خروج مبكر للمنتخب الازرق 000000000

[Captain Jack Sparrow]

خرج المنتخب الكويتي من تصفيات كأس اسيا 2007 على يد المنتخب الاحمر (البحريني)
2-1 المباراة كانت حلوة لكن المنتخب الاحمر تفنن فيها و الازرق ضيع فيها كثير مع انه كان قادر على انه يعدل النتيجة او يزيدها
للاسف فقدنا منافس قوي على البطولة
:cryy:
كذا البطولة راح تضعف بعض الشي
اخيرا مبروك للمنتخب البحريني و هاردلك للمنتخب الكويتي و ان شاء الله نشوفه في البطوله الي بعدها
و بالتوفيق لجمبع المنتخبات العربية المشاركة في البطوله
واتمنى انه الكأس يكون من نصيب احد منهم

 

[Uzumaki Naruto]

ما شفت المباراة .. بس كان ودي ان البحرين تتأهل ( الى الحين أذكر لعبهم بواحده من البطولات الي راحت كانوا يفتون ) .. الكويت .. وين الكويت أيام بشار عبدالله " i think that was his name " ?

ألف مبروك للبحرين .

 

[Captain Jack Sparrow]

و الله البحرين صارت من افضل المنتخبات الخليجية و انا اتوقع انها راح تنافس على البطولة
بقوة و اتوقع انها راح تفوز ببطوله الخليج =======> انا شخصيا ارشحها على المنتخب السعودي و القطري
اما الكويتي ما في امل يجيبها اذا استمر يلعب بهالمستوى الهزيل

 

[53]

اما الكويتي ما في امل يجيبها اذا استمر يلعب بهالمستوى الهزيل

حرام عليك والله الكويت لعبت بس للأسف الحظ ما كان معاهم .. خاصتا الشوط الثاني المنتخب الكويتي مسكوا اللعب تقريبا كله .. بعدين المدرب داش علشان التعادل وهذا سبب كبير وإهو الي خلا اللاعبين يترخون باللعب .. و لو تلاحظ إن المنتخب الكويتي تحسن لعبه حيييل عن السنوات الي قبل .. يعني إهما صج خسروا بس قدمو مباراة حلوه .. وما أنكر إن المنتخب البحريني لعب وشد حيله ويستاهل الفوز صراحه .. ومشكورين

 

[Xeno]

صراحة... الكويت لعبت مباراة العمر, بس البحرين تأهلت لأداءهم فالشوط الأول واستغلال الفرص, وهذي الكورة.

 

[Death match]

منتخب الكويت انتهى خلاص مو هو المرعب الي ضرب حتى الشيك بأرضها خلاص راحت الأيام قالوا العيب من اللاعبين وقالوا العيب من الاتحاد وقالوا العيب من المدربين ؟ ولحد الحين ما عرفنا السبب

الف مبروك يوسف ترى يوسف الي هو ASWD بحريني متعصب يا جماعة بعدوا عنه 😛

 

[persona]

.. الكويت .. وين الكويت أيام بشار عبدالله

الله لايعودها من ايام
بعدين البطوله بالعقل، اربع مستضيفين؟ شنو قاعدين يلعبون مالتي بلير؟.

 

[Kaze]

مبروك لفريقنا

اللعب كان محترم مثل ما تعودنا بس لا ياخذهم الغرور خبركم بحرينين بسرعة ينقص علينا P:

 

[Bounty]

لوووول هذا تسمونه منتخب الكويت ؟ هذا منتخب الكويت النسائي .. اقسم بالله ما يدرون وين الله قاطهم ... المشكله اللاعبين نفسهم مو حاسين فيننا .. خلاص انا عن نفسي ما راح افكر بكرة القدم الكويتيه .. ولا العربيه اساسا

 

[The Last Fantasy]

شفت المباراة ..
كانت جيدة والله .. المنتخبين ضيعوا فرص هامة ومؤكدة .. لكن البحرين كان الأفضل في استغلال الفرص ..

غير أن الدفاع الكويتي يهبط مرات ويرجع مرات .. الهدف الثاني دليل واضح على كلامي .

عموما .. منتخب الكويت حاليا مش مثل منتخب الكويت زمان .. الفريق اللي كان يرعب الكل في دورات الخليج وكأس آسيا ..

 

[ASWD]

الله يبارك فيك بسام..شدعوة يبا متعصب على كورة لوول

عموما مو مأمل كثير على تأهل منتخبنا دام المسؤلين عن اتحاد كرة القدم ماتغيرو..ضيعو علينا فرصة العمر للتأهل لكاس العالم يوم جابو لنا المدرب المعوق*لوكا*..وللحين يظل سبب رحيل ستريشكو غامض..ولو ظل مع المنتخب احتمال كبير نتأهل لكاس العالم الماضية

يالله مبروك لكل المنتخبات العربية اللي اتاهلت

 

[Captain Jack Sparrow]

لوووول هذا تسمونه منتخب الكويت ؟ هذا منتخب الكويت النسائي .. اقسم بالله ما يدرون وين الله قاطهم ... المشكله اللاعبين نفسهم مو حاسين فيننا .. خلاص انا عن نفسي ما راح افكر بكرة القدم الكويتيه .. ولا العربيه اساسا

و الله بصراحة منتخب الكويت انتهى نهائيا و ما عاد ذاك المنتخب اللي يخوف زي اول
اول كان في الهويدي و بشار و بدر حجي و عصام سكين و احمد المطيري و حسين الخضري و احمد جاسم و ناصر السوحي الله يرحمه و غيرهم من اللاعبين اللي ما تحضرني اسماؤهم
اما الحين بصراحة مافي لاعبين غير يعقوب الطاهر و مساعد ندا و الباقيين و علي الشمالي
شفتو الفرق بين اول و الحين؟؟؟؟؟؟؟؟؟؟؟؟؟؟