خريطة Dubai Mall (أكبر مول في العالم)

[Naif]

من مجلة تايم آوت دبي (آسف الصور كبيرة شوي بس على شان يبين الكلام)

SEGA Republic العام القادم 🙁


بعض الحقائق المذكورة في المجلة:
- 14000 باركينج
- المول بحجم 50 ملعب كرة قدم
- 1200 محل
- 10 مليون ليتر الماء في أكبر حوض أسماك في العالم (داخل المول)
- 33000 مخلوق مائي في حوض الاسماك تضم أكثر من 58 فصيلة و أكثر من 400 قرش
- 160 مطعم
- 450 شقة مفروشة و 250 غرفة في فندق خمس نجوم المرفق بالمول

30 أكتوبر الافتتاح (الجزء الاول) بعد سبع ايام تقريبا.. لكن العديد من الاشياء بتفتح العام القادم و اللي بعده..

 

[king zell]

طيب لو بطلع من محل و بروح لواحد ثاني في آخر المجمع أركب تكسي؟

 

[Xeno]

ماشالله إبداع. أهم شي الفندق المرفق. 😎:

شخصيا دائما أحب المولات الصغيرة الملمومة، أو اللي فاضية لول، الصيف الماضي (أيام إي 3) كنت أسبوعين فكمبنسكي فمول الإمارات.. حج مب تسوق. :crying:

 

[Naif]

طيب لو بطلع من محل و بروح لواحد ثاني في آخر المجمع أركب تكسي؟

لوول لهذي الدرجة العيازة.. حاليا العذر عند اهل الخليج يوم يسالونهم ليش ما يمشون يقولون الجو حار.. تريد تكسي بعد داخل المول لووول

بس اعتقد يحطون شي مثل السيارات الصغيرة اللي في مركز ابن بطوطة

 

[Zero]

50 ماذا ؟ 😵 ، 50 ملعب كرة قدم ! 50 وإلا 5 ؟!

أتذكر شفت صور تخيلية من زمان ، السمك مع الزجاج في جميع أنحاء المجمع شكله بيصير واو ! .

 

[Snake-87]

- 450 شقة مفروشة و 250 غرفة في فندق خمس نجوم المرفق بالمول

بس ؟ حده شوية على الزحمة الي بتصير

الراشد FTW

 

[iCon]

14000 باركينج

اهم شي بالنسبه لي لاني اكره اروح اي مكان في دبي و السبب قلة المواقف

 

[Isaac]

واو 400 قرش !!

أتخيل لو تصير كارثة ويتكسر قزاز الأحواض .. ويرتفع معدل المياه في المول وتشوف الأسماك تنهش في البشر اللي قاعدين يتسوقون!! إنترستنق!! 😀

 

[G7Ga7]

ما شاء الله ...

- 10 مليون ليتر الماء في أكبر حوض أسماك في العالم (داخل المول)
- 33000 مخلوق مائي في حوض الاسماك تضم أكثر من 58 فصيلة و أكثر من 400 قرش

ابي اشوفه 🙁

 

[The_One]

والله حجمه كبير لكن أهم شيء أن يكون فيه شيء يميزه عن باقي المولات غير الحجم ..مثل سكي مول الإمارات..

واو 400 قرش !!

أتخيل لو تصير كارثة ويتكسر قزاز الأحواض .. ويرتفع معدل المياه في المول وتشوف الأسماك تنهش في البشر اللي قاعدين يتسوقون!! إنترستنق!! 😀

Best disaster movie idea....

 

[Solid Snake]

هذا اللي فالحين فيه احنا العرب .. اكبر مول واكبر برج في العالم، ما عندنا غيرهم .. <.<

اكثر شي لفت نظري هو حوض السمك + Sega republic !

 

[Double T]

دايما اسأل نفسي اذا شفت مولات كثيرة و كبيرة .. هل في ناس تشتري منها ؟!؟!؟

لكن هذا مرة كبير ما شاء الله .. دبي قريبا بتصير صاحبة اكبر " كل شي " في العالم ما شاء الله

واو 400 قرش !!

أتخيل لو تصير كارثة ويتكسر قزاز الأحواض .. ويرتفع معدل المياه في المول وتشوف الأسماك تنهش في البشر اللي قاعدين يتسوقون!! إنترستنق!! 😀

مدري ليش على طول طرى على بالي فلم Eraser خخخخخ

 

[Still Alive]

المولات في دبي عددها صار أكثر من الدكاكين الصغيرة (ما ابالغ)

بس هذا عاد إمتلاااااااك مضبوط... وعدد الباركنات ما اتوقع رح يكفي, خصوصاً بأول يوم من الإفتتاح بتصير هوايل

 

[BioMario]

ما شاء الله تبارك الله ..
للأسف كنت متحمس لسيجا أتوقع رح تفتح قريب ..

 

[Andrew X]

دايما اسأل نفسي اذا شفت مولات كثيرة و كبيرة .. هل في ناس تشتري منها ؟!؟!؟

لا..اتوقع اغلب اللي يروحون المولات الكبيرة لتمشية وللمطاعم..اما بنسبة لشراء فيعرفون الناس المحلات اللي سعرها مقبول ويشترون منها

 

[Ash Storm]

صغير! كنت اتوقعه اكبر!




لول ما شاء الله عملاق! اكثر شي متحمس اشوفه هو حوض الأسماك الي راح يكون فيه!

 

[King Wario]

دايما اسأل نفسي اذا شفت مولات كثيرة و كبيرة .. هل في ناس تشتري منها ؟!؟!؟

لا..اتوقع اغلب اللي يروحون المولات الكبيرة لتمشية وللمطاعم..اما بنسبة لشراء فيعرفون الناس المحلات اللي سعرها مقبول ويشترون منها

لول الناس ما تشتري منها ما كنا بنشوف كل يوم مول جديد ينفتح واكبر عن اللي قبله وملايين تنصرف عليه .. غير ان اكبر المحلات والاسماء المعروفة تتسابق عليها

 

[Tomb raider]

نايف يالله الاسبوع الياي !!!!!!

اتمنى شي فيرجن هناك ، بستانس !

أتخيل لو تصير كارثة ويتكسر قزاز الأحواض .. ويرتفع معدل المياه في المول وتشوف الأسماك تنهش في البشر اللي قاعدين يتسوقون!! إنترستنق!! 😀

فال الله ولا فالك ياخي يمكن انا كون هناك تبغيهم ياكلوني ؟!؟!

 

[Andrew X]

^بس احيانا تكون اسعار البضاعة اللي فيها مب صاحية ولو تروح اي سوق ثاني تلقا نفس البضاعة و ارخص..الله يهنيهم على كل الحال اصحاب السوق والزباين اللي يشترون من عندهم :whistle:

 

[Double T]

الشي الوحيد الي يخليني اقتنع بهذي الأشياء ان التاجر مستحيل يفتح شي ما يجب له فلوس غير كذا ما عندي جواب لوووووول 😀

 

[EPIC FAHAD]

والله شي جميل بس احس الامتلاك بيكون في حوض السمك

 

[s3rorh]

اشوي ,والمجمع يصك على منطقه الجهراء ألي عندنا من حيث المساحه ( الجهراء مقسومه على 4 أحياء ... تيماء,القصور,النعيم,العيون)
XD

 

[S n A k e]

بيدخل كتاب قينيس 2009 خخخ المجمع اسطوري

 

[NiGhTMaRe]

بعض الحقائق المذكورة في المجلة:
- 14000 باركينج
- المول بحجم 50 ملعب كرة سلة
- 1200 محل
-مليون ليتر الماء في واحدة من أكبر أحواض الأسماك في العالم (داخل المول)
- 33000 مخلوق مائي في حوض الاسماك تضم أكثر من 58 فصيلة و أكثر من 400 قرش
- 160 مطعم
- 450 شقة مفروشة و 250 غرفة في فندق خمس نجوم المرفق بالمول
30 أكتوبر الافتتاح (الجزء الاول) بعد سبع ايام تقريبا.. لكن العديد من الاشياء بتفتح العام القادم و اللي بعده..

Fixed

واحب اضيف بعض الحقائق:
-أكبر دور سينما في دبي (22 قاعة)
-أكبر ردهة طعام في دبي
-أكبر سوق ذهب في العالم (220 محل)
-حلبة جليد بحجم أولمبي! (للتزلج ولإقامة مباريات الهوكي وكذلك العروض على الجليد)
-أكبر محل ألعاب أطفال (دمى وماشابه) في العالم اسمه Hamleys
-مكتبة ضخمة من اليابان اسمها Kinokuniya
-نافورة موسيقية ضخمة أكبر بـ 25% من التي موجودة في Bellagio في لاس فيغاس

 

[Naif]

ملعب كرة قدم..

EMAAR’s most ambitious retail development yet, The Dubai Mall will comprise five million square feet of retail space, additional residential and retail amenities. The mall itself, over 50 soccer pitches in size, will be the largest single shopping space in the world, ahead of both Edmonton Mall, Canada, and the Mall of America, Bloomington, Minnesota.

http://www.middleeastevents.com/site/pres_dtls.asp?pid=159

أما بخصوص حوض الاسماك فعلا هو واحد من اكبر احواض الاسماك بس يمتلك أكبر واجهة عرض في العالم.

 

[Gon freeces]

-أكبر محل ألعاب أطفال (دمى وماشابه) في العالم اسمه Hamleys
-مكتبة ضخمة من اليابان اسمها Kinokuniya

يفتحون هامليز و كينوكونيا بالإمارات ؟!111111111111

ميجاتون

هامليز حيكون أكبر من اللي بلندن ,أومج (هامليز اللي بريطانيا مرة رهيب , يبيعوا الWands الأصلية لهاري بوتر , والتشيس بورد الي كان بأول كتاب , وأشياء ثانية متعلقة بLoTR\The Dark Night

كينوكونيا , مانجا ياباني و أمريكي :OOOOOOOOOOOOOOOOOOOOOOOOOOOOOOOOOOO

 

[Tomb raider]

يفتحون هامليز و كينوكونيا بالإمارات ؟!111111111111

ميجاتون

هامليز حيكون أكبر من اللي بلندن ,أومج (هامليز اللي بريطانيا مرة رهيب , يبيعوا الWands الأصلية لهاري بوتر , والتشيس بورد الي كان بأول كتاب , وأشياء ثانية متعلقة بLoTR\The Dark Night

كينوكونيا , مانجا ياباني و أمريكي :OOOOOOOOOOOOOOOOOOOOOOOOOOOOOOOOOOO

يس بيفتحون شوف الصوره :

 

[Still Alive]

الغريب كل هالردود وللحين ما انذكر موقع المول؟


تعديل: اوكي توني لاحظت برج دبي في الصورة بالزاوية... واااو :w00t: الغريبة اني وايد امر من الطريق الى قربه, بس عمري ما حطيت ببالي او توقعت انه هذا مول !!

 

[Tomb raider]

الغريب كل هالردود وللحين ما انذكر موقع المول؟

في شارع الشيخ زايد عند برج دبي لول المكان مشهور مافي داعي نوضح خخخخ

واذا قصدك الموقع في الانترنت هذا هو

http://www.thedubaimall.com/content/enter.asp

 

[NiGhTMaRe]

ملعب كرة قدم..

والله انا اشك بهالشي ,, 50 ملعب يمكن حجم ملاعب العشب الصناعي ..
لأن لو ملعب مثلا يتسع لـ20 الف متفرج شي مستحيل ,, قيسها بالصوره ما بتشوف غير 6 ملاعب بالكثير