالشئ في ماي انمي ليست الاغلبية مو عاجبهم الي يصير والبعض يقولون ان كل الانمي اساسا رجعوا سووه علشان لعبة القاتشا الجديدة تبع هيجوراشي
الزبدة انه كنت متحمل لحتى اشوف اخرتها بس الحلقة الاخيرة الهي حسيتها parody xD غير التغيير المقيت الي سواه للشخصيات والي مو منطقي كمثال شخصية فيثارين ابدا ماكنت بالشكل هذا في اومينيكو وكان لها هيبة وكاريزما وهدوء طاغين عكس الي صاير هنا كنها شرير درجة ثالثة تضحك ضحكات شريرة بشكل شرير عشان تبين شرانيتها like what؟ برضو ماعجبني انه بالغصب بالغصب بيربطها باومينيكو. كان شي جميل يوم الرابط بينهم متروك للفانز يحللوه، ايضا سالفة ساتوكو كلها ماتدخل المخ جديا تقتل كل اصحابها وتعذب ريكا عذاب ابدي مرة ثانية علشان والله لا تروحين تدرسين وتخليني وانا اكره الدراسة ؟ .. اختي تراك قتلتي اصحابك 2934505 مرة بس علشان سبب تافه زي كذا ؟ وش صار على ساتوشي؟ وبالاخير الي يأثر بقلبها مب اي احد من اصحابها الي معذبتهم انما عمها ؟ مسخرة قسمبالله
انا بحذف هالموسمين من راسي ولا راح اعدهم كانون

 

[SHINOBI-03]

النهاية كانت كالمتوقع

الشي الوحيد الي ما توقعته هو ريكا و ساتوكو انفصلوا عن بعض.

 

[Primal]

المشاهدة الاسبوعية لهذا المسلسل تقتله
الافضل تشوفه ارك ارك او تشوفه دفعة واحدة

اتفهم الكره له خصوصا مع هالنهاية الي ما ادري كيف احد يتجرا يكرهها و dear you تشتغل فيها
لكن لا تهمشوا روعة انتقاله بين المشاهد و عرضها من منظور عدة شخصيات, شغل عبقري و رائع جدا

اول مرة اعجب "بريميك" انمي, ريميك مصنوع للمشاهد القديم

 

[OverHeaven]

الي ما ادري كيف احد يتجرا يكرهها و dear you تشتغل فيها

من جد! خلاص صار الموسم 10\10 والاغنيه عوضت عن كل الخراط والتفاهه اللي قبله
بلا شك هذا مايعني ان التلاعب بالمشاهدين سهل ولا شيء...

المهم نرجع للجد. انا دردبت Sotsu بعد حلقتين تقريبا لكن اقرا النقاشات في تويتر وmal و شفت اخر حلقتين مع التسريع من باب الفضول
بعيدا عن ان اغلب الموسم هذا ريكاب للي قبله وتضييع وقت، صراحه استحيت وانا اشوف اخر حلقتين وحاس بالفشيله ومالي دخل لول هواش اطفال ووحدة كل شوي تقول انا ماحب اذاكر واكره المدرسه لا وفجأة يقلب دراغون بول بعد عشان تكمل. حرفيا ماني مصدق ان هذي شخصيه كانت من التوب عندي نهاية السلسلة الاصليه وحتى وضعتها tier S
اشك حتى نفسي في الابتدائي بتقدر تستمتع في هذا الشيء.
الحمد لله الوالد مادخل علي وانا اشوفه ولا صرت هوملس واحد ميم are ya winning son
حتى Eua هذي اللي تشبه فيذارين حرفيا كل ظهورها تضحك زي المعتوهه وهذا ممتع وهذا ممتع
فرق كبير جدا عن شخصية فيذارين المميزة في يومينيكو

نهاية فارغه لاهم اللي ارضو فانز هيقوراشي الاصليه ولا اللي جابوا شيء حق فانز يومينيكو ولا اللي حمسوا المتابعين الجدد وحرقوا عليهم الغموض من البدايه. فعليا شيء تقول ليش استوى اساسا ومعقول فيه مجموعة اشخاص على راسهم ريوكيشي اجتمعوا مع نفسهم وقالوا هذا شيء يصلح نطلعه للناس. شيء محير فعلا
هذا بدون ما نذكر ان نهاية الرواية اصلا كانت بيرفكت وماتحتاج زيادة اي كان نوعها، اخ من الفلسفه اللي مالها داعي بس

 

[بندول]

Ryukishi07 Explains How Higurashi GOU and SOTSU Reinvent the Franchise

استمتعت كثير بقراءة المقابلة، اتفق مع ريوكيشي في بعض نقاطه هنا واشوفه سوا حاجات موفقة وكيف الفانز لما قالوا ان الموسمين جالسين يعيدوا تشكيل الفرانشايز فعلاً هالشي الي نوى عليه ابو الفرانشايز من البداية.

لسه جوانب معينة كانت Miss بالنسبة لي والتغييرات حليوة وبعض الاضافات ما كان لازم يحطونها.

 

[Arashi]

الرد بكبره Spoiler نهاية الانيمي

محتوى مخفي

شاهدت اخر حلقتين في يوم واحد ودخلت الموضوع والا اقرأ رد يلخص كل اللي في بالي

محتوى مخفي

صراحه استحيت وانا اشوف اخر حلقتين وحاس بالفشيله ومالي دخل لول هواش اطفال ووحدة كل شوي تقول انا ماحب اذاكر واكره المدرسه لا وفجأة يقلب دراغون بول بعد عشان تكمل.

شوي واضغط forward من الزهق والفشيله

حتى Eua هذي اللي تشبه فيذارين حرفيا كل ظهورها تضحك زي المعتوهه وهذا ممتع وهذا ممتع
فرق كبير جدا عن شخصية فيذارين المميزة في يومينيكو

لا هيبه ولا ثقل ولا هدف من الاساس مقارنة فيها، وحتى نهايتها كان مالها معنى.

نهاية فارغه لاهم اللي ارضو فانز هيقوراشي الاصليه ولا اللي جابوا شيء حق فانز يومينيكو ولا اللي حمسوا المتابعين الجدد وحرقوا عليهم الغموض من البدايه.

الانيمي يعتبر مكمل للقديم مب ريميك فالمفرو ض الفانز الجدد ما يتابعونه قبل ما يختمون القديم
اخر حوار عند القطار جفت انه بكبره تلميح لـUmineko خاصة لما ريكا وساتوكو قالوا:

We'll see each other again
Sooner than we think
When they cry
Whoever they cry

محتوى مخفي: حرق Umineko

وحوار القطار مشابه لحواراتهم في Umineko عن المطارده والهروب واللقاء والفراق وهني بس تأكدت ان الكاتب يبي يقول لك انهم نفسهم بيركاستل ولامبداديلتا (او عالاقل قرر الحين انهم نفس الاشخاص XD)
واذكر لما ختمت Umineko كنت أتساء عن حقيقة لامبدادليتا ان ليش قالت انها مجرد بنت عادية تروح المدرسة كل يوم وهالامور، الحين فهمت قصدها P:

 

[Marche]

بكتب ردودي حسب الآركات مثل ما كتبت في هالموضوع :

https://www.true-gaming.net/boards/...hi-no-naku-koro-ni-when-they-cry.17618/page-8

طبعًا لو حد لين الحين عنده تساؤل، هذا سيكول للأنمي القديم 100%، بس في نفس الوقت ممكن ينشاف لوحده، تحس به إيزي مود من ناحية الغموض، التلميحات أسهل، وهالشي نسبةً إنه ياخذ جانب الجمهورين في نفس الوقت، اللي شاف القديم واللي ما شافه.

السبويلرات بتكون شاملة للأحداث متضمنة القديم طبعًا.

محتوى مخفي: Demon-Deceiving Chapter

مستغرب إنه كييتجي قال حق البنات في المدرسة : "اخدعوا ساتوكو وقولوا لها أبوك وأمك عند البوابة، هل ما يدري؟ أو هذا تايملاين عايشين فيه؟ المفروض لا.
في تلميح لكون توميتاكي محقق في الشرطة.
يوم المحقق يتكلم عن الحرمة اللي ماتت، مع أنه يقولون بعدين في مدمن اعترف بقتلها، حاطين ولد بوضوح واللي هو ساتوشي.
أشكال اللي في العيادة للتصليحات واضح إنهم وراهم شي، وطبعًا نعرف إنه العيادة تابعة للجيش.
ريكا وكلامها إنه كيتجي يكذب عجيب، يدل إنها حافظة هالتايملاين.
صراحة انخدعت وتحسبت النهاية بتكون نفسها، بس للأسف ما تأكدنا لو كيتجي فعلًا انطعن ولّا لا، هو في نهاية الحلقة واضح إنه مرض، لكن هل رينا كانت مريضة بعد؟
وشو اللي دفع ريكا إنها تقتل ساتوكو وتنتحر، هل ساتوكو كانت مريضة؟ المفروض إنها كانت تتعالج حسب التايملاينز الثانية، شو اللي دفعها لهالشي؟

 

[Marche]

محتوى مخفي: 7+8

انا حرفيا بدأت انمغص من هذا العمل، اوكي انتاجيا واخراجيا افضل من النسحة القديمة، ولكن تعديلاتهم على مسار الاركات هي يلي مغصتني، حرفيا دمروا كل اشي رهيب تم تقديمه في العمل القديم وحتى يلي قدمه ريوكيشي، فكرة انهم يقدموا نفس العالم ولكن بخط زمني مختلف للأحداث النهائية في الارك بتعديل بسيط يؤثر على الخط الزمني لتختلف الاحداث، الفكرة حلوة بشكل عام ولكن تطبيقهم والنتيجة كانت مغص حرفي، بالاخير انا داخل على هذا العمل عشان اشوف تقلبات نفسية حادة .. جنون مفرط مش عشان اشوف دراما مصبوغة بشوية غموض، هذا الارك المفروض اشوف فيه الجانب الجنوني والمريض حق ميون مش عشان اشوفها بهذه الطريقة الكيوت وقال بدها تحمي يلي بتحبه وبتحبسه يعني في هذه النسحة بدل ما يعطي الدمية لرينا راح اعطاها لميون وعشان تغير الخط الزمني يلي المفروض تنجن فيه ميون، دمروا لحظات اسطورية في هذا الارك بهذه الطريقة، جنون وضحكات ميون الهستيرية بكلامها مع رينا وكيتشي... حبس شيون بهذه الطريقة وتعابير الخوف على وجهها... محاولة تعذيب كيتشي ... طعن كيشتي من بعد اختافائها لفترة... ظهورها بالمستشفى نهاية الارك بجنون ..... كلها لحظات اكثر من رائعة وروعة تم حذفها نهائيا من النسحة الجديدة واستبدالها بمشاهد كوميدية ورومانسية درامية تمغص مين الكاتب الحمار يلي سلموه العمل على النسخة الجديدة

يعني لو حكوا معي وسلموني كتابة هذه النسحة كنت طلعلتهم بأكثر انمي رعب نفسي ممكن تشوفوه بالدنيا كلها

مع ذلك بإنتظار الارك القادم .......

واضح إنك ناسي القصة الأصلية المشابهة لهالقصة...

محتوى مخفي: Cotton-Deceiving Chapter

هالآرك لخبطني شوي، ما عرفت منو ميون أو شيون في وايد لقطات.

بس الاختلاف الكبير فيه، وإنه لأول مرة نشوف ميون هي اللي تصاب بالمرض وتبدأ تقتل، ومب كييتجي / رينا / شيون، مثل الآركات اللي قبلها

عالعموم، تدخلات ريكا واضحة هنا أيضًا، أو خلنا نقول ريكا تتعامل ويانا كأنها شافت الأنمي القديم وحافظتنه.

في هالقصة، ميون هي اللي متقمصة دور شيون، وليس العكس، إلّا آخر شي، عرفت نفسها بأنها ميون، وهي كانت فعلًا ميون، للي ناسي وردي على بلاك وولف، اللي انجن في النسخة القديمة كانت شيون وليست ميون أصلًا.

مستمتع بالأنمي الصراحة، أكثر الأشياء اللي أشوفها من الردود اللي قريتها إنه ليش ما استوى نفس الشي في الأنمي القديم!؟@!؟@!؟@@؟@!

تراه سيكول مب ريميك للتذكير بس D:

 

[Marche]

محتوى مخفي: Curse-Deceiving Chapter

كيف ماتت ساتوكو في المهرجان إذا هي اللي خذت كيتجي للبيت؟
وصراحة كان في جو كبير من التوتر يوم خذته للبيت، مع أني متأكد إنه كان بيصير شي.
وأويشي هو ضحية المرض هذي المرة المفروض، شو اللي استوى أصلًا يوم خذهم للبيت؟

السؤال الأهم هو، ليش أصلًا عادت الدوامة؟

المأخذ الوحيد عندي في هالجزء إنه اللغز الرئيسي معروف، غيره الإنتاج أفضل بمراحل عن الجزء الأول خصوصًا.

 

[Marche]

محتوى مخفي: Cat-Deceiving Chapter

الرعب النفسي اللي تعيشه ريكا مب طبيعي، لأنها طلعت من الدوامة ورجعت لها لسبب ما، شي أسوأ من الدوامة اللي كانت فيها قبل.
وعرفنا إنه السيف موجود لتخليصها من الدوامة، قرارها إنها تجرب 5 عوالم فقط وبعدها توقف + تتذكر كل موتة شي يديد عليها.
لقاءها بأكاساكا كان رائع، والصدمة اللي صارت بعد خلّتني أبطل عيوني.
العمال في العيادة وجودهم مشابه لأول تايملاين.
أخيرًا صدمة ساتوكو ويبدو إنها تحتفظ بذكرياتها بين العوالم نفس ريكا، أول شي تحسبتها تتذكر نفس كيتجي في الجزء الأول، مب إنها نفس الشخص.

أحسن جابتر لحد الآن، شعور بالتوتر وحصّلنا معلومات جديدة، متحمس للقادم.

 

[Marche]

محتوى مخفي: Village-Destroying Chapter

هالآرك هو البداية الحقيقية، ويسبق آركات هالجزء كلها من ناحية الترتيب.

اللي زعلانين على *تخريب* شخصية ساتوكو... من زين شخصيتها أصلًا، أسوأهم كانت وبفارق كبير، وغير إنه عندي شي ضدها كونها ما تحاسبت عن قتل أمها وأبوها يوم دفعتهم من الجبل، حتى لو كانت مريضة في وقتها، بس بعد، تحس الشخصية ما خذت جزء من جزاءها بغض النظر.

عجبتني أحداث هالآرك، ومثل ما انقال، ريكا كانت غلسة شوي، يعني حاولي تسمعين، ساتوكو ما سوّت اللي عليها فعلًا، وما كانت مغصوبة، بس تراها ياهل، وما تعرف تتصرف صح، أتوقع الكل كارهنها بهالشكل لأنه معاناتها ولا شي جدام ريكا، وهالشي صحيح، بس هالمواضيع نسبية، وأعرف ناس في الحقيقة أنانيين أكثر منها.

باخذ بريك بشوف كم شي وبعدها بكمل جزء Sotsu

 

[Marche]

محتوى مخفي: Demon-Revealing Chapter

بعد ما اتضحت القصة الحقيقية، فعليًا مختلفة اختلاف كبير عن القصة الأولى من الجزء الأول.

هل أول مرة نشوف أم رينا بشكل واضح؟ ما أذكر صراحة.
ندم ريتسوكو حلو وأتوقع هذي أول مرة نشوف الجانب الجيد منها؟ بس موتتها حقيرة، وما كانت تستاهلها لأنها حرفيًا كانت تبغي أبو رينا ما ايي مرة ثانية.
ريكا وفرحها إنه كيتجي وثق برينا، وفي النهاية هالشي انجلب عليه، حسيت بحزنها وصدمتها.

هذا أكثر جزء Higurashi سوءًا من ناحية التقييم، بس القصة الأولى استمتعت فيها جدًا، والتوضيحات وتقديمها ممتازين، باقي لي 4 قصص!